வட சென்னை படங்களில் ஒன்றாக டைனோசர்ஸ். Image Credit

டைனோசர்ஸ்

வட சென்னை கதையென்றாலே, ரவுடிகள், அடிதடி, கொலை, குழுச் சண்டை என்று முத்திரை பதித்து, இப்படத்திலும் தொடர்கிறது.

வழக்கமான வட சென்னை கதை தான் ஆனால், திரைக்கதை, கூற வந்த மையக்கருத்து சுவாரசியமாக இருந்ததாலே டைனோசர்ஸ் கவனிக்க வைத்துள்ளது.

கதாபாத்திரங்கள்

இப்படத்தின் பலமே கதாபாத்திரங்கள் தான். ஒவ்வொரு கதாபாத்திரமும் கதைக்கும், இடத்துக்கும் மிகப்பொருத்தமாக இருக்கிறார்கள்.

நாயகன் கார்த்திக் துவக்கத்தில் வழக்கமா ஊதாரித்தனமா சுற்றிக்கொண்டு இருக்கும் கதாபாத்திரம் தான்.

அப்புறமா சரியாகிட்டாரான்னு கேட்காதீங்க! அப்புறமும் அதே போலத்தான் ஆனால், கவனிக்க வைக்கும் நடிப்புக்கு மாறி விடுவார்.

குறிப்பாக ஒரு இறப்பு காட்சியில் அவரது நடிப்பு சிறப்பு. வழக்கம் போல நம்ப முடியாத காதல் வந்தாலும், அதையும் இறுதியில் ரசிக்கும்படி எதார்த்தமாகக் கொண்டு சென்றுள்ளார்கள்.

இரு குழுக்கள் தலயாக வருபவர்கள் நடிப்பு நன்றாக உள்ளது. இந்த அடிதடி, கொலை என்று வாழ்க்கையை நடத்துபவர்களுக்கு என்ன கிடைக்கிறது? பலநாள் சந்தேகம்!

இறுதியில் சாகிறார்கள் அல்லது ஒன்றும் இல்லாமல் சப்பையாகி விடுகிறார்கள். இடைப்பட்ட காலத்தில் எவ்வளவு அடிதடி, கொலை, வன்முறை!

இவர்கள் வாழ்க்கை விட்டில் பூச்சி போலத்தான்.

வட சென்னை

வட சென்னை கதையில் என்னெல்லாம் எதிர்பார்ப்பீர்களோ அவையெல்லாம் இதில் உள்ளது ஆனால், திரைக்கதையால் கவனிக்க வைக்கிறது.

இவ்வகை கதைக்குள்ள பலமே அப்பகுதியின் இயல்புத்தன்மை, மக்கள். சரியான இயக்குநரும், ஒளிப்பதிவாளரும் அமைந்து விட்டால், அட்டகாசமாகக் காட்டலாம்.

கதாபாத்திரங்கள், இடங்கள் எல்லாமே மிக இயல்பாக அமைந்துள்ளது. படம் முழுக்க மெல்லிய நகைச்சுவை கதையுடன் தொடர்ந்து வருகிறது.

ஒரு ரவுடியிடம் கார்த்தி அம்மா கோபமாகப் பேசுவது சரவெடி. பக்கா வடசென்னை கெத்து பதிலடி. துவக்கத்திலிருந்து வழக்கமான அம்மாவாக பேசிக்கொண்டு இருந்தவர் இறுதியில் தெறிக்க விட்டுட்டார் .

ஒளிப்பதிவை நிச்சயம் பாராட்ட வேண்டும். காரணம், ஒவ்வொரு இடமும், காட்சியும் எங்குமே செயற்கைத்தனம் இல்லாதது இதன் பலம். புள்ளைங்கோ ஏன் இப்படி கலர் கலராக தலையை வைத்துக்கொள்கிறார்கள்?!

வட சென்னை படங்களுக்கு ஒளிப்பதிவு, கதாபாத்திரங்கள், இயக்கம் சரியாக அமைந்து விட்டால், மற்ற குறைகளை மறக்க வைத்து விடும்.

டைனோசர்ஸ் அப்படியான ஒரு படம்.

பின்னணி இசையும் நன்றாக இருந்தது. ஒளிப்பதிவும் பின்னணி இசையும் ஒரு படத்துக்கு மிகப்பெரிய தூண்கள்.

வழக்கமான காட்சிகள் துவக்கத்திலிருந்தாலும், சுவாரசியமான திரைக்கதை ரசிக்க வைக்கிறது குறிப்பாக வித்தியாசமான இறுதி முடிவு.

யார் பார்க்கலாம்?

சிலருக்கு வடசென்னை படங்கள் (ஒரே மாதிரியான கேங்ஸ்டர் கதை காரணமாக) பிடிக்காது, அவர்கள் தவிர்த்து விடலாம்.

ஆனால், எந்தப்படமாக இருந்தாலும் திரைக்கதையுடன் தொழில்நுட்பமும் சரியாக அமைந்தால் ரசிக்கும் என்னைப் போன்ற நபராக இருந்தால், பார்க்கவும்.

இரண்டாம் பாகம் வரப்போவதாகத் தகவல்.

பரிந்துரைத்தது மணியன். Amazon Prime ல் காணலாம்.

Directed by M. R. Madhavan
Written by M. R. Madhavan
Produced by Srinivas Sambandam
Starring Udhay Karthik. Rishi Rithvik, Saipriya Deva
Cinematography Jones V. Anand
Edited by R. Kalaivanan
Music by Bobo Shashi
Runtime 2 hours 28 minutes
Release date 28 July 2023
Country India
Language Tamil

தொடர்புடைய விமர்சனம்

புதுப்பேட்டை [2006] “The King Of Gangster Movies”

இத்தள கட்டுரைகள், சுவாரசியமான செய்திகள், தொழில்நுட்பத் தகவல்கள் ஆகியவற்றை எளிதாகப் பெற –> giriblog WhatsApp Channel

The post டைனோசர்ஸ் (2023) | உண்மைக்கு உயிர் இருக்கு appeared first on giriblog.

செக்குலர் என்ற மதச்சார்பின்மை என்பது உயர்ந்த எண்ணத்துக்காகக் கொண்டு வரப்பட்டது ஆனால், தற்போது உலகம் முழுக்க அரசியலுக்கு மட்டுமே பயன்படுத்தப்படுகிறது. Image Credit

செக்குலர்

இந்தியா பாகிஸ்தான் பிரிந்த போது முஸ்லீம் நாடாக பாகிஸ்தான் அறிவிக்கப்பட்டாலும், இந்தியா இந்து நாடாக அறிவிக்கப்படாமல் செக்குலர் நாடாக அறிவிக்கப்பட்டது.

இதற்கு முக்கியக்காரணமாக இருந்தவர்கள் மகாத்மா காந்தி, நேரு போன்றவர்கள்.

ஆனால், தற்போது அரசியல் கட்சிகள் செக்குலர் என்ற வார்த்தையை வைத்தும், சிறுபான்மையினர் வாக்குகளுக்காகவும் பெரும்பான்மை இந்துக்களுக்குத் தொடர்ந்து அநீதி இழைத்து வருகிறார்கள்.

இந்து மதம் தவிர அனைத்து மதங்களையும் கூட்டணியில் வைத்துக்கொள்வதன் பெயர் மதச்சார்பற்ற கூட்டணி. இதுவே செக்குலர் அரசியல்.

இவர்களுக்குக் கூடுதல் அனுகூலமாக இருப்பதே குறிப்பிட்ட சதவீத இடது சாரி எண்ணத்தில் உள்ள இந்துக்களே. எனவே, இது இவர்களுக்கு வசதியாக உள்ளது.

இடது சாரி, செக்குலர் நாடுகள் என்றும் நிம்மதியாகவே இருக்காது.

புறக்கணிப்பு

செக்குலர் என்ற ஒரு வார்த்தையை வைத்துக்கொண்டு இந்துக்களின் பண்பாடு, வழக்கங்கள் இந்தியாவில் புறக்கணிக்கப்பட்டு வருகிறது.

இந்தியப் பண்பாடு என்றாலே அது இந்து வழக்கங்கள் தான். இதைத்தவிர்த்துக் காண்பிக்க எதுவுமே கிடையாது. காரணம், கிறித்துவ, இஸ்லாம் மதங்கள் இங்கே உருவாகவில்லை.

மற்ற மதங்கள் இந்து மதத்திலிருந்து பிரிந்தவை மற்றும் பெரியளவில் வித்தியாசங்கள் இல்லை.

மற்ற மதங்களையும் சரிசமமாக நடத்த, இந்துக்களின் வழக்கங்களைப் புறக்கணிக்க வேண்டிய நிர்ப்பந்தத்தைக் கொடுக்கிறார்கள்.

• சில மாதங்களுக்கு முன்பு தருமபுரி MP பூமி பூஜை செய்ததற்குச் செய்த அட்ராசிட்டிகள். ஆயுத பூஜைக்குத் திருப்பூரில் ஏற்பட்ட சர்ச்சை.
• தெலுங்கானா தேர்வறையில் முஸ்லீம் அல்லாத மாணவிகளுக்கு அனைத்து பரிசோதனையும் நடைபெறுகிறது, நகை உட்பட அனைத்தையும் கழட்டுகிறார்கள்.
• ஆனால், முஸ்லீம் மாணவிகள் எந்தப் பரிசோதனையும் இல்லாமல் ஹிஜாப், புர்கா அணிந்து செல்ல அனுமதிக்கப்படுகிறார்கள். தேர்வு எழுதச் செல்லும் மாணவி உண்மையான மாணவி தானா என்பது கூட உறுதியில்லை.
• கோவில்கள் அரசு கட்டுப்பாட்டில் ஆனால், மற்ற மதங்களின் வழிபாட்டுத்தலங்கள் அவரவர் மத நபர்கள் கட்டுப்பாட்டில்.
• பீகாரில் இந்து பண்டிகைகளின் விடுமுறைகள் ரத்து செய்யப்பட்டு, முஸ்லிம்கள் பண்டிகைகளுக்கு கூடுதல் நாட்கள் விடுமுறை கொடுக்கப்பட அறிவிப்பு வருகிறது.

இது போல எடுத்துக்காட்டுகள் கூற ஆயிரம் உள்ளது. செக்குலர் என்பது வெறுப்புணர்வை தூண்ட மட்டுமே பயன்படுகிறது.

செக்குலர் நாடுகள்

அரபு நாடுகளில் செக்குலர் நாடுகள் என்று எதுவுமே இல்லை ஆனால், அங்கே எந்த மதப்பிரச்சனையும் இல்லை என்று கருதுகிறேன்.

கட்டுப்பாடுகள் அதிகம் ஆனால், இந்தியா போல மதச்சண்டைகள் இருப்பதாகத் தெரியவில்லை. செய்திகளில் படித்தது தான், அங்கே இருந்து பார்த்ததில்லை.

அங்கே மற்ற மதத்தினருக்குச் சம உரிமை கிடையாது ஆனால், மற்ற மதத்தினர் பிரச்சனைகள் இல்லாமல் வாழ்க்கை நடத்துவதாகவே உணர்கிறேன்.

நல்ல எண்ணத்தில் அபுதாபியில் கட்டப்படும் மிகப்பெரிய Akshardham கோவில் கூட என்னைப்பொறுத்தவரை அவசியமில்லாதது, குறிப்பாகப் பெரும்பான்மை முஸ்லிம்களுள்ள இடத்தில்.

காரணம், நாளை இந்துக்கள் கோவிலைப் பெரியளவில் கொண்டாடுவார்கள், பண்டிகைகள் சிறப்பாக நடத்தப்படும்.

