Ohrid Sky

Потресна исповед на британска гимнастичарка, ...

Thu, 22 Oct 2020 08:06:53 GMT

Би-би-си Спорт објави сторија на поранешната гимнастичарка Мишел Киневи која била изложена на мрачни постапки на тренерот Леонард Холис во 80-тите години.

За време на злосторството, спортистката била дете на девет години. Им раскажала на родителите за инцидентот, отишле во полиција, но не било отворено кривично дело поради недостиг на докази.

Како возрасна, во 2015 година, Киневи откри дека нејзиниот силувач е осуден за непристојно однесување кон друг ученик на возраст под 14 години.

После тоа, Мишел повторно напиша изјава во полиција. Овој пат прифатена, но во меѓувреме обвинетиот почина во 2017 година без да дочека судење.

Тогаш Киневи се обиде да ја изведе пред лицето на правдата Британската гимнастичка федерација, која знаеше за тоа каква репутација има тренерот, но не го отстрани од работата со деца. Но, во федерацијата, на поранешната атлетичарка и беше кажано дека тие не гледаат вина зад себе, по што Мишел одлучи да ја објави својата приказна јавно.

The post Потресна исповед на британска гимнастичарка, тренерот ја силувал кога имала девет години appeared first on Ohrid Sky.

Жоржињо: Чест ми е да играм со Чех, претходно играв ...

Thu, 22 Oct 2020 07:51:45 GMT

Фудбалерот од средниот ред на Челзи, Жоржињо ги сподели своите ставови во врска со вклучувањето во лондонскиот состав на 38-годишниот голман Петр Чех, кој се пензионираше во 2019 година.

– Мислам дека фактот дека Чех сега е со нас може многу да му помогне на тимот. Петр е легенда, тој е многу искусен, ќе помогне во соблекувалната и ќе може достоинствено да игра ако е потребно. За мене би било чест да излезам на теренот со него. Претходно, ова беше можно само на плејстејшен – го цитира „Мирор“ Жоржињо.

Петр Чех се врати во составот на Челзи како четврти голман. Тој ќе биде на голот на „сините“ доколку ниту еден од Кепа Аризабалага, Едуар Менди и Вили Кабаљеро, не биде во состојба да настапи.

The post Жоржињо: Чест ми е да играм со Чех, претходно играв со него на плејстејшн appeared first on Ohrid Sky.

Модуларната болница почна да работи, помагаат ...

Thu, 22 Oct 2020 07:50:52 GMT

Директорката на Клиниката за инфективни болести и фебрилни состојби д-р Милена Стевановиќ информираше дека е започната хоспитализација на пациенти во модуларната болница во непосредна близина на клиниката.

Во однос на кадарот кој работи во модуларната болница, д-р Стевановиќ изјави:

„Постои систем на мобилизирање на медицински персонал, како среден медицински персонал, така и лекарски и специјалистички. Во моментот на испомош се дојдени колеги од интернистичките гранки и тоа е практично една екипа, еден тим кој работи и во клиничката зграда и во модуларната болница. Тоа е всушност една институција сега”.

Модуларната болница има капацитет од 70 кревети и истата е целсоно опремена за третман на пациентите со ковид-19.

„Модуларната болница е целосно опремена. Централен довод на кислород до секое легло и се она што ни е потребно од опрема и функционира на клиниката, го има и во модуларната болница“ – потенцираше д-р. Стевановиќ.

Таа изјави дека заради динамиката на приеми и исписи не може да се даде предвидување како ќе се полнат болничките капацитети, но она што можевме да го предвидиме и на што апелиравме и сѐ уште апелираме е придржувањето кон мерките како единствен начин за лична заштита и превенција од ширење на вирусот.

„Истите мерки важат насекаде во светот, многу едноставни и лесни за придржување. Само треба дисциплина, а таа сега ни е исклучително потребна. Држете дистанца, избегнувајте групирања, носете маска, “ – потенцираше д-р Стевановиќ.

Д-р Стевановиќ изјави дека тие, здравствените работници, мора да ја издржат оваа битка.

„Едноставно мораме да издржиме, заради нас, заради вас, заради нашите и вашите семејства. Граѓаните мора да ни помогнат, потенцираше директорката на Инфективната клиника и апелираше до медиумите да испрата порака до јавноста за почитување на мерките.

