Министерот за економија, Крешник Бектеши со реакција по случувањата во Собранието.

“Политичар” каков што е Антонио Милошoвски кој ништо ама баш ништо нема допринесено за оваа држава, освен поделба, национализам и омраза, ниту пак и дал на Македонија нешто вредно што треба да се памети, единствено по што ќе остане запаметен во времето е кога за него Албанците не требаше да имаат образование уште помалку високо образование“, пишува на својот фејсбук Бектеши.

„Антонио твоето време одамна помина, за личност каква што си ти во држава која е членка на НАТО воопшто не би требало да има место на политичката сцена“, прецизира во напишаното Бектеши.

Текстот Бектеши до Милошоски: „Антонио твоето време одамна помина“ е превземен од МАКФАКС.

Оваа сабота, 25.06. во Галеријата Ко-Ра беше отворена изложбата Природа на математиката на истакнатиот американски визуелен уметник- Пол Ванг. Истата ќе биде отворена до 10. 07. 2022.

Кураторот на изложбата Игор Поп Трајков ја истакна поврзаноста на креацијата и инспирацијата, па така на уметноста и науката, а со тоа и математиката. Како такви овие две категории се неизбежно поврзани со природата за чие зачувување мораме да се бориме, појаснува организаторот.

Кураторката на галеријата ја подвлече важноста на културните врски, особено со западниот свет, и зачувувањето на еколошките стандарди во кои творат уметниците. Таа изрази надеж дека Пол Ванг и повторно ќе дојде и дека ќе имаме уште многу заеднички проекти.

Самиот автор заблагодарувајќи се на одличната организација на настанот ја пофали кураторската работа и техничката изведба на неговите остварувања, изведена – со сугестии на кураторот Поп Трајков – во нашата држава.

Пол Ванг има работено на некои од најголемите филмски хитови воопшто, како оние на студиото Дримворкс (како визуелен надградувач и аниматор): Пристигнување (1996), Миротворец (1997), МравкИ (1998), Шрек (2001 и 2003), Забишта (2004), како продуцент на Тинејџ мутанти нинџа желки (2007), Астро момче (2009) Капетан Харлок (2013) и Куче-робот (2017). Како визуелен уметник се истакна со своите инсталации во Детскиот креативен музеј (2021) и во Барот Виридијан (2022). Пол Вонг е и режисер на Кралот на мајмуните оди кон Запад (2011).

Оваа изложба е дел од програмата на Скопско лето 2022.

Текстот Изложба „Природа на математиката“ на Пол Ванг во Скопје е превземен од МАКФАКС.

Демократската унија за интеграција најостро го осудува, како што велат во нивното соопштение, насилството што денеска на седницата на Комисијата за европски прашања во Собранието го извршија пратениците на ВМРО ДПМНЕ заедно со пратениците на Алијансата за Албанците.

„Секогаш кога тема на расправа и на дневен ред во Собранието е воспоставувањето правда во државата, ВМРО ДПМНЕ и Алијансата за Албанците провоцираат вербално и физичко насилство со цел да го заштитат криминалот и секогаш се појавуваат против правилното функционирање на правосудниот систем. Денеска на седницата на Комисијата за европски прашања уште еднаш се докажа дека ВМРО ДПМНЕ и другите опозициски партии со насилство ја блокираа работата на Комисијата и токму пратениците кои се под истрага, поттикнаа инцидент и ја прекинаа седницата“, е наведено во нивната партиска реакција.

Демократската унија за интеграција, додаваат од оваа партија, ги информира граѓаните и пошироката јавност дека Собранието ќе продолжи да функционира во прозападно-американски дух и ќе ја поддржи реформската агенда во партнерство со Соединетите Американски Држави и Европската Унија.

Текстот ДУИ: ВМРО ДПМНЕ и Алијансата за Албанците провоцираат вербално и физичко насилство со цел да го заштитат криминалот е превземен од МАКФАКС.