இது வரும் காலங்களில் நிச்சயம் அங்குள்ள முஸ்லிம்களுக்கு இந்துக்கள் மீது வெறுப்புணர்வைக் கொடுக்கும். இதன் கோபம் வேறு வழிகளில் வெளிப்படும்.

இதுவே அமைதியாக இருக்கும் நாடுகளில், செக்குலர் செய்யும் சம்பவங்கள்.

இந்து நாடாக இருந்தவரை நிம்மதியாக இருந்த நேபாள், எப்போது செக்குலர் நாடாக மாறியதோ அன்று முதல் மதப்பிரச்னையால் பாதிக்கப்பட்டு வருகிறது.

செக்குலர், கம்யூனிஸ்ட்கள் (இடது சாரி) இருக்கும் நாடாக மாறினால், விளங்காது என்பதற்கு நேபாள் ஒரு எடுத்துக்காட்டு.

இன்று நேபாளை இந்து நாடாக்கக் கோரி போராட்டங்கள் வலுத்து வருகிறது.

சிங்கப்பூர்

மற்ற செக்குலர் நாடுகள் எப்படி என்று தெரியவில்லை ஆனால், நான் 8 ஆண்டுகள் வசித்த சிங்கப்பூர் செக்குலர் நாடு தான்.

அங்கு அனைத்து மதங்களுக்கும் அவர் மதப்படி வழிபட, கொண்டாட முழு உரிமையுண்டு. மற்ற மதங்களை இழிவுபடுத்தி விட்டுத் தப்பித்து விட முடியாது.

இந்து மத பண்டிகைகளுக்கு மட்டும் வாழ்த்துக் கூறாமல், மற்ற மதங்களுக்கு வாழ்த்துக் கூறும் கேவலம் சிங்கப்பூரில் நடக்காது. தீபாவளி, தைப்பூசம், பொங்கல் மிகச்சிறப்பாக அரசால் கொண்டாடப்படும்.

இந்துக் கடவுளை அசிங்கமாகப் பேசினால் கண்டுகொள்ளப்படாமலும், மற்ற மத கடவுள், மதத்தைத் தவறாகப் பேசினால் உடனடி கைதும் இங்கே நடப்பது போலச் சிங்கப்பூரில் நடக்காது.

யார் தவறு செய்தாலும், கடுமையான தண்டனை கிடைக்கும். இது தான் மதச்சார்பின்மை.

செக்குலர் என்ற வார்த்தை இந்தியாவில் இந்துக்களைப் புறக்கணிக்க, முக்கியத்துவத்தைக் குறைக்க, பலத்தைக் குறைக்க மட்டுமே பயன்படுகிறது.

எனவே, சிங்கப்பூர் போன்ற நாடுகளே செக்குலர் என்ற வார்த்தைக்குத் தகுதியானவை, இந்தியா அல்ல.

வெளிநாடுகளின் விமர்சனங்கள்

உலகத்திலேயே இந்தியா மிகப்பெரிய செக்குலர் நாடு.

இந்தியாவின் வளர்ச்சி, மற்ற வளர்ந்த நாடுகளுக்குப் பிடிப்பதில்லை. குறிப்பாக, அமெரிக்கா, இங்கிலாந்து உட்பட சில ஐரோப்பா நாடுகள்.

எனவே, இந்தியாவில் மத ரீதியாக என்ன பிரச்சனை நடந்தாலும், உடனே இந்தியாக்கு அறிவுரை கூற கிளம்பி விடுவார்கள்.

இதற்கு அவர்களின் ஊடகங்கள் பின்பாட்டுப் பாடுவார்கள்.

எடுத்துக்காட்டு குர்ஆனிலிருந்ததை நுபுர் சர்மா கூறியதை, அவர் குர்ஆனை இழிவுபடுத்தி விட்டதாகப் பொருள் தரும்படி உலகப் பிரச்சனையாக்கி விட்டார்கள்.

முஸ்லீம் நாடுகள் (OIC) குறிப்பாக கத்தார் இதைப் பெரிய பிரச்சனையாக்கியது.

சீனா

சீனாவில் 16,000 மசூதிகளில் 65% மசூதிகளை அழித்து விட்டதாக, முஸ்லிம்களை இன அழிப்பு செய்ததாகச் செய்திகளில் வந்துள்ளது.

ஒருத்தர், ஒருத்தர் கூட வாய் திறக்கவில்லை.

இந்தியாவில் சிறுபான்மையினருக்கு ஒன்றென்றால் கொந்தளிக்கும் இடது சாரியினர், அவர்கள் ஆதரவு இடது சாரி நாடான சீனாவில் நடக்கும் கொடுமைகளுக்கு வாயை இறுக மூடியுள்ளார்கள்.

குர்ஆனில் இருந்ததைக் கூறியதற்குப் பொங்கிய முஸ்லீம் நாடுகள், மேற்கத்திய நாடுகள், ஊடகங்கள் இவ்வளவு பெரிய சம்பவம் நடைபெறுகிறது ஏன் வாய் திறக்கவில்லை?

இது தற்போது தான் நடப்பதும் கிடையாது. உய்குர் முஸ்லிம்களைச் சீனா தொடர்ந்து இதே போல் செய்து வருகிறது ஆனால், சிறு முனகல் கூட எந்த நாட்டிலும் இல்லை.

பாகிஸ்தானில் உள்ள ஆப்கான் முஸ்லிம்களைப் பாகிஸ்தான் அரசு வெளியேற்றிய போது ஒரு நாடு கூட ஏன் என்று கேட்கவில்லை. ரோஹிங்கியா முஸ்லிம்களை பங்களாதேஷ் தடுத்து விட்டது.

ஆனால், இந்தியா NRC / CAA கொண்டு வந்த போது விமர்சிக்காத நாடோ, ஊடகமோ இல்லை!

இவர்களுக்கு உண்மையில் முஸ்லிம்கள் / இஸ்லாம் மீது அக்கறையா? அல்லது இந்தியா மீது காண்டா?!

காஸா

இஸ்ரேல் காஸா போர் நடக்கும் போது பாலஸ்தீன அகதிகளை ஜோர்டான், துருக்கி உள்ளிட்ட பெரும்பான்மை நாடுகள் ஏற்றுக்கொள்ள மறுத்தன.

ஏன்?

இவர்கள் மதத்தினரை இவர்களே ஏற்றுக்கொள்ள மாட்டார்களாம் ஆனால், பாகிஸ்தான், ஆப்கான், பங்களாதேஷ், ரோஹிங்கியாக்களை இந்தியா ஏற்க வேண்டுமாம்!

என்னங்க அநியாயம்?

இவர்கள் எல்லாம் உள்ளே நுழைந்து இந்தியாவையே நாசம் செய்து கொண்டு இருப்பார்கள் (ஷாஹின்பாக் போராட்டம் ஒரு எடுத்துக்காட்டு), இதற்கு செக்குலர் என்ற போர்வையில் அரசியல் கட்சிகள், இடது சாரி அமைப்புகள் ஆதரவு வேறு ..!

‘பங்களாதேஷிகளுக்கு வாக்கு அடையாள அட்டை இல்லையென்றால் கூறுங்கள் ஏற்பாடு செய்கிறோம்‘ என்று மேற்கு வங்கத்தில் தலைவர் மேடையில் கூறுகிறார்.

இவர்கள் வெற்றி பெற நாட்டையே சீரழித்துக் கொண்டுள்ளார்கள். இந்தியாக்கு உடனடி தேவை CAA, NRC, இல்லையேல் இந்தியா நாசமாவதைத் தடுக்கவே முடியாது.

செக்குலர் மேற்கத்திய நாடுகள்

உலகிலேயே தாங்கள் கருணை மிக்கவர்கள் என்ற எண்ணம் மேற்கத்திய நாடுகளுக்கு உண்டு ஆனால், உலகையே நாசம் செய்வது இவர்கள் தான் என்பது தனிக்கதை.

Multiculture என்ற பெயரில் கட்டுப்பாடு இல்லாமல் ஏராளமான அகதிகளை அனுமதித்து விட்டார்கள், அனுமதித்து வருகிறார்கள்.

மேற்கத்திய நாடுகள் தங்களை செக்குலர் என்று கூறிக்கொண்டாலும், அவர்களுக்கு இந்தியா போலப் பல நூறு ஆண்டுகளாக இருக்கும் பிரச்சனைகள் இல்லை.

எனவே, தாங்கள் மதப் பிரச்சனைகளை எதிர்கொள்ளாததால், செக்குலர் நாடான இந்தியாக்கு அறிவுரை கூறுவது எளிதாக இருந்தது.

தற்போது தான் செக்குலர் என்ற வார்த்தையின் சூட்டை உணர ஆரம்பித்துள்ளார்கள் ஆனால், இந்தியா இதில் பல நூறு ஆண்டுகள் பாதிப்பை, அனுபவத்தைப் பெற்றது.

இந்தியா செக்குலர் பிரச்சனைகளைக் கையாண்டு கரை கண்டு விட்டது ஆனால், மேற்கத்திய நாடுகளால் திடீர் சமூக மாற்றத்தைச் சமாளிக்க முடியவில்லை.

இனி தான் செக்குலர் ஆரம்பம்

செக்குலர் என்று இதுவரை இந்தியாக்கு அறிவுரை கூறி வந்த மேற்கத்திய நாடுகள் மற்றும் அவர்களது ஊடகங்கள் இனிமேல் தான் தங்கள் மருந்தின் சுவையை உணரப்போகிறார்கள்.

அகதிகள் பிரச்சனையால், முதலில் பெருமளவில் பாதிக்கப்படப்போவது இங்கிலாந்து, தொடர்ந்து ஜெர்மன், ஸ்வீடன், இத்தாலி, பிரான்ஸ் ஆகியவை.

ஐக்கிய நாடுகள் சபை வலியுறுத்தியும் அகதிகளை மறுத்த போலந்து, கலவரம், மதப்பிரச்சனைகள் இல்லாத அமைதியான ஐரோப்பா நாடாக உள்ளது.

Welcome Refugees என்று கூறி அகதிகளை வரவேற்ற ஜெர்மன் தினமும் திருட்டு, கொலை, வழிப்பறி, பாலியல் வன்முறை, கலவரத்தால் சீரழிந்து கொண்டுள்ளது.

தற்போது ஏற்படும் பிரச்சனைகளின் தீவிரத்தை உணர்ந்த நாடுகளில் இடது சாரி ஆட்சி முடிந்து வலது சாரி ஆட்சி மாறிக்கொண்டுள்ளது.

40 ஆண்டுகளுக்குப் பிறகு அர்ஜென்டைனா, தற்போது நெதர்லாந்தில் ஆட்சி மாறியுள்ளது. அமெரிக்காவிலும் ஆட்சி மாறும்.

அயர்லாந்தில் ஒரு அகதி, குழந்தைகளைக் கொன்றதால், அங்கே தற்போது பொதுமக்களால் கலவரம் நடந்து கொண்டுள்ளது.

அகதிகளுக்கெதிரான போராட்டம் வலுப்பெற்றுள்ளது.

கர்மா

இது ஆரம்பம் தான். ஐரோப்பா சந்திக்கப் போகும் அதிர்ச்சிகள், பிரச்சனைகள் ஏராளம்.

நமக்கு அறிவுரை கூறிய செக்குலர் மேற்கத்திய நாடுகள் இனி மதச்சார்பின்மையை எப்படிக் கையாளப் போகிறார்கள் என்பதைப் பார்க்கப்போகிறோம்.

