Џон Дрејк, началникот на полицијата во Нешвил, му се обратил на напаѓачот со женска заменка, но на прашањето на новинарите појасни дека Одри Елизабет Хол се изјаснила како трансродова личност. Сè уште не е јасно дали напаѓачот е официјално идентификуван како жена или маж.

Полицијата во Нешвил објави видео на кое се гледа како напаѓачот влегува во училиштето. На снимката, која се чини дека е од надзорните камери во зградата, се гледа како Одри Хејл пука во влезната врата и потоа се качува низ скршеното стакло за да влезе.

Таа носела црвена капа, маскирни панталони и нешто што личело на заштитен елек. Хејл носеше автоматска пушка во едната рака, додека второто слично оружје висеше од нејзиниот лев колк.

Полицијата претходно објави слики од местото на злосторството на кои се гледа дека Одри Хејл се подготвува да пука кога пристигнала полицијата. Според полицијата, таа пукала во нивните возила додека се приближувале.

Портпаролот на полицијата изјави за „ABC News“ дека Хејл е родена како жена, но истакна дека нејзиниот профил на социјалните мрежи вели дека ја користела заменката „тој“. Во краткото телефонско интервју за „ABC News“, мајката на Хејл, Норма, вели: „Многу, многу е тешко во моментов“. „Мислам дека денес ја изгубив ќерка ми“, рече таа.

Еден сосед на семејството изјави за „ABC News“ дека Одри Хејл живеела во семејната куќа со нејзините родители, кои ги опишал како „многу добри“ и „многу религиозни“. Хејл дипломирала на колеџот за уметност и дизајн во Нешвил во 2022 година, потврди претседателот и извршен директор на училиштето Сајрус Ватандост за „ABC News“.

„Додека беше во нашето училиште, таа беше талентиран уметник и добар ученик“, рече Ватандост. „Нашите мисли и молитви се до нејзиното семејство, жртвите и нивните семејства и нашиот град. Објавата на Фејсбук страницата на училиштето, која во меѓувреме е отстранета, покажа дека Хејл заработила најмалку една награда за добри академски перформанси.

„Покрај уметноста, уживам во играње игри, гледање филмови и спортување“, напиша Хејл на својата лична веб-страница. „Има еден детски дел од мене кој сака да трча низ игралиштето“, додава таа во напишаното.

Госпоѓата потрошила 11.000 фунти на добивање на возачката дозвола и конечно ја добила по 960-тиот пат. Иако се сè случило уште во 2009-та година, Ча Са-Сун овие денови повторно станала вистински хит, откако на „Reddit“ повторно се појави веста за нејзината макотрпна мисија за положување на возачкиот испит.

Ча Са-Сун во април 2005-та година прв пат имала писмен испит, но за жал, не била успешна. Меѓутоа, тоа не ја спречило и продолжила повторно да полага, сè додека не положила – секој ден, пет дена во неделата во текот на три години.

Не се откажала

Потоа тоа го намалила на два пати неделно, додека конечно не го положила писмениот тест, во својот 860-ти обид. Уследила борба за возачката дозвола со полагање на испитот за возење, па од 960-тиот обид успеала да положи. Во обидите се вброени и писмените тестови и испитите за возење.

„Hyndai“ кога дознале за нејзината приказна решиле да и подарат автомобил. Потоа завршила и нивна реклама.

Обвинението е објавено во саботата и го товари Сергеј Черкасов, за кој американските разузнавачи веруваат дека е елитен „нелегален“ оперативец на руската воена разузнавачка агенција ГРУ. Черкасов со години се претставувал како бразилски државјанин со име Виктор Мулер Фереира.

Черкасов магистрирал надворешна политика на САД на Универзитетот Џон Хопкинс и бил на пракса во "ICC", а бил приведен по пристигнувањето во Холандија.

Холандските разузнавачки служби подоцна го објавија неговото вистинско име и детали за неговата приказна, но не го уапсиле, туку го депортирале назад во Бразил, каде што бил осуден на 15 години затвор под обвинение дека со измама набавил и користел бразилски документи.

