Sitel Televizija

Прилепската болница добила забрана да испраќа ...

Thu, 24 Sep 2020 14:42:03 GMT

Фото за вовед:

YouTube видео:

Embedded video for Прилепската болница добила забрана да испраќа возрасни Ковид пациенти на скопските клиники

Категорија:

Македонија

Новинар:

Дарко Штаргоски

Позитивни случаи во градинка во Чешиново и Виница

Thu, 24 Sep 2020 14:40:43 GMT

Позитивен тест на Ковид 19 кај негувателка и дете времено ја затвори градинката во Чешиново. Објектот Штркче по препорака на епидемиолог нема да работи до 30 ти септември а во изолација се сите кои биле во контакт со заразените. Вонредна дезинфекција и домашен карантин и за група на дечиња од градинката Гоце Делчев во Виница каде една од вработените има корона вирус.

-Групата со 12 дечиња, воспитувачката и негувателката која беше на замена по препорака на епидемиологот одат во 14 дневна изолација. Има насоки да се следи нивната состојба дали ќе има промени. Направена е дезинфекција во просторијата, вели Наташа Анакиева Димитрова, директор на градинка Гоце Делчев – Виница.

Пред 2 дена корона вирусот беше потврден и кај две негувателки во тетовска градинка и нивните групи со деца се во изолација. Во домашен карантин се и деца од кочанска градинка по потврден случај кај психологот во установата а во Струмица вирусот беше дијагностициран кај три дечиња од иста група. Заразени пријавија и во битолска детска установа и во две градинки во Скопје. Епидемиолозаите велат дека е очекувано да има позитивни во објектите за згрижувањ ена деца бидејќи изминатиот период има значитењлен пораст на ковид позитивни во државата.

Само минатата недела за 35 проценти е поголем бројот на позитивни случаи во споредба со претходно анализираниот период. Минатата недела Ковид 19 бил потврден кај 37 деца до 9 годишна возраст а 33ца од минатонеделните заразени со вирусот патувале во странство.

Фото за вовед:

YouTube видео:

Embedded video for Позитивни случаи во градинка во Чешиново и Виница

Категорија:

Македонија

Новинар:

Сања Димитровска

Нова надеж за мајките кои користеа продолжено ...

Thu, 24 Sep 2020 14:38:43 GMT

Можно е пролонгирање на мерката за продолжено породилно за 1 до 2 месеци за да можат децата да се адаптираат во градинка. Последниот збор ќе го каже Владата до крајот на неделата. Ова е исходот од денешната средба на Премиерот и министрите за здравство и труд и социјала со претставнички на мајките на трудничко кои протестираа.

-Искрено се надевам дека ќе има пролонгирање бидејќи средбата беше конструктивна. Се надеваме на позитивен одговор, изјави Милена Дабеска Симовска, родител.

И во Владиното соопштение после средбата се навестува дека ќе покажат слух за нивните барања.

„Земаме обврска да ги разгледаме вашите барања и потреби и да ви дадеме повратен одговор во најкус можен рок. Ќе покажеме максимална флексибилност за одредени специфични случаи. Што се однесува до епидемиолошката слика, ние будно ги следиме препораките на Комисијата за заразни болести и следствено, секогаш размислуваме за донесените одлуки, нивната оправданост и потребата за нивна корекција. Здравјето на граѓаните е наш приоритет, но мораме да научиме да живееме со пандемијата“ им рекол Премиерот на претставниците на родителите информираа од Владата.

За мајките на породилно најголем проблем е безбедноста на нивните деца во градинките поради коронавирусот. Дополнително голем дел од нив не можеле да ги запишат децата. Вчера престана да важи мерката со која се ослободени од работа. Поради ова околу 250 мајки си дале отказ, други користеле одмор, трети се снаоѓале како умееле.

-Имаше мајки кои успеале да ги запишат децата и после 2 часа им се јавиле за да си ги земат децата зошто плачеле, изјави Милена Дабеска Симовска.

Според официјалните податоци од Фондот за здаравство мерката за продолжено породилкно ја користеле 2652 мајки.

Фото за вовед:

YouTube видео:

Embedded video for Нова надеж за мајките кои користеа продолжено породилно, одлука до крајот на неделата

Категорија:

Македонија

Новинар:

Александар Динев

Рангелова ослободена од одговорност, Фетаи бара ...