உலகையே ஆட்சி செய்த இங்கிலாந்து என்னவாகப்போகிறது என்பதை உலகம் இத்தலைமுறையிலே காணப்போகிறது.

ஆங்கிலேயர்கள் இந்தியாவில் இந்து முஸ்லீம் மதப்பிரச்சனையைத் தூண்டி ஆட்சி செய்தார்கள். தற்போது அதே மதம் அவர்களைப் பதம் பார்க்கப்போகிறது.

மற்றவர்களுக்கு நீ என்ன செய்தாயோ அதுவே உனக்கு, உன் சந்ததியினருக்கு திரும்பக் கிடைக்கும். #கர்மா

அழிவுப்பாதை

அனைவரும் சமம் என்று கூறி,  பின் சிறுபான்மையினருக்கு மட்டுமானதாக மாறி, இறுதியில் அனைவருக்கும் அழிவைக் கொடுக்கும் ஒன்றே செக்குலர்.

யாரையும் நிம்மதியாக இருக்க விடாது, எல்லோரையும் எப்போதும் பதட்டத்திலேயே, பிரச்சினைகளிலேயே வைத்து இருக்கும்.

செக்குலர் என்ற வார்த்தைக்குப் பொருத்தமானவை சிங்கப்பூர் போன்ற கட்டுப்பாடான சுதந்திரம் கொண்ட நாடுகள் தான். மேற்கத்திய நாடுகள் அல்ல.

ஜனநாயக நாடு என்ற பெயரில் செக்குலர் என்ற வார்த்தையினால் பெரும்பான்மை தான் பாதிக்கப்படுகிறார்கள். இதை மேற்கத்திய நாடுகளும் விரைவில் உணரும்.

செக்குலர் / மதச்சார்பின்மை என்பதெல்லாம் இந்தியாவில் அரசியல் செய்யப் பயன்படுத்த உதவும் ஒரு வார்த்தை அவ்வளவே!

தொடர்புடைய கட்டுரை

ஐரோப்பாவைத் திணறடிக்கும் அகதிகள் பிரச்சனை [FAQ] கட்டுரை 2015 ம் ஆண்டு எழுதப்பட்டது. இதில் கூறப்பட்டவை ஐரோப்பாவில் தற்போது நடந்து வருகிறது.

இக்கட்டுரையின் கருத்துப்பகுதியில் ஒருவர் கூறியது இக்கட்டுரையின் சுருக்கம்.

‘மனித நேயம் wise ஆக handle பண்ணபட வேண்டிய விஷயம். அவசரப்பட்டு மனித நேயம்(!) காண்பித்தால் consequences பயங்கரமாக இருக்கும்.

சிரியா நாட்டின் ஒரு குழந்தையின் படம் இன்று உருவாக்கிய மனிதநேயம் எதிர்காலத்தில் எத்தனை ஐரோப்பிய குழந்தைகளுக்கு எமனாக போகிறதோ!‘

இத்தள கட்டுரைகள், சுவாரசியமான செய்திகள், தொழில்நுட்பத் தகவல்கள் ஆகியவற்றை எளிதாகப் பெற –> giriblog WhatsApp Channel

The post செக்குலர் என்ற அழிவுப்பாதை appeared first on giriblog.

கணவன் மனைவியிடையே நடக்கும் பிரச்சனைகளை மையப்படுத்திய படம் இறுகப்பற்று. Image Credit

இறுகப்பற்று

விதார்த் & ஸ்ரீ ஆகியோர் குடும்பத்தில் நடக்கும் பிரச்சனைகளுக்குத் தீர்வு கொடுக்கும் மனநல நிபுணராக ஷ்ரத்தா, அவரது கணவராக விக்ரம் பிரபு.

இவர்களின் பிரச்சனைகளை ஷ்ரத்தா சரி செய்தாரா? என்பதே இறுகப்பற்று.

குடும்பம்

தம்பதிகளிடையே நடக்கும் பிரச்சனைகள், வாக்குவாதங்கள், ஆணவம், புரிதல் இன்மை, தான் என்ற எண்ணம் ஆகியவை ஒவ்வொரு குடும்பத்திலும் எப்படிச் சிக்கலை ஏற்படுத்துகிறது என்பதை அழகாகக் கூறுகிறது.

இதில் வரும் ஏதாவது ஒரு காட்சியில் ஒவ்வொரு கணவன் மனைவியும் சம்பந்தப்பட்டு இருப்பார்கள் என்பதே சிறப்பு. சில நேரங்களில் தன் வாழ்க்கையில் நடப்பதைப் பார்ப்பது போன்றே இருக்கும்.

ஸ்ரீ நடிப்பு, கோபப்படுவது ஆகியவை இயல்பாக உள்ளது ஆனால், விதார்த் காரணங்கள் ஏற்றுக்கொள்ளும்படியாக இல்லை.

அதாவது அவர் விவகாரத்துக்குக் கூறும் காரணம் நியாயமாக இல்லை. இயல்பில் விதார்த் அவ்வாறான நபராகவும் காட்டப்படவில்லை, அலுவலகத்தில் பிரச்சனை இருப்பதாகவும் தெரியவில்லை.

ஸ்ரீ நடிப்பும், அவரது காரணங்களும் கதைக்கு நியாயமாக உள்ளன.

ஷ்ரத்தா

மனநல நிபுணர்கள் பற்றி எப்போதுமே எனக்கு ஒரு கேள்வி இருக்கும். இந்த நிபுணர்களின் மண வாழ்க்கை எப்படி இருக்கும்? என்பது தான் .

ஊருக்கே ஆலோசனை கூறலாம் அதைத் தன் வாழ்க்கையில் செயல்படுத்துவது எளிதல்ல என்பதே எதார்த்தம்.

ஷ்ரத்தா வாழ்க்கையிலும் அப்படியாவது வியப்பைத் தரவில்லை. விக்ரம் பிரபு எதிர்பார்ப்புகள், அவர் கேள்விகள் நியாயமாக உள்ளன.

நல்ல எண்ணத்தில் ஷ்ரத்தா செயல்படுவது, பின்விளைவுகளை ஏற்படுத்தும். அவரது வழிமுறைகள் தவறாக இருக்கலாம் ஆனால், நோக்கம் சரி.

காதல், அன்பு என்பது அட்டவணை போட்டுச் செயல்படுத்துவதல்ல, இயல்பாக நடப்பது. அதைச் செயற்கையாக மாற்றி அன்பு செலுத்த முயன்றால், அது உண்மையான அன்பாக இருக்காது.

அனுபவம்

அனைத்து குடும்பங்களிலும் நடைபெறும் பிரச்சனைகளுக்குக் காரணங்களாக இருப்பவை கோபம், புரிதலின்மை, ஈகோ, அக்கறையின்மை ஆகியவையே.

இவற்றோடு ஆண்களுக்கென்று சில குணங்கள் இருக்கும், அதே போலப் பெண்களுக்கென்று சில குணாதிசயங்கள் இருக்கும். இவை எப்போதுமே மாறாதவை.

எடுத்துக்காட்டுக்கு, ஆண்கள் எதையும் எளிதாக எடுத்துக்கொள்வார்கள் ஆனால், பெண்கள் எதையும் எளிதாக எடுத்துக்கொள்ள மாட்டார்கள்.

இப்பிரிவில் பெரும்பாலானவர்கள் அடங்கி விடுவார்கள்.

இதனாலேயே நண்பர்களின் குடும்பக் கதைகளைக் கேட்கும் போது நமக்கு ஒத்ததாக இருக்கும். இதையொட்டியே கணவன் மனைவி மீம்களும் வருகின்றன.

எனவே, கணவன், மனைவி தங்கள் நண்பர்களிடையே பேசும் போது பெண்கள் பிரச்சனைகள் ஒரே மாதிரியும், ஆண்கள் பிரச்சனை ஒரே மாதிரியும் இருக்கும்.

அனைவருக்கும் இவை பொருந்தாது என்றாலும் பெரும்பாலும் பொருந்தும், விதிவிலக்குகள் எங்கும் உண்டு. சூழ்நிலைகளே முக்கியப்பங்கு வகிக்கின்றன.

திரைக்கதை

துவக்கத்திலேயே குடும்பங்களுக்கு ஆலோசனை என்று தொடர்வதால், சில நேரங்களில் ஆவணப்படம் என்ற எண்ணத்தைத் தருகிறது.

குடும்பத்தின் கதையைக் கூறினால், இரு பக்கமும் உள்ள பிரச்சனைகளைக் கூறும் போதே கதைக்கான நியாயம் உறுதிப்படுத்தப்படும்.

ஆனால், இதில் விதார்த், ஸ்ரீ இருவருமே தவறு செய்பவர்களாகவும், மனைவி இருவருமே அப்பாவிகள், அவர்கள் பக்கமே நியாயம் இருப்பது போலக் காண்பிக்கப்படுகிறது.

யாரோ ஒருவரின் மனைவி பிரச்சனை செய்வது போலக் காண்பித்து இருந்தால், இரு பக்க பிரச்சனைகளையும் சமமாக கூற வாய்ப்பாக அமைந்து இருக்கும்.

தம்பதிகளுக்கிடையே உள்ள பிரச்சனைகளைக் கூறும் முயற்சி பாராட்டத்தக்கது ஆனால், திரைக்கதையில் மேலும் கவனம் எடுத்து இருக்கலாம்.

படத்தின் கதைக்குத் தலைப்பு மிகப் பொருத்தமாக உள்ளது.

கதாபாத்திரங்கள்

இறுதியில் பல காரணங்களை, ஏமாற்றங்களை விதார்த் கூறினாலும், துவக்கத்திலிருந்து அவர் நடவடிக்கைகள் அதை எங்கேயும் பிரதிபலிக்காமல் உள்ளது.

திடீரென்று ஒருநாள் அலுவலகத்தில் கோபப்படுவது ஒட்டுமொத்த கதைக்கும் கதாபாத்திர நியாயத்தைக் கொடுத்து விடுமா?!

‘ஒரு வீட்டை வாங்கி அதற்கு 20 வருடங்கள் கடனைக் கட்ட உழைத்து, யாருக்காக வாழ்கிறோம் என்பதே தெரியவில்லை!‘

என்று விதார்த் கூறுவது எதார்த்தமாக இருந்தது.

ஷ்ரத்தாவுக்கு விக்ரம் பிரபுவை ஏமாற்றும் எண்ணம் இல்லை ஆனால், அவரை மகிழ்ச்சியாக வைத்துக்கொள்ளும் முயற்சியில் பின்பற்றும் நடவடிக்கைகளே பிரச்சனையாகின்றன.

அதை ஷ்ரத்தா உணர்ந்ததும், சண்டையிடாமல் அதைச் சரி செய்ய முயல்வதும், அதற்கு விக்ரம் பிரபு இதுவும் ஒரு செயற்கையான நடவடிக்கையா! என்று சந்தேகப்படுவது இயல்பு.

ஷ்ரத்தா கதாபாத்திரத்தில் நயன்தாரா நடிப்பதாக இருந்ததாம் ஆனால், நயன் தேவையில்லை ஷ்ரத்தாவே போதுமானது.

ஒளிப்பதிவில் Upper Class / Upper middle class இடங்களாக உள்ளதில் கொஞ்சம் நடுத்தரவர்க்க காட்சிகளையும் இயல்புக்காகச் சேர்த்து இருக்கலாம்.

காட்சிகளுக்குப் பொருத்தமான பாடல் வரிகள் & இசை.

யார் பார்க்கலாம்?

திருமணமானவர்கள் மட்டுமே பார்க்கலாம். மற்றவர்கள் இதை முழுவதுமாக உணர்ந்து பார்க்க முடியாது.