Неговиот обид да се инфилтрира во "ICC" доби дополнително значење по одлуката на судот претходно овој месец да го обвини рускиот претседател Владимир Путин за воени злосторства. Ако Черкасов успеел да работи во судот, тој потенцијално ќе можел да пристапи до судската е-пошта и до други чувствителни информации.

По неговото апсење во Бразил, Русија брзо покрена барање за негова екстрадиција, признавајќи дека тој е Сергеј Черкасов, но инсистирајќи дека тој е криминалец во бегство од обвиненијата за трговија со дрога во Русија, а не оперативец на ГРУ. Обидот за екстрадиција на оперативци или имот врз основа на измислени кривични пријави е тактика што руските власти веќе ја користеа и во минатото, пишува Гардијан.

Обвинението од 46 страници во САД е преполно со неверојатни детали, вклучувајќи и наводни пораки што Черкасов му ги испратил на својот претпоставен кога му била понудена позиција на Универзитетот Џонс Хопкинс: „Успевме, не можам да верувам. Дојдовме до врвот на ридот“, се вели во една порака.

Подоцна, кога добил американска виза, Черкасов напишал: „Работата е завршена - ќе одиме во САД. Ќе одиме таму со статус на врвен фраер со фантастични можности за работа“.

Во обвинението се наведени и локациите на местата и скривалиштата кои Черкасов му ги предложил на претпоставениот, каде што можел да остави комуникациска опрема или пораки.

Јавното објавување на деталите од обвинението е веројатно американски обид да се изврши притисок врз Бразил да не го екстрадира Черкасов во Русија.

Исто така, целта може да биде да се засрами ГРУ бидејќи се добива впечаток дека Черкасов можеби бил идентификуван и следен неколку години пред неговото апсење и содржи многу примери на изненадувачки лоши вештини.

Черкасов е еден од бројните осомничени илегалци со сомнителен јужноамерикански идентитет, кои беа уапсени во последните месеци. Норвешка го приведе Хозе Асис Џамарија, „бразилски истражувач“ кој неформално работел на Универзитетот во Тромсо.

Минатата недела протекоа информации за брачен пар уапсен во Словенија, за кои властите во Љубљана веруваат дека се илегалци кои работат за СВР, руската надворешна разузнавачка служба.

Арестович за „ТВ ЛТР“ прокоментирал дека западните земји ќе и достават на Украина оружје со долг досег дури на лето 2023-та година. Тој смета дека без далекосежно оружје украинските војници ќе пролеат многу крв.

Претходно е објавено дека Пентагон планира да прати тенкови „Абрамс“ во Украина дури на есен.

САД ќе пратат тенкови „М1 Абрамс“ во Украина подоцна оваа година. Тоа го пренесува „New York Times“.

Тенковите ќе доаѓаат од старите „М1 А1 Абрамс“ во служба на Вооружените сили на САД. Пред праќањето во Киев, ќе бидат поправени и модернизирани. Се очекува дека процесот на подготовка ќе трае неколку месеци.

Првобитниот план бил во Украина да се пратат 31 најнов „М1А2 Абрамс“. Процесот на склопување на овој модел би можел да трае од година до две. Американските службеници рекле дека е донесена одлука да се испорача постара верзија на тенкот која би можела да се земе од воените резерви. Покрај тоа, се нагласува дека на украинската војска ќе и биде полесно да научи како да ги користи и одржува „М1А1“.

Претходно медиумите објавија дека е завршена обуката на украинската војска на тенковите „Леопард 2“. Се нагласува дека обучените екипажи заедно со тенковите ќе се вратат во Украина во март 2023-та година.

Според изворот на Нова.рс, децата плачеле, а итната помош веднаш излегла на местото на инцидентот за да им пружи лекарска помош на децата.