Дополнително, таа апелираше и до инфицираните со ковид-19 во целост да ги следат препораките на стручните лица, матичните лекари.

„Сите оние кои имаат лесни симптоми да бидат дома, изолирани со симптоматска и витаминска терапија. Да им помогнеме на оние кои навистина имаат потреба од хоспитализација“ , потенцираше д-р. Стевановиќ.

The post Модуларната болница почна да работи, помагаат лекари и од другите клиники appeared first on Ohrid Sky.

Тројцата космонаути од Меѓународната вселенска ...

Thu, 22 Oct 2020 07:31:01 GMT

По шестмесечната мисија на Меѓународната вселенска станица тројца космонаути безбедно се вратија на Земјата.

Космонаутот на НАСА, Крис Касиди и космонаутите на Роскосмос, Анатолиј Иванишин и Иван Вагнер слетаа во степина на Казахстан, југоисточно од Жесказган.

По медицинскио преглед тројцата космонаути со хеликоптер ќе бидат префрлени до Жесказган, од каде ќе заминат дома.

Касиди, Иванишин и Вагнер поминаа 196 денови во Вселената.

Астронаутот на НАСА, Кејт Рубинс и астронаутите Сергек Рижиков и Сергеј Куд-Сверчков од Роскосмос пред една недела пристигнаа на Меѓународната вселенска станица, каде ќе претстојуваат шест месеци.

The post Тројцата космонаути од Меѓународната вселенска станица безбедно се вратија на земјата appeared first on Ohrid Sky.

Новак Ѓоковиќ со емотивна порака му го честиташе ...

Thu, 22 Oct 2020 07:23:49 GMT

Најдобриот светски тенисер, Новак Ѓоковиќ, на социјалната мрежа Инстаграм објави емотивна порака по повод роденденот на неговиот син.

Стефан Ѓоковиќ, кој често му дава поддршка на својот татко на трибините, наполни шест години, а Новак му честиташе со краток текст и со заедничка фотографија.

„Среќен роденден хероју татин. Ти благодарам што ни даваш безгранична љубов и што нè потсетуваш дека секој ден треба да работиме на себе и да бидеме подобро луѓе и родители. Те сакаме“, напишал Ѓоковиќ.

Инаку, Новак и Јелена Ѓоковиќ имаат две деца, синот Стефан и ќерката Тара, родена пред три години.

The post Новак Ѓоковиќ со емотивна порака му го честиташе роденденот на синот Стефан (ФОТО) appeared first on Ohrid Sky.

Приходите на „Тесла" се искачија на рекордни 8,77 ...

Thu, 22 Oct 2020 07:22:24 GMT

Американскиот производител на електрични автомобили „Тесла“ изненади со резултатите за третиот квартал оваа година, што ги надмина очекувањата на аналитичарите, на начин што остварува профит веќе петти последователен квартал.

Вредноста на акцијата се искачи за 4,3 проценти по објавувањето на резултатите, на 440,81 долари, објави Сеебиз.

„Тесла“ соопшти дека инсталирале оваа година да имаат капацитет за производство и испорака на 500.000 возила.

Приходите се искачија на рекордни 8,77 милијарди долари, од 6,30 милијарди долари една година порано. Според податоците на ИБЕС од Рефинитив, аналитичарите очекувале приход од 8,36 милијарди долари.

Со исклучок на еднократните ставки, „Тесла“ забележа профит од 76 центи по акција.

The post Приходите на „Тесла“ се искачија на рекордни 8,77 милијарди долари appeared first on Ohrid Sky.

Прва фотографија на Бил Козби од затворот: Насмеан и ...

Thu, 22 Oct 2020 07:17:20 GMT

Дури и кога е зад решетки, осудениот предатор Бил Козби (83) не престанува да ја изненадува јавноста. Се појави нова затворска фотографија на која Бил се смее.

Пропаднатиот актер позираше за нова снимка зад решетките, насмеан, и носел заштитна маска околу вратот. Оваа рутинска фотографија е направена на почетокот на септември во затворот СЦИ Феникс во Пенсилванија, каде што е затворен Бил.

Ова е прва фотографија на Бил од затворот откако беше осуден во 2018 година од три до десет години затвор. Изгледот на Бил значително се сменил додека ја издржува затворската казна. На најновата фотографија тој изгледа позапуштено, но и повесело во споредба со фотографијата пред да влезе во затвор.