Thu, 24 Sep 2020 14:38:35 GMT

Обвинителката Фатиме Фетаи ја ослободи од одговорност поранешната пратеничка Даниела Рангелова за судскиот предмет „Шамарите во Центар“. Изведените докази не укажувале дека таа го сторила кривичното дело насилство за кое претходно ја обвини. Рангелова смета дека правдата излегла на виделина и најави пресметка со тие што ја обвиниле за пазарење.

„ Сега си ја докажав правдата и сега можам слободно да се пресметам со тие што ме обвинуваа. Со овие аргументи сега, излегува токму спротивното – она што го тврдеше Мицкоски и компанија, сега можеме лично да се пресметаме на еден дуел“, изјави Даниела Рангелова.

Освен Рангелова, од обвинение се ослободени уште Борче Богдановски и Милан Андоновски, за кои од обвинителството велат дека тие не сториле насилство.

Обвинителката Фетаи во својот завршен збор побара алтернативна казна за уште еден обвинет, додека за Никола Груевски и Миле Јанакиески предложи максимална казна која изнесува пет години затвор.

Според одбраната, со измената на обвинението се менува и основата за кривична одговорност кај останатите обвинети.

„Овде не може да има насилство, овде може да биде учество во толпа, но тоа што е застарено гонењето таму, сега сака да се припише на сосема друга правна кфалификација со која што се обидува обвинителството, а ќе видиме судот што ќе одлучи“, изјави Еленко Миланов, Адвокат.

Адвокатите на Никола Груевски и Александар Трајковски во своите завршни зборови побараа нивно ослободување од вина оти не се докажало дека тие стојат зад протестите пред општина Центар во 2013-та.

Судењето продолжува во понеделник со завршни зборови на Миле Јанакаиески и уште четворица обвинети.

Фото за вовед:

YouTube видео:

Embedded video for Рангелова ослободена од одговорност, Фетаи бара казна затвор за Груевски и Јанакиески за шамарите во Центар

Категорија:

Македонија

Новинар:

Зоран Јаневски

Тече рокот за избор на нов народен правобранител, ...

Thu, 24 Sep 2020 14:38:07 GMT

Датумот за распишување оглас за избор на нов народен правобранител истекува денеска. 3 месеци пред завршување на мандатот на актуелниот , се распишува оглас согласно законот. Иџет Мемети на функција е до 24 декември. Од Собранието велат огласот ќе биде распишан но не прецизираа кога. До сега не го објавиле бидејќи работеле на други тековни активности. Датумот велат сигурно ќе биде запазен иако за тоа надлежен е претседателот на Собранието.

Иако во јавноста се зборуваше дека за оваа позиција претендент е кандидатот на ДУИ за претседателските избори Насер Зибери, тој ги негираше информациите. Во разговор за Сител вели до него не пристигнала ваква информација и не планира да се пријави за позицијата Омбудсмен. Второт име кое се споменува е на градоначалникот на о. Сарај Блерим Беџети поранешен министер за правда. И тој е кадар на политичката партија ДУИ. Тој денеска не одговори на нашите повици. Според информации на Сител трет на листата кандидати е и заменикот народен правобранител Јован Андоновски. На позицијата заменик беше избран во 2016 година.

Додека се бара негов заменик неизвесно е дали неславно ќе заврши кариерата на Иџет Мемети како правобранител по цели 16 години. Поради сериозните обвинувања од вработените кои беа објавени во медиумите, реакции пристигнаа од граѓанскиот сектор. Од „Мрежа за заштита од дискриминација“ бараат ДКСК да го истражи работењето на Мемети а Собранието да избере нов народен правобранител по заслуга.

Бараме Собранието конечно да избере Народен правобранител по заслуга, со што нема да дозволи партиска узурпација на институцијата и ќе овозможи реформирање и трансформација на институцијата Народен правобранител во ефикасен механизам за заштита на човекови права, која храбро и доследно ќе се спротиставува на прекршувањата на правата од страна на институциите, арбитрарно и дискриминаторско однесување и постапување.

Анонимна пријава против Иџет Мемети пристигнала и до Антикорупциска од каде најавија дека ќе постапуваат.