Насилие, физичка пресметка, недоличен речник е вистинската слика за криминалната власт на СДСМ И ДУИ, реагираат преку соопштение од ВМРО-ДПМНЕ по случувањата во Собранието, како што претходно информираа од опозициската партија на социјалните мрежи.

„На лудилото на власта и нема крај. Граѓаните денес беа сведоци на вистинското лице на насилниците на ДУИ И СДСМ како физички нападнаа свои колеги мавајќи со чаши по нив. Наместо СДСМ да го осуди ваквото насилничко однесување на Арбер Адеми застана во одбрана на насилството и го поддржа ваквото скандалозно однесување“, пишуваат од партијата на Мицкоски.

СДСМ И ДУИ, потенцираат од ВМРО-ДПМНЕ, денес во Собранието демонстрираа сила и предизвикаа инцидент за да се дефокусира јавноста од она што тајно денес го реализираат.

Неспособната власт, оценуваат од оваа партија, сака да ја дефокусира јавноста од тајните преговори кои денес се водат во Софија за предавствата на Димитар Ковачевски, Бујар Османи и Бојан Маричиќ.

„Ваквите мрачни сценарија нема да им поминат. Премногу е!“, додаваат од ВМРО-ДПМНЕ.

Текстот ВМРО-ДПМНЕ: Власта спроведува насилство врз пратеници за да дефокусираат од тајните преговори во Софија е превземен од МАКФАКС.

Германскиот канцелар Олаф Шолц изјави на самитот на Г7, дека односите со Москва не може да се вратат во состојбата пред рускиот напад врз Украина, што доведе до долгорочни промени во меѓународните односи.

„Кога ситуацијата ќе се промени, мора да се промениме и ние“, рече Шолц на крајот од вториот ден од самитот на Г7 што се одржа во замокот на Баварските Алпи.

Шолц, кој е домаќин на овогодинешниот собир, рече дека лидерите на Г7 во понеделникот одржале конструктивни разговори со Индија, Индонезија, Сенегал, Јужна Африка и Аргентина, кои тој ги нарече „демократии на иднината“.

„Добро е, важно и неопходно е да разговараме еден со друг. Слушањето на другите создава меѓусебно разбирање и ни ја олеснува работата“, рече тој.

Текстот Шолц: Односите со Русија не можат да се вратат во состојба пред нападот на Украина е превземен од МАКФАКС.

Секогаш кога темата правда е на дневен ред во Собранието ВМРО-ДПМНЕ е нервозна, деструктивна, прави тензии а денеска дури се обиде да испровоцира и физичка пресметка, се вели во писмената реакција од владејачкиот СДСМ по видеото споделено од страна на ВМРО-ДПМНЕ во кое беше нагласено дека поранешниот министер за образование на ДУИ и СДСМ физички се пресметува со пратеници.

„Тоа е така затоа што ВМРО-ДПМНЕ жестоко ги брани криминалците на режимот и секогаш ама секогаш е против функционален судски систем. Проблемот со недостаток на судии ВМРО-ДПМНЕ не сака да се реши само за да се намали ефикасноста на судскиот систем и во надеж дека тоа ќе значи забавување на предметите кои директно водат до Белиот дворец. Затоа ВМРО-ДПМНЕ од петни жили се труди да ја блокира Собраниската комисија, да не се продолжи мандатот на судиите и така да се забават судските предмети. Антонио Милошоски, за кого има веќе неколку предмети, е главен иницијатор на тензиите во Собранието, можеби затоа што лично е засегнат“, се потенцира во реакцијата од страна на партијата на власт.

„Ако досега не му беше јасно на ВМРО-ДПМНЕ треба да му стане јасно, никој нема да побегне од правдата. Бадијала се прават тензии, секој што се огрешил од законот ќе одговара!“, додаваат од СДСМ.

Текстот СДСМ: ВМРО-ДПМНЕ создава тензии во Собранието, во надеж дека ќе се спасат од одговорност за криминалот е превземен од МАКФАКС.

Торнадо го погоди холандскиот крајбрежен град Зирикса, на југозападниот дел на земјата, при што загина едно лице, а десет се повредени, јавуваат агенциите.