Во април 2018 година, тој беше прогласен за виновен по сите обвиненија за злоупотреба на Андреа Констанд, жена која работела како службеничка во женскиот кошаркарски тим на Универзитетот Темпл во чиј кампус се запознале преку заеднички пријател. Во тоа време Андреа имала 24 години, а Бил 60. Но, актерот тврди дека не е виновен.

Се чини дека не му е толку лошо во затворот како што се претпоставуваше дека ќе биде. Тој ја нарекува својата ќелија пентхаус и се чувствува привилегиран во затвор.

– Нема од мене да слушнете каење. Јас бев таму. Не ми е гајле што мислат за сè група луѓе кои не беа таму. Тие не знаат што се случи – рече комичарот во една прилика.

ФОТО: Твитер

The post Прва фотографија на Бил Козби од затворот: Насмеан и запуштен ФОТО appeared first on Ohrid Sky.

Папата Франциск поддржува истополови граѓански ...

Thu, 22 Oct 2020 07:12:38 GMT

Поглаварот на Римокатоличката црква, Франциск е првиот папа кој ги поддржа истополовите граѓански партнерски заедници.

Папата Франциск во документарниот филм „Франческо“, што вчера беше премиерно прикажан на фестивал во Рим, истакна дека истополовите двојки треба да имаат можност официјално да регистрираат граѓанска партнерска заедница.

– Тие се деца на Бог. Не можете некого да го исфрлите од семејството ниту поради тоа да го направите нивнито живот беден. Тоа што мораме да го имаме е закон за граѓанска заедница, на тој начин тие се законски покриени – посочи папата Франциск.

Во филмот е прикажано како папата охрабрува двајца геј мажи да доаѓаат на миса заедно со нивните три деца.

Папата додека беше надбискуб во Буенос Аирес го поддржа предлогот истополовите двојки да имаат законска заштита.

Филмот „Франческо“ на режисерот Јевгниј Афиневски е посветен на изминатите 7,5 години откако Франциск стана папа и неговата работа за заштита на животната средина, сиромаштијата, миграцијата, расната и социјална нееднаквост.

Во долгометражниот документарен филм прикажан е и односот на папата кон обвиненијата за сексуално злоставување во Римокатоличката црква.

Според актуелната католичка доктрина, хомосексуалноста е девијантно однесување.

The post Папата Франциск поддржува истополови граѓански партнерски заедници appeared first on Ohrid Sky.

Земјотрес регистриран во близина на Закинтос

Thu, 22 Oct 2020 07:11:38 GMT

Умерен земјотрес синоќа е регистриран во Јонско Море во близина на грчкиот остров Закинтос.

Земјотресот бил со интензитет од 5,2 степени според Рихтеровата скала со епицентар на 10 километри длабочина, на 76 километри од Закинтос.

Нема информации за евентуални жртви и причинета материјална штета.

The post Земјотрес регистриран во близина на Закинтос appeared first on Ohrid Sky.

Зидан: Јас сум одговорен за поразот

Thu, 22 Oct 2020 07:10:17 GMT

Зинедин Зидан, тренерот на Реал, ја прифати одговорноста за неуспехот на кралскиот клуб на почетокот од Лигата на шампионите и поразот од Шахтјор (2:3).

Шампионот на Украина одигра одлична партија и зеде поени од стадионот „Алфредо ди Стефано“, а Зидан по мечот изјави дека самиот тој ја сноси вината.

– Она што се случи ме вознемири. Се работи и за мене, јас сум одговорен. Не ја видов тимската игра што ја посакував, а кога не го гледате крајниот резултат, вие сте виновни. Тие се на терен и им требаат решенија – рече Французинот.

Тој е свесен дека тоа е само почеток на натпреварувањето, но никој не очекуваше пораз во Мадрид.

– Тоа е лош момент за целиот тим. Покажавме борбеност во второто полувреме. Играчите се вознемирени, тие се шампиони, тоа чувство е нормално. На мене е да најдам решенија, бидејќи вакви работи не смеат да ни се случуваат – вели тренерот на Реал.

Тој рече дека тимот нема доверба.

– Кога ќе ви постигнат три гола за половина час, по нашата грешка при првиот гол, тоа е доволно тешко. Ни недостасуваше малку од сè, пред се во самодовербата, што е најважно – додаде Зизу.

