Општина Охрид денеска беше домаќин на деветтата редовна седница на Советот за развој на Југозападниот плански регион. На седницата беа присутни градоначалниците на општините од регионот, претставници на општинската администрација и претставници на Центарот за развој на југозападниот плански регион.

На седницата беше презентирана информација во врска со реализацијата на тековни проекти, а се разговараше и за проектот за изградба на регионална депонија за Југозападниот регион и регионално решавање на проблемот со кучиња скитници. Оваа точка ги потикна градоначалниците да си кажат своите маки, а најгласен беше градоначалникот на Струга Рамиз Мерко.

„Зошто зборуваме за изградба на стационари, а не зборуваме за измени и дополнувања на законот за животни. Со „инцидентите“ кои се случија во Струга имавме многу препукувања, но и самиот премиер во изјава кажа: „Ќе побараме средства од ЕУ да направиме еден центар за згрижување на кучиња“. Верувам дека секој центар кој би се направил индивидуално неможе да се справи со проблемот со кучињата скитници, зошто тогаш ќе има дотур, или налив на кучиња од таа општина или од тој центар. За да им замаглиме очи и на медиуми и на државата ние како општина издоивме околу 600 000 денари направивме тендер на кој се јави едно прифатилиште од Куманово и прифати околу 70 кучиња. Но гледаме пак нови кучиња“, дециден беше Мерко.

Тој додаде дека доколку се грижиме само за кучињата не е во ред.

„Ако можиме да колиме јагниња, да колиме телиња, да колиме овци, овни, да тепаме диви животни, да ловиме риба, се правиме што ни е потребно за наш живот, а единствено ќе ги чувема кучињата. Да, нека ги чуваат оние ги имаат дома, се друго неможе да се чува. И во законот пишува дека ризичните кучиња треба да се уништат, а кај знаеме кое е ризично? Луѓе се убиваат па некој не сноси одоворност, кучиња се убиваат па треба градоначалниците да сносат одговорност.Јас имам пуштено предлог за измени и дополнувања на законот по мое видувања но ова треба да го направиме заедно. Едно време сите ги тепавме. И со закон бевме заштитени. Тендер правевме со ловното друштво, тие излегуваа ноќе и секое куче кое е надвор од контрола се отстрануваше. Еве отворено ќе кажам по селските општини ги ништат. Кој сака нека речи што сака. Еве јас отворено кажувам, не се плашам ни од закон ни од ништо „Ми рече еден во Мислешево јас наполнав цел трактор. Напаѓаа на стока, напаѓаа на луѓе“, истакна Мерко.

На ова се надоврза градоначалникот од Вевчани кои праша:

-Зошто можиш да луваш куче на тераса, а неможиш кокошка? праша градоначалникот на општина Вевчани Спасе Кочовски.

Видеото во целост може да го погледнете во продолжение…

извор: NEWS1.MK

фото ФБ

Левица како Политичка партија и глас на народот секогаш реагира и дејствува кога е во прашање македонската посебност и антифашистичка историја. Со гордост до целокупната јавност објавуваме дека по иницијативата на Левица, од централен регистар избришани се: фашистичките клубови „Ванчо Михајлов” во Битола, и “Цар Борис Трети” во Охрид.

На 06.10.2022 година Левица поднесе иницијатива за забрана на новоотвореното Здружение „Цар Борис Трети“ до ОЈО Охрид. Поради отворањето на контроверзното здружение именувано по фашистичкиот државник, слуга на Хитлер и борец против македонизмот, Левица – Охрид на 7-ми октомври 2022 ја повика целокупната здраворазумна јавност на протест против уривање на уставниот и државен поредок на Република Македонија и против разгорувањето на национална омраза.

Илјадници демонстранти на протестот дојдоја со бројни транспаренти, свирки, реквизити и извикуваа: „Не за бугарскиот Хитлер!“, „Смрт на фашизмот-Слобода на народот!“, „АСНОМ Живее!“, „Со фашисти не сме исти – ние сме антифашисти!“, „Предавници фашисти, клети врховисти“, со цел зачувување на достоинството на македонската нација и споменот на македонските антифашистички борци, како и да не дозволиме рушење на интегритетот на државата.