Фото за вовед:

YouTube видео:

Embedded video for Тече рокот за избор на нов народен правобранител, кој ќе го замени Мемети?

Категорија:

Македонија

Новинар:

Мирјана Давидовска

Дали заканите на Каракачанов се од корист за ...

Thu, 24 Sep 2020 14:37:22 GMT

Постојаните закани од Каракачанов не се во духот на добрососедството и фрлаат лошо светло врз мегународниот имиџ на Бугарија. Ова не е само македонска перцепција , туку и став на бугарската експертска јавност која се дефинира како проевропска. Директорката на Европскиот совет на надворешни односи во Софија Весела Чернева вели дека Догворот за доброседство треба да се почитува од двете страни, а Бугарија да не ја користи својата позиција на членка на ЕУ за да ги блокира евроинтегративните процеси во регионот.

И министерката за одбарана Радмила Шкеринска, очекува политичката криза во Бугарија да не се користи за добивање евтини политички поени за важни регионални прашања.

Шекеринска, коментирајки ја изјавата на својот колега Каракачанов дека не е време Македонија да започне преговори со ЕУ се одека не ги прифати бугарските услови, истакна дека очекува Бугарија и другте сојузници да и помогнат во оставување на македонската европска иднина а не да одмагаат, бидејки земјава веке го поминала тестот на доброседството.

Фото за вовед:

YouTube видео:

Embedded video for Дали заканите на Каракачанов се од корист за добрососедството

Категорија:

Македонија

Новинар:

Сања Сеизова Мрмова

Антикорупциска против субвенционираното ...

Thu, 24 Sep 2020 14:36:44 GMT

Првиот човек на антикорупциска предупредува дека државата не смее да дозволи субвенции за вработувања по етничка основа. Ивановска потенцира дека граѓаните кои бараат работа имаат еднакво право да ја добијат. Но и проектот кој антикорупцика го спореведе заедно со Траспаренси Интерешнл покажува дека речиси целото законодавство во земјава остава простор за партиски вработувања.

Според Ивановска и Тасева надеж сепак даваат најавите на новата влада за неселективна борба со непотизмот и корупцијата. Вицепремиерот кој ја доби оваа задача вели дека градење на систем без корупција ќе биде тежок и долг процес, но граѓаните тоа го заслужуваат.

Вицепремиерот Николовски најави дека од денеска во Владата ќе стартуваат состаноците со сите институции надлежни за борба со корупцијата, со кои заеднчки ќе се гради стратегијата за искорнување на овој општествен проблем.

Фото за вовед:

YouTube видео:

Embedded video for Антикорупциска против субвенционираното вработување по етничка основа

Категорија:

Македонија

Новинар:

Деспина Тодоровска

Цигарите ќе поскапат уште 5 денари, до декември ...

Thu, 24 Sep 2020 14:36:26 GMT

Ем поскапи, ем двојазични. Од декември цигарите ќе добијат нова цена и нов изглед. Втор пат годинава ќе поскапат за 5 денари што стана редовна практика во последните неколку години, но новина е и изменетото пакување кое ќе биде во продажба до крајот на годината.

Имено, согласно измените во законот за тутун кој стапи на сила лани во мај, производителите имаа 18 месеци за да ги прилагодат производите на новите барања. Рокот истекува кон крајот на ноември и од тогаш на амбалажата освен на Макеоднски јазик, текстот ќе биде испишан и на Албански однсно на писмото кое го употребуваат најмалку 20% од населението.

Друга промена ќе биде обликот и бројот на цигари. Во продажба нема да може да се пуштаат кутии кои не се квадар и бројот на цигари не смее да биде помал од 20. Ова значи дека малите пакувањата одат во историјата.

Во иднина на цигарите нема да смее да пишува дека се лајт или слично. Членот 70 од Законот за тутун предвидува дека не е дозволено на кутијата да се содржат термини кои ќе упатуваат на тоа дека производот е на пример, помалку штетен од другите.

Освен стандардните пораки за штетноста кои и сега стојат на амбалажата, до крајот нагодината пушачите на цигари кои се виткаат ќе бидат предупредени и дека чадот содржи повеќе од 70 супстанци за кои се знае дека предизвикуваат рак.