„За жал, едно лице загина во торнадото, а првите извештаи велат дека се повредени уште 10“, соопштија властите на провинцијата Зиланд.

Tromba marina en Zierikzee, Países Bajos 🇳🇱🌪 Avistada desde Colijnsplaat. (Jun 27, 2022) #Netherlands #waterspoutpic.twitter.com/VY5IDaO7rM

— 𝑪𝒆𝒏𝒕𝒊𝒏𝒆𝒍𝒂35 (@QuakeChaser35) June 27, 2022

Додаваат дека службите за итни случаи сè уште го проценуваат влијанието од тој редок феномен.

Торнадото подигна покриви на четири куќи и предизвика рушење на фасадата на една, соопштија надлежните и посочија дека „штетите се големи на неколку улици во градот“.

Секоја година се повеќе торнада ја погодуваат Холандија, но последното со фатални последици се случи во 1992 година.

Текстот (Видео) Едно лице загина во торнадо во Холандија е превземен од МАКФАКС.

Најдобрата британска тенисерка и миленичка на домашната публика, Ема Радукану го мина првото коло на Вимблдон, победувајќи ја Белгијката Алисон ван Ујтванк по интересна борбаа од два часа со 6:4/6:4.

19-годишната Радукану блесна токму на Вимблдон минатата сезона, пред шокантно да ја освои титулата од САД опен, и пречекот на „Централниот терен“ во Лондон беше фантастичен. Радукану пред турнирот се жалеше да повреда на стомачните мускули, но повредата не беше очигледна на теренот против светската тенисерка број 46.

Во второто коло е и Тунижанката Онс Жабер, која лани стана првата арапска тенисерка со пласман во четврт-финалето, откако со 6:1/6:3 ја „збриша“ Швеѓанката Мирјам Бјоркланд. 27-годишната светска тенисерка број 2, минатата недела играше со Серена Вилијамс во двојки на турнирот во Истбурн, и призна дека добила самодоверба од тоа партнерство.

Текстот Миленичката на домашната публика Радукану во второто коло на Вимблдон е превземен од МАКФАКС.

Заменик претседателот на Владата задолжен за европски прашања, Бојан Маричиќ, денес во просториите на Секретаријатот за европски прашања оствари средба со учесниците на Федералната академија за безбедносна политика 2022.

На средбата со високите германски функционери, тема за дискусија беше „Влијанието врз европската безбедносна архитектура“, а вицепремиерот Маричиќ во својот поздравен говор истакна дека Балканот и ЕУ имаат заедничка перспектива која мора да се задржи.

„Балканот отсекогаш бил клучен регион за безбедноста на Европа не смееме да дозволиме со ова „статус кво“ почвата на Западен Балкан да ја храниме со национализам, дестабилизација и нови алтернативи. Јасно е дека Европската Унија како лидер на европскиот простор повеќе не е сама. Формулата за задржување на позицијата на ЕУ како лидер на геополитичката карта е проширувањето“, рече Маричиќ.

Тој додаде дека војната во Украина и нејзиниот ефект врз регионот сега останува главна грижа за граѓаните на Балканот и дека ќе мора одговорно да го носат товарот кој го наметнуваат кризите, кој сигурно ќе биде товар во наредните години и за ЕУ и за Западен Балкан.

„Времето на лесни и пријатни дебати за европските политики одамна е минато. Сега ни треба заеднички одговор на глобалните предизвици со кои се соочуваме. Нестабилноста на регионот ќе значи нестабилност на Европа. Сега веќе не станува збор за проширување, сега е прашање на безбедност“, кажа Маричиќ пред гостите од Сојузна Република Германија.

Вицепремиерот на средбата потенцираше дека денес најдобро се разбира суштината и значењето на членството во најмоќниот воено-политички сојуз и дека НАТО е исклучително важен за регионот на Западниот Балкан, за Европа исто така, а особено за стабилноста и идниот просперитет.

На средбата беше присутен и заменик амбасадорот и раководител на економскиот сектор во германската амбасада, Ото Граф.