காதலிப்பவர்கள் கூட உணர முடியாது. காரணம், காதலிக்கும் போது சண்டையிட்டாலும் அது வேறு. திருமணமான பிறகான வாழ்க்கை முற்றிலும் வேறு.

இயக்குநர் செல்வமணி மேடையில் கூறிய ‘15 வருடங்கள் காதலித்தோம் ஒரு பிரச்சினையில்லை ஆனால், திருமணமாகி 3 நாட்கள் கூடச் சமாளிக்க முடியவில்லை‘ என்ற பேச்சு குறிப்பிடத்தக்கது .

கணவன் மனைவிக்கான படமென்றாலும், புரிதலுள்ள, புரிந்துகொள்ளக்கூடிய தம்பதியினர் ஒன்றாகப் பார்க்கலாம். மற்றவர்கள் தனித்தனியே பார்ப்பது நல்லது.

காரணம், பிரச்சனைகளைச் சரி செய்யாமல், தவறாகப் புரிந்து மேலும் சிக்கலாக்கி விடவும் வாய்ப்புகள் உள்ளது .

புதிய முயற்சிகளை ஆதரிக்கும் தயாரிப்பாளர் SR பிரபுக்கு பாராட்டுகள்.

NETFLIX ல் காணலாம்.

Directed by Yuvaraj Dhayalan
Written by Yuvaraj Dhayalan
Produced by S. R. Prakash Babu, S. R. Prabhu, P. Gopinath, Thanga Prabaharan R
Starring Vikram Prabhu, Shraddha Srinath, Vidharth, Sri, Abarnathi, Saniya Iyappan
Cinematography Gokul Benoy
Edited by J. V. Manikanda Balaji
Music by Justin Prabhakaran
Release date 6 October 2023
Country India
Language Tamil

இத்தள கட்டுரைகள், சுவாரசியமான செய்திகள், தொழில்நுட்பத் தகவல்கள் ஆகியவற்றை எளிதாகப் பெற –> giriblog WhatsApp Channel

The post இறுகப்பற்று (2023) | மண வாழ்க்கை பிரச்சனைகள் appeared first on giriblog.

பொன்னான நிகழ்காலம் புத்தகம் பற்றி எழுதிய போது 30 – 50 கட்டுரைகள் எழுதும் அளவுக்குப் புத்தகத்தில் தகவல்கள் உள்ளது. அவ்வப்போது எழுதுகிறேன் என்று கூறி இருந்தேன், அதிலிருந்து 10 வது கட்டுரை. Image Credit

கடவுளை நம்பினால் மருத்துவம் எதற்கு?

கடவுளை நம்பினால் மருத்துவம் எதற்கு? என்ற கிண்டலான கேள்வியைப் பகுத்தறிவாளர்கள் கேட்பார்கள்.

என்ன சொன்னாலும் அதற்கு ஒரு கூட்டம் கிண்டலடிக்கக் காத்துக்கொண்டு இருக்கும். நம்மைச் சுற்றி அதிபுத்திசாலிகள் சூழ்ந்து உள்ளார்கள்.

எனவே, அவர்களையும் சமாளித்தே நம் இருப்பை தக்க வைக்கிறோம்.

மேற்கூறிய கேள்வியைக் கேள்விப்படாத, கடக்காத எந்தவொரு நபரும் இருக்க மாட்டார். சாமி செய்யுமென்று நம்பினால் அப்புறம் எதற்கு மருத்துவரிடம் செல்கிறாய்? என்று கிண்டலடிக்கும் சமூகம்.

கடமை

கடவுள் உதவுவார் என்று நம்புகிறோம், அதற்காகக் கடமைகளைச் செய்யாமல் கடவுள் உதவவில்லை என்று கூற முடியுமா?

அந்த மருத்துவத்தைச் செய்யத் தூண்டுவதே கடவுளாக இருக்கலாம் ஆனால், கடவுள் நேரா வந்து உதவி செய்ய வேண்டும் என்றால் எப்படி நடக்கும்?

நம்புகிறீர்களோ இல்லையோ! என் வாழ்க்கையில் கடவுள் உடன் இருப்பதாகவே உணர்கிறேன். ஒவ்வொரு முறையும் பிரச்சனைகளிலிருந்து காப்பதாக, கற்பனையில் அல்ல உண்மையிலேயே உணர்கிறேன்.

இதற்கு எடுத்துக்காட்டுக் கூற பல வருடங்கள் பின்னோக்கி செல்ல வேண்டியதில்லை. கடந்த வாரம் நடந்த சம்பவத்தையே எடுத்துக்காட்டாகக் கூற முடியும்.

இது அனைவருக்கும் நடக்கிறது. நான் ஆராய்ந்து உணர்கிறேன், மற்றவர்கள் அதைச் சம்பவமாகக் கடந்து செல்வதால், உணர்வதில்லை.

கடவுள் ஏன் வரவில்லை?

கடவுள் நம்பிக்கையுள்ள ஒரு நபர் கப்பலில் செல்லும் போது கடலில் விழுந்து விடுகிறார். கடவுள் காப்பாற்றுவார் என்று முழுமையாக நம்பினார்.

அந்நேரத்தில் ஒரு பாதுகாப்பு வளையம் மிதந்து வந்து கொண்டு இருந்தது. கொஞ்சம் நீந்திச் சென்று பிடித்து விட்டால், வேறு யாராவது வரும் வரை சமாளிக்கலாம்.

ஆனால், கடவுள் வந்து காப்பாற்றுவார் என்று வளையத்தைப் பிடிக்காமலிருந்ததால், காற்றில் அந்த வளையம் நகர்ந்து வேறு இடத்துக்குச் சென்று மறைந்து விடுகிறது.

கொஞ்ச நேரத்தில் களைப்படைந்த நபர், மேலும் தாக்குப்பிடிக்க முடியாமல் மூழ்கி இறந்து, கடவுளிடம் சென்று ‘ஏன் என்னைக் காப்பாற்றவில்லை?‘ என்று கேட்கிறார்.

‘உன்னிடம் வந்த பாதுகாப்பு வளையமே நான் அனுப்பியது தான். அதைப்பிடித்து இருந்தால், அடுத்து வரும் கப்பல் உன்னைக் காப்பாற்றியிருக்கும். நீ தான் புறக்கணித்து மூழ்கி விட்டாய்‘ என்று கூறுவார்.

கடவுளே நேரடியாக வராமல் மற்றவர்கள் மூலமாகவே வந்து உதவுவார். எனவே, ஒவ்வொரு வாய்ப்பையும் கடவுள் கொடுத்ததாகவே கருத வேண்டும்.

தீர்வு காண்பது தவறாகாது

பிரச்சனைக்குத் தீர்வு காண முற்படுவது கடவுளை நம்பவில்லை என்பதாகாது.

சில நேரங்களில் என்ன முயன்றாலும் எந்த மருத்துவத்தாலும், எவ்வளவு பெரிய மருத்துவராலும் ஒருவரைக் காப்பாற்ற முடிவதில்லையே ஏன்?

செயல்படுவது விஞ்ஞானம் தானே! ஏன் நடக்கவில்லை?!

இதுவே விதி எனப்படுகிறது.

நம் கடமையை, முயற்சிகளை நாம் செய்ய வேண்டும். அதை மீறி நடப்பது நம் கையில் இல்லை. அது உலகின் தலைச்சிறந்த மருத்துவரே மருத்துவம் பார்த்தாலும்.

எனவே, அனைத்துக்கும் கடவுளே நேரடியாக வந்து தீர்வு கொடுக்க மாட்டார். உதவி இன்னொருவர் வாயிலாக கிடைக்கும் போது அதைச் சரியாக உணர்ந்து செயல்படுவதே புத்திசாலித்தனம்.

கடவுள் நம்பிக்கை என்பது வாழ்க்கைக்கான பிடிப்புமாகும்.

மேற்கூறியதில் மையக்கருத்து மட்டுமே சுவாமி சச்சிதானந்தா அவர்கள் கூறியது. மற்றவை ஜனரஞ்சகத்துக்காக சேர்க்கப்பட்டது.

தொடர்புடைய கட்டுரை

நம்பினால் நம்புங்கள்

இத்தள கட்டுரைகள், சுவாரசியமான செய்திகள், தொழில்நுட்பத் தகவல்கள் ஆகியவற்றை எளிதாகப் பெற –> giriblog WhatsApp Channel

The post கடவுளை நம்பினால் மருத்துவம் எதற்கு? appeared first on giriblog.

எப்போதும் இல்லாத அளவுக்குத் திமுக ஆட்சிக்கு வந்த பிறகு போதையால் தமிழகம் அழிந்து வருகிறது. Image Credit

டாஸ்மாக்

கலைஞர் அவரது ஆட்சியில் ஆரம்பித்து வைத்த குடிப்பழக்கம், அவரது மகன் ஸ்டாலின் ஆட்சியில் உச்சத்துக்குச் சென்று கொண்டு இருக்கிறது.

எம்ஜிஆர் ஆட்சிக்காலத்தில் டாஸ்மாக் உருவாக்கப்பட்டது.

சில்லறை விற்பனை சிண்டிகேட் அமைத்துக் குறைந்த விலைக்கு ஏலம் கேட்கப்பட்டதால், அரசுக்கு ஏற்படும் இழப்பால் தனியாரிடமிருந்து பின்னர் ‘ஜெ’ அரசுக்கட்டுப்பாட்டில் வந்தது.

இதன் பிறகு கலைஞர், ஜெ, எடப்பாடி ஆட்சிக்காலத்தில் விமர்சனங்கள் இருந்தாலும், பெரியளவில் கட்டுப்பாட்டை இழக்கவில்லை.

ஆனால், 2021 ஸ்டாலின் ஆட்சிக்கு வந்த பிறகு குடியின் மூலம் வரும் வருமானம் அரசுக்கு முக்கியமான பங்காக மாறும் அளவுக்குக் குடியைப் பிரபலப்படுத்தியது.

இதன் பின்னணியில் திமுகவினரின் மதுபான நிறுவனங்கள் இருந்ததும், அரசியல்வாதிகள் கமிசன் அடிக்க அற்புதமான வழியாகவும் இருந்தது.

போதையால் அழியும் தமிழ்நாடு

குடியின் உச்சம் என்று தற்போது சொல்ல முடியாது காரணம், இதை விட மோசமான சூழ்நிலைகளைத் தமிழகம் எதிர்நோக்கப்போகிறது என்பது கசப்பான உண்மை.

முன்பு குடியால் எங்காவது ஓரிரு சம்பவங்கள் நடைபெறுவதைச் செய்திகளில் காண முடிந்தது ஆனால், தற்போது செய்தித்தாளைப் பார்த்தாலே நடக்கும் சம்பவங்கள் குடியுடன், கஞ்சாவுடன் தொடர்புடையதாக உள்ளது.

போதையில் இரண்டு பேரை, மூன்று பேரை வெட்டிக்கொன்றார் என்ற செய்திகள் மிகச்சாதாரணமாகி விட்டது.

இதைவிடக்கொடுமையாகக் கஞ்சா பெருகி பள்ளி, கல்லூரி மாணவர்களிடையே எளிதில் கலந்து வருகிறது. தற்போது எளிதாக மாணவர்கள் பெறுகிறார்கள்.

செய்திகளில் இயல்பானது

இதைத் தெரிந்து கொள்ளச் செய்திகளைப்படித்தாலே போதுமானது.