Фото за вовед:

YouTube видео:

Embedded video for Цигарите ќе поскапат уште 5 денари, до декември кутиите ќе станат двојазични

Категорија:

Бизнис

Новинар:

Наташа Хаџиспиркоска Стефанова

Двајца починати и 152 нови случаи на КОВИД-19

Thu, 24 Sep 2020 14:09:38 GMT

Министерството за здравство информира дека во последните 24 часа се направени 1630 тестирања, а регистрирани се 152 нови случаи на ковид-19 во: Скопје-58, Куманово-5, Дебар-2, Штип-5, Прилеп-4, Тетово-5, Струга-6, Велес-1, Битола-5, Охрид-3, Кавадарци-2, Гостивар-1, Гевгелија-6, Струмица-14, Кочани-18, Пробиштип-1, Берово-4, Валандово-4, Делчево-3, Свети Николе-3, Кичево-2.

Денеска Институтот за јавно здравје регистрира 126 оздравени пациенти од: Скопје-32, Куманово-17, Штип-5, Прилеп-7, Тетово-7, Струга-6, Велес-4, Битола-1, Охрид-2, Гостивар-1, Гевгелија-15, Струмица-5, Крива Паланка-2, Кочани-7, Пробиштип-1, Пехчево-5, Берово-2, Виница-3, Делчево-1, Кратово-1, Свети Николе-1, Кичево-1.

Во болнички услови се починати се 2 лица, пациент од Охрид (77г) и пациент од Радовиш (62г).

Вкупната бројка на ковид дијагностицирани во нашата земја од почетокот на епидемијата изнесува 17200, бројката на оздравени пациенти е 14312, на починати е 712, а во моментов бројот на активни случаи во земјата изнесува 2176. Денеска се регистрира еден контролен тест од вчерашните, а според завршените епидемиолошки анализи во моментов дистрибуцијата по градови е следна:

• Скопје 6739, активни 625

• Куманово 1713, активни 176

• Дебар 282, активни 41

• Штип 1239, активни 53

• Прилеп 643, активни 124

• Тетово 1405, активни 176

• Струга 660, активни 64

• Велес 313, активни 35

• Битола 285, активни 62

• Охрид 416, активни 51

• Кавадарци 222, активни 37

• Гостивар 918, активни 107

• Гевгелија 115, активни 49 (8 лица од ПЕ Гевгелија се жители на Дојран, 14 на Богданци и 12 се странски државјани)

• Струмица 204, активни 130

• Крива Паланка 102, активни 27

• Радовиш 74, активни 22

• Крушево 20, активни 3

• Кочани 304, активни 128

• Пробиштип 107, активни 19

• Демир Хисар 61, активни 2

• Македонски Брод 92, активни 13

• Пехчево 42, активни 3

• Берово 91, активни 29

• Валандово 24, активни 15

• Виница 103, активни 26

• Делчево 154, активни 83 (33 лица од ПЕ Делчево се од Македонска Каменица)

• Кратово 24, активни 2

• Свети Николе 322, активни 22

• Кичево 315, активни 36

• Ресен 162, активни 14

• Неготино 49, активни 2 (11 лица од ПЕ Неготино се жители на Демир Капија)

Направените 1630 теста се преку: ИЈЗ-492, ЦЈЗ Скопје-46, Авицена-418, Биотек-147, МАНУ -100, Жан Митрев (Филип Втори)-176, Систина со PCR метода -117, лабораторија Лаор –23, Судска медицина-17, ЦЈЗ Битола-51, Инфективна клиника-3, ГАК-14, Синлаб-26, лаборатории од странство-0. Досега во земјата се направени вкупно 181.034 тестирања на Ковид -19. Нема тестирања во рамките на скринингот.

На Инфективната клиника во изминативе 24 часа примени се 5 пациенти. Вкупно се хоспитализирани 72 пациенти. На кислородна поддршка се 45 пациент, нема пациенти на механичка вентилација.

Во болницата во Козле хоспитализирани се 4 деца и 4 мајки позитивни на ковид-19, 2 деца и 2 мајки суспектни на вирусот.

Во ГОБ „8 Септември“ примени се 2, а вкупно хоспитализирани се 35 пациенти. На респиратор се 4 пациенти.

Во болницата во Битола се хоспитализирани 19, а во болницата во Штип се 41 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица и Струга се хоспитализирани 153, позитивни и сомнителни на Ковид-19.