Курсот за високи функционери се состои од три фази: Во првиот дел од курсот, учесниците ги истражуваат историската, културната, политичката и економската заднина на Западен Балкан и разговараа за актуелните случувања со експерти.

Во вториот дел од курсот ќе ја формираат основата за дискусии со понатамошни експерти и носители на одлуки во регионот и тоа во Сараево, Белград, Скопје и Приштина. Во третиот дел од курсот, учесниците уште еднаш критички ќе размислуваат за нивните позиции и ќе го завршат курсот со дискусија помеѓу учесниците и националните носители на одлуки на високо ниво за тоа кои позиции и стратегии Германија и Европа треба да ги усвојат и да ги следат во однос на Балканот во иднина.

Организациски, Федералната академија за безбедносна политика спаѓа во областа на одговорност на Сојузното Министерство за одбрана. Претседател на Академијата е амбасадорот Екехард Бросе. Федералната академија за безбедносна политика има околу 70 вработени, кои доаѓаат од сите министерства застапени во Федералниот совет за безбедност, и е основана во Бон во 1992 година. Таа е со седиште во просториите на палатата Шенхаузен во Берлин од 2004 година.

Текстот Маричиќ на средба со германски функционери: Имаме перспектива – мора да ја задржиме е превземен од МАКФАКС.

Поранешниот министер за образование на ДУИ и СДСМ необразовано физички се пресметува со колеги пратеници, демонстрира насилие, реагираат од опозицискиот ВМРО-ДПМНЕ на однесувањето на Арбер Адеми од ДУИ.

Преку фејсбук пратеникот на ВМРО-ДПМНЕ, Миле Лефков споедели видео во кое потенцира: Вака се однесува претседателот на КЕП!

„Понижување, насилство и навреди во Собрание! Македонија наместо Европа стана див запад со “каубоите” од власта!“, пишува Лефков.

Текстот (Видео) ВМРО-ДПМНЕ: Поранешниот министер за образование на ДУИ и СДСМ физички се пресметува со пратеници е превземен од МАКФАКС.

Најбогатиот Украинец и сопственик на фабриката за челик „Азовстал“ во Мариупол, Ринат Ахметов, поднел тужба против Русија до Европскиот суд за човекови права, барајќи компензација за, како што навел, милијарди долари деловни загуби поради руската инвазија, пренесуваат агенциите.

Ахметов, во чија фабрика украинските борци со недели се спротивставуваа на руското бомбардирање, ја тужи Русија за „тешка повреда на неговите имотни права“, објави неговата холдинг компанија „System Capital Management“ (SCM), пренесува Ројтерс.

Во соопштението на компанијата се вели дека Ахметов бара и судски налог за „да се спречи Русија да продолжи да спроведува блокади, грабежи, пренасочувања и уништување на житото и челикот“ произведени од неговите компании, пишува медиумот.

„Злото не смее да остане неказнето. Руските злосторства против Украина и нашиот народ се бесрамни и оние кои се виновни за нив мора да бидат повикани на одговорност“, кажал Ахметов, според компанијата.

Тој додал дека „грабежот на украинската извозна стока, вклучително и житото и челикот, веќе резултираше со пораст на цените и гладување на луѓето ширум светот“, и дека, како што рекол, „овие варварски акции мора да се прекинат и Русија да плати за сите“.

На прашањето за тужбата на Ахметов, портпаролот на Кремљ, Дмитриј Песков изјавил дека Русија повеќе не е под јурисдикција на Европскиот суд за човекови права.

Според магазинот „Форбс“, нетото богатство на Ахметов изнесувало 15,4 милијарди долари во 2013 година, но неговата деловна империја оттогаш ги трпела последиците од повеќегодишните борби меѓу про-пруските сепаратисти во источна Украина, како и од последиците од воената акција на Москва во таа земја.

Ахметов минатиот месец објавил дека неговата компанија Метинвест, најголемиот украински производител на челик, претрпела загуба од 17 до 20 милијарди долари поради руското бомбардирање во Мариупол. Конечната сума ќе биде одредена во тужбата, изјавил тој.

