Одложено е денешното судското рочиште од процесот што пред Основниот суд во Охрид се води во врска со нападот врз Христијан Пендиков, секретарот на бугарскиот културен клуб во Охрид.

Причина за неодржувањето е штрајкот на вработените во судската администрација, кои и денеска протестираат пред судската зграда.

Инаку, во судницата беа присутни и оштетениот Пендиков и првообвинетиот во предметот Илија Спасески.

Адвокатот Стефан Камишевски, застапник на оштетениот, изјави дека државните органи и обвинителството добро си ја завршиле работата со пронаоѓањето на второобвинетиот, против кого исто така е поднесена кривична пријава.

– Лицето е препознаено, поднесено е соодветно обвинение против него, очекуваме постапката против тоа лице да биде споена со оваа постапка и понатаму да се води како еден предмет, за истото кривично дело. Секако тоа ќе биде соопштено на следното рочиште, рече Камишевски.

Застапникот на обвинетиот, адвокатот Димитрија Цобоски, рече дека расправата по предметот не може да се одржи поради протестот на судската администрација, а се работи, како што рече, за предмет што не спаѓа во групата што би се работеле и во вакви услови.

Следното судско рочиште по предметот судијата Бојан Мартиноски го закажа за 26 октомври.

Инцидентот со Христијан Пендиков се случи на 19 јануари во угостителски објект на Кејот на езерото во Охрид. Случајот предизвика тензии во односите меѓу Софија и Скопје. По неговото лекување во Бугарија, Пендиков доби и бугарско државјанство, кое му беше врачено од потпретседателката на Бугарија, Илијана Јотова.

Останаа, и покрај се‘ што медиумите им сервираа…

Многумина се прашуваат како Дејвид Бекам и Викторија успеаја да го задржат бракот толку стабилен.

Во денешното „модерно“ доба, сè поретко и поретки се бракови кои остануваат и сè повеќе луѓе се разведуваат. Оваа состојба е особено лоша во светот на славните, каде што браковите тешко се одржуваат за неколку години. Сепак, легендарниот фудбалер и неговата сопруга Викторија се во брак веќе 25 години и велат дека ја откриле тајната на успешниот брак.

Бекам ја прослави годишнината од бракот на своите социјални мрежи и им даде на мажите неколку совети како да им помогнат да го зачуваат и продолжат бракот.

1. Постојано велете и дека ја сакате и покажувајте и колку ја сакате, затоа што ако дозволите љубовта да се изгаси, тогаш сето тоа престанува.

2. Правете забавни работи. Смеата е лек кој лечи сè.

3. Бракот е успешен колку што се обидувате, ако сакате да бидете со својата жена засекогаш, тогаш мора да жртвувате многу.

4. Грешките се нормални, но мора да научите да простувате.

5. Вашето семејство мора да биде на прво место. Тоа е златното правило.

Дејвид тврди дека имал многу подеми и падови со Викторија во овие две децении, но дека тие успеале да проживеат сè заедно и дека ќе продолжат да го прават тоа до крајот на животот

Грчкиот концесионер сам ќе ја гради  ХЕЦ „Чебрен“, а по изградбата земјава ќе добива 33% од влогот, а 67% му останува на концесионерот. Делот од инвестицијата на државата во хидроелектраната ќе се покрие со давање на  ХЕЦ „Тиквеш“ на грчкиот концесионер, појасни денеска министерката за животна средина Каја Шукова.

– Државата по изградбата на ХЕЦ „Чебрен“, ќе го даде за уделот којшто го има, преку ХЕЦ „Тиквеш“, којашто е постојна во државата и којашто ќе се поврзе на хидроелектраната „Чебрен“. Тоа е вогот на државата, не е влогот во пари. ХЕЦ „Тиквеш“ го даваме да се поврзе на системот на  ХЕЦ „Чебрен“ и да го оперира како еден систем, а грчката компанија, треба прво да обезбеди дозвола за вода, според Законот за води, а потоа ќе се потпише договорот за концесија. Самата ќе инвестира во изградбата – рече Шукова.

Појасни дека во влогови 67% отпаѓаат на инвеститорот, а 33% државата.

– И утре кога ќе се исплаќа дивиденда, државата ќе земе 33%, 67% се на инвеститорот. По 60 години, по завршување на концесијата целиот комплекс, сѐ она што ќе биде изградено, останува на државата – вели Шукова.