செய்திகளை மறைக்கும் திமுக ஆதரவு ஊடகங்களிலும் வருகிறது என்றால், அதன் எண்ணிக்கை, பாதிப்பு எந்த அளவுக்கு உள்ளது என்பதை அறியலாம்.

இதைப் பற்றி ஒவ்வொரு சராசரி பொதுஜனத்துக்கும் தெரியும் ஆனால், கடந்து செல்வதைத்தவிர வேறு வழியில்லை.

சிலரைக் கைது செய்ததாகச் செய்திகளில் கண் துடைப்புக்கு வரும் ஆனால், திரும்ப அதே பகுதியில் அதே கஞ்சா தொடரும். இது தான் தமிழகம்.

தமிழகத்தின் ஒட்டுமொத்த திறனே குடியால் வீழ்ந்து வருகிறது.

திருப்பூர் போன்ற மாவட்டங்களில் பலர் குடிக்கப் பணம் தேவை என்பதற்காக மட்டுமே பணிக்குச் செல்கிறார்கள். மிகைப்படுத்தப்பட்டதாக உங்களுக்குத் தோன்றலாம் ஆனால், உண்மை.

திமுகவின் டாஸ்மாக் செயல்பாட்டுக்கு முட்டுக்கொடுத்து வருபவர்கள் ஒன்றைப் புரிந்து கொள்ளுங்கள். உங்கள் குடும்பத்தில் ஒருவர் பாதிக்கப்படும் போதே இதன் ஆபத்தை உணர முடியும்.

அழியும் தலைமுறை

இருப்பதிலேயே ஸ்டாலின் அரசு செய்யும் மோசமான, மன்னிக்கவே முடியாத செயல் என்னவென்றால், இளைய தலைமுறையையே போதைக்கு அடிமையாக்கி வருவது.

அரசுக்கு வருமானத்தைக் கூட்ட ஆயிரம் வழிகள் இருக்க, அனைவரின் வாழ்க்கையையும் சீரழித்துக் கிடைக்கும் வரும் பணம் தேவையா?!

கஞ்சா போதையால் மாணவர்கள் அடித்துக்கொள்ளும் சம்பவங்களும் அதிகரித்து வருவது அதிர்ச்சியை ஏற்படுத்துகிறது. சமீபத்தில் நடந்த கோவை ராகிங் பிரச்சனையிலும் கஞ்சா தொடர்பு இருந்ததாக செய்திகளில் வந்தது.

குடி என்றால் வாசனையை வைத்தோ, உடல்மொழியை வைத்தோ கண்டறியலாம் ஆனால், கஞ்சா போதையை செயல்களை வைத்தே அறிய முடியும்.

நம்ம பசங்க இதில் மாட்டிக்கொள்ளக் கூடாது என்ற பயத்தைக் கொடுக்கிறது.

காரணம், என்ன தான் சரியாக இருந்தாலும் இளம் வயதில், அந்த வயதுக்குண்டான குறுகுறுப்பில் மற்றவர்களைப் பார்த்துக் கெட்டுப்போக வாய்ப்புள்ளது.

ஒரு முறை தவிர்க்கலாம், இரு முறை தவிர்க்கலாம். தொடர்ந்து கண்களில் பட்டுக்கொண்டே இருக்கும் போது முயன்றால் என்ன என்று தோன்றுவது இயல்பு.

சூழ்நிலைகள்

ஒருவர் கெட்டுப்போவதற்கான முக்கியக்காரணமே சூழ்நிலைகள் தான்.

அதை அரசு மேலும் மேலும் அதிகப்படுத்திக் கொடுக்கும் போது, மாணவர்கள் வழி தவற மிகப்பெரிய வாய்ப்பாக அமைகிறது. அடிக்கடி செய்திகளில் பார்க்கும் போது மன உளைச்சலை ஏற்படுத்துகிறது.

பள்ளி மாணவர்கள் போதைக்கு அடிமையாவதை என்ன சமாதானம் கூறினாலும் ஏற்றுக்கொள்ள முடியவில்லை. போதையில் ஆசிரியர்களையே அடிக்கிறார்கள்.

வயிறு எரிஞ்சு சொல்கிறேன்.. த்தா! பொறுப்பில் உள்ள எவனெல்லாம் போதை பழக்கத்தைத் தடுக்காமல், பணத்துக்காகக் கண்டுகொள்ளாமல் இருக்கிறீர்களோ எல்லோரும் நாசமாதான்டா போவீங்க!

தமிழகத்தை நாசமாக்கும் திமுக

ஆண்டு வருமானம் 36,000 கோடியிலிருந்து, 45,000 கோடியாக்கி தற்போது 50,000 கோடிக்கு இலக்கு வைத்துள்ளார்கள்.

பண்டிகை நாட்களில் புதிய பீர்கள் அறிமுகம். அதற்குத் தமிழக ஊடகங்கள் இலவச விளம்பரம்.

பாக்கெட் சாராயம் போல, டெட்ரா பேக் என்ற பெயரில் மது.

கள்ளக்காதலுக்குத் திருமணம் கடந்த உறவு என்று பெயர் வைத்துப் புரட்சி செய்தது போல. குடிகாரர்கள் அல்ல, மது பிரியர்கள் என்று பெயர் மாற்றம் செய்துள்ளார்கள்.

பாருங்க.. எப்படிப்பட்ட கொடுமையெல்லாம் பார்க்க வேண்டியது இருக்கிறது.

மது விலக்கு உறுதி என்ற ஸ்டாலின், இளம் விதவைகள் உருவாகிறார்கள் என்று அதிமுக ஆட்சிக்காலத்தில் கூறிய கனிமொழி தற்போது அமைதி.

‘எங்கள் கட்சிக்காரர்கள் தான் மது ஆலைகளை வைத்துள்ளார்கள். எனவே, நாங்கள் எளிதாக மது விலக்கு கொண்டு வந்து விடுவோம்‘

என்று மக்களிடையே கனிமொழி கூறினார். ஆனால், நடப்பது என்ன?

மது விலக்கு சாத்தியமா?

சாத்தியம் இல்லை.

குடிப்பது தவறான பழக்கம் என்றாலும் அதைத் தடை செய்ய முடியாது ஆனால், கடுமையாகக் குறைக்க முடியும்.

மது விலக்கு செய்ய முடியாது ஆனால், இப்படி தெருக்கு ஒரு டாஸ்மாக் கடையைத் திறந்து வைத்து இருப்பதைப் பெரியளவில் நிச்சயம் குறைக்கலாம்.

எங்கு பார்த்தாலும் கடைகள் கண்ணில் படும் போது ஆர்வம் இல்லாதவனுக்குக் கூட ஆர்வம் வந்து குடிக்கச் செல்கிறான்.

அதிகளவிலான கடைகள் குடியை ஊக்கப்படுத்துகிறது.

உடல்நிலை & மனது

கொரோனா காலத்தில் மது பிரியர் ஒருவர்,

‘6 மாதங்கள் குடிக்காமலிருந்தேன் (டாஸ்மாக் மூடப்பட்டதால்). அப்போது உடல்நிலை, மனது நன்றாக இருந்தது‘ என்று கூறினார்.

எனவே, ஒரே நாளில் எல்லோரையும் மாற்றி விட முடியாது ஆனால், கட்டுப்படுத்துவதன் மூலம் நிச்சயம் நல்ல மாற்றத்தை அரசால் கொண்டு வர முடியும்.

எல்லோருமே கடுமையாக போதைக்கு அடிமையாகி உள்ளார்கள். இவர்களை மாற்றுவது எளிதல்ல.

ஸாம்பிகளை போலக் குடிகாரர்கள் மாறி, ஆங்காங்கே குடித்து பொதுமக்களுக்கு இடைஞ்சல் ஏற்படுத்துகிறார்கள், சாலையில் விழுந்து கிடக்கிறார்கள்.

இவற்றை தடுக்க வேண்டிய அரசு, பணம் வந்தால் போதும் பொதுமக்கள் நாசமா போனால் கவலையில்லை என்று புது புது மது வகைகளை அறிமுகப்படுத்துகிறது.

தமிழகத்தின் எதிர்காலம்

போதைக்கலாச்சாரம் என்பது லஞ்சம் ஊழல் போல அல்ல. காரணம், லஞ்சம், ஊழலால் பாதிப்பு என்றால், அடுத்து வரும் அரசு கூடச் சரி செய்ய முடியும்.

ஆனால், போதைப்பழக்கம் பல தலைமுறைகளைப் பாதிக்கும், அழிக்கும்.

தமிழகத்தில் குடிப்பவர்களின் சதவீதம் அதிகரித்து வருகிறது. இது மிகப்பெரிய ஆபத்தைக்கொண்டு வரப்போகிறது.

குடும்பங்களில் ஏராளமான பிரச்சனைகளைக் குடி ஏற்படுத்துகிறது. அதோடு சமூகத்தில் குற்றச்செயல்கள் அதிகரிக்க மிக முக்கியக்காரணியாகி விட்டது.

குடித்து விட்டுப் பொது இடத்தில் ரகளை செய்வது, கொலை செய்வது, பாலியல் துன்புறுத்தல் செய்வது என்று நாளுக்குநாள் தமிழகத்தின் சட்டம் ஒழுங்கு சீர்குலைந்து பாதுகாப்பற்ற மாநிலமாகி வருகிறது

ஆனால், இவற்றைச் சரி செய்யச் சிறு நடவடிக்கையைக் கூட அரசு எடுக்கவில்லை.

பஞ்சாப் எப்படி போதை பொருட்களால் சீரழிந்து இளைய தலைமுறை பாதிக்கப்பட்டதோ அந்த நிலைக்குத் தமிழகம் சென்று கொண்டுள்ளது.

தலைமுறையே அழிந்து வருகிறது

பணிக்குச் செல்வதில் ஆர்வம் காட்டாமல், குடிக்கு அடிமையாகி வருகிறார்கள். மாணவர்கள் கஞ்சா போதைக்கு அடிமையாகி வருகிறார்கள்.

இவற்றை எதையும் உணராமல், திமுக அரசு பணம் வந்தால் போதும் என்று குடியை ஊக்குவித்து, தமிழகத்தைச் சீரழித்து வருகிறது. இன்னொரு பக்கம் கஞ்சா பரவல்.

இவ்வாறு கட்டுப்பாடின்றி தொடர்ந்தால், இன்னும் 5 அல்லது 10 வருடங்களில் இதன் பின்விளைவுகள் மிக மோசமான பாதிப்பைச் சமூகத்தில் உறுதியாக ஏற்படுத்தும்.

குடிக்கான சிகிச்சைகள், போதையிலிருந்து மீட்க அமைப்புகள், குடும்பம் சிதைவது ஆகியவையே எதிர்கால தமிழகம். குறித்து வைத்துக்கொள்ளுங்கள்.

நான் நேசிக்கும் தமிழகம் சீரழிந்து வருவதைக் கண் முன்னே பார்ப்பது நரக வேதனையாக, மன உளைச்சலாக உள்ளது.

எதிர்காலத்தலைமுறை நிச்சயம் திமுகவைக் காறித்துப்பும்.

தொடர்புடைய கட்டுரை

டாஸ்மாக் | குடியால் சீரழிந்து வரும் தமிழகம்

The post போதையால் அழியும் தமிழ்நாடு appeared first on giriblog.

Deepfake காணொளிகள் இந்தியா முழுக்க சர்ச்சையை ஏற்படுத்தியுள்ளது.