Текстот Сопственикот на „Азовстал“ ја тужи Русија, најбогатиот Украинец барал милијарда долари е превземен од МАКФАКС.

Говорејќи пред членовите на Европскиот парламент и парламентите на земјите на патот кон членство во ЕУ, еврокомесарот за проширување Оливер Вархеји изјавил дека во сегашниот променет геополитички контекст, Западен Балкан останува приоритет за ЕУ, пишуваат српските медиуми.

„Посветени сме, повеќе од кога било, да го внесеме целиот регион во ЕУ. Сега е поважно од кога било да работиме на тоа не само брзо, туку и со сета посветеност и волја“, кажал тој.

Еврокомесарот за проширување изјавил дека очекува Скопје и Тирана „во наредните денови“ да одржат меѓувладини конференции и да ги отворат пристапните преговори.

Според него, поддршката на ЕУ за Западен Балкан се рефлектира не само во процесот на пристапување, туку и во заедничкиот пристап на ЕУ за механизмите за набавка на храна и енергија, како и во Европскиот економски инвестициски план, кој треба да му донесе на регионот до 30 милијарди евра во инвестиции.

„Без соодветна регионална соработка, без разлика дали преку Берлинскиот процес, заедничкиот регионален пазар или отворениот Балкан, земјите од регионот не можат да имаат корист од економскиот инвестициски план. Секој што ја поткопува или блокира регионалната соработка, врз основа на правилата на ЕУ и со присуство на ЕУ, го поткопува економскиот и инвестицискиот план и напредокот на регионот“, заклучил Вархеји.

Текстот Вархеји очекува Скопје и Тирана во наредните денови да ги отворат пристапните преговори со ЕУ е превземен од МАКФАКС.

Најмалку две лица загинаа, а 20 се повредени во ракетен напад врз трговски центар во Кременчук, изјави Кирило Тимошенко, заменик-шеф на кабинетот на украинскиот претседател Володимир Зеленски, јавуваат светските агенции.

Од 20 повредени, девет се тешко повредени, рече Тимошенко.

Градоначалникот на Кременчук Виталиј Мелециј изјави дека во ракетниот напад има загинати и ранети, но не кажа колку.

Horror scenes in Kremenchuk, as a Russian missile hits a shopping centre. The man speaking on phone : “people were are the building, the walls are starting to fall in” pic.twitter.com/REDBFmuT3R

— Oliver Carroll (@olliecarroll) June 27, 2022

Кременчук е индустриски град кој пред војната имал околу 217.000 жители. Во него се наоѓа најголемата украинска рафинерија за нафта.

Пожарникарите се уште се обидуваат да го изгаснат пожарот трговскиот центар во Кременчук, јавува Би-Би-Си, додавајќи дека се стравува дека во нападот може да има многу загинати и повредени.

Градоначалникот на Кременчук нападот го нарекол „руско воено злосторство и злосторство против човештвото“.

„Ова е отворен и циничен терористички напад врз цивилното население“, напишал тој.

Пожарот избувнал веднаш штом руските ракети погодија трговски центар со површина од 10.000 квадратни метри, пренесува медиумот.

Текстот (Видео) Ракетиран трговски центар во Украина е превземен од МАКФАКС.

Државните институции во Литванија се погодени од хакерски напади од озлогласената руска група „Килнет“, јавуваат светските агенции.

Хакерите по падот на сајтовите на институциите на оваа балтичка земја, ја презеле одговорноста и изјавиле дека нападот е одговор на тоа што Литванија го блокирала преносот на руски стоки преку нејзината територија до руската енклава Калининград, пишуваат медиумите.

Анализираат дека Калининград е поврзан со остатокот од Русија со железница која минува низ територијата на Литванија.

Центарот за национална безбедност во таа балтичка земја очекува уште поинтензивни напади во наредниот период.