The post Зидан: Јас сум одговорен за поразот appeared first on Ohrid Sky.

Алегри го менува Лампард во Челзи?

Wed, 21 Oct 2020 20:33:55 GMT

Поранешниот тренер на Јувентус, Масимилијано Алегри сè уште е без работа, но шпекулациите за неговата иднина продолжуваат. Откако изминатите недели се појавија гласини дека тој може да предводи некого помеѓу Пари Сен Жермен и Манчестер Јунајтед, италијанскиот менаџер сега е поврзан со друг европски гигант.

Неколку извори тврдат дека Алегри може да го замени Френк Лампард на кормилото на Челзи. Италијанскиот стручњак реши да паузира една година откако помина 5 години како тренер во Јувентус.

Последните недели се зборуваше многу дека тој може да го замени Оле Гунар Солскјер на „Олд Трафорд“, но тренерското место на Норвежанецот по синоќешната победа над Пари Сен Жермен со 2:1 изгледа сигурно.

„Котидиано Спортиво“ тврди дека Челзи го идентификувал Алегри како потенцијална замена за Френк Лампард доколку резултатите на тимот не се подобрат.

Масимилијано Алегри има акумулирано богата визит-карта во последните десет години. Тој има 6 титули во Серија „А“ со Јувентус и Милан, четири пати го има освоено Купот на Италија и двапати стигнал до финалето во Лигата на шампионите.

The post Алегри го менува Лампард во Челзи? appeared first on Ohrid Sky.

Шахтјор го посрамоти Реал Мадрид

Wed, 21 Oct 2020 20:32:20 GMT

Екипата на Шахтјор (Доњецк) оствари изненадувачка победа со 3:2 како гостин на Реал Мадрид во натпревар од групата „Б“ од Лигата на шампионите со што го направи првото големо изненадување во новата сезона.

Головите за Украинците ги постигнаа Тете (29’), Варан (33’ – автогол) и Соломон (42’) во првото полувреме. По паузата, тимот од Мадрид се обиде да направи пресврт, но погодоците на Лука Модриќ (54’) и Виничиус Жуниор (59’) не беа доволни за тоа.

Зинедин Зидан направи седум измени пред саботното „Ел Класико“ против Барселона. Капитенот Серхио Рамос воопшто не беше во групата на мечот поради добиен удар против Кадиз и така неговото место го зазеде Едер Милитао. Ферлан Менди беше преквалификуван како десен бек.

Во средниот ред имаше и две нови имиња во споредба со последниот натпревар – Касемиро и Федерико Валверде. Нападот беше целосно променет. Родриго и Марко Асенсио играа на крилата, а Лука Јовиќ започна како стартер.

Шахтјор пак беше сериозно погоден од коронавирусот, а дури десет играчи од нивниот прв тим го пропуштија мечот. Меѓу нив беа бразилските sвезди Тајсон, Алан Патрик и Жуниор Мораеш, дефанзивецот Микола Матвиенко, крилото Евхен Конопљанка и вториот капитен Тарас Степаненко.

Украинците сепак успеаја да соберат доволно играчи за натпреварот, бидејќи нивната почетна постава ја сочинуваа осум играчи на возраст од 23 или помалку години и на крајот да дојдат до неверојатна победа.

РБ Салцбург и Локомотив (Москва) не успеаја да победат и ремизиаа 2:2 на првиот натпревар од групата „А“ од Лигата на шампионите, кој се одигра во раниот термин.

Натпреварот кој се одигра пред 3.000 гледачи беше доста отворен.

Гостите поведоа со голот на Едер (19’), но „црвените бикови“ дојдоа до целосен пресврт преку Доминик Собослај (45’) и Златко Јанузовиќ (50’).

Сепак, Виталиј Лисакович му донесе бод на рускиот тим на 15 минути пред крајот.

The post Шахтјор го посрамоти Реал Мадрид appeared first on Ohrid Sky.

Ван Дајк ќе заборави да игра фудбал

Wed, 21 Oct 2020 20:31:15 GMT

Повредата на Вирџил ван Дајк се покажа уште покомплицирана од веќе тешката дијагноза на искинати лигаменти на десното колено.

Првичните предвидувања беа дека Холанѓанецот може да се врати на крајот од оваа сезона, но Дејвид Орнштајн од „Атлетик“ тврди поинаку.