На протестот имаше и обид за апсење од непознати причини. Протестот против глорификација на фашистичките крвници беше проследен од бројни новинарски екипи: локални, национални и интернационални.

Согласно измените на Законот за здруженија и фондации се забранува граѓански здруженија, фондации и политички партии да користат имиња, прекари, псевдоними кои се поврзани со фашизам, нацизам, геноцид, Третиот рајх и сл. Законот е со ретроактивно дејство и се однесува на веќе регистрираните здруженија и фондации и предвидува оние што нема да постапат според наведените измени, да се бришат од регистарот откако одлука ќе донесе министерот за правда.

На 28.03.2023 Министерството за правда соопшти:  „Комисијата за употреба на имиња на личности смета дека евентуалното именување на здружението со таков назив предизвикува тензии и нетолеранција во целото македонско општество. Се наведе дека тој е одговорен за злосторства извршени за време на бугарската окупација на Македонија во Втората светска војна, при што се ликвидирани стотици граѓани. Посебно беше потенцирано мислењето дека неговата соработка и сојузништво со Третиот рајх и нагласената антисемитска политика се најдиректно одговорни и за депортацијата и екстерминацијата на илјадници Евреи од Македонија во логорот на смртта Треблинка“. Заклучокот ќе се проследи до министерот за правда кој ќе треба да донесе решение за бугарскиот клуб од Охрид.

Локалниот огранок на Политичката партија Левица потсетува дека Мајка Македонија раѓала и ќе раѓа горди синови и ќерки Македонци, кои секогаш ќе бидат на браникот на асномските темели, заветени дека фашизмот нема да воскресне!

Левица, локален огранок Охрид

Одлука за спроведување на стратегиска оцена

1. За планскиот документ Урбанистички план за село Лескоец, Општина Охрид,  кој го донесува Општина Охрид е потребно да се спроведе стратегиска оцена на влијанието врз животната средина согласно член 65 од Законот за животна средина .
2. Како органи засегнати од имплементацијата на планскиот документ Урбанистички план за село Лескоец, Општина Охрид,  се определуваат следните: Министерство за животната средина и просторно планирање и Општина Охрид
3. За планскиот документ Урбанистички план за село Лескоец, Општина Охрид,  кој плански документ го донесува Советот на Општина Охрид,  донесувањето на овој плански документ ќе има влијание врз животната средина
4. Обемот на извештајот за стратегиска оцена треба да ги опфати следните аспекти:Влијанието на развојните решенија во поглед на осетливите елементи на животната средина на планираниот опфат(вода, почва,  управување со отпад,  природното и културно/археолошко наследство и пејсаж).
5. Одлуката заедно со формуларите за определување на потребата од спроведување на стратегиска оцена се објавува на веб страната на Општина Охрид на следната веб адреса:ohrid.gov.mk
6. Против ова одлука јавноста има право на жалба до Министерството за животна средина и просторно планирање во рок од 15 дена од денот на објавувањето на одлуката на веб страната.

повеќе на ЛИНКОТ

Општина Охрид денеска беше домаќин на деветтата редовна седница на Советот за развој на Југозападниот плански регион. Од оваа седница официјално започнува мојот мандат на функцијата Претседател на Советот за развој на Југозападниот плански регион. На седницата беа присутни градоначалниците на општините од регионот, претставници на општинската администрација и претставници на Центарот за развој на југозападниот плански регион.

Членовите на советот ги разгледуваа и едногласно ги изгласаа Предлог одлуката и одлуката за усвојување на Годишниот извештај за реализација на Програмата за развој на Југозападниот плански регион за 2022 година со интерен финансиски извештај и Предлог одлуката и одлуката за усвојување на годишните сметки за работењето на Центарот за развој на Југозападниот плански регион во 2022 година и за проектот „Одржлив и инклузивен рамномерен регионален развој-II фаза на спроведување“.

На седницата беше презентирана и информација во врска со реализацијата на тековни проекти и доставени проектни апликации за предлог регионални проекти кај Бирото за регионален развој по Програмата за рамномерен регионален развој.