BREAKING: Russian hacking group Killnet launches a cyberattack against Lithuania's state and private institutions

— Samuel Ramani (@SamRamani2) June 27, 2022

„Многу е веројатно нападите со сличен или поголем интензитет да продолжат и во наредните денови, особено во транспортниот, енергетскиот и финансискиот сектор“, се вели во соопштението на центарот.

Хакерската група „Килнет“ соопштила дека ќе продолжи со нападите доколку не се промени состојбата со транспортот на стокаи, пренесува Sky News.

Освен на боиштата, според медиумите, руско-украинската војна се води и на сајбер просторот. Според написите, хакерите на групата „Анонимуси“ застанале на украинската страна, додека руските хакери се насочени кон спротивставени држави, воени и приватни институции.

Текстот Литванија цел на хакерски напади, погодени државни институции е превземен од МАКФАКС.

Поранешниот министер за надворешни работи, Никола Димитров повикува на итна реафирмација на македонските позиции во однос на спорот со Бугарија и францускиот предлог.

„Очајот на (дел од) владата за лажен успех оди дотаму што четирите услови на премиерот гласно и јасно изговорени од сред Брисел, се стопија прво на два зборови, “протокол” и “отворање”, па за 24 часа само на еден збор “протокол”.
Од повикот на шефот на дипломатијата пред три дена бугарскиот парламент да не го усвојува предлогот бидејќи тоа “ќе го блокира долгорочно европскиот процес” за само еден ден потоа токму усвојувањето на предлогот стана “голем напредок”.
Ако потрае оваа агонија на игра со зборови и позиции уште малку, веројатно предлогот ќе им стане целосно прифатлив и ваков каков што е, а од историското НЕ ќе остане само горчливата прашина. За жал, ако навистина дојде до тоа – ќе ја дишеме сите долго, заглавени во ќорсокакот“, напиша на социјалните мрежи Димитров.

Затоа, сугерира тој во напишаното, најитно е потребна гласна реафирмација на македонските позиции и дома и надвор, за да ги чујат, како што вели, сите кои можеби не сакале да ги слушнат, вклучувајќи го и еврокомесарот Вархеји.

„Во вакви услови, кога јавноста е оставена да се храни само со полуинформации, како очекувате да нема грижи и дилеми? Абе за НАС се работи, за секој од нас. Има да одговарате на секое ново прашање, а не уште да обвинувате. Па, министри кои се закануваат со кривичен прогон на свесни граѓани кои целосно се вложиле да спречат национална катастрофа нагалено наречена “државна стратегија” нарекувајќи го тој автентичен чин “хибриден напад” треба веднаш да ги снема од владата. Ако тоа не се случи, одговорноста ќе падне на целата влада. Граѓанското несогласување и активизам е срцето на демократијата. Ако до овој најнов срам проблемот беше надворешната божем-политика што со зборовите на Петков доведе до “неверојатен дипломатски успех” за Бугарија, со сесрдна помош и соучесништво на македонската влада, сега проблем е и овој беден обид за божем заплашување“, нагласува во напишаното Димитров.

„Имаше две неспорни области на напредок последниве години, токму надворешната политика и слободата. Како стоиме денес нервозни господа во тие области, ако надворешната политика дозволи ваков дебакл што го гледаат сите со отворени очи, и дома и надвор, распрскувајќи ги македонските црвени линии на парчиња, а министри се закануваат токму кон слободните граѓани кои се обидуваат да ја намалат штетата,што веќе секако е огромна?“, потенцира поранешниот министер за надворешни работи на социјалните мрежи.

Текстот Димитрoв: Ако потрае играта со зборови од историското „Не“ ќе остане само прашина е превземен од МАКФАКС.

Проширувањето повторно е високо на агендата на ЕУ, но со неговото заживување, мора да се направат напори за реформирање на Унијата и нејзин начин при донесување на одлуките, бидејќи и проширената Унија мора да може да функционира, изјави високиот претставник на ЕУ за надворешна политика и безбедност Жосеп Борел, пренесуваат медиумите во регионот.