Таа објасни дека поволност од оваа инвестиција е тоа што земјава ќе има предност за користење на струјата.

– Она што е битно за нас, е кога ќе се склучува концесискиот договор ќе ни биде битно, предимство за користење на електрична енергија да има државата, потребите на државата, секако по пазарна цена, а потоа да може да се дава на други потрошувачи – вели Шукова.

Во август минатата година, градоначалникот на општина Бутел, Дарко Костовски, испрати барање до Град Скопје за изградба на фекална канализација во населените места Бел камен и Кучевачка бара.

Дури сега, цела година подоцна, градоначалничката на Скопје, Данела Арсовска, која многу им ветуваше на скопјани, а не реализираше ништо, се одважи да одговори на барањето на Костовски.

Сега е донесена одлука за изградба на оваа фекална канализација, по дополнителен амандман на советниците на ВМРО-ДПМНЕ.

Зошто на Арсовска и беше потребна цела година да одговори на барање за проект кој и самата го вети во предизборието, не е јасно.

На оваа тема на својот Фејсбук профил се огласи градоначалникот Костовски кој напиша:

„Пред точно една година на 22.08.2022 до Град Скопје поднесов барање за изградба на фекална канализација во населените места Бел камен и Кучевачка бара.

На овој чекор се одлучив имајки предвид дека на еден предизборен собир во наведените населени места градоначалничката Данела Арсовска во мое присуство вети реализиација на овој исклучително важен проект.

После една цела година градот Скопје се одважи на ова мое барање и на 14.09.2023 година со поддршка на советниците на ВМРО-ДПМНЕ донесе одлука за реализација, поточно изградба на фекална канализација во Бел камен и Кучевачка бара.

Би сакал срдечно да се заблагодарам на советниците на ВМРО-ДПМНЕ во градот Скопје, што на истата седница од 14.09.2023 година поднесоа дополнителен амандман со кој се прецизира реализацијата на оваа одлука која при поднесувањето не беше доволно јасна. Амандмнанот на ВМРО-ДПМНЕ беше прифатен од страна на советот.

Благодарен сум што градот Скопје се одважи на ова мое барање, иако доцни цела година. Би сакал да истакнам дека се надевам нема ова да биде сурова лага на Данела Арсовска, и дека ќе се одважи на тоа што во мое присуство им го вети на жителите од наведените населени места.

Со особено внимание ќе ја следам ситуацијата, бидејки ми е лично важна. Ќе бидам тука да реагирам веднаш доколку нешто не оди како што треба“ – напиша тој.

На 20.09.2023 во 17.20 часот на регионалниот пат Старо Нагоричане-Пелинце, Општина Старо Нагоричане, полициски службеници од Полициското одделение Старо Нагоричане го лишиле од слобода Д.С.(27) од Велес.

При контрола на товарно возило „ман“ со велешки регистарски ознаки, кое го управувал, биле пронајдени 44 мигранти од Палестина, Ангола, Конго, Судан, Пакистан, Гана и Сенегал, меѓу кои и малолетници.

Д.С. бил приведен во полициска станица и по целосно документирање на случајот против него ќе следува соодветна пријава.

На 20.09.2023 во 17.20 часот на регионалниот пат Старо Нагоричане-Пелинце, општина Старо Нагоричане, полициски службеници од Полициското одделение Старо Нагоричане го лишиле од слобода Д.С.(27) од Велес.

При контрола на товарно возило „ман“ со велешки регистарски ознаки, кое го управувал, биле пронајдени 44 мигранти од Палестина, Ангола, Конго, Судан, Пакистан, Гана и Сенегал, меѓу кои и малолетници.

Д.С. бил приведен во полициска станица и по целосно документирање на случајот против него ќе следува соодветна пријава.

Според податоците на Државниот завод за статистика, индексот на просечната месечна исплатена нето-плата по вработен во јули 2023 година, во однос на јули 2022 година, изнесува 114.1.

Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Градежништво (19.5 %), Образование (17.2 %) и Јавна управа и одбрана; задолжително социјално осигурување (16.8 %).

Намалување на просечната месечна исплатена нето-плата по вработен, во однос на претходниот месец, е забележано во секторите: Рударство и вадење на камен (7.9 %), Финансиски дејности и дејности на осигурување (5.3 %) и Објекти за сместување и сервисни дејности со храна (4.6 %).