Активни случаи по општини Скопје денеска (по завршување на епидемиолошките анкети, може да има измена во дистрибуцијата по општини во Скопје)

• Чаир – 68

• Гази Баба – 74

• Аеродром - 93

• Карпош – 71

• Центар – 89

• Кисела Вода – 64

• Ѓорче Петров – 36

• Бутел - 33

• Шуто Оризари – 16

• Студеничани – 10

• Сарај – 14

• Арачиново – 8

• Илинден – 23

• Сопиште – 3

• Чучер Сандево – 5

• Петровец – 7

• Зелениково - 1

• Странец – 9

• Нераспределен-1

Трагедија во Крушево, починато бебе донесено во ...

Thu, 24 Sep 2020 13:59:27 GMT

На 23.09.2020 во 18.45 часот во Полициската станица Крушево било пријавено дека во Здравствен дом Крушево било донесено бебе, за кое лекар констатирал дека било починато, без видливи траги на насилство. Увид на местото на настанот извршила екипа од Полициска станица Крушево, а по наредба на Јавен обвинител телото е предадено за обдукција.

Приведен скопјанец поради недозволена трговија со ...

Thu, 24 Sep 2020 13:54:51 GMT

На 18.09.2020 полициски службеници од СВР Скопје го лишиле од слобода Р.Ј., на кој СВР Скопје - Единица за недозволена трговија, поднесе кривична пријава до Основното јавно обвинителство Скопје поради постоење основи на сомнение дека сторил кривични дела „недозволено изработување, држење и тргување со оружје или распрскувачки материи“ и „неовластено производство и пуштање во промет наркотични дроги, психотропни супстанции и прекурзори“,казниви по чл. 396 и 215 од Кривичниот законик.

На 01.05.2020 од страна на полициски службеници од Единицата за недозволена трговија во содејство со полициски службеници од Одделот за криминалистичка полиција и Единицата за интервентна полиција, по претходно добиена судска наредба, извршен е претрес на дом и други простории кај Б.З. и во пошироката околина помеѓу ул.„Алпи“ и ул.„Коце Металец“, при што биле пронајдени: автоматско огнено оружје со навој на пригушувач, две рамки со 34 куршуми кал.7,65 мм и пригушувач, две автоматски пушки, полуавтоматска пушка „Берета“ со празна рамка и рамка за автоматска пушка со 18 куршуми, автоматско огнено оружје со навој за пригушувач, пригушувач и рамка со 20 куршуми, како и пет пакувања со 2382 грама хероин.

Три лица фатени со марихуана во источниот регион

Thu, 24 Sep 2020 13:50:49 GMT

Три лица од Штип, Пробиштип и светиниколското село Пеширово се фатени со марихуана. Полицијата синоќа во два одделни случаи ги фатила лицата, кои се на возраст од 22 до 26 години.

Во првиот случја на магистралниот пат Велес-Штип, кај населбата Три Чешми, полициски службеници од СВР Штип го лишиле од слобода 22-годишниот Б.П. бидејќи при негов личен и преглед на возилото кое го управувал била пронајдена марихуана. По документирање на случајот против него ќе биде поднесена соодветна пријава.

Во вториот случај во 23:35 часот во пробиштипското село Ратавица од страна на полициски службеници од Полициската станица Пробиштип и полициски службеници од Отсекот за недозволена трговија со дрога од СВР Штип, поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекусори“, лишени се од слобода 26 годишниот С.И. од Пробиштип и 25 годишниот А.Ј. од светниколското село Пеширово. При извршениот преглед кај лицата била пронајдена марихуана. Надлежните од СВР-Штип велат дека се работи на комплетирање на случајот, по што ќе биде поднесена кривична пријава.

Утврден идентитетот на учесниците во настанот во ...

Thu, 24 Sep 2020 13:41:31 GMT

Одделот за внатрешна контрола, криминалистички истраги и професионални стандарди при Министерството за внатрешни работи веќе го утврди идентитетот на учесниците во настанот и презема мерки и активности за целосно расчистување на случајот, по што јавноста ќе биде соодветно информирана.

Ова се наведува во денешното соопштение од МВР во врска со видео материјалот што денеска беше објавен на социјалните мрежи, а на кое, како што стои, се гледа незаконито и непрофесионално постапување на полициски службеници.