Во авторскиот текст на веб-страницата на Европската служба за надворешни работи, тој посочува дека тоа може да се направи со стеснување на правилата за консензус во надворешната политика и во други области, за да може одлуките да се носат со квалификувано мнозинство.

Руската војна во Украина, како што истакнува, ја забрза историјата од многу перспективи, а создаде и дебата за европскиот поредок и принципите што го поткопуваат.

За многу земји, вклучително и Украина, ова е стратешки момент да ги изразат своите аспирации за пристапување во ЕУ, вели Борел, додавајќи дека во исто време земјите од Западен Балкан со право побарале нивниот пристапен процес да се оценува врз основа на заслуги.

Поминаа речиси 20 години откако ЕУ објави во Солун дека „иднината на Западен Балкан е во ЕУ“, па затоа е разбирливо одреденото нетрпение од нивна страна, наведува тој.

„Проширувањето на ЕУ со земји кои сакаат и можат да ги исполнат условите не е „услуга“ или отстапка. Тоа е наш стратешки интерес. Веродостојната политика на проширување е геостратешка инвестиција во мирот, стабилноста, безбедноста и економскиот раст низ цела Европа“, истакнува Борел.

Истовремено, со заживување на проширувањето на ЕУ мора да се задржи капацитетот на нејзиното дејствување, вели тој, нагласувајќи дека тоа е и геополитички императив.

Посочувајќи на поделеноста на членките на ЕУ во надворешната политика, Борел смета дека ЕУ треба да го преиспита процесот на одлучување.

Силата на системот на ЕУ отсекогаш некако несогласувањата ги претворала во договори. Во таа смисла, важно е дали одлуките се донесени едногласно или со квалификувано мнозинство, објаснува тој.

Војната во Украина ја нагласи потребата ЕУ да може да носи стратешки одлуки во реално време, вели тој, и потсетува дека многу лидери и граѓани на ЕУ апелираат да се откажат од неопходноста од консензус во надворешната политика.

„Сега проширувањето е цврсто вратено на агендата, не можеме повеќе да ги туркаме главите во песок пред прашањето како би функционирала ЕУ со, на пример, 35 членки“, вели тој.

„Постојат убедливи причини за влез на Западен Балкан, давајќи им статус на кандидат за Украина и Молдавија, а наскоро и на Грузија. Но, исто така е лудо да се направи нешто што не функционира 27 години да стане целосно нефункционално на 30 и повеќе години. Мораме да го намалиме Гордиевиот јазол“, рече тој.

Има многу проблеми во надворешната политика на ЕУ и отфрлањето на едногласноста не е решение за сите проблеми, но граѓаните бараат поефикасна акција, рече тој.

Борел укажува и на идејата за изградба на поширока европска политичка заедница, како што предложија претседателот на Франција, Емануел Макрон, и претседателот на Европскиот совет, Шарл Мишел.

„Овој поширок клуб може да ги обедини сите европски земји кои споделуваат демократски принципи и сакаат да создадат конкретни и флексибилни форми на соработка. Станува збор за идната организација на нашиот континент и како ние како ЕУ ќе се позиционираме по војната на Русија против Украина“, напишал тој.

Таквата заедница, вели Борел, би била комплементарна на проширувањето, а не нејзина замена.

Тој веднаш ќе им овозможи на кандидатите да учествуваат во различни политики на ЕУ, а може да вклучи и некои земји кои немаат потреба да се приклучат на Унијата, како Норвешка или Швајцарија или Обединетото Кралство, доколку сакаат, рече Борељ.

Темата е сложена, но идејата има свои предности и дебатата секако ќе продолжи, заклучува Борел.

Текстот Борел: Проширувањето на ЕУ – геополитички императив е превземен од МАКФАКС.

Утрово поднесов оставка од функцијата премиер на Бугарија, напиша на социјалните мрежи досегашниот премиер на Бугарија, Кирил Петков.

