Архимандритот Никанор, од Бугарската православна црква, направи краток историски преглед на најважните моменти од историјата на Христијанската црква поврзани со догматското учење за Светиодт Дух и како источната и западната црква го користеле Сиволот на Верата.

Од прегедот јасно може да се види дека клучна улога во настанување на догматските разлики меѓу Рим и Константинопол настануваат под силно влијание на државните власт.

Прочитајте ги најважните моменти од историјата на Источната и Западната црква.

325 – Првиот Вселенски собор во Никеја.

Утврден е тринитарниот темел. Сè уште нема обемен текст за Светиот Дух – само е спомнат како едно од Лицата на Света Троица.

381 – Вториот Вселенски собор во Константинопол.

Никео-Константинополскиот Символ на верата објавува: …и во Светиот Дух, Господа, Животворецот, Кој излегува од Отецот.“

Ова е единствената формулација што некогаш била утврдена од Вселенски собор.

589 – Третиот собор во Толедо (вестготска Шпанија).

Помесната црква во Шпанија еднострано го вметнува „и од Синот“ (Filioque) за првпат, со цел да се бори против аријанството меѓу Вестготите. Со тоа се нарушува 7-то правило на Третиот Вселенски собор во Ефес (431).

Крајот на VIII – почетокот на IX век.

Карло Велики го наметнува Filioque во целата империја.

809 – Соборот во Аахен

Го прогласува Filioque за задолжително верување; пратеници од соборот бараат Рим да го прифати.

Папа Лав III одбива, врежувајќи го оригиналниот Символ на верата од 381 г. (без Filioque) на две сребрени плочи во базиликата „Свети Петар“: „Haec Leo posui amore et cautela fidei orthodoxae“ („Јас, Лав, ги поставив овие од љубов и за зачувување на православната вера“).

Околу 808–809 – Протест на ерусалимските монаси.

Грчки (византиски) монаси во ерусалимските манастири ги осудуваат франкските бенедиктински монаси поради читањето на Символот со додатокот Filioque, обвинувајќи ги за ерес и за неовластена промена. Западните монаси се обраќаат до папа Лав III, повикувајќи се на практиката во црквите на Карло Велики; папата го потврдува оригиналниот Символ на верата.

863–885 – Мисијата на светите Кирил и Методиј.

Испратени од император Михаил III и патријарх Фотиј да ја евангелизираат Моравија/славјаните. Тие го користат оригиналниот Символ на верата без Filioque во литургијата и проповедите.

Германските (франкските) мисионери — под водство на архиепископ Адалвин од Салцбург, епископ Ерменрих од Пасау и други — ги обвинуваат за ерес поради „отстранување“ на Filioque, тврдејќи дека така се негира божественоста на Синот.

Свети Методиј е затворен две и пол години (870–873) во швабски манастир од франкски епископи.

Папа Јован VIII се вмешува, го осудува затворањето како неправедно и наредува Методиј да биде ослободен и вратен на должност. Во писмото Industriae Tuae (880) до кнезот Свјатополк имплицитно го потврдува оригиналниот Символ, поддржувајќи ја мисијата на Методиј.

IX век.

Свети Фотиј Велики го осудува Filioque како ерес во својата „Мистагогија“.

879–880 – Константинополскиот собор (Фотиевиот собор).

383 епископи присутни; папските легати (Захариј Анански, Павле Анкирски, Петар Сардински) претседаваат во име на папа Јован VIII.

Правило 1: Символот на верата од 381 г. мора да остане „неизменет и непроменет“.

Правило 7: Анатема за секого што додава или одзема од него.

Ова имплицитно го осудува Filioque како неовластена промена (разбрано од сите како реакција на франкско-шпанската додавка).

Легатите ги потпишуваат сите акти.

Папа Јован VIII ги одобрува одлуките во „Commonitorium“ (писмо од 879 г. до император Василиј I) и во следната кореспонденција; наредува Фотиј да биде признат за патријарх, а одлуките да се почитуваат (вклучително и во штотуку покрстената Бугарија).