Во Прилеп ситуацијата со КОВИД-19 сериозна, ...

Thu, 24 Sep 2020 13:39:07 GMT

Во Прилеп ситуацијата со Ковид-19 е сериозна, но не е алармантна, констатираше кризниот штаб кој има нови одлуки за ригорозни мерки.

Според прилепскиот градоначалник Илија Јованоски, се воведуваат мерки во работните средини, контроли во институциите, засилени активности на полицијата за носење заштитни маски и ригорозно со мерки во Градскиот пазар.

-Заедно со полицијата, пазараната инспекција, мора да се засилат контролите. Никој нема право со својата неажурност, да ги изложува на ризик критичните групи граѓани. Што се однесува до стопанските субјекти, денеска ќе ја посетам компанијата „Гентерм“. Ќе разговарам со менаџментот и ќе ги посетам нивните производствени капацитети. Истовремено, комисијата од локалната самоуправа ќе врши засилена контрола врз институциите за начинот на спроведување на мерките за заштита од Ковид-19, изјави Јованоски.

Инфективното одделение при градската болница „Борка Талески“ е на работ на капацитетот. Од можноста да прими 30, сега има 23 пациенти од кои 10 се на кислородна поддршка. Според Мирјана Крстеска, инфектолог и раководител на одделението неопходна е монтажната болница, зашто градот е меѓу првите во кои треба да профункционира.

-Од 23 хоспитализирани пациенти, од кои 10 на кислородна поддршка. Сите се повозрасни, над 50 или 60 годишна возраст. Денска примивме момче на 24 годсини во многу тешка состојба и го пративме на Инфективната клиника во Скопје. Старосната граница на заболените се повлекува, има помлади. Имаме терапија, но проблемот е со централниот довод на кислород. Доколку тоа се реши, би било големо олеснување. Но, тешките пациенти е проблем да ги примат на клиниките во Скопје, зашто и таму капацитетите се преполни и остануваат да бидат третирани на Инфективното одделение во Прилеп. Поради пребукираноста, реално, на клиниките се примаат помладите пациенти, вели таа.

Реално, може да примиме 30 пациенти, додава, а во моментов се 23.

-Доколку се исполни капацитетот, во другите одделенија се отворија оддели за изолација за таму да останат позитивните пациенти, а се лекуваат за друго. Кога ќе почне да се градат монтажните болници, Прилеп е еден од првите градови, зашто треба да се земат предвид и општините Македонски Брод и Крушево. А имаме многу пациенти од Македонски Брод. Инаку, во моментов е хоспитализиран еден здравствен работник, а еден е на домашно лекување од службата за Итна помош, вели Крстеска.

Драгица Николоска, директор на Центарот за јавно здравје нагласува дека има еден кластер во работните средини, но кјако резултат на семејни прослави.

-Денеска имаме четворица новозаболени и шест оздравени. Во моментов вкупната бројка на позитивни е 644. Активни се 125 случаи од кои 23-јца се на болничко а 102-јца на домашно лекување. Споредено од 1 август до денеска, вкупниот број позитивни случаи се 313. Во јули биле 70, а во јуни 51 заболен. Досега се 38 починати лица. Во Центарот секојдневно се тестираат од 15 до 20 пациенти. Во работните организации во моментов е еден активен кластер. Сите други, главно се семејни кластери. Ова значи дека џзаболените во раљботните организации институции немаат поврзаност, што значи дека вирусот ко донесле однадвор. Голем дел од нив во анкетата кажале дека присуствувале на семејни веселби, на слави, имендени, на групни собирања, вели Николоска.

Инаку, во Центарот за јавно здравје имало еден асимптоматски позитивен случај, а тројца ставени во изолација.

Во градинките сега ситуацијата е стабилна. Нема случај на заболено дете или вработен.

МВР за видеото на кое полицајци тепаат човек: ...

Thu, 24 Sep 2020 13:26:05 GMT

Во врска со видео материјалот што денеска (24.09.) беше објавен на социјалните мрежи, а на кое се гледа незаконито и непрофесионално постапување на полициски службеници ,Ве известуваме дека Одделот за внатрешна контрола, криминалистички истраги и професионални стандарди при Министерството за внатрешни работи веќе го утврди идентитетот на учесниците во настанот и презема мерки и активности за целосно расчистување на случајот по што јавноста ќе биде соодветно информирана.