Кучето наводно влегло во зградата за време на големиот одмор, некои деца го хранеле, а тоа наеднаш почнало да ги гризе. Соговорниците на порталот додаваат дека родителите се бесни, а посочуваат дека во ова училиште нема ниту училишен полицаец.

Неодамна слично нешто се случи во основното училиште „Бранко Ќопиќ“ во Видиковац, на часот по физичко, кога момче беше каснато од неколку кучиња скитници.

„Мило ми е што ја префрлив добрата форма од клубот и на репрезентативните настапи. Мислам дека треба да бидеме задоволни со овие две победи, а сега треба да размислуваме за следниот мини циклус во јуни. Тогаш нѐ очекуваат дуели со Украина и со Англија и клучен момент е сите да бидеме стандардни во клубовите и да имаме голема минутажа. Така ќе имаме и добар ритам за дуелите што ни претстојат во националниот тим. Овој денешен натпревар беше одлична можност и некои други фудбалери да се вклопат и да се воиграат со останатите. На крајот најважно е што остваривме две победи“, изјави Бојан Миовски.

Во текот на викендот фотографиите од папата Франциско, облечен во голема, бела зимска јакна, станале мега-вирални на социјалните мрежи. Изглед дека 86-годишниот актуелен папа има многу модерен стил на облекување. Но постоел само еден проблем: сликата не е вистинска. Изработена е со помош на алат на вештачката интелигенција „Midjourney“, пренесува „BuzzFeed“.

Многумина се изненадиле од фактот дека фотографиите од „модерниот“ папа се лажни. Минатата недела се проширија и фотографии од апсењето на Доналд Трамп, кои исто така беа направени со помош на вештачката интелигенција.

„Се обидувам да креирам некои смешни фотографии, малку психоделични. Земав печурки и тогаш ми текна – папата Франциско во Баленсиага капут како оди по улиците на Рим“, вели Пабло.

Пабло почнал да се занимава со „AI“ уметност откако во ноември минатата година починал неговиот брат и се обидувал да пронајде утеха.

Фотографиите од папата ги објавил во групата „AI Art Universe“ на „Facebook“ и на „Reddit“. Се шокирал откако набрзо станале вирални, вели дека не очекувал такво нешто.

Пабло вели дека пораснал во религиозно семејство, но дека повеќе не е верник. Истакнува дека не сакал да го исмее папата, туку само сакал да направи смешна фотографија.

„Мислев дека ќе биде многу смешно да се види папата во таква јакна“, вели Пабло.

Многумина помислиле дека станува збор за вистински фотографии и почнале да го критикуваат претераното трошење пари од Ватикан, а Пабло вели дека луѓето би требало добро да размислат за работите кои ќе ги видат на интернет и дека вештачката интелигенција треба да се регулира со закон.

Во околу 10 часот наутро по локално време, млада девојка упаднала во основното училиште „Covenant“ во Нешвил во американската сојузна држава Тенеси. Почнала да пука и убила тројца возрасни и три деца, а на крајот полицијата ја застрелала неа. Ова е 128-мо масовно пукање во САД во 2023-та година, пишува „CNN“. Наводно станува збор за тинејџерка, но тоа сè уште не е потврдено бидејќи полицијата сè уште го утврдува нејзиниот идентитет.

„CNN“ наведува дека претседателот Џо Бајден е известен за деталите од пукањето, а неговата сопруга и прва дама Џил Бајден порачала дека е шокирана од насилството во Нешвил.

„Нашите деца заслужуваат подобро. Ги праќаме нашите молитви кон Нешвил“, рекла Џил Бајден.

Локалната полиција порачала дека засега сè уште не е сигурно како напаѓачката е поврзана со училиштето. Според пишувањето во американските медиуми, наводно станува збор за 28-годишна девојка, иако полицијата тврди дека станува збор за тинејџерка.

Потсетуваме, полицијата во Нешвил добила дојава за пукање во приватно верско училиште во околу 10:30 часот наутро по локално време. Откако дошле во училиштето ја застрелале девојката која убила шест лица.