Според новинарот, централниот дефанзивец на Ливерпул нема да се врати во игра пред почетокот на следната сезона.

Холанѓанецот наскоро ќе мора да биде опериран, иако сè уште нема одреден датум за операцијата.

– Мојата информација е дека повредата на десното колено на Ван Дајк е можеби дури и полоша отколку што првично се мислеше и се протега надвор од предниот лигамент. Тоа би значело дека нема да го гледаме Ван Дајк на теренот до следната сезона, прокоментира Орнштајн.

The post Ван Дајк ќе заборави да игра фудбал appeared first on Ohrid Sky.

Симон и Никол Киселички: клавир, бас, вокал и љубов

Wed, 21 Oct 2020 19:08:34 GMT

Никол Киселички, претходно Јоциќ, е родена лондончанка, но со македонко-српско потекло, млада мултиталентирана музичарка, која свири на повеќе инструменти, но омилен ѝ е бас гитарата, а од пред неколку години, токму благодарение на својот прекрасен џез/блуз вокал и на нејзиниот соработник, колега и сопруг, џез пијанистот, композитор и аранжер Симон Киселички, настапува и како пејачка.

Пред неколку дена тие ја пуштија во етер својата нова песна Euphoric (можете да ја слушнете ТУКА), а за својата прва средба, за почетокот на нивната љубов, но и за професионалната соработка, раскажува Никол во интервјуто за „Мајка и дете“.

The post Симон и Никол Киселички: клавир, бас, вокал и љубов appeared first on Ohrid Sky.

Собрание: Лаптопите се донација од Швајцарија и не ...

Wed, 21 Oct 2020 18:52:58 GMT

Набавката на 100 преносни компјутери со вредност од речиси 1.000 евра по лаптоп не се од буџетски пари, туку се донација и не се за пратениците, туку за собраниските служби, велат за Плусинфо од Собранието откако во јавноста се крена врева дека Собранието набавува скапи лкаптопи во време кога ученици немаат уреди за следење онлајн настава.

– Набавката на преносните компјутери се дел од програмата за поддршка на Собранието од Швајцарија. Тие се донација и за нив нема да се потрошат буџетски пари. Во цената на лаптопите не е вклучено ДДВ, бидејќи тие се донација. Пратениците имаат лаптопи и ним им следуваат од буџетски пари. Лаптопите се за службите во Собранието – велат од Собранието.

И поранешниот пратеник од ВМРО-ДПМНЕ, Илија Димовски, во гостување на „Топ тема“ на Телма рече дека според информации од Собранието, преносните компјутери биле донација и дека за нив нема да се потрошат буџетски пари.

The post Собрание: Лаптопите се донација од Швајцарија и не се за пратениците appeared first on Ohrid Sky.

Мурињо: Не постои „синдромот на Тотенхем"

Wed, 21 Oct 2020 18:45:37 GMT

Менаџерот на Тотенхем, Жозе Мурињо ги отфрли шпекулациите дека тимот страда од синдром, што го спречува клубот да победува на натпревари и трофеи многу години, иако редовно е близу до нив. Во саботата, Тотенхем прокоцка предност од 3:0 против Вест Хем во последните 10 минути од натпреварот, но Мурињо рече дека неговите играчи не ги преживуваат сериозно изгубените два бода.

– Минатото не ми е важно. Треба само да научиме да чуваме подобро во статички ситуации. Верувам дека ако одиграме уште 50 натпревари на кои ќе поведеме со 3:0 во 80-тата минута, нема да изгубиме ниту еден од нив. Не мислам дека постои такво нешто како синдромот на Тотенхем и немам намера повеќе се занимавам со тоа – изјави Португалецот пред првиот натпревар од групната фаза во Лигата на Европа против австриски ЛАСК Линц.

Менаџерот на Тотенхем додаде дека левиот бек Дани Роуз повеќе не е дел од неговите планови, иако англискиот репрезентативец е сè уште дел од тимот.

– Дани имаше голема желба да си замине уште во јануари минатата година. Тој сакаше да замине некаде да игра. Сепак, пазарот го прават не само играчите, туку и нивните агенти. Мора да го прашате неговиот агент зошто не најде решение и не најде друг тим за него – објасни Мурињо.

За мечот со ЛАСК, Тотенхем ќе биде без дефанзивците Ерик Даер и Џафет Танганга.

The post Мурињо: Не постои „синдромот на Тотенхем“ appeared first on Ohrid Sky.

Уште тројца ракометари на Пролет имаат корона, ...

Wed, 21 Oct 2020 18:44:49 GMT

Ракометниот клуб Пролет денеска соопшти дека уште тројца ракометари од нивните редови се тестирале позитивни за коронавирусот. Тоа го покажале резултатите од последното тестирање меѓу сите членови на ракометниот клуб.

Согласно здравствените протоколи, тројцата заболени се ставени во самоизолација, а сите останати ракометари остануваат изолирани, надвор од тренажен процес.

Вкупно 12 ракометари на Пролет моментно се позитивни на ковид-19.

Пролет не продолжува со тренинзи, се додека не бидат создадени услови за такво нешто со стабилизација на бројот на заболени во тимот.

The post Уште тројца ракометари на Пролет имаат корона, вкупно 12 appeared first on Ohrid Sky.

Интер во нови проблеми пред дуелот со Борусија

Wed, 21 Oct 2020 18:43:43 GMT

Дефанзивецот на италијански Интер, Ашраф Хакими (21) е позитивен на коронавирусот и ќе го пропушти вечерашниот натпревар од Лигата на шампионите против Борусија Моенхенгладбах, објави италијанскиот клуб.

Младиот Мароканец беше позитивен во последната рунда на тестирање пред денешниот натпревар.„Хакими нема никакви симптоми и следните 10 дена ќе ги помине во самоизолација”, соопштија од Интер.

Според италијанските медиуми, Алесандро Бастони и Раџа Наинголан се опоравиле од коронавирусот, додека Ешли Јанг, Роберто Гаљардини, Јонут Раду и Милан Шкриниар се уште се позитивни.

Натпреварот помеѓу Интер и Борусија Моенхенгладбах е закажан за вечерва на „Меаца“, а во вториот натпревар од групата „Б“ ќе се сретнат Реал Мадрид и Шахтјор.

The post Интер во нови проблеми пред дуелот со Борусија appeared first on Ohrid Sky.

Девојче добило име по интернет провајдер, ...

Wed, 21 Oct 2020 18:42:39 GMT

Кога родителите избираат име за своето новороденче, обично се трудат тоа да биде единствено или да има некое посебно значење. Еден брачен пар отишол чекор понатаму.

Интернет привајдер во Швајцарија, Twifi, упатил повик до сите новопечени родители, нудејќи 18 години бесплатен интернет на сите кои своето дете ќе го именуваат по него – Твајфијс или Твајфија.

– Едноставно пратете ни фотографија од извод од матична книга на родените на вашето дете. По верификацијата, Твифи ќе ви даде 18 години бесплатен интернет – се вели во огласот. Звучи блесаво, а уште полошо е дека двајца одлучиле ова да го прифатат.

Триесетгодишен брачен пар, кој сакал да остане анонимен, ја крстиле својата ќерка Твајфија. За среќа одлучиле да бидат суптилни, па тоа и е средно име, а не прво име.

Тие рекле дека парите, кои би ги потрошиле на интернет, ќе ги чуваат на страна и откако ќерката ќе наполни 18 години ќе и купат автомобил.

– Сакаме да останеме анонимни за околината, бидејќи не сакаме никому да се правдаме. Многу не погаѓаат обвинувањата дека сме го продале името на своето дете – изјавила мајката.

Извршниот директор на компанијата Твифи, Филип Фош, ветил дека ќе им го плаќа интернетот на ова семејство 18 годинидури и ако Твифи пропадне.

The post Девојче добило име по интернет провајдер, семејството добило 18 години бесплатни услуги appeared first on Ohrid Sky.

Страшно невреме ја зафати Грција: Потопени возила, ...

Wed, 21 Oct 2020 18:38:29 GMT

Силно невреме проследено со дожд и град ја зафати Грција. Како што објавија грчките медиуми, улиците на островот Крит се целосно покриени со мраз, а освен тоа што се уништени маслинките и разните овоштарници, настрадале и голем број птици.

Во Неа Аликарнасос голем број возила биле потопени, а на некои улици нивото на водата се искачило на 80 сантиметри.

Големи торнада над морето биле забележани и на Родос, Санторини и Наксос.

The post Страшно невреме ја зафати Грција: Потопени возила, улици покриени со мраз, убиени птици (ВИДЕО) appeared first on Ohrid Sky.