Исто така, на денешната седница на советот беше разговарано и за проектот за изградба на регионална депонија за Југозападниот регион и регионално решавање на проблемот со кучиња скитници со подготовка на заеднички проект за отворање на стационар во општините Охрид и Кичево.

извор: ФБ Кирил Пецаков

Денес во просториите на општина Охрид започна Седницата на Југозападниот плански регион чиј претседател е охридскиот градоначалник Кирил Пецаков.

На 29.03.2023 година во 18.30 часот во Охрид, полициски службеници од СВР Охрид го лишија од слобода И.С.(46) од Скопје.

За него била распишана централна потерница врз основа на наредба од Казнено-поправната установа „Затвор-Скопје“, со која се барал за доиздржување на казна затвор.

Тој е спроведен во казнено-поправната установа на доиздржување на затворската казна.

Различни се патиштата по коишто Бог ги води оние што сакаат да Му угодат и да го исполнат Неговиот закон. Во времето на царот Онориј, во Рим живееше високиот царски достоинственик Ефтимијан, многу угледен и многу богат. Тој и жена му Аглаида животот го минуваа богоугодно. Иако беше богат, Ефтимијан само еднаш дневно седнуваше на трпеза, и тоа по залезот на сонцето. Имаа син единец, Алексеј, кој кога порасна го принудија да се ожени. Но, ноќта по свадбата тој не само што ги остави жената и домот на својот татко туку седна на кораб и отиде во градот Едеса во Месопотамија, каде што беше прочуениот лик на Господ Исус, испратен од Самиот Господ за царот Авгар. Откако му се поклони на овој лик Алексеј се облече во руво на просјак и како таков живееше во тој град полни седумнаесет години, непрестано молејќи Го Бога во припратата на црквата на Пресвета Богородица. Кога таму се прочу како богоугодник, тој се уплаши од човечката слава и замина, седна на кораб што оди за Лаодикија, но по Божја Промисла коработ беше носен и доплови дури до Рим. Сметајќи го ова за прст Божји, Алексеј смисли да отиде во домот на својот татко и таму како непознат да го продолжи својот подвиг. Татко му не го препозна, а од милосрдие му дозволи да живее во една визба во неговиот двор. Овде Алексеј помина уште седумнаесет години, живеејќи само на леб и вода. Слугите го малтретираа на разни начини, а тој претрпе сè. А кога му се приближи крајот, напиша една хартија, ја стегна во рацете, легна и издивна, на 17 март 411 година. Тогаш во црквата на Светите апостоли имаше во присуство на царот и патријархот откровение во вид на глас кој рече: „Побарајте го човекот Божји“. Малку по ова се откри дека тој човек Божји е во куќата на Ефтимијан и по долго распрашување дознаа дека Божјиот човек е оној просјак. Кога влегоа го најдоа мртов во неговата визба, а неговото лице блескаше како сонце. Од онаа хартија неговите родители дознаа дека е тоа нивниот син Алексеј, а невестата којашто триесет и четири години живееше без него го виде нејзиниот маж, па сите ги обзеде неизмерна тага. По ова сепак се утешија гледајќи дека Бог го прослави Својот угодник. Од допирот на неговото тело се лекуваа многубројни болни, а од телото му потече благоухано миро. Го погребаа во ковчег од мермер и смарагд. Неговата глава се наоѓа во Светата Лавра на Пелопонез.

Триесет кандидати од седмата генерација на Академијата за судии и јавни обвинители ќе може да конкурираат за шест судии во Основниот суд Прилеп, четири во Струга, по три во Битола и Кичево, по две во Крушево, Охрид и Тетово, Делчево, Радовиш и Берово, како и за по едно место во Куманово, Струмица и Свети Николе.

Одлуката за распишување на огласот беше донесена со 8 гласа за и четири против, откако претходно, исто така, по пат на гласање, Советот одлучи огласот да се распише само за внатрешноста.

Членовите на Судскиот совет во најголем дел од денешната дебата по точката за донесување на одлука за објавување огласи за избор на судии во основните судови низ земјава, полемизираа за тоа дали да се распише оглас за сите судови согласно потребите или да се изостават за Скопје, каде е најголем интересот, а да се распишат огласи за судии во судовите од внатрешноста каде има помал интерес и состојбата е поалармантна.