„Covenant School“, основано во 2001-ва година, е служба на презбитеријанската црква „Covenant“ во Нешвил со околу 200 ученици, се наведува на веб-страницата на училиштето.

„Вчерашното дерби го одбележаја низа инциденти, повторно истата приказни неколку “храбри” комити криејќи се низ обичната публика со фрлање столчиња и други предмети испровоцираја реакција и од наша страна, буквално на неколку пати до сега ја користат најподлата техника за одбрана позната како ЖИВ ШТИТ.

И сето тоа досега никој ни да го спомни ни да го осуди, напротив во медиумите ние сме оцрнети.

Не се коментира ни за повторно намерениот “пропуст” по кој знае кој пат, слободно влегување в терен, но никако и со таква поддршка да се стигни до нас, зошто за тоа не е потреба страшна облека, фантомки и слично, то не се купва во продавница!

Стигнавме до полицијата…

Како да чекаја момент да се испразни салата па јуришно тргнаја еден вод специјалци кон нас и буквално не нападнаја без никаква причина, сите се чудевме од каде таква реакција па дури и специјалците кои до тогаш беа околу нас, настана голем хаос во кој 100тина навивачи паднаја еден врз друг и можеше да заврши трагично таквата неиспровоцирана реакција на полицијата.

После долго време во салата полицијата повторно БЕЗ НИКАКВА СЕЛЕКЦИЈА почна да апси наши членови, само колку визуелно да изгледа дека тие ја сработиле својата работа.

Сакаме да му се заблагодариме и на нашите браќа од Кавадарци кои секогаш се со нас, во добро и во зло, па така и денес.

За крај благодарни сме и на тие што излегоја во пресрет на уапсените Чкембари. ЧКЕМБАРИ СЕ НЕУНИШТЛИВИ“, напишаа тие во својата објава на Фејсбук.

Полицијата вчера приведе 18 навивачи по инцидентите во салата „Јане Сандански“. По фрлањето предмети на теренот, а потоа и судир меѓу групите, известен беше и јавен обвинител.

„Полицајците наизменично ги претресуваат домовите во градот со околу 200.000 жители“, изјавија два извори за Радио Слободна Азија, пишува Euroweeklynews.

„Градот ќе остане затворен додека не се најдат сите 653 куршуми“, изјавил за корејската служба на РФА анонимен жител на северната провинција Рајанганг, каде се наоѓа градот Хесан, пренесува N1.

Муницијата за автоматската пушка исчезнала додека војниците на седмиот корпус на Корејската народна армија се повлекле од областа околу градот, кој се наоѓа на границата со Кина.

Кога се случил инцидентот, војниците прво не пријавиле, туку самите се обиделе да ги пронајдат исчезнатите куршуми. Но, кога не успеале да ги најдат, ги известиле жителите и почнале ригорозна потрага“, вели анонимниот извор.

Полицијата и армијата започнаа истрага, го заклучија градот и претресуваат куќа по куќа. Тамошниот закон предвидува казна повеќе од три години за лицата кои неовластено поседуваат или пренесуваат муниција или оружје. Жителите се загрижени дека ако не се најде муниција, властите по случаен избор ќе казнат некој кој би можел да биде целосно невин, рекол изворот.

„На 26.03.2023 во 19.24 часот во СВР Куманово било пријавено дека С.Ц.(48) од Куманово во својот дом во с.Тромеѓа, кумановско, чистејќи го својот пиштол, испукал куршум со кој се повредил, по што бил пренесен во Комплекс клиники „Мајка Тереза” за укажување лекарска помош“, велат од полицијата.

Увид извршила екипа од СВР Куманово.

Селекторот Благоја Милевски е задоволен со оглед дека Македонија запиша две победи во овој кус период.

„Ако подвлечеме линија после овие два натпревари, без разлика што овој денешниот беше пријателски, можам да бидам задоволен, пред сѐ од пристапот на играчите, енергијата, желбата…Сето тоа ми предизвикува задоволство и прави една добра база за тоа што нѐ очекува во јунскиот прозорец од квалификациите“, изјави Милевски.