Deepfake

ஒருவரின் முகத்தை செயற்கை நுண்ணறிவு தொழில்நுட்பம் மூலம் போலியாக மாற்றும் தொழில்நுட்பம் Deepfake என்று அழைக்கப்படுகிறது. Image Credit

முன்பு Photoshop தொழில்நுட்பத்தால் இது போலச் செய்யப்பட்டது ஆனால், அதை விடப் பல மடங்கு துல்லியமாகச் செயற்கை நுண்ணறிவின் மூலம் செய்ய முடியும்.

எனவே தான் இதன் மூலம் வரும், நிழற்படங்கள், காணொளிகள் உண்மையானது போலவே உள்ளது.

எப்படி உருவாக்குகிறார்கள்?

எப்படி Photoshop தொழில்நுட்பத்தில் மாற்றுகிறார்களோ அதே போல, Deepfake லும் செய்யப்படுகிறது. Photoshop சாதாரணமானது ஆனால், Deepfake செயற்கை நுண்ணறிவுடன் உருவாக்கப்படுவது.

செயற்கை நுண்ணறிவு (Artificial Intelligence) எப்படி வித்தியாசப்படுகிறது என்றால், கிடைக்கும் ஏராளமான தகவல்களை வைத்தே.

பிரபலங்களின் நிழற்படங்கள், காணொளிகள் இணையத்தில் கொட்டிக்கிடப்பதால், அவற்றை அடிப்படையாக வைத்து உருவாக்கப்படுகிறது.

எந்த ஒரு உணர்வுக்கும் காணொளிகள், நிழற்படங்கள் இருப்பதால், அவற்றை வைத்துத் துல்லியமாக முகத்தை, உணர்வுகளைக் கொண்டுவர முடிகிறது.

இதன் அடிப்படையிலேயே ட்ரம்ப், ராஷ்மிகா காணொளிகள் வைரலானது.

ஒருவருடைய நிழற்படங்கள், காணொளிகள் அதிகம் கிடைக்கிறது என்றால், இது போன்ற Deepfake காணொளிகளைத் துல்லியமாக உருவாக்க முடியும்.

Deepfake காணொளிகளில் வரும் கண்கள் சிமிட்டாது என்பதை வைத்துப் போலி என்று அடையாளம் காணலாம் ஆனால், எதிர்காலத்தில் இதையும் வளரும் தொழில்நுட்பத்தில் சரி செய்து விடுவார்கள்.

ஆபத்து நிறைந்தது

யாருக்கோ நடந்தது என்று எளிதாகக் கடக்க முடியாது காரணம், நமக்கே, நம் குடும்பத்தினருக்கே இது போன்று நடக்க ஏராளமான வாய்ப்புகள்.

தங்களுக்குப் பிடிக்காத ஒரு நபரை இத்தொழில்நுட்பம் மூலம் எளிதாக அவமானப்படுத்திவிட முடியும். இது உண்மையா பொய்யா என்று உணர்வதற்குள் போதுமான சேதம் ஆகியிருக்கும்.

இது நானில்லை என்று விளக்கம் கொடுத்து அது மற்றவர்களைச் சென்றடைவதற்குள் பொய் வேகமாக அனைவரிடையே சென்றடைந்து இருக்கும்.

தற்காலத்தில் ஆண்களும், பெண்களும் குறிப்பாகப் பெண்கள் Reels, இன்ஸ்டாகிராம், Shorts போன்றவற்றில் எல்லை மீறிய காணொளிகளைப் பகிர்ந்து வருகிறார்கள்.

இதை வைத்து எளிதாக Deepfake செய்து விட முடியும்.

இவர்கள் அல்லாமல், லைக்ஸ் ஆர்வத்துக்காக தங்கள் நிழற்படங்களை, காணொளிகளை ஏராளமாகச் சமூகத்தளங்களில் பகிரும் பெண்கள் மிக எச்சரிக்கையாக இருக்க வேண்டிய தருணம்.

இவர்கள் சொல்லித் திருந்த மாட்டார்கள் காரணம், லைக்ஸ் போதைக்கு அடிமையாகி விட்டார்கள். எனவே, பட்டுத்திருந்தினால் தான் உண்டு.

திரைப்பட காட்சிகளை மீண்டும் எடுக்காமல், செலவைக் குறைத்து வேறு மொழிகளில் கொண்டு வரப் பயன்பட்ட தொழில்நுட்பம் தற்போது மற்றவர்களின் தனிப்பட்ட வாழக்கையில் விளையாடி வருகிறது.

குரல் மாற்றம்

முகம் மட்டுமல்லாது குரலையும் Deepfake மூலம் மாற்றம் செய்ய முடியும்.

முருகன் பாடலை மோடி பாடுவது உட்படப் பல பாடல்கள் இன்ஸ்டாகிராமில் ட்ரெண்டிங்காக இருந்தது. மோடி பேசுவது, பாடுவது போலவே இருந்தது.

மோடி தமிழ் பேசினால் எப்படிப் பேசுவாரோ அதே போல உருவாக்கப்பட்டு இருந்தது.

இவையெல்லாம் மீம்ஸாக வந்து நகைச்சுவையாக இருந்தாலும், இதே முறையில் மொபைலில் போலி முகம், குரல் மூலம் ஏமாற்றுவதும் நடைபெறுகிறது.

அதாவது, உங்களுக்குத் தெரிந்த நபர் போல Video Call ல் வந்து அவசரமாகப் பணம் தேவைப்படுவதாகக் கூறினால், ஏமாந்து கொடுத்து விட வாய்ப்பாகியுள்ளது.

எனவே, யாரை, எதை நம்புவது என்றே தெரியவில்லை.

தவிர்க்க முடியாதது

வளரும் தொழில்நுட்பம் பல நன்மைகளை, வசதிகளைக் கொண்டு வந்தாலும், இது போன்ற ஆபத்துகளையும், சிக்கல்களையும் உடன் கொண்டு வருகிறது.

எனவே, இவையெல்லாம் தவிர்க்க முடியாத பிரச்சனைகள். எச்சரிக்கையாக இருப்பதைத் தவிர வேறு வாய்ப்புக் கிடையாது.

தவறு செய்தவர்களும் கூட Deepfake என்று கூறி தப்பித்து விட வாய்ப்புள்ளது குறிப்பாக அரசியல்வாதிகள்.

பிடிக்கிறதோ இல்லையோ, எதிர்காலத்தில் இப்பிரச்சனைகளைக் கடந்து செல்லாமல் ஒதுங்க முடியாது. எச்சரிக்கை மட்டுமே ஒரே வழி.

இத்தள கட்டுரைகள், செய்திகள், தொழில்நுட்பத் தகவல்கள் ஆகியவற்றை எளிதாகப் பெற –> giriblog WhatsApp Channel

The post Deepfake | பயமுறுத்தும் தொழில்நுட்பம் appeared first on giriblog.

என் மண் என் மக்கள் அண்ணாமலை யாத்திரை 100 வது தொகுதியாக ஸ்ரீரங்கத்தில் முடிந்துள்ளது. மக்களின் வரவேற்பைப் பெற்றுள்ள யாத்திரை பற்றிக் காண்போம்.

என் மண் என் மக்கள்

ராமேஸ்வரத்தில் துவங்கிய என் மண் என் மக்கள் அண்ணாமலை யாத்திரை, 50 வது நாளை ராசிபுரத்தில் கடந்து 100 வது தொகுதியாக ஸ்ரீரங்கத்தில் முடிந்துள்ளது.

இடைப்பட்ட நாட்களில் பல்வேறு மாற்றங்கள், அரசியல் விமர்சனங்கள் என்று பரபரப்பாகத் தொடர்கிறது. Image Credit

துவக்கத்தில் சாதாரணமாகத் துவங்கி தற்போது மிகப்பெரிய மக்கள் வரவேற்பைப் பெறும் யாத்திரையாக மாறியுள்ளது.

அண்ணாமலை யாத்திரை வெற்றி பெறும், மக்களைக் கவரும் என்று நினைத்தாலும், இந்த அளவுக்கு வரவேற்பைப் பெறும் யாருமே எதிர்பார்த்து இருக்க மாட்டார்கள்.

அண்ணாமலையின் எளிமை, மக்களை அன்புடன் நலம் விசாரிப்பது, செல்ஃபி எடுப்பது, எளிய மக்களை அரவணைத்துப் பேசுவது என்று கலக்கி வருகிறார்.

A Family Blockbuster

குடும்பங்கள் கொண்டாடும் திரைப்படம் போலக் குடும்பங்கள் கொண்டாடும் யாத்திரையாக மாறி, குறிப்பாக நடுத்தர மக்களிடையே வரவேற்பை பெற்றுள்ளது.

தேச தலைவர்கள், பாரத மாதா என்று வேடமிட்டு குழந்தைகள் வருவதும், தாங்கள் வெற்றி பெற்ற போட்டிகளின் பதக்கங்களை அண்ணாமலைக்குக் காண்பிக்கவும் வரிசை கட்டி நிற்கிறார்கள்.

இதை நிச்சயம் வேறு எந்த அரசியல் தலைவர் பரப்புரையிலும் காண முடியாது. அப்படி இருந்தால், அவர்கள் ஏற்பாடு செய்தவர்களாக இருப்பார்கள்.

ஆனால், இங்கே நேர்மறையான எண்ண அலையை, மகிழ்ச்சியை மக்கள் முகத்தில் காண முடிகிறது. அனைவரிடையே மாற்றங்களை விரும்பும் எதிர்பார்ப்புகள்.

ஏதாவது நடந்து விடாதா? மாற்றம் ஏற்படாதா? என்ற ஏக்கங்கள், எதிர்பார்ப்புகள்.

பெண்கள் கூட்டம்

ஆண்கள் கூட்டத்தை விடப் பெண்களின் கவன ஈர்ப்பே அதிகமாக உள்ளது. வழக்கமாக இவர்கள் அரசியல் கூட்டங்களில் ஆர்வம் கொள்ளாதவர்கள்.

இவர்கள் பணம் கொடுத்துக் கூட்டி வந்த கூட்டமல்ல என்பது அவர்களின் ஆர்வத்தை, முகத்தைப் பார்த்தாலே தெரிகிறது. இரவு 11 மணி ஆனாலும், மழை பெய்தாலும் வீட்டுக்குச் செல்லாமல் நிற்கிறார்கள்.

இதுவரை அரசியல் கூட்டங்களில் கருப்பு, சிவப்பு, வெள்ளை, நீலம், பச்சை வண்ண கொடிகள், உடைகளையே பார்த்த சலித்த கண்களுக்கு ஆரஞ்சு வண்ணத்துடன் பலர் வலம் வருவது மாறுதல்.

அதிலும் குழந்தைகளுக்கும், பெண்களுக்கும் கூடுதல் அழகைத் தருகிறது.

குழந்தைகள் வந்தால், அவர்களுக்குப் பள்ளி சார்ந்து சிறு பரிசு, சாக்லேட் தருவது, சந்தேகத்திற்கிடம் இல்லாமல் வரவேற்பைப் பெற்றுள்ளது.

வாகன மேடை

ஒவ்வொரு இடத்திலும் மேடை அமைத்துப் பேசுவது கடினம் என்று சரியாகத் திட்டமிட்டு, வாகனத்திலேயே பேசும்படியான திட்டத்தைச் செயல்படுத்தியது சிறப்பு.

அண்ணாமலை நடக்கவில்லை, அந்த வாகனத்தில் சொகுசாக இருக்கிறார் என்று எதிர்க்கட்சிகள், ஊடகங்கள் பரப்புரை செய்யப்பட்டது எதுவுமே எடுபடவில்லை.

யாத்திரையை சரியாக திட்டமிட்டு வழிநடத்துகிறார்கள்

பேச்சு

அண்ணாமலை பேச்சே யாத்திரையின் முக்கிய நிகழ்வாக உள்ளது.