Дел од членовите на Советот, аргументираа дека можеби треба да се размислува стратешки, па додека не се направи нова судска мрежа (што не зависи од нив), да ги зајакнат судовите со проширена надлежност, од каде потоа со делегирање ќе се упатуваат судии во основните судови каде нема интерес од кандидатите, а состојбата е алармантна. Други, пак посочија дека судовите не постојат за судиите, туку судовите постојат за потребите на граѓаните, а состојбата е алармантна речиси низ сите судови.

извор: МИА

Во организација на Општина Охрид во сабота на 1-ви април 2023 година по повод Денот на шегата ќе биде организиран „Првоаприлски хепенинг под маски“ на плоштадот „Свети Климент Охридски“.

На настанот со свои музички и танцови точки ќе настапат дечињата од ЈОУДГ „Јасна Ристеска“ како и ученици од сите основни училишта од територијата на Општина Охрид.

Програмата ќе започне во 11 часот.

На 28.03.2023 во 20.30 часот во СВР Охрид, пријавено е дека охриѓанец во семејниот дом, физички ја нападнал неговата 37-годишна сопруга. Против напаѓачот ќе биде поднесена соодветна пријава.

извор: СВР Охрид

Еден од Седумдесеттемина апостоли. Брат на светиот апостол Варнава. Родно место му е островот Кипар. Следбеник на свети апостол Павел, којшто во Посланието до Римјаните и го спомнува (16, 10). Кога великиот Павел поставуваше многубројни епископи за разни краеви на светот, тогаш го постави и Аристовул за епископ британски (англиски). Во она време народите во Британија беа диви, неверни и сурови, а Аристовул од нив претрпе неискажливи маки, беди и пакости. Безмилосно го биеја, го влечеа по улиците, му се подбиваа и го исмеваа. На крајот, со силата на Божествената благодат, овој свет маж постигна успех. Ги просвети овие народи, ги крсти во името на Господ Христос, изгради таму цркви, посвети свештеници и ѓакони и најпосле мирно се упокои во Господа и појде во Неговото Царство.

По иницијатива на претседателката на Факултетско студентско собрание при ФТУ, Фани Милошева во соработка со Младински Центар Охрид организираат хуманитарна акција за 23 годишниот стружанец Бојан Крстески.

За таа цел низ повеќе локали во Охрид поставени се кутии во кои се собираат финансиски средства. Доколку сте во можност да донирате, вашата донација може да ја дадете во Mr. I, Le Petit Bistro Lihnidos, Кадмо Бар, Shilla и Plan B, каде има поставени кутии за донации.

Милошева и младински центар во петок организираат и хуманитарна забава, која е поддржана од Кадмо Бар и Црвен Крст-Охрид.

ХУМАНИТАРНА ЗАБАВА ОД СРЦЕ ЗА БОЈАН!
Во петок (31.03.2023) со почеток од 22:00ч во Кадмо Бар, Охрид уште еднаш ќе докаже колку е хуман!
Ќе не забавуваат DJ Jana Slayy и DJ LBeat, a настанот е поддржан од Кадмо Бар и Црвен Крст Охрид.
Дојдете за уште еднаш да ја покажеме нашата хуманост и со тоа да помогнеме во лекувањето на 23 годишниот Бојан Крстески. Да направиме тој повторно да ја види светлата страна на животот!
На Бојан му е потребна итна трансплантација на црн дроб која треба да се изврши во болница во Рим.

Влезниците ќе се продаваат на врата, по цена од 150 денари.
Инфо и Резервации: 079-252-740

Поради постоење основано сомнение за сторено кривично дело „оштетување и неовластено навлегување во компјутерски систем“, СВР Охрид поднесе кривична пријава против лице на (18)години  од Охрид.

Тој, на 05.03.2023 година, на улицата „7 Ноември“ во Охрид, пронашол паричник во кој имало платежни картички и други документи, при што противправно во неколку наврати, неовластено ја искористил платежната картичка во неколку продавници и бензински пумпи.

republika.mk