Не постои никакво повлекување од овие одлуки за време на неговиот живот (†882). Рим ги отфрла актите дури во XI век, по расколот, давајќи предност на соборот од 869–870.

1014 г.

Папа Бенедикт VIII (под притисок на германскиот император Хенрих II) го воведува Filioque во римската литургија, укинувајќи ги делата на Лав III и Јован VIII.

1054 г. – Големата шизма.

Меѓусебни анатеми; Filioque е клучен догматски спор.

1274 г. – Вториот Лионски собор (Римокатолички 14-ти Вселенски).

Прво официјално догматизирање на Filioque:

„Исповедаме дека Светиот Дух вечно излегува од Отецот и Синот… Ако некој се осмели да го отфрли ова, нека биде анатема.“

Византиските делегати се принудени од император Михаил VIII да го прифатат ова, но сојузот со Латините е одбиен од православниот народ и клирот.

1439 г. – Флорентински собор.

Втор неуспешен обид за унија; Filioque повторно е воздигнато во догмат. Одлуката ја одбива свети Марко Ефески и Источните.

1545–1563 г. – Тридентски собор

Повторно ги потврдува одлуките на Лион и Фиренца.

1870 г. – Првиот Ватикански собор.

Конечно западно догматско потврдување на Filioque.

1965 г.

Папа Павле VI и патријарх Атинагора I ги укинуваат меѓусебните анатеми од 1054 г.

1986 г. – Енцикликата „Dominum et Vivificantem“ на папа Јован Павле II.

Го објаснува Filioque како израз на вечното заедништво и единосуштието на Отецот и Синот, од кои „произлегува“ Светиот Дух — но не како второ ипостасно излегување од Синот, туку како зрачност на Духот од монархијата на Отецот. Целта е да се покаже склад со источната теологија.

1995 г. – Апостолско писмо „Orientale Lumen“ на папа Јован Павле II.

Дополнително го потенцира светоотечкото предание на Источните цркви, вклучувајќи го авторитетот на оригиналниот Символ на верата, и повикува на заемно разбирање на Filioque како западен дополнителен израз, а не како спротивставен.

Истата година, во документот „Грчките и латинските традиции за произлегувањето на Светиот Дух“ (Папски совет за промовирање на христијанското единство), се наведува: Симболот на верата од 381 г. „задржува нормативна и неотповиклива вредност“; анатемата од Лион „повеќе не е применлива“.

2000–2024.

Папите Јован Павле II, Бенедикт XVI и Франциск последователно го изговараат Символот на верата без Filioque во заеднички молитви со православните (2006, 2014, 2021).

Папа Фрациск (†2025) ја истакнува 1700-годишнината од Никејскиот собор како пат кон единство, користејќи го оригиналниот Символ на верата во екуменски контекст.

2025 – 1700-годишнина од Соборот во Никеја.

Следејќи ја визијата на папа Франциск, неговиот наследник папа Лав XIV (избран на 8 мај 2025 г.) патува во Никеја (Изник, Турција) на своето прво патување како понтиф.

28 ноември:

Папа Лав XIV и Вселенскиот патријарх Вартоломеј заедно водат вселенска молитвена служба кај урнатините на древната базилика, читајќи го оригиналниот Символ од 381 г. без Filioque. Тие палат свеќи пред иконите на Христос и Отците на Соборот, повикувајќи ги христијаните да ги надминат поделбите и да ја обноват верноста кон никејската вера.

„И во Светиот Дух, Господа, Животворецот, Кој излегува од Отецот, Кому Му се поклонуваме и Го славиме рамно со Отецот и Синот, и Кој говорел преку пророците.“

Пишува: Архимандрит Никанор БПЦ (Фејсбук статус)

The post Патот appeared first on Religija.

Religija.mk

Message History

Add new keyword