Изречени 114 санкции на возачи во Штип

Thu, 24 Sep 2020 13:01:01 GMT

Во текот на вчерашниот ден полициските службеници на неколку пунктови во градот Штип при сообраќајна акциска контрола изрекле 114 санкции, информира портпаролот на СВР-Штип, Гордана Панајотова.

Најголем дел од санкциите се за нерегистрирани возила и возење без возачка дозвола.

– Дваесет и една од изречените санкции е за измината важност на сообраќајната дозвола, односно нерегистрирани возила, 20 за возење без возачка дозвола, санкционирани се 19 мотоциклисти, изготвени се четири барања за поведување на прекршочна постапка за правни и одговорни лица, а изречени се и 12 санкции за неносење заштитна маска, вели Панјотова.

Засилените сообраќајни контроли продолжуваат и во наредните денови. СВР-Штип апелира граѓаните да ги почитуваат сообраќајните правила и прописи за да се зголеми безбедноста во сообраќајот.

Полицајци тепаат човек на улица

Thu, 24 Sep 2020 12:49:33 GMT

На социјалната мрежа Фејсбук осамна видео во кое се гледа како полициски службеници тепаат човек на улица во Битола.

„РОМИТЕ НЕ СЕ ГРАЃАНИ ОД ВТОР РЕД!
Ужаснати сме од видеото кое се најде на социјалните мрежи каде се гледа полициска бруталност врз лица од ромската етничка заедница. Бараме секторот за внатрешна контрола при Министерство за внатрешни работи да го испита случајот и да ги санкционира сторителите.

ДО КОГА РОМИТЕ ЌЕ БИДАТ ЖРТВИ НА СИСТЕМОТ!

ВРЕМЕ E РОМИТЕ ДА ГО КРЕНАТ СВОЈОТ ГЛАС!“, се вели во еден од Фејсбук статусите.

Владата размислува дали да ја зголеми казната за ...

Thu, 24 Sep 2020 12:44:37 GMT

Владата размислува дали да го зголеми износот на казните за неносење маски за заштита од КОВИД-19, обемот на работа на полицијата во таа насока е зголемен и ќе има се повеќе контроли и во угостителските објекти и на собирите на граѓаните, информира денеска министерот за внатрешни работи Оливер Спасовски.

– Во Владата разговараме во однос на зголемувањето на казните и ќе се цени дали има потреба од тоа или не. Важно е дека обемот на работа на полициските службеници е зголемен и правиме се што треба да биде направено во овој момент за сите оние кои не ги почитуваат мерките, односно кои прво не се почитуваат самите себеси и не ги почитуваат своите семејства со тоа што не се зашититуваат и се изложуваат на ризик да бидат зафатени со инфекцијата. Ќе мора да носат некаква одговорност. И тоа ќе се случува понатаму и во угостителски објекти и на собирања, итн, се повеќе и повеќе, со цел да се влијае на оние кои не ги почитуваат мерките и со тоа директно ги загрозуваат живот и здравјето на граѓаните, изјави Спасовски, одговарајќи на новинарско прашање при посетата а Полицискиот центар Ѓорче Петров.

Казните, вели министерот, се наплаќаат и сега, но тоа ќе биде многу полесно откако ќе се направи усогласување на потребните закони со Законот за прекршоци, што се доставени во Собранието уште пред распуштањето поради изборите. МВР останува на тие законски решенија и Спасовски очекува наскоро да бидат ставени на дневен ред и Собранието да ги изгласа.

Во одгвор на новинарско прашање, министерот за внатрешни работи информираше дека се работи на решение за регулирање на статусот на лицата кои немаат државјанство. Клучниот проблем, како што појасни, е што тие со поделбата на поранешна Југославија кога Република Македонија стана независна држава, не поднеле барање за да добијат македонско државјанство. Имало неколку периоди во кои им било понудено да го направа тоа, но, посочи Спасовски, ги пропуштиле сите тие процеси.

– Дадовме задачи и веќе правиме анализа да видиме колку се тие луѓе, кои се условите и што е тоа што треба да го промениме од аспект на законска регулатива за да може да им обебзедиме државјанство на овие луѓе. Работиме на овој план, се надвам дека службите што постојано работат на ова ќе излезат со решение, а можеби ќе треба тоа решение да се донесе од Собранието, рече Спасовски.