„Во овие 6 месеци, ми беше чест да го започнам долгиот марш за освојување на Бугарија од зад сцената. Верувам дека нема друг пат освен напред – напред кон идеалната Бугарија, да биде држава каде што законот е пред се, јавните средства да се инвестираат во училиштата, градинките и во подобра здравствена заштита, државата да создава услови за младите семмејства; држава во која има нови високо платени работни места и во кои секој претприемач може да започне чесен бизнис без административни препреки и рекет, а пензионерите пристојно да уживаат, напиша на својот фејсбук Петков.

„Знам дека не сум сам во овој мој сон и следните избори ќе бидат реален референдум за тоа каква Бугарија сакаме: Бугарија на законитост и просперитет или Бугарија зад сцената и мафијата. Го избирам првиот и ќе продолжам да се борам за него!“, потенцира во напишаното Петков.

Текстот Петков: Поднесов оставка од функцијата премиер, следните избори ќе бидат реален референдум за тоа каква Бугарија сакаме е превземен од МАКФАКС.

21-годишен прилепчанец бил уапсен откако со употреба на сила одзел паричник и побегнал, но случајни минувачи го спречиле и задржале, соопшти полицијата.

Имено денеска на плоштадот „Методија Андонов Ченто” во Прилеп, полициски службеници го лишиле од слобода Д.Р.(21) од Прилеп затоа што претходно со употреба на сила од Д.С. одзел паричник и се обидел да избега, но бил спречен и задржан од случајни минувачи.

Тој бил приведен во полициска станица и по целосно документирање на случајот против него ќе биде поднесена соодветна пријава.

Текстот На сила украл паричник и побегнал, уапсен 21-годишен прилепчанец е превземен од МАКФАКС.

Во Чешка се случи железничка несреќа во која едно лице загина, а пет се повредени. Според „Euro news“, несреќата се случила рано утринава во Бохумин, набрзо откако брзиот воз тргнал кон Прага.

Возот директно се судрил со локомотивата за која се уште не се знае дали се движела или стоела во моментот на несреќата. На лице место загинал машиновозачот со голема брзина, пренсува медиумот.

Повредени се четворица вработени во чешката железница кои биле во локомотивата, како и уште еден работник од возот, пишува медиумот.

Чешката служба за инспекција за безбедност на железницата соопшти дека брзиот воз бил на погрешна пруга во моментот на несреќата и дека несреќата можела да биде предизвикана од човечка грешка.

Текстот Воз удри во локомотива во Чешка, едно лице загина а пет лица се повредени е превземен од МАКФАКС.

Собранието денеска ги усвои измените и дополнувањата на Законот за трговија со кој се овозможува работа во недела и државни празници на сите трговци на мало и на големо во туристичките места, утврдени со Законот за туристичка дејност, објави на Фејсбук министерот за економија Крешник Бектеши.

Според министерот, со измените и дополнувањата на Законот за трговија се очекува дополнително да се поттикне економската активност во земјата, посебно во туристичките места.

„Имајќи ги во предвид податоците кои што ги имаме од Државниот завод за статистика за раст на бројот на туристи од почетокот на годината, а и очекувањата согласно веќе направени резервации за странски туристи кои што оваа туристичка сезона ќе ја посетат Северна Македонија, посебно Охрид и Струга, согласно законските измени очекуваме зголемување на туристичката активност во целата земја. Измените на Законот за трговија се донесени со заеднички дијалог во инклузивен процес со сите засегнати страни, посебно во туристичкиот сектор. Работниците во трговските објекти кои ќе работат во недела и празници ќе добијат дневница поголема за 100 проценти, објави министерот.

Согласно најновите измени на Законот за трговија им се дава можност на продавниците, киосците и штандовите во туристичките места утврдени со Законот за туристичка дејност, да работат во ден недела и на празници.

Воедно, и на слободните царински продавници лоцирани на меѓународните аеродроми после царинските контролни точки и на цветните пазари, им се дава можност да работат во ден недела и на празници

Овие законски измени стапуваат на сила веднаш откако ќе бидат објавени во Службен весник.

Текстот Бектеши: Сите трговци во туристичките места може да работат во недела и празници, работниците ќе добијат 100% поголема дневница е превземен од МАКФАКС.