Селекторот на Фарски Острови, Хакан Ериксон, изјави дека не е задоволен од поразот, но може да биде релативно задоволен од тоа како одигра неговата селекција во целина.

„Не можам да бидам одушевен од поразот, но задоволен сум од тоа како одиграа фудбалерите. Во целина одиграа добро против еден квалитетен тим каков што е Македонија. На Фарски Острови се сака фудбалот, во секое село има црква и фудбалски терен. Од друга страна, Македонија е селекција со голем технички потенцијал, некои играчи прават голема разлика на теренот. Вие еднаш ја победивте и Италија, зошто не би го повториле тоа?“, изјави селекторот на Фарски Острови.

Минималните температури на 29 март ќе изнесуваат -5 степени во Крива Паланка, -4 во Ресен и Битола, -3 во Прилеп и Тетово, – 2 во Скопје, Струмица и Кочани, -1 во Демир Капија и Штип, додека 0 степени ќе биде минималната температура во Кавадарци. За 30 март пак минималната температура ќе изнесува -4 степени во Крива Паланка, – 3 во Битола, -2 степени во Струмица, Ресен и Тетово, а -1 во Скопје и Прилеп.

Министерството за земјоделство, шумарство и водостопанство апелира до земјоделците навремено да преземат мерки за заштита на овошните насади од измрзнување.

На средбата се разговараше за актуелни теми, процесот на комплетирање на составите на комисиите, динамиката на следните активности, како и степенот на реализација на Програмата од изборите во 2020 година по соодветни области.

„Комисиите се важен дел од функционирањето на партијата, особено во креирањето на мерките и политиките за Програмите на СДСМ. Огромен дел од клучните ветувања во Програмата за парламентарните избори во 2020 се веќе реализирани или се во фаза на реализација. Година и половина пред предвиденото минималната плата надмина 20.000 денари, а просечната стигна на 34.000 денари, истовремено го зголемивме и лимитот за поврат на Мој ДДВ на 2.100 денари по тромесечје. Тоа е доказ дека нашите комисии се капацитетни, дека знаат да направат сериозни процени и навистина да креираат остварливи решенија во интерес на граѓаните и државата“ порача Лукаревска.

Пред присутните Лукаревска најави дека во периодот што следи ќе започнат различни активности околу подготовка на новата програма, затоа што како што истакна таа, навременоста и инклузивниот процес се клучот за создавање одржливи решенија.

Во соопштението, тој форум потсети дека работната група на Министерството за образование за спречување на насилството во декември 2022 година им препорача на училиштата да ја започнат кампањата „Стоп за мобилните телефони“ и самоиницијативно да одлучат за тоа.

„Три месеци по усвојувањето на оваа препорака имаме сознанија дека дури сега првото училиште во Нови Сад донесе одлука за забрана за користење на мобилни телефони во училиштата“, се додава во соопштението на Форумот на средните стручни училишта.

Во соопштението беше посочено дека забраната за користење на мобилни телефони ќе влијае на концентрацијата на учениците, а ќе се избегне лошата навика на студентите „да снимаат се и сешто“ и да ја прикачуваат на социјалните мрежи.

Тие оценија дека во случај на ваква забрана секако ќе се подобри учењето и работата на час, а со тоа и дисциплината на учениците и изразија уверување дека тоа ќе влијае и на намалување на насилството во училиштата.

„Затоа апелираме до сите чинители во образованието, вклучително и синдикатите, да ги посетат училишните власти и да им ги претстават придобивките од забраната за мобилни телефони во училниците“, додаваат од форумот.

Во извештајот на Ројтерс, се потсетува дека владејачката унгарска партија Фидес неколку месеци ја одложува одлуката за барањето на Финска за прием, кое мора да го ратификуваат сите 30 членки на алијансата.

Предлог-законот за прием на Шведска во НАТО останува во процедура во унгарскиот парламент.

По избувнувањето на руско-украинскиот конфликт, Финска и Шведска минатата година побараа да се приклучат на трансатлантскиот воен сојуз, но процесот на пристапување беше запрен од Турција и Унгарија.

Турција неодамна соопшти дека засега може да го одобри членството на Финска во НАТО, но не и на Шведска, но финскиот претседател Саули Ниинисто и министерот за надворешни работи Пека Хависто ја отфрлија идејата, велејќи дека безбедноста на двете нордиски земји е меѓусебно поврзана, објави тој.

На Слегерс во октомври 2020 година му била дијагностицирана акутна леукемија по што бил подложен на трансплантација на матични клетки и на почетокот закрепнал, но во февруари дознал дека болеста се вратила.

Тајс беше добар пријател со Златан Ибрахимовиќ кој минатиот месец се јави во живо во една холандска емисија и се вклучи во акцијата за поддршка на Слегерс.

„Тој беше мојот единствен пријател во Холандија, кога бев изгубен, млад, збунет и мислев дека немам никого. Се појави тој новинар кој ме контактираше и, морам да кажам, во тоа време новинарите не беа мои пријатели“, открил Ибрахимовиќ и додал:

„Тој одлучи сам да ми се јави, го оствари тој прв контакт, се најдовме на ручек и оттогаш станавме многу добри пријатели. Игравме тенис заедно, се дружевме, тој многу ми помагаше, ми даде увид како нештата функционираат во Холандија. За Тајс пишував и во мојата книга, секогаш ќе му останам благодарен за сè. Отсекогаш бил во моето срце“.

Фудбалерот потоа му се обрати директно на Тајс:

„Тајс, единствено што сакам сега да ти кажам е дека те сакам, мој пријателу“, кажа Златан кој не можеше да ги запре солзите, што го расплака и неговиот пријател и ги трогна сите во студиото.

Блум три дена патувал низ државата која е сè уште под опсада на руската војска, во својство на амбасадор за добра волја на УНИЦЕФ во организација на Обединетите нации.

Во текот на патувањето, Блум ги посетил Ирпин, Демидов и Киев, каде во претседателската палата разговарал со Зеленски за помошта на украинските деца додека трае руската војна.

„Ако ги видете децата, во нивните очи ќе видите загриженост, но сепак силата на украинскиот народ е нешто што навистина предизвикува стравопочит. И секако, вашите пораки се причина за тоа. Толку е извонредно е да се гледа како ја држите оваа земја“, му рекол Блум на Зеленски.

Блум додал дека УНИЦЕФ сериозно го разгледува прашањето за исчезнатите украински деца и за потребите на згрижувачките семејства наместо на групните домови за деца. Тој рускиот претседател Владимир Путин го нарекол воен злосторник.

Пред заминувањето, Блум на Зеленски му предал подарок од својот будистички ментор и лична порака од неговата мајка: „Вашиот пораз ќе биде пораз за надежта, поради тоа мора да победите“.

Досега 465 деца биле убиени во текот на војната, а уште околу 14.000 се депортирани во Русија, според украинските власти. Само околу 125 од нив се вратени во Украина.

Шест лица се извлечени од калта, додека, според властите, најмалку седум се уште се водат како исчезнати, јавува Би-би-си.

Пожарникарите, полицијата и специјализираните спасувачки екипи се распоредени во кантонот Алауси, во Андите, за да бараат затрупани граѓани. Повеќе од 10 лица се повредени.

– Полициски службеници од ПС Центар при СВР Скопје вчера (26.03.2023) го лишија од слобода А.Ж.М. (31) од Франција поради основи на сомнение за сторено кривично дело тешка кражба во три стана на подрачје на општина Центар. Лицето со кривична пријава е предадено на јавен обвинител, а судија од Основен суд Скопје му одредил мерка притвор во траење од осум дена, се наведува во соопштението од Министерството за внатрешни работи.