Просечната месечна исплатена нето-плата по вработен, во јули 2023 година, изнесува 36 286 денари.

Хрватскиот претседател Зоран Милановиќ во своето обраќање пред Генералното собрание на ОН повика на реформа на Советот за безбедност на ОН, промена на изборниот закон во Босна и Херцеговина и признавање на Косово .

Хрватскиот претседател Зоран Милановиќ во своето обраќање пред Генералното собрание на ОН повика на реформа на Советот за безбедност на ОН, промена на изборниот закон во Босна и Херцеговина и признавање на Косово и се заложи за соработка на државите за зачувување на планетата.

„Светот во кој живееме денес бара заеднички, глобални и координирани напори како клуч за успех во решавањето на сериозните глобални кризи“, рече Милановиќ во вчерашниот говор, нагласувајќи дека „мора да се зачува улогата на ОН како центар на глобалната соработка“.

Милановиќ голем дел од својот говор посвети на прашањето за одржливиот развој, нагласувајќи дека досегашните напори на светот во оваа насока се покажале како „недоволни“.

Хрватскиот претседател повика на инвестирање во спречување конфликти бидејќи тоа е „далеку попрофитабилно од инвестирањето“ во нивно запирање и нивно последователно закрепнување.

Тој рече дека Хрватска останува посветена на борбата против говорот на омраза, вклучително и антисемитизмот, унапредувањето на правата на жените и децата, заштитата на малцинствата и укинувањето на смртната казна.

Во Њујорк, Милановиќ зборуваше за важноста на прашањето за 1.806 исчезнати за време на Татковинската војна и за ситуацијата во соседството во југоисточна Европа.

Тој посочи дека Хрватска ја поддржува европската перспектива на Босна и Херцеговина и ја поздравува одлуката на ЕУ да и додели кандидатски статус.

Исто така, ја истакна важноста на изборните реформи во таа земја, за да бидат претставени сите конститутивни народи на сите нивоа на власта, што е клучно за идната стабилност на Босна и Херцеговина.

Милановиќ ја изрази својата загриженост за последните настани во односите меѓу Косово и Србија и повика на деескалација на тензиите, но и на универзално признавање на Косово како рамноправен член на меѓународната заедница.

Четворица градежни работници загинаа синоќа во експлозија на гасовод во близина на романскиот град Калиманести (округот Вранча), а петмина повредени се хоспитализирани.

Во 01:30 часот, пожарникари биле повикани на автопат во изградба во Калиманести поради експлозија на гасовод, проследена со пожар.

Како резултат на инцидентот пет лица се повредени. За жал, на самото место се пронајдени четири јагленосани трупови, изјави портпаролот на Инспекторатот за вонредни состојби во Вранча, Флорин Олару, пренесува Аџерпрес. Тој прецизира дека пожарот бил изгаснат за околу три часа и се прават напори за разладување на машините зафатени од пожарот.

Двајца од повредените во експлозијата се здобиле со изгореници од 65, односно 40 отсто, а со хеликоптер биле пренесени во болница во Букурешт, соопшти медицинската служба во округот Вранча.

Според прелиминарната верзија, експлозијата се случила откако багер ненамерно удрил во крак од гасоводот за време на ноќната работа.

Со финансиска поддршка од ИПА фондовите на Европската унија, Министерството за образование и наука изработи нов интегриран систем за електронска работа на училиштата. Во новото софтверско решение интегрирани се сугестиите на наставниците, родителите на учениците и сите институции кои имаат пристап до системот и се очекува досегашните предизвици целосно да бидат надминати.

Првичните тестирања на новиот систем се веќе спроведени, во координација на Министерството за образование и наука со Бирото за развој на образованието, Државниот просветен инспекторат, Државниот испитен центар и со наставници од училиштата.

Паралелно се спроведуваат и обуки за примена на новиот електронски дневник, при што истите досега се посетени од страна на 40 училишни ИТ администратори каде најпрво софтверското решение ќе пилотира, како втора фаза од процесот на тестирање во текот на оваа учебна година. Обуките ќе продолжат во следниот период, со опфат на сите училишни ИТ администратори.

Новиот систем ќе биде официјално применет во сите училишта, откако ќе бидат исполнети сите услови предвидени во процесот на тестирање и по миграцијата на податоците од постојниот систем во новиот. Очекувањата се тоа да се случи во текот на второто полугодие на тековната учебна година или на почетокот на следната.

Задоволството е поголемо и кога вака заробениот и корумпиран суд на власта не ќе може да го одбегне фактот дека СДСМ ме клевети. Токму вчера, на 20 септември уште една добиена пресуда против СДСМ дека клевети и шири лажни вести против мене, истакнува лидерот на ВМРО-ДПМНЕ, Христијан Мицкоски.

„Овој пат за тендерската постапка за пречистителната станица на Град Скопје, истиот тендер кој подоцна го потпиша градот, со грант обезбеден од оваа влада.

Лагите и медот останаа кај СДСМ и нивните апологети. Но и тоа нема да биде долго, зошто остана уште малку до смена на власта, кога ќе го почувствуваат вистинското владеење на правото и правдата“ – посочи Мицкоски.

Со јавен настан кој се одржа во основното училиште „Александар Македонски“ во населбата Лисиче, официјално започна процесот на доставување на бесплатните училишните униформи за повеќе од 7 илјади ученици од сите основни училишта во Аеродром. На настанот присуствуваа претседателот на советот Дејан Митески и секретарот на Општина Аеродром, Јулијана Павковска-Боцевска. Станува збор за комплетен пакет – униформа кој вклучува целосна опрема за учениците.

Средствата за реализација на набавката се обезбедени од буџетот на Општина Аеродром. Целта на овој проект да обезбеди подобри и посовремени услови за одвивање на наставата, истовремено водејќи сметка тоа да не предизвика дополнително оптоварување на семејниот буџет.

Реализацијата на овој проект, субвенциите и часовите за пливање за учениците од прво одделение, како и бесплатните таблети за учениците од четврто одделение се само дел од активностите за унапредување и подобрување на условите за реализација на наставата, но и потврда дека Општина Аеродром вложува значителни средства во подобрување и модернизација на образовниот процес.

Новата учебна година, учениците во неколку основни училишта ја започнаа во реконструирани и модерни простории, а веќе од следната недела сите ученици од Аеродром ќе посетуваат настава во нови и бесплатни униформи, обезбедени од страна на општината.

Поранешниот американски претседател Доналд Трамп изјави дека на границата со Мексико, доколку биде реизбран за шеф на државата, ќе испрати илјадници војници кои моментално се стационирани во странство.

Трамп ова им го кажа на своите приврзаници на митинг во сојузната држава Ајова, каде во јануари ќе биде првото гласање за номинација на Републиканската партија за претседателските избори во САД, кои ќе се одржат во ноември следната година.

Бранот илегални имигранти кои ја минуваат границата на Мексико со САД Трамп го нарече „инвазија“ и за тоа ја обвини владата на актуелниот американски претседател Џо Бајден.

„Откако ќе ја преземам функцијата, веднаш ќе ги поништам сите политики на отворени граници на администрацијата на Џо Бајден“, рече Трамп на настанот во Дубук.

„Јасно ќе кажам дека ќе ги искористиме сите неопходни ресурси за да ја запреме инвазијата, вклучително и трансферот на илјадници воени лица кои моментално се стационирани во странство“, рече поранешниот претседател.

Администрацијата на Бајден вели дека ги користи сите достапни алатки за да се справи со илегалната имиграција и го повика Конгресот да донесе закон за да ги реши проблемите во системот.

На 19.09. и 20.09.2023 на место викано Рамно на планината Скопска Црна Гора, во заедничка акција на  Одделот за криминалистичка полиција, Единицата за брзо распоредување при Одделот за специјални полициски операции, СВР Скопје, Шумска полиција и Јавното претпријатие „Национални шуми“, од слобода биле лишени С.А.(28), Р.А.(22), Џ.А.(24), Е.А.(37), Б.С.(39), Д.А.(51), Ќ.А.(53), С.А.(47), Џ.С.(34), сите од с.Брест и Б.М.(27) од с.Арачиново, скопско.

Лицата биле затекнати на местото при бесправна сеча на дрва и притоа биле пронајдени околу 400 кубни метри исечено огревно дрво. На местото биле пронајдени четири товарни возила натоварени со огревно дрво, едно патничко возило, три моторни пили и други предмети  кои биле користени за сеча на дрвата. Возилата, дрвата и другите предмети биле одземени за понатамошна постапка, а лицата биле задржани во полициска станица и со нив бил извршен службен разговор.

По целосно документирање на случајот, во координација со јавен обвинител против лицата ќе биде поднесена кривична пријава по член 226 од Кривичниот законик.

Македонија 2025 и Фондацијата „Атанас Близнакоф“ од САД распишаа отворен повик за доделување на 40 (четириесет) стипендии за талентирани студенти „Атанас Близнакоф„ за учебната 2023/2024 година.

Стипендиите се доделуваат на редовни студенти кои ќе се запишат во прва година на прв циклус на студии на сите факултети при Универзитетот „Св. Кирил и Методиј„ во Скопје. Истите се доделуваат на студенти кои постигнале исклучителни резултати и успех во средното образование, имаат достигнувања и мотивација за личен и професионален развој, но и кои немаат доволно средства за продолжување на образованието на факултет или област од интерес. Висината на стипендијата изнесува 2,500 американски долари годишно, по лице, и претставува највисок фонд за доделување на стипендии во нашата земја. Корисниците на стипендијата кои редовно и со успех ќе напредуваат во студиите можат да ја користат стипендијата сé до завршувањето на студиите од првиот циклус.

Ова е втора година како организацијата Македонија2025, го администрира изборот на стипендисти преку Атанас Близанкоф програмата за студентска извонредност.  Во 2021 година, Македонија2025 (Фондација МК2025) беше назначена да го спроведе отворениот повик за стипендирање на 40 средношколци кои започнуваат прва година на студии на Универзитетот „Св. Кирил и Методиј“ во Скопје за академската 2021/2022 година. Таа година, наместо првично планираните 40 стипендии, „Фондацијата Атанас Близнакоф“ во САД одлучи да додели 132 стипендии за усовршување на студентите. На секој примател му беше доделена стипендија од 120.000 МКД годишно (што беше еднакво на 2.500 УСД). Како резултат на тоа, во 2022 година, Каталист, регионална фондација со седиште во Белград посветена на поттикнување и трансформирање на филантропијата во земјите од Западен Балкан, ја вклучи програмата за стипендии „Атанас Близнакоф„ на Македонија2025 во својот „ Giving North Macedonia 2021: Report on the State of Philanthropy “ како една од Шампионите на филантропијата – истакнувајќи ги добротворните иницијативи кои имаа значително влијание во 2021 година. Од 2023 година, Македонија2025 го продолжува своето партнерство со „Фондацијата Атанас Близнаков“ во САД за да ги администрира претстојните отворени повици и да обезбеди континуитет на правата за стипендирање на сегашните стипендисти.

Основоположник на Фондацијата Атанас Близнакоф бил иселеникот Атанас Близнакоф, роден во 1901 година во костурското село Д’мбени. Во 1920 година го напуштил родниот крај и заминал во САД каде што живеел и работел до 1976 година кога и ја основал фондацијата. Неговата фондација е прва и најголема фондација на македонски иселеник.

Македонија2025 сака да изрази благодарност до „Фондацијата Атанас Близнакоф“ во САД за поддршката на студентската извонредност во Македонија, за поттикнување и развивање на талентот, создавање на врвни професионалци и лидери кои ќе носат позитивни промени во општеството и економијата.

Краен рок за аплицирање на повикот е 15 октомври 2023 година.

Следете го следниот линк за повеќе информации и условите за аплицирање за стипендија: https://macedonia2025.com/%d0%be%d1%82%d0%b2%d0%be%d1%80%d0%b5%d0%bd-%d0%bf%d0%be%d0%b2%d0%b8%d0%ba-%d0%b7%d0%b0-%d0%b4%d0%be%d0%b4%d0%b5%d0%bb%d1%83%d0%b2%d0%b0%d1%9a%d0%b5-40-%d1%87%d0%b5%d1%82%d0%b8%d1%80%d0%b8%d0%b5%d1%81/

Почесниот конзул на Малта во Северна Македонија, проф. д-р Кочо Анѓушев, го честита Денот на независноста на Малта, која годинава одбележува 59 години независност од Обединетото Кралство, стекната во 1964 година.

Почесниот конзул Анѓушев упатува желби за социјална и економска благосостојба до народот на Малта, а почесниот конзулат отворен во Скопје во 2021 година, е показател за посветеноста на двете земји за проширување на соработката и обезбедување поддршка и сервис за граѓаните.

Малта е членка на Европската унија од 2004 година и по сите параметри котира како една од најпросперитетните економии во Европа.

Претседателот на Азербејџан, Илхам Алијев, прогласи победа над ерменските сепаратисти во конфликтот во Нагорно Карабах. Денеска треба да започнат разговори за „реинтеграција“ на Нагорно Карабах во Азербејџан.

Азербејџан, според претседателот Илхам Алијев, го ставил под целосна контрола кавкаскиот регион Нагорно Карабах, населен со Ерменци. За само еден ден „антитерористичките мерки“ против сепаратистите таму беа успешно завршени и суверенитетот на земјата беше вратен, рече Алијев во говор до нацијата. Власта во Нагорно Карабах се согласила на прекин на огнот по жестоките напади на Азербејџан, што меѓу другото вклучува и разоружување на нејзините борци. Разговорите за „реинтеграција“ на Нагорно Карабах во Азербејџан треба да започнат денеска (21.09), се најавува од Баку.

Руските мировни сили посредуваа за прекин на огнот

Ерменија и Азербејџан се борат за Нагорно Карабах уште од советско време. Регионот е меѓународно признат како дел од Азербејџан, но од крајот на сепаратистичката војна во 1994 година е контролиран од етничките Ерменци поддржани од владата во Ереван. Во 2020 година Азербејџан освои голем дел од регионот и околните области кои претходно беа под контрола на ерменските вооружени сили. Русија во тоа време посредуваше за прекин на огнот и во регионот стационираше свои мировни сили. Сегашниот прекин на огнот беше постигнат со посредство на овие мировни сили.

Извештаи за најмалку 200 загинати

Конфликтот повторно ескалираше во вторникот. Азербејџан со артилерија и беспилотни летала бомбардираше позиции на етничките ерменски сили во Нагорно Карабах, кои не само што беа драматично помалубројни, туку и недоволно снабдени поради повеќемесечната блокада на регионот. Омбудсманот во Нагорно Карабах, Геган Степанјан, информираше за најмалку 200 загинати лица, меѓу кои десет цивили и повеќе од 400 повредени. Овие бројки не може да се проверат од независен извор. Според Москва, убиени се и неколку руски војници.

Илјадници луѓе во бегство

Илјадници жители на Нагорно Карабах избегаа во камп на руските мировни трупи, додека други се надеваат на бегство од аеродромот во регионалниот главен град Степанакерт. Ерменскиот премиер Никол Пашинјан изјави дека по стапувањето на сила на прекинот на огнот во средата (20.09) во 13 часот, интензитетот на непријателствата значително се намалил. Тој нагласи дека руските мировни сили се одговорни за безбедноста на Ерменците во регионот.

Протести во Ереван

Пашинјан рече и дека неговата земја не учествувала во разговорите за прекин на огнот, туку само ја примила на знаење одлуката на властите во Нагорно Карабах. Тој нагласи дека неговата земја не сака да биде вовлечена во борбите. Пашинјан повтори дека во регионот нема ерменски војници, иако според властите во Нагорно Карабах, повлекувањето на ерменските војници од таму е дел од договорот за прекин на огнот.

Вечеравечер во Ереван многу луѓе демонстрираа со барање нивната земја да им помогне на Ерменците во НагорноКарабах. Демонстрантите фрлаа камења и шишиња кон полицијата, јави новинар на АФП. Безбедносните сили употребија шок-бомби и уапсија неколку лица. Во исто време, тие се заканија со преземање „посебни мерки“ доколку судирите продолжат.

Марјан Ѓорчев, во своето гостување во радио Лидер зборуваше за случувањата поврзани со Никола Груевски односно кој е интересот на Груевски да работи за уставни измени и потенцираше дека сето ова се прави во период кога ВМРО-ДПМНЕ е најкомпактно, стабилно и со најголем број на градоначалници во историјата на локалните избори.