ஒரு தொகுதிக்குச் செல்லும் முன் அத்தொகுதி பிரச்சனைகளின் விவரங்களை முழுவதுமாக தயார் செய்து வைத்துள்ளார்கள்.

அத்தொகுதி, நகரின் சிறப்புகளையும் தெரிந்து வைத்துள்ளார். அண்ணாமலை கூறுவது அப்பகுதி மக்கள் சிலருக்கே தெரியாத செய்தியாக இருக்கலாம்.

என்ன பேசினால் மக்கள் ரசிப்பார்கள் என்பதைச் சரியாகத் தெரிந்து வைத்துள்ளார், அதோடு அப்படியே மோடி அரசின் திட்டங்களையும் சலிப்பாக்காமல் கூறுகிறார்.

அப்பகுதி MLA, MP செய்த ஊழல்கள், செயல்படுத்தாத தேர்தல் வாக்குறுதி தகவல்களையும் கூறி டேமேஜ் செய்கிறார்.

இதற்கு மக்களிடையே பெருத்த ஆதரவு / வரவேற்பு காணப்படுகிறது.

பல கால எதிர்பார்ப்பு

எடுத்துக்காட்டு, ஸ்ரீரங்கத்தில் பேசிய அறநிலையத்துறை நீக்கமும், பெரியார் சிலை நீக்கமும் மக்களிடையே பிளாக்பஸ்டர் வெற்றி பேச்சாகப் பார்க்கப்படுகிறது.

இது போன்று யாராவது கூற மாட்டார்களா? பேச மாட்டார்களா? என்று பலகாலமாக என்னைப்போன்றவர்கள் எதிர்பார்த்து இருந்தோம்.

அறநிலையத்துறை தொடர்ச்சியாக இந்து மதத்தையும், இந்துக் கடவுள்களையும் அவமானப்படுத்தி வருவதை பார்த்து மனம் வெதும்பி இருந்தோம்.

கடவுளை வெறுத்த, இழிவுபடுத்திப்பேசிய, செருப்பால் அடித்த பெரியாரின் சிலையைக் கோவில் அருகே பார்க்கும் போதெல்லாம் இந்தச் சிலையை எப்போது நீக்குவார்கள் என்ற எண்ணமே மேலோங்கி இருக்கும்.

சிலை நீக்கும் நிகழ்வு எப்போது நடக்குமோ! ஆனால், இப்படி பேசவும் அண்ணாமலை என்ற ஒரு ஆண் மகன் இருப்பதே அளவு கடந்த மகிழ்ச்சி!

இவ்வாறு மக்கள் எதிர்பார்ப்பதை அண்ணாமலை பேசுவதாலேயே இவர் பேச்சைக்கேட்க மக்கள் வரவேற்பு கொடுக்கிறார்கள். நம்ம நினைப்பதை ஒருத்தன் பேசுகிறான் என்ற ஆர்வமே காரணம்.

பெரியார் அறக்கட்டளை

அறம் கெட்ட துறையும், திராவிட கட்சிகளும், திகவும் சேர்ந்து இந்துக் கடவுள்களுக்கு, கோவில்களுக்கு, இந்து மதத்துக்குச் செய்த அவமானங்கள், அநியாயங்கள் ஏராளம்.

அதில் ஒன்று பெரியார் சிலையைக் கோவில் முன்பு வைத்து அவமானப்படுத்தியது.

இதை வேறு இடத்தில் வைப்போம் என்று அண்ணாமலை கூறியதற்கே திராவிட கட்சிகள் அலறுகிறார்கள். கடவுள் நம்பிக்கையாளர்கள் இதயத்தில் ஏற்படுத்திய வலியை அவர்களும் உணர வேண்டும்.

பெரியார் அறக்கட்டளையை அரசு கையகப்படுத்த (நாட்டுடைமையாக்கப்பட) நடவடிக்கை எடுப்போம் என்ற அறிவிப்பை வெளியிட வேண்டும். அண்ணாமலை இதைக் கூறினால், Dstocks நாள் முழுக்க கதறிக்கொண்டு இருப்பார்கள்.

வீரமணி இதற்கு தடை உத்தரவு வாங்கி வைத்துள்ளார்.

இவங்க அறக்கட்டளையை யாரும் பயன்படுத்தக் கூடாது ஆனால், கோவில் சொத்தை எவரும் எப்படியும் பயன்படுத்தலாம். எப்படி பாருங்க!

சிறுபான்மையினர்

முஸ்லிம்கள் சிலர் தங்களது ஆதரவைக் கொடுத்ததைப் பார்க்க முடிந்தது.

2019 தேர்தலில் மோடிக்கு எதிராகத் தமிழகத்தை திமுக கட்டமைத்தது போலச் சிறுபான்மையினரையும் கட்டமைத்து விட்டனர்.

எனவே, இயல்பாகவே கிறித்துவர் மற்றும் முஸ்லிம்கள் பாஜகக்கு எதிரி போலச் சித்தரித்து அதை வாக்கு வங்கியாக தங்களுக்கு மாற்றி வெற்றிகரமாகச் செயல்படுத்தியும் வருகிறார்கள்.

அண்ணாமலையைப் பார்க்க வரும் இஸ்லாமியர்கள் சிலரும் பொதுமக்களாக அல்லாமல் பாஜக கட்சி ஆதரவாளர்களின் குடும்பங்களாக இருக்கலாம்.

இன்றுவரை அண்ணாமலை எந்த மதத்தையும் இழிவுபடுத்திப் பேசியதில்லை, அனைத்து பண்டிகைகளுக்கும் பாகுபாடு இல்லாமல் வாழ்த்துக் கூறுகிறார்.

ஆனால், சிறுபான்மையினருக்கு ஒன்றுமே செய்யாமல், மசூதிகளுக்கு, ஜமாத் நபர்களுக்கு, சர்ச்சுகளுக்கு மட்டும் சிலவற்றைச் செய்து கொடுத்து விட்டு ஒட்டுமொத்த சிறுபான்மையினர் வாக்கையும் திமுக பெற்று வருகிறது.

அதாவது தனிநபராக சிறுபான்மையினர் பெற்ற பலன்கள் என்ன?!

வாக்கு வங்கிக்கு மட்டுமே!

ஒன்றையுமே செய்து கொடுக்காமல், பாஜக மீதான வெறுப்புணர்வைத் தூண்டி அவர்களின் வாக்கை மட்டும் பெறும் திமுக மிகத்திறமையான கட்சியே!

நடுவண் அரசு கொடுக்கும் திட்டங்களால் பயன்பெறும் சிறுபான்மையினர் ஏராளம் ஆனால், அவற்றைப் பற்றிப் பயன்பெறுபவர்கள் யாரும் யோசிக்காத அளவுக்கு அவர்களை மூளைச்சலவை செய்துள்ளது.

ஒரு காலத்தில் பாஜக ஆட்சிக்கு வரும் போது தான், இந்துக்கள் போலத் தாங்களும் திராவிட கட்சிகளால் எவ்வாறு ஏமாற்றப்பட்டுள்ளோம் என்பது புரிய வரலாம்.

இந்துக்களைப் போலச் சிறுபான்மையினரும் ஏமாளிகளே! இந்துக்கள் தெரிந்தே ஏமாறுகின்றனர், சிறுபான்மையினர் தெரியாமல் ஏமாறுகிறார்கள்.

அவ்வளோ தான் வித்தியாசம்.

கூட்டம் வாக்காக மாறுமா?

நிச்சயம் மாறும்.

ஏனென்றால், வரும் கூட்டம் பணத்துக்காக வந்தது இல்லை. தானாக விருப்பப்பட்டு வரும் கூட்டம், மாற்றத்தை எதிர்பார்க்கும் கூட்டம்.

பரிசை, பணத்தைக் கொடுத்துக் கூட்டிய சிலர் மிகக் குறைந்த சதவீதமே! கட்சியினரின் சிலரின் ஆர்வக்கோளாறு. இது அவசியமே இல்லை.

வரும் கூட்டம் நிச்சயம் வாக்களிப்பார்கள் என்பது தான் அவர்கள் வரவேற்பைப் பார்த்தால் தெரிகிறது. ஏனென்றால், வழக்கமாகக் கூட்டி வரப்படும் கூட்டமல்ல.

ஆனால், அந்த ஊரில் அவர்கள் வெறும் 5% மட்டுமே! வராதவர்கள் 95%. எனவே, 95% என்ன நினைக்கிறார்கள் என்பதே முக்கியமான செய்தி.

வராத காரணத்தினாலேயே வாக்களிக்க மாட்டார்கள் என்பது அர்த்தமல்ல ஆனால், இவர்களிடமும் மாற்றங்களைக் கொண்டு வந்தாலே வெற்றி சாத்தியம்.

பலன்கள் எளிதாகக் கிடைத்து விடுவதில்லை, கிடைக்க கடுமையான உழைப்பு பாஜகவினருக்குத் தேவைப்படுகிறது.

அண்ணாமலையே அனைத்தையும் செய்ய வேண்டும் என்று எதிர்பார்ப்பது தவறு.

எவ்வளவு வாக்குகளைப் பெறும்?

தற்போதைய சூழ்நிலைக்குப் பாஜக 15% க்கும் கூடுதலான வாக்குகளை 2024 தேர்தலில் பெறும் என்று நம்புகிறேன், அதாவது கூட்டணி வாக்குகள் இல்லாமல்.

2024 தேர்தல் முடிவுகள் பாஜக உட்படப் பலரின் அரசியல் வாழ்க்கை எதிர்காலத்துக்குக் கோடு காட்டும்.

எதிர்க்கட்சிகளுக்கு பாஜக கொடுக்கும் உண்மையான போட்டி 2031 ஆனால், அதற்கு முன் காலச்சூழல்கள் மாறுவது பாஜக தொண்டர்கள் & அண்ணாமலை கையில்.

எதிர்க்கட்சிகள்

திமுக அதிமுக மட்டுமல்ல, விசிக, பாமக கட்சிகளும் பாஜக வளர்ச்சியைக்கண்டு கலக்கமாகியுள்ளன.

அண்ணாமலை கூறுவது போல இவர்களிடம் அரசியல் செய்ய Aggressive அரசியலே பலனளிக்கும். இல்லையென்றால், இன்னும் 10 வருடங்களானாலும் நோட்டா கட்சி, 4 தொகுதி கட்சி, கூட்டணி தயவில் வெற்றி என்று விமர்சனங்கள் தொடரும்.

பாஜக வளர்ச்சி திமுகவைக் கடுப்பாக்கியுள்ளது என்பது, அவர்களுடைய கைது நடவடிக்கைகளிலேயே தெரிகிறது.

இதுவரை திமுகவினர் மீது கைது நடவடிக்கை எதுவுமில்லை, அதிமுகவினர் மீது சில நடவடிக்கைகள் ஆனால், பாஜகவினர் மீது இதுவரை 410+ வழக்குகள்.

இதுவே கூறும், திமுகவினர் எந்த அளவுக்குப் பயந்துள்ளனர் என்று.

அதிமுகவை திமுக ஒரு பொருட்டாகவே கருதவில்லை, அவர்களின் முழு கவனமும் பாஜக மீது தான் என்பது திமுக தலைவர்கள், தொண்டர்கள் பேச்சில், நடவடிக்கைகளில் தெரிகிறது.

திமுக ஆதரவு ஊடகங்கள்

யாத்திரையில் ஏதாவது வில்லங்கமாக நடக்காதா! அதை வைத்து அரசியல் செய்யலாம் என்று திமுக ஆதரவு ஊடகங்கள் காத்துக்கொண்டுள்ளன.

எப்படியாவது கெட்ட பெயரை ஏற்படுத்த ஊடகங்கள் கடுமையாக முயற்சிக்கின்றன. ஒரு சில சம்பவங்கள் நடந்தாலும், அவர்கள் எதிர்பார்ப்பது போல மிகப்பெரிய சர்ச்சையாக எதுவும் நடக்கவில்லை.

ஊடகங்கள் தொடர்ச்சியாக செய்யும் பரப்புரையை மீறிச் செய்திகள் மக்களை அடைய முக்கியக்காரணங்களே WhatsApp, FB மற்றும் X.

மிகப்பெரிய ஊடகமாக பாஜகக்கு உதவப்போவது WhatsApp தான்.

என் மண் என் மக்கள் அண்ணாமலை யாத்திரை மிகப்பெரிய எழுச்சியை மக்களிடையே கொண்டு வந்துள்ளது என்பதில் சந்தேகமில்லை.

அண்ணாமலை இந்த வரவேற்பை அடுத்த கட்டத்துக்குக் கொண்டு செல்வது பாஜக வாக்கு சதவீதத்தை 2024 தேர்தலில் மேலும் கூடுதலாக்கும்.

இத்தள கட்டுரைகள், செய்திகள், தொழில்நுட்பத் தகவல்கள் ஆகியவற்றை எளிதாகப் பெற –> giriblog WhatsApp Channel

The post என் மண் என் மக்கள் அண்ணாமலை யாத்திரை appeared first on giriblog.

Bumperkleef என்ற பெயரில் நெதர்லாந்தில் வெளியாகி Tailgate என்று மற்ற நாடுகளில் வெளியாகிய படம். Image Credit

Tailgate

பொறுமையின்மை, அவசரம், கோபம், ஈகோ, வாக்குவாதம் அதனால் ஏற்படும் விளைவுகளே Tailgate. இதுவொரு Road Movie.

சைக்கோ

Jeroen தன் வயதான தாய் தந்தையைப் பார்க்கத் தனது மனைவி மற்றும் இரு மகள்களுடன் காரில் பயணிக்கிறார்.

நெடுஞ்சாலையில் முன்னே செல்லும் வாகனம் வழி கொடுக்காமல் சென்றதால், கடுப்பாகும் Jeroen ஒரு வழியாக அவரைத் தாண்டிச் செல்லும் போது அந்த வாகனத்தில் உள்ள Willem இடம் கோபமாகச் சைகை காட்டி செல்கிறார்.

இதனால், கடுப்பான Willem இவர்களைத் துரத்திப் பழி வாங்குகிறார்!

Willem சைக்கோத்தனமாக நடந்து கொள்கிறார். அதாவது ஒன்றுமில்லாத பிரச்சனைக்கு மிகப்பெரிய தொல்லைகளைக் கொடுக்கிறார். அவரின் நடவடிக்கைகளுக்கு நியாயம் கூறுகிறார்.

Jeroen உடன் பயணிக்கும் அவரது குடும்பத்தினரும் பாதிப்படைகிறார்கள்.

குடும்பம்

Tailgate எனக்கு திருப்பியளிக்கவில்லை காரணம், ஒரு சின்னப் பிரச்சனைக்கு இவ்வளவு தூரம் செல்ல வேண்டுமா என்பதோடு, முடிவு திருப்திகரமாக இல்லை.

இப்படத்துக்கு விமர்சனம் எழுதக்காரணமே கணவன் மனைவியாக நடித்தவர்களின் உரையாடல்களும், சண்டைகளுமே. அப்படியொரு எதார்த்தமாக இருந்தது.

நெதர்லாந்து கதை என்றாலும், பதட்டத்தில் இவர்கள் பேசுவது, சண்டையிட்டுக்கொள்வது ஒரு சராசரி இந்தியக்குடும்பத்தைப் பார்ப்பது போலவே இருந்தது. கணவன் மனைவி எங்கே இருந்தாலும் ஒரே மாதிரி தான் போல .

துவக்கத்திலேயே இந்தியக்கணவனின் மனநிலையை Jeroen பிரதிபலித்து விடுகிறார். மனைவியின் பேச்சுகளும், பதட்டங்களும் அதையே பிரதிபலிக்கின்றன.

அதன் பிறகு நடக்கும் சம்பவங்களும், மனைவியின் விவாதங்களும், கேள்விகளும் நம்ம ஊர் படங்களை அல்லது நம் குடும்பங்களில் சண்டையைப் பார்ப்பது போலவே இருந்தது. ஈகோவால் தான் பிரச்சனையே ஆரம்பிக்கும்.

படத்தில் பார்க்கும் ஒவ்வொரு காட்சியையும் நம்மோடு பொருத்திப்பார்க்க முடியும்.

ஒவ்வொரு நிலையிலும் நாம் என்ன பேசுவோம், செய்வோம் என்பதையே பொருத்திப் பார்த்தேன். இதுவே விமர்சனம் எழுதத் தூண்டியது.

ஒளிப்பதிவு அப்பகுதி உட்கட்டமைப்பை, இயற்கை அழகைக்காட்டுகிறது ஆனால், என்ன ஆகுமோ என்ற பதட்டத்தால் இயற்கையை ரசிக்க முடியவில்லை .

யார் பார்க்கலாம்?

அனைவருக்கும் பிடித்தமான படமில்லை ஆனால், மேற்கூறிய விவாதங்கள், சூழ்நிலைகள், சண்டைகள், நடவடிக்கைகளில் நாம் எப்படி நடந்து கொள்வோம் என்று ஒப்பிட்டுப் பார்க்க விரும்பினால், படத்தைப் பார்க்கலாம்.

மற்றவர்கள் விலகி இருப்பது நலம்.

Tailgate பார்த்தபிறகு தேவை இல்லாமல் வாயையும், கையையும் வாடகைக்கு விடக் கூடாது என்பதில் உறுதியாகி விட்டேன் .

கார் வைத்துள்ளவர்கள் பார்க்க முயற்சிக்கவும்.

Amazon Prime ல் உள்ளது.

தமிழில் பார்க்கும் போது முழுமையான உணர்வைப் பெற முடியாததால், பாதிக்குப் பிறகு Dutch மொழிக்கே மாற்றி ஆங்கில சப்டைட்டில் வைத்துக்கொண்டேன்.

Director Lodewijk Crijns
Writer Lodewijk Crijns
Starring Jeroen Spitzenberger, Anniek Pheifer, Willem de Wolf
Music by Steve Willaert
Cinematography by Bert Pot
Editing by Bert Jacobs
Release date 31 October 2019
Countries of origin Netherlands
Runtime 1 hour 26 minutes
Language Dutch

The post Tailgate (2019 Dutch) | சைக்கோ துரத்தல் appeared first on giriblog.

லீசுக்கு வீடு கடை வாடகைக்கு விடுவதில் நடந்து வரும் ஏமாற்று வேலைகள் பலரை அதிர்ச்சியடைய வைத்துள்ளது. Image Credit

லீசுக்கு வீடு கடை

வீடு மற்றும் கடையை வாடகைக்கு விடுவது, பெறுவதில் இலாப நட்டங்கள் இருந்தாலும், லீசுக்கு விடுவது பெரியளவில் சர்ச்சையானது இல்லை.

ஆனால், சமீபத்தில் நடந்த சம்பவங்கள் லீசுக்கு விடுவதையே கேள்விக்குறியாக்கியுள்ளன.

லீஸ் என்றால் என்ன?

Lease = குத்தகை

மாத வாடகைக்குப் பதிலாக ஒரு பெரிய தொகையை உரிமையாளர் கூறும் வருடங்களுக்கு இருப்பாகக் கொடுத்து விட வேண்டும்.

அக்காலம் முடிந்த பிறகு அத்தொகையைத் திரும்பப் பெற்றுக்கொள்ளலாம்.

இதன் இரு பலன்கள்.

• வாடகைக்கு இருப்பவருக்கு வாடகைக்கு செலவழிக்க வேண்டிய பணம் மிச்சமாகிச் சேமிப்பாகிறது.
• வாடகைக்கு விடுபவருக்குப் பெரிய தொகை உடனடியாகக் கைக்குக் கிடைத்து ஏதாவது முதலீட்டுக்குப் பயன்படுகிறது.

எனவே, இரு பக்கமும் அவரவர் தேவைக்கு லீஸை பயன்படுத்திக்கொள்கிறார்கள்.

Property Management

சிலர் முதலீட்டுக்காக வீடுகளைக் கட்டி வாடகைக்கு விடுவார்கள். இவர்களில் பெரும்பாலானோர் NRI யாக இருப்பார்கள்.

இவர்களால் வெளிநாட்டிலிருந்து வீடுகளைப் பராமரிக்க முடியாது.

எனவே, Property Management நிறுவனங்களிடம் வாடகை வசூலிப்பது உட்பட மற்ற பொறுப்புகளைக் கொடுத்து விடுவார்கள்.

பராமரிப்புத் தொகையை அந்நிறுவனம் வாங்கிக்கொண்டு, உரிமையாளர்களுக்குப் பதிலாக வாடகைக்கு இருப்பவர்களிடம் இவர்களே பேசிக்கொள்வார்கள்.

வாடகைக்கு இருப்பவர்களும் வீட்டில் ஏதாவது பிரச்சனை என்றால், உரிமையாளரைத் தொடர்பு கொள்ளாமல் இந்நிறுவனத்தைத் தொடர்பு கொள்வார்கள்.

உரிமையாளர்கள் அனைவருமே பிளம்பர், மின்சாரம் உட்பட அனைத்துக்கும் சரியான நபரைத் தெரிந்து வைத்து இருக்க வாய்ப்பு குறைவு ஆனால், Property Management நிறுவனங்கள் இதற்காகவே இருப்பவர்கள்.

பல அடுக்ககங்களை இது போலப் பராமரிப்பதால் இதற்கென்று நபர்களை வைத்து இருப்பார்கள். எனவே, எளிதாக முடித்து விடுவார்கள்.

வாடகைக்கு வீட்டைப் பராமரிக்கத் தனித்திறமை வேண்டும். காரணம், அடாவடி ஆட்களும் இருப்பார்கள். எனவே, இவர்களைக் கையாள்வது எளிதல்ல.

இதற்கு சரிப்பட்டு வராதவர்களுக்கு Property Management பொருத்தமான சேவை.

என்ன சிக்கல்கள்?

மேற்கூறிய முறையில் பெரிய பிரச்சனையில்லை காரணம், நிறுவனம் சரியாகச் செயல்படவில்லை, பணத்தைக் கொடுக்கவில்லையென்றால், ஒப்பந்தத்தை முறித்துக்கொள்ளலாம்.

ஏமாற்றினாலும் சிறியளவில் நட்டத்துடன் விலகி விடலாம்.

ஆனால், லீசுக்கு என்றால், எடுத்துக்காட்டுக்கு ஒரு வருடத்துக்கு வாடகை தொகைக்கேற்ப ₹10,00,000 கொடுப்பார்கள். ஒரு வருடம் முடிந்த பிறகு தொடர்ந்தால் அதே தொகையோ அல்லது சிறு அதிகரிப்போ இருக்கும்.

தொடரவில்லையென்றால், ₹10,00,000 வாங்கிக்கொண்டு வேறு வீட்டுக்குச் சென்று விடலாம்.

இங்கே எப்படி பிரச்சனை வந்தது?

மேற்கூறிய Property Management நிறுவனங்கள் லீஸையும் செய்கின்றன.

அதