Наш предлог ручек за денес е „Рижото на медитерански начин“, подготвен на вкусен начин од кој нема да останат рамнодушни вашите најблиски и најсакани.

Начин на подготовка:

Исечкајте ги доматите и ставете ги во блендер. Растворете коцка за супа во литар вода, па половина од водата додајте ја во блендер и измешајте заедно со доматите. Сипете го во тенџере остатокот од супата и оставете го да врие на ниска температура. Во тава загрејте путер, па додајте ситно исечкан лук и динстајте околу 10 минути додека да омекне. Додајте и ситно исечкан кромид и рузмарин, промешајте па додајте го оризот и пржете околу 1 минута. Полека додавајте ја и супата со домати. Мешајте постојано. По 20 минути, ќе добиете вкусно рижото. Поклопете и оставете го да отстои. Промешајте, додајте босилок и пармезан.

Состојки:

400 гр. домати од конзерва

300 гр. свежи домати

250 гр. ориз

1 главица кромид

2 чешниња лук

1 лажица маслиново масло

2 лажици путер

4 лажици пармезан

1 коцка за супа од зеленчук

2 листа рузмарин

2 лажички босилек

ЈП Водовод и Канализација ги известуваат граѓаните дека на ден 03.10.2023 година (Вторник) планирани се неколку зафати на водоводната мрежа и тоа: поради водоводен приклучок на „ул. Лазар Поптрајков бр.20“, прекинато водоснабдување ќе имаат корисниците од „Лазар Поптрајков“ и дел од корисниците од „ул. Ташко Караџа“ од 09:00 часот.

Во Гази Баба, поради промена на вентил (затворач) 6/4 на „ул. Мирослав Крлежа бр.39“, прекинато водоснабдување ќе имаат корисниците од „ул.Ленинова“ на потегот од „Никола Тримпаре“ до „бул.Партизански Одреди“ од 08.00 часот.

За корисниците во Општина Центар, поради промена на шибер (затворач) од ф100 мм на „ул.Теодосие Гологанов бб“ (Студентски дом „Гоце Делчев“) , прекинато водоснабдување ќе имаат корисниците од „ул.Теодосие Гологанов“ на потегот од Алумина до Студентски дом „Гоце Делчев“ од 08.00 часот до завршување на теренските активности.

Во Општина Карпош, поради дефект во шахта на „ул.Жданец бр.22“ населба Козле, прекинато водоснабдување ќе имаат жителите од населеното место Трнодол, Жданец и Средно Нерези, од 08.30 до 09.30 часот.

ДЗИС во програмата за билатерална соработка со ЕПО и во рамките на своите активности за дигитализација на услугите на институцијата заедно ја развиваа е-платформата Front Office, која овозможува побрз и поедноставен пристап за заштита на правото на патент.

Во Front Office платформата ќе може да се пристапи директно на следниот линк https://e- prijava.ippo.gov.mk (линкот е достапен од денеска, 02.10.2023 од 09:00ч), и истиот линк може да се најде на нашата веб страна. Порталот содржи модули за поднесување на национални и меѓународни пријави, како и модули за поднесување на пријави за признавање на европски патенти со поднесување на барања за издавање на дополнителни сертификати.

Сите овие постапки се изведуваат преку дигитални алатки изработени во согласност со националниот закон за индустриска сопственост и ратификуваните меѓународни конвенции и договори за поднесување и признавање на правото на патент. Во врска со начинот на користење на порталот, во следниот линк https://rise.articulate.com/ може да се пристапи кон Front Office обуката која ги објаснува основните функционалности на платформата.

Градоначалничката на Град Скопје Данела Арсовска и градоначалникот на Општина Сарај, Блерим Беџети извршија увид на завршните градежни работи на реконструкција на водоводна мрежа во населено место Бојане во општина Сарај.

Градежните активности на терен опфатија реконструкција на постојната водоводна мрежа, на која жителите реагираа дека има чести дефекти заради дотраеноста, како и заради незадоволителен профил и материјал на постојниот цевковод.

Со реализацијата на овој инфраструктурен проект се реши долгогодишен проблем во овој дел од градот, каде градот инвестира во обезбедување на квалитетни услови за живот во секоја општина, а жителите на ова населено место добиваат поквалитетно водоснабдување и нови приклучоци.

Градот Скопје континуирано работи на подобрување на водоснабдувањето согласно ветените проекти од програмата „За модерно Скопје“, каде што решавањето на проблемите со водоводната мрежа е еден од приоритетите.

Денеска (02.10.2023), министерот за внатрешни работи Оливер Спасовски оствари работна средба со раководството на Македонскиот полициски синдикат, репрезентативниот синдикат на безбедносните служби, предводен од претседателот Марјан Кицев.

На средбата заеднички беше поздравено зголемувањето на платата за 10% за сите вработени во МВР, што Министерството и МПС со заеднички сили успешно го обезбедија, за кое денеска беше и реализирана исплатата и кое претставува петто покачување на платите во МВР за последните шест години.

Исто така, беше поздравена и одлуката за враќањето на 32 прекувремени работни часа во месецот. Воедно, стана збор за следните планирани заеднички чекори на МВР и МПС, а кои значат подобрување на статусот и условите за работа на полициските службеници. Во таа насока Спасовски и Кицев разговараа и за можноста за формирање на Солидарен фонд помеѓу МВР и МПС. Меѓу другото, соговорниците се обврзаа и на заедничко продолжување на модернизацијата и зајакнувањето на капацитетите на македонската полиција, а сѐ со цел врвно гарантирање на безбедноста на граѓаните и одржување на статусот најбезбедна земја во регионот.

По повеќе од една деценија завршен е еден од најважните проекти во здравството во нашата земја, истакна министерот за здравство, Фатмир Меџити за време на отворањето на новиот објект, во ЈЗУ Психијатриска болница Скопје.

- Нешто кое со години чекаше да се заврши, конечно од денес почнува со работа. Новата болница е современа опремена, според меѓународни стандарди и јас сум уверен дека новите услови за работа ќе придонесат за поголем ентузијазам и поголема енергија на медицинскиот и немедицински персонал во секојдневното работење, посочи Меџити.

Тој информираше дека капацитетот на новиот објект е 68 болнички кревети и дека таму се наоѓа одделот за лекување и рехабилитација за пациентите поради зависност од алкохолизам, како и дека таму ќе се згрижуваат пациенти на кои им е потребно продолжено лекување, рехабилитација и ресоцијализација на пациенти, со нарушено ментално здравје. Еден дел од објектот е интерно одделение, наменето за третман на пациенти со ментални нарушувања и проблеми во соматското здравје.

Христијан Мицкоски не може да ги оправда своите анти-ЕУ и антизападни политики, вели Дарко Каевски, портпарол и пратеник на СДСМ.

- Нема ниту еден аргумент зошто ДПМНЕ го блокира европскиот пат на земјата и членство во ЕУ. Ова е најголема потврда на фактот дека Мицкоски е против ЕУ, а актуелната ДПМНЕ е антизападна партија. ДПМНЕ нема поддржано ниту една одлука за евро-атлантските интеграции на земјата. Сосема спротивно, правеше сè за ја блокира европската иднина на земјата. Лажно тврдеа дека македонскиот јазик ќе биде бугарски дијалект, а не гласаа за ратификација на договорот ФРОНТЕКС како прв договор потпишан на македонски јазик, вели Каевски.

Тој истакнува дека Мицкоски и ДПМНЕ не го поддржале ниту преспанскиот договор ниту членството во НАТО.

- Цели 11 години ДПМНЕ ја држеше земјата во изолација, надвор од ЕУ и НАТО, а денеска е главен кочничар на европската интеграција. Тоа се фактите, ДПМНЕ е анти-ЕУ и антизападна партија. Членство во ЕУ значи поголеми плати за работниците, поголеми пензии, подобар животен стандард, пристап до пазар од 500 милиони жители. Затоа СДСМ ќе направи сè за државата да оди напред, граѓаните да живеат во европска држава, со европски животен стандард, вели Каевски.

Со интонирање на државната химна, секој понеделник ќе започнува наставата во сите основни училишта на територијата на Општина Аеродром. Ваква информација со видео од денешното интонирање на химната, на својата фејсбук страна објави градоначалникот на Општина Аеродром, Тимчо Муцунски.

„Станува збор за иницијатива преку која изразуваме искрена почит кон татковината и со која имаме цел да го подигнеме националното чувство и љубовта на дечињата кон Македонија, но и ќе ги охрабриме да учат за македонската култура и традиција“, напиша Муцунски во својата фејсбук објава.

Линк до видеото:

Среќа и солзи следуваат на Детската клиника откако ѕвоното ќе заѕвони и ќе ја означи среќната вест. Малата хероина Божица го победи ракот и заминува дома кај своите родители.

- Уште едно дете го победи ракот и си оди дома. Многу среќа ни донесе оваа наша Божица“, напишаа од САНО, здружението за помош на деца со малигни заболувања и нивните родители.

Јавноста во шок откако мајка, која ги обвини лекарите дека нејзниото дете со аутизам го малтретирале и врзувале во психијатриска установа. 

- После месец дена, мојот син денес го зедовме од психијатриска болница, така ни кажаа викендов. Јас не можам да верувам каде живееме, зарем нашето дете е ѕвер? Да, агресивен стана овие две години и затоа побаравме здравствена помош, но во 21 век да го врзувате ...? Дали така се заколнавте кога полагавте дека ќе бидете хумани? Ова дете е 17 годишно ... Душата ме боли, се прашувам дали ние како родители погрешивме што побаравме помош?! Зошто нема соодветна институција за нашите деца? Вака не се смирува дете, ова е насилство! Барам одговорност за овие рани од што бил врзуван!, вели шокираната мајка.

Потресната приказна за момчето ја пренесе извесна Снежана Тодоровска. 

- Момчето на сликава се вика Анес Абдуловски. 17 годишно од Битола, Со дијагностициран аутизам. Момче кое посетувало до скоро училиште, напредувало. Разбира се и зборува. Посетувало дневен центар и напредувало. До оној момент кога влегува во пубертет. Како и најголем дел од лицата со аутизам, пубертетот е најтежок во растењето и грижата за овие деца. Почнува да покажува нервоза, пркос и агресија. Но тоа се случува и кај типичните деца кога хормоните ке им проработат. Тоа е разбирливо, но поминува. Родителите побарале медицинска помош и детето е сместено во психијатриската болница Демир Хисар. Таму останува 5 недели. Во тој период родителите го посетиле повеке пати, но не им било дозволено внатре на лице место( во соба), туку со придрижба носено на по неколку минути во двор. Пред малку зборував со мајката. Всушност, детето во соба цело време престојувало врзано под силни антипсихотици. Тој момент родителите не го виделе. Се додека не им се јавиле по телефон да им кажат да си го земат детето дома на неколку дена, па после да го вратат. За ова никој не пишува. Причината за тоа јавување била дека болницата добила најава за посета од делегација од ЕУ, која патем има милионски суми дадено за оваа болница и за нејзините пациенти. Па сега не сакале од болницата, делегацијата да го гледа таков врзан за кревет и како зомби.

Родителите го земаат и настанува шок, кога ги виделе огромните рани од врзувањето. Рани направени длабоко во месото, од обидите на детево да се ослободи, вели таа во својата објава. 

- Изгледа дојде време да ја тужиме државата, сподели поранешната пејачка Ребека која истовремено е активистка за заштита на правата на овие деца. 

Се огласи и познатата инфлуенсерка Миа Костова: 

- Ме исплаши моментот што ниту една вест веќе не ме изненадува и се исплашив од коментарот во глава ‘тоа е, Македонија, што очекуваш’ Уште поисплашена сум што овој пост веќе во петок ќе биде покриен со друг пост уште поморбиден, до следната среда со нова хорор приказна. Нас ни нема спас, порача таа. 

Овој четврток, со почеток во 20 часот, оркестарот на Македонската филхармонија ќе ја отвори новата концертна сезона со наслов „80 години љубов!“ Првиот концерт е со наслов „Будење“ и како солист ќе настапи еден од најдобрите виолинисти на светската музичка сцена – Барнабаш Келемен од Унгарија, а диригент е Бенџамин Шварц од Израел/САД.

На програмата се Концертот за виолина и оркестар бр. 2 од Бела Барток и извадоци од балетот „Ромео и Јулија“ од Сергеј Прокофјев.

Бела Барток (1881 – 1945) е еден од најпознатите унгарски композитори (воедно пијанист и етномузиколог) и еден од најзначајните композитори на 20 век. Тој е еден од основачите на етномузикологијата, антропологијата и етнографијата во музиката. Во неговиот опус препознатлива е инспирацијата од фолклорното мелодиско богатство, а познат е и по своите едиции за музичкиот фолклор. Долго време бил во потрага по својот автентичен стил. Бил под влијание на Брамс и Лист, Штраус, Дебиси, Шенберг или Стравински, но подоцна, иако потпирајќи се на унгарската звучна традиција, создал индивидуален израз и филигрански изработен, кохерентен и оригинален јазик. Концертот за виолина и оркестар бр. 2 (1938) долго време важел за негов единствен виолински концерт затоа што другите биле објавени по неговата смрт. Посветен е на виолинистот Золтан Шекељ, кој му предложил на Барток да биде во три става наспроти идејата на композиторот да биде во еден. Токму Шекељ и го извел делото премиерно во Амстердам (1939), со оркестарот на Концертгебау. Бела Барток во ова дело останал верен на својот препознатлив стил и самиот велел дека не мора по секаква цена да се изрази како модернист. Се вратил на тоналитетите и за сите три става избрал решенија блиски на традицијата.

Балетот во три чина, според Шекспировата трагедија „Ромео и Јулија“, една од најубавите и најчитани драми во светската литература, е лирска музичка приказна за трагичната љубов на двајцата главни протагонисти видена од специфичниот агол на препознатливиот музички сензибилитет на рускиот композитор Сергеј Прокофјев. Од кога е напишан, во 1938 година, овој балет е постојана инспирација за генерации кореографи и режисери, а музиката на Прокофјев е совршен звучен тестамент, кој постојано се изведува и самостојно, без балетска поставка. Многу композитори напишале балети и опери инспирирани од приказната за двајцата несреќни љубовници, кои на трагичен начин ќе ѝ стават крај на нетрпеливоста меѓу нивните семејства – Монтеки и Капулети. Сепак, Сергеј Прокофјев бил првиот композитор што создал вистински шекспировски балет – еден од најдобрите во 20 век. Ова музичко-сценско дело има исклучителен и богат музички израз. Музиката на Прокофјев овозможила автентично танцово обликување на Шекспировото дело и неговите ликови, кои преку моќниот звук и кореографија добиваат сосема нова димензија. Праизведбата била надвор во Русија, во Брно, на 30 јануари 1938 година, од кога всушност почнува брилијантната сценска и инструментална историја на овој исклучителен балет.

Виолинистот Барнабаш Келемен ги освои најпознатите концертни сцени во светот со својата виртуозна техника и динамика, како и со страсниот изведувачки стил. Поинаков и со отворен ум, тој важи за исклучителен солист и камерен музичар, како и уметнички директор на фестивали и професор на водечки музички институции. Во последните неколку години Келемен работи и како диригент. Поседува филигранско чувство за креирање стил и поседува неверојатна техничка подготвеност, која му дава сигурност да изведува комплексни дела од виолинската литература. Неговиот репертоар е диверзитетен, изведува дела од раниот барок, класиката, дела од романтизмот, како и современа музика. Посветен промотор е на современата музика и зад себе има многу светски и унгарски премиери на дела од Куртаг, Лигети, Шнитке, Губадулина, Рајх… Настапува на сцените на Карнеги хол, Концертгебау, Ројал фестивал хол, како и на сцената на Берлинската филхармонија. Често настапува во оркестарот на Би-би-си, Фестивалскиот оркестар на Будимпешта, Унгарскиот национален филхармониски оркестар, Естонискиот национален симфониски оркестар, Лондонскиот симфониски оркестар, Симфонискиот оркестар на Хелсинки, Филхармонијата на Хонг Конг… Настапувал со водечки диригенти, како Лорин Мазел, сер Невил Маринер, Владимир Јуровски, Марек Јановски, Мајкл Стерн, Иван Фишер и други. Добитник е на значајни награди и признанија, а досега има снимено 20 албуми за престижни продукциски компании, од кои 17 се соло, а три со неговиот квартет. Добитник е на први награди на интернационалниот натпревар за виолина „Моцарт“ во Салцбург, на интернационалниот натпревар за виолина во Индијанаполис… Во моментот работи како професор на музичката академија „Лист“ во Будимпешта и на универзитетот во Келн. Барнабаш Келемен свири на виолина „џузепе гварнери“ од 1742 година, која му е дадена на користење од државата (Унгарија).

„Бенџамин Шварц е сензација. Со неговата чиста енергија, перфектна техника во комбинација со мотивиран оркестар, тој успева да продуцира возбудлив и култивиран звук“. Ова се некои од зборовите со кои критичарите го опишуваат харизматичниот диригент Бенџамин Шварц, кој, како што оценуваат, „има јасна визија во своите интерпретации“. Овие квалитети заедно со широкиот репертоар на дела произлегуваат од неговата постојано присутна желба за истражување и проширување на индивидуалните звучни хоризонти. Следната сезона Шварц ќе работи како шеф-диригент на државниот оркестар на Рајнската филхармонија. Од 2013 до 2016 година работи како музички директор на Филхармонискиот оркестар на Вроцлав, Полска. Со својата работа во овој оркестар тој беше вклучен и во голем број од настаните што се реализираа во 2016 година кога Вроцлав беше европска престолнина на културата. Работел и како гостин диригент на Филхармонијата на Дуисбург (2019/2020), бил гостин диригент на Симфонискиот оркестар на Сан Франциско и музички директор на Младинскиот оркестар во овој американски град. Репертоарот на Шварц го рефлектира неговиот антидогматски, отворен однос кон програмата и делата од разни епохи и стилови – од делата на Џон Адамс до Малер, Брамс, Барток… Бил вклучен и во проектот „Години на вознемиреност“, во соработка со скулпторот, сликар и сценограф Александар Ползин, продукција што се базира на поезијата на англо-американскиот поет В. Х. Оден, во која преку музика и слики се прикажуваат настани од раниот 20 век. Како гостин диригент, Шварц настапувал во Кралската филхармонија на Стокхолм, Филхармонијата на Лос Анџелес, Кралскиот шкотски симфониски оркестар, Симфонискиот оркестар на Токио, Националниот оркестар на Лил и многу други. Работел и оперски продукции во Шведската кралска опера, Операта во Келн, Вајнмар… Работел и балетски продукции, меѓу кои и кореографијата на Пина Бауш на „Посветување на пролетта“. Во неговата дискографија се делата од Алберт Шнелцер, кои ги сними со Симфонискиот оркестар на Готенбург, делата на Поул Рудерс со Симфонискиот оркестар на Оденсе и музиката на Васо Мендонца со оркестарот на Гулбенкиан. 

На 1.10.2023, од нива на патот за с. Бистрица, Битолско, пиротехничар од Дирекцијата за заштита и спасување во Битола подигнал артилериска граната во калибар од 105 мм од Првата светска војна.

Имено, претходно, во СВР Битола, В. К. (36) од Битола пријавил дека ја пронашол гранатата при извршување градежни работи на местото.

Од ЈП Водовод и Канализација известуваат дека утре (вторник) поради водоводен приклучок на ул. Лазар Поптрајков бр.20, прекинато водоснабдување ќе имаат корисниците од улицата „Лазар Поптрајков“ и дел од корисниците од ул „Ташко Караџа“  (општина Гази Баба). 

Прекинот ќе биде од 09:00 часот.

Клиниката за радиотерапија и онкологија, повторно ја тресе класичниот скандал со немање лекови од кои што им зависи животот на пациентите.

Елизабета Ристовска, која е една од трите претставнички на пациентите кои што имаат увид во предистрагата на Клиниката за онкологија, дошла да ја прими терапијата „Фезго“, што е скапа терапија и чини неколку илјади евра. После час и половина чекање, ја информирале дека „терапија снемало“.

Таа веднаш ѝ се јавила на обвинителката во ЈО Скопје задолжена за предистрагата која се води за оваа клиника после што наративот на медицинскиот персонал експресно се променил и ѝ кажале дека „има уште едно Фезго“ и може да го прими. Но, таа одбила. Не се знае за кого терапијата била чувана.

- Утринава кога дојдов, првично бев известена дека има „Фезго“. Чекав, но за некое време ме известија дека „Фезго“ завршило. Тоа значи дека залудно чекав неколку часа. Истото се случи и во петокот и во деновите претходно. Гласно и бурно изреагирав во ходникот. Кога се вратив да препрашам, го сменија наративот дека „има едно Фезго ама не знаеме дали е дадено“. Тука се буди тој сомнеж. Имало едно, што значи дека е чувано за некој што ќе дојде специјално да го прими. Ако имало едно немаше да биде кажано јавно дека завршило „Фезго“. Ако нема за сите, нема за никој. Не може да има едно. Еве и да има едно, зошто да го примам јас. Ниту сум привилегирана, ниту сум единствениот пациент на Онкологија. Заедно со мене сигурно чекаат повеќе жени кои на 21 ден треба да ја примаат оваа терапија, изјави Ристовска за „Слободен печат“.

Не е првпат да нема терапија за Ристовска. Во минатото немало Херцептин за неа, па тоа довело ракот да метастазира и на белите дробови. Херцептинот е околу 2.800 евра за една терапија и наместо на 21 ден, нејзе ѝ бил даван со задоцнување.

-Најсимптоматично за моето лекување беше немањето Херцептин што всушност ме доведе до тоа во моментов да примам „Фезго“. Кога примав Херцептин пред година дена го немаше. Требаше да го примам на секои 21 ден, седум пати ми беше одложено. И кога требаше да направам контролен пет-скен и да го ставам во ремисија канцерот, кај мене се случи сосема спротивното, се појавија метастатски промени на белите дробови поради немањето на Херцептинот, додаде Ристовска.

Пациентката Ристовска реши да викне новинарски екипи наместо да го прими лекот. Прашува за кого бил чуван и зошто не се функционира на принципот „прв дојден прв услужен“.

Дека скапата биолошка терапија се чувала за пациенти покажа и сведочењето на пациентката Минка Веизовска која што веќе го пријавила аптекарот од Дебар К.У. зашто секој пат кога требало да ѝ даде терапија велел дека ја нема.

Министерот за внатрешни работи Оливер Спасовски денеска го повтори својот став дека со законскиот текст за амнестија нема да се постигнат ефекти.

-Јас искажав мој став и кажав дека тоа е мој став. Цврсто стојам на тој став дека со законскиот текст не се постигнуваат ефекти и дека треба да се размислува стратешки во правец на создавање на услови за да може тие оние кои се на издржување казни, да ги издржуваат казните, а не преку амнестии да ослободуваме простор во казнено-поправни установи, рече Спасовски, одговарајќи на новинарски прашања по првиот академски час на Факултетот за безбедност во Идризово.

Прашан каков е ставот на владејачката партија по однос на ова законско решение, кажа дека политичките ставови за ова законско решение „ќе ги артикулираат пратениците во Собранието“.

Спасовски во саботата кажа дека е непотребно носење на законот за амнестија и оти неговата примена нема да ја промени состојбата со пренатрупаноста во затворите. Според него, амнестираните, многу често по излегувањето од затвор, ги повторуваат делата.

Во рок од три дена Град Скопје објави огласи за избор на директори на пет јавни претпријатија. Најпрво се бараа директори за ЈСП „Скопје“, „Градски паркинг“ и „Лајка“, а најновите огласи, објавени викендов, се за избор на прв човек во „Водовод и канализација“ и на јавната установа Младински културен центар, пренесува Слободен печат.

Каква е потребата постојано да се именуваат, разрешуваат и прераспределуваат директорите од едно во друго претпријатие и каков е проблемот со актуелните, нема никакво објаснување од Град Скопје, ниту од управните одбори на претпријатијата и институциите опфатени на конкурсите. Но, од она што можеше да се види во речиси двегодишниот мандат на Данела Арсовска, кога се сменети повеќе од 30 директори е дека на градоначалничката тешко и се погодува некој на подолг рок.

Огласот за директор на „Водовод и канализација“, претпријатие со кое во моментов раководи Драган Илиевски, кој претходно беше директор на Зоолошката градина, трае само 7 дена од објавувањето, што значи до крајов на неделата, па заинтересираните кандидати имаат кусо време да ги соберат и достават потребните документи. Во огласот стои дека директорот се избира со мандат од 4 години, исто како што беше посочено во огласот објавен во јули годинава, со кој исто така се бараше директор на ова јавно претпријатие. На оваа функција остана Илиевски, откако претходно седум месеци беше в.д. директор. На официјалната страница на претпријатието сега пишува дека тој е генерален директор. Што се случи во изминатите два месеци за повторно да се објавува оглас за прв човек на „Водовод и канализација“ не е познато.

Девет месеци в.д. директор на МКЦ е дипломираниот детектив, Никола Алексов, чие назначување и разрешување на дотогашниот Ванчо Алексов, предизвикаа неколкудневни протести на дел од вработените, но и на вљубениците во културата и поддржувачите на независната културна сцена.

За ова расправаше и Државната комисија за спречување на корупција од каде како незаконски ги оценија назначувањата на в.д. директорите на МКЦ и на Зоолошка градина. Антикорупционерите донесоа и одлука за поведување кривична постапка против градоначалничката Арсовска која ги именуваше како и против именуваните кои свесно постапувале спротивно на законските одредби.

Според ДКСК грешката на Арсовска е дека спротивно на законот во МКЦ и Зоолошка именувала лица кои не биле вработени во овие јавни установи што е спротивно на чл. 31 од Законот за култура, кој предвидува именување на в.д. директори од редот на вработените во тие установи и со мандат од само 6 месеци.

Христијан Мицкоски не може да ги оправда неговите анти ЕУ и антизападни политики, вели Дарко Каевски, портпарол и пратеник на СДСМ.

„Нема ниту еден аргумент зошто ДПМНЕ го блокира европскиот пат на земјата и членство во ЕУ. Ова е најголема потврда на фактот дека Мицкоски е против ЕУ а актуелното ДПМНЕ е антизападна партија. ДПМНЕ нема поддржано ниту една одлука за евро-атланските интеграции на земјава. Сосема спротивно, правеше сè за ја блокира европската иднина на земјата. Лажно тврдеа дека македонскиот јазик ќе биде бугарски дијалект, а не гласаа за ратификација на договорот ФРОНТЕКС, како прв договор потпишан на македонски јазик“, вели Каевски.

Тој истакнува дека Мицкоски и ДПМНЕ не го поддржале ниту Преспанскиот Договор, ниту членството во НАТО.

„Цели 11 години ДПМНЕ ја држеше земјата во изолација, надвор од ЕУ и НАТО а денеска е главен кочничар на европската интеграција. Тоа се фактите, ДПМНЕ е анти-ЕУ и антизападна партија. Членство во ЕУ значи поголеми плати за работниците, поголеми пензии, подобар животен стандард, пристап до пазар од 500 милиони жители. Затоа СДСМ ќе направи сѐ за да државата да оди напред, граѓаните да живеат во европска држава, со европски животен стандард“, вели Каевски.

51-годишен скопјанец вчера бил нападнат од улично куче, а ваков напад доживеале уште двајца граѓани од Гостивар.

- На 01.10.2023 во 12.50 часот во Полициската станица Аеродром, Ј.Ц.(51) од Скопје пријавил дека на ул.„Горно Лисиче“ во Скопје бил каснат од куче скитник. Исто така вчера во 18.50 часот во СВР Тетово, 19-годишниот гостиварец М.П. пријавил дека на улица „101“ во Гостивар бил каснат од куче скитник. А во 23.40 часот во СВР Тетово, С.Ќ.(41) од гостиварско Чајле пријавил дека на улица „Живко Брајковски“ во Гостивар бил каснат од куче скитник.

Прилепската гимназија „Мирче Ацев“ со денови е мета на пофалфи и критики на социјалните мрежи поради протоколот на одблекување посочен за учениците. 

Како што се наведува, се забрануваат скинати фармерки, хеланки, шорцеви, пирсеви, долги нокти..., а се чини дека од годинава овие препораки ги спроведоа и голем број други училишта во земјава.

Додека едни ги оправдуваат, други сметаат дека не е во ред на младите да им се забрануваат трендовите и дека тоа нема врска со поведението.

-На социјалните мрежи очигледни беа спротивните ставоци на „Калинa Коси“ и активистката Ирена Цветковиќ.

- Алал да им е на Прилепчани! Сега само уште едно вакво слично да се залепи и за наставниците, дополнето со: забрана за длабоко деколте, тешка шминка ко за на свадба, проѕирни кошули, упадлив накит што трешти, тесно припиени корсети и панталони, 10ка штикли.... итд итд.... Ма сите во униформи најпаметно, од чувар до директор! - порача Калина Коси. 

Претходно, Цветковиќ, пак, порача: 

- Правила донесени од Прилепската гимназија „Мирче Ацев“ за средношколците. Класика македонштина. Не е важен квалитетот на образованието, развојот на љубопитност и желба за знаења и индивидуалниот развој туку дисциплина и униформираност на младите. Каков пораз. 

Од ЈП Водовод и канализација-Скопје известиваат дека попладнево поради уличен водоводен дефект од ф-5/4“ (цола) на ул.Качанички Пат бр.41, прекинато водоснабдување ќе имаат дел од корисниците од ул.Качанички Пат бр.41.

Прекинот е од 13:25 часот до завршување со работните активности.