Пецас: Не постои никаков проблем околу ...

Thu, 24 Sep 2020 12:37:06 GMT

Не постои никакво прашање околу ратификацијата на договорите со Македонија, изјави портпаролот на грчката, Влада Стелиос Пецас, одговарајќи на прашањето на дописничката на МИА од Атина, во однос на натписите во дел од медиумите во Грција, но и на објавата на портпаролот на СИРИЗА на социјалните мрежи, дека Нова демократија, не може да најде пратеник кој би бил известувач во Парламентот за трите билатерални договори со нашата земја.

Пецас објасни дека Нова демократија „како опозиција направи сѐ што можеме за да го спречи“ Договорот од Преспа, но сега кога Грција, во односите со Турција се повикува на меѓународото право, не може да не го зема предвид меѓународниот договор со Македонија.

– Повторивме за време на ратификацијата и секако предупредивме дека ако еден меѓународен договор се ратификува, не може да се смени. Денес, сите сфаќаат дека кога ние како темел го имаме меѓународното право за да се соочиме со турската провокација, не можеме оваа наша обврка да ја исполнуваме „a la carte“ и да велиме дека се повикуваме на меѓународното право во врска со Турција, а да не го земаме предвид во врска со Македонија. Според тоа, договорите одаат напред, не постои никакво такво прашање и секако сакам да истакнам дека еден од овие се однесува на контролата на ФИР на Македонија од грчкото Воздухопловство. Според тоа, не постои некакво прашање, истакна Пецас, одговарајќи на прашањето на МИА.

На друго новинарско прашање во однос на информациите дека поранешниот грчки премиер од редовите на Нова демократија, Андонис Самарас рекол дека ќе биде отсутен за да го избегне гласањето, Пецас објасни дека со оглед на тоа дека сѐ уште не е одреден датум за ратификацијата на конкретните договори, не може да се каже кој ќе биде присутен.

– Кога ќе се одреди (датум), ќе видите дека не постои никаков проблем, порача Пецас.

Дел од медиумите во Грција, особено оние кои што се блиски до СИРИЗА, објавија дека со оглед на тоа што Нова демократија како опозиција беше против Договорот од Преспа, постои незадоволство кај дел пратениците од владејачката партија и не може да се најде известувач, кој би ги презентирал договорите, прво на надлежната Комисија за национална безбедност и надворешни прашања, а потоа и на седница во Парламентот.

Целиот случај, преку социјалните мрежи вчера го коментираше и портпаролот на СИРИЗА Насос Илиопулос.

– СИРИЗА со чувство на одговорост, изјавува дека е подготвена, на Нова демократија да ѝ отстапи известувач, со цел да запре омаловажувањето на парламентарниот процес, господинот Мицотакис да даде уште една битка за Македонија и да се ратификуваат билатералните договори со нашата соседна земја. Во демократијата не постојат ќор-сокаци, напиша Илиопулос на социјалните мрежи.

Како што во понеделникот објави МИА, во грчкиот Парламент веќе се доставени предлог-законите за Меморандумот за забрзување на процесот на интеграција на Македонија во ЕУ, за Меморандумот за формирање на Координативен комитет за економска соработка и за Техничката спогодба за надгледување на ФИР Скопје, кои беа потпишани за време на првата меѓувладина седница одржана во април 2019 година во Скопје и еден од Министерството за одбрана, потпишан пет месеци подоцна, а сега, треба да бидат ратификувани од пратениците, откако прво ќе добијат зелено светло од надлежната комисија.

Ивановска: Државата не смее да субвенционира ...

Thu, 24 Sep 2020 12:20:41 GMT

Првиот човек на Државната комисија за спречување корупција Билјана Ивановска вели дека нејзиниот личен став е дека државата не смее да субвенционира вработувања по етничка основа бидејќи при барањето работа сите треба да бидат еднакви.

Дека јавната администрација е партизирана и корумпирана покажува и проектот кој ДКСК го спроведе заедно со Транспаренси Интернешнл.

Овој проект во кој се анализирани 20тина закони покажува дека законодавството остава простор за политички вработувања и државата мора да превземе конкретни чекори.

Деспина Тодоровска