-Тука е и проблемот, што необјасниво е зошто тој би превземал било каква акција во делот да може да се разруши стабилноста на ВМРО-ДПМНЕ, кога ВМРО-ДПМНЕ е најкомпактно, после конгресот, каде со акламација е избран, проф.д-р Христија Мицкоски. И второ каде што на локалните избори ВМРО-ДПМНЕ е во водство и со најголем број на градоначалници во историјата на локалните избори во Република Македонија, рече тој.

Ѓорчев во текот на своето гостување порача дека не ја гледа логичноста да еден поранешен претседател на партија кој е легитимно назначен и разрешен така да се однесува.

-Не ја гледам човечката логика на еден претседател кој бил толку години, кој е избран според тоа како предвидуваат статутите на ВМРО-ДПМНЕ и разрешен на начин како што предвидуваат статутите на ВМРО-ДПМНЕ, и според мене за еден човек да остане човек до крај, во вакви моменти треба да даде поддршкка, тој го прави тоа спротивното, вели Ѓорчев.

На крај Ѓорчев порача:
-Во овој момент се врши страшен притисок врз Република Македонија, врз институциите и тука веројатно е обидот на Груевски на некој начин не покажувајќу цврсто јадро во себе кој што ќе значи еден амалгам кој што ќе ги обедини Македонците и ќе каже јас ви порачувам од Будимпешта вие да бидете обединети, силни и да издржите под притисок на уставните измени.

Марјан Ѓорчев, во своето гостување во радио Лидер зборуваше за случувањата поврзани со Никола Груевски односно кој е интересот на Груевски да работи за уставни измени и потенцираше дека сето ова се прави во период кога ВМРО-ДПМНЕ е најкомпактно, стабилно и со најголем број на градоначалници во историјата на локалните избори.

-Тука е и проблемот, што необјасниво е зошто тој би преземал било каква акција во делот да може да се разруши стабилноста на ВМРО-ДПМНЕ, кога ВМРО-ДПМНЕ е најкомпактно, после конгресот, каде со акламација е избран, проф.д-р Христија Мицкоски. И второ каде што на локалните избори ВМРО-ДПМНЕ е во водство и со најголем број на градоначалници во историјата на локалните избори во Република Македонија, рече тој.

Ѓорчев во текот на своето гостување порача дека не ја гледа логичноста да еден поранешен претседател на партија кој е легитимно назначен и разрешен така да се однесува.

-Не ја гледам човечката логика на еден претседател кој бил толку години, кој е избран според тоа како предвидуваат статутите на ВМРО-ДПМНЕ и разрешен на начин како што предвидуваат статутите на ВМРО-ДПМНЕ, и според мене за еден човек да остане човек до крај, во вакви моменти треба да даде поддршкка, тој го прави тоа спротивното, вели Ѓорчев.

На крај Ѓорчев порача:
-Во овој момент се врши страшен притисок врз Република Македонија, врз институциите и тука веројатно е обидот на Груевски на некој начин не покажувајќу цврсто јадро во себе кој што ќе значи еден амалгам кој што ќе ги обедини Македонците и ќе каже јас ви порачувам од Будимпешта вие да бидете обединети, силни и да издржите под притисок на уставните измени.

Овој автобус со неконвенционален изглед е најава на воведување на автономен јавен превоз.

Компанијата „Aurrigo“ веќе со години работи на состави за автономно управува. Сега по повеќегодишен развој, претставува прототип на автономен автобус како дел од проектот за развој на автономни електрични возила кои ги кофинансира Европската Унија.

Името му е „Auto-Shuttle“, а сега почна со тестирање на ограничени локации во Чешка и Велика Британија. Во првата фаза ќе има оператор за управувач како осигурување ако се појави некаква грешка. Во блиска иднина ќе вози и без физичко присуство на оператор во автобусот, но со постојан безжичен надзор подготвен во секој момент да преземе контрола над возилото.

Компанијата се надева дека ќе успее да развие технологија за сосема автономно управување кое потоа би можело да се претвори во јавен превоз. Засега овие автобуси возат на ограничени локации во Брно и Прага во Чешка и во Милтон Кејнс во Велика Британија.

„Auto-Shuttle“ се потпира на технологијата „LiDar“ во комбинација со камери, а технологијата во целост ја развила компанијата „Aurrigo“. Автобусот го движи електромотор со сила од 30 коњски сили, вози со брзина до 20 км/ч а досегот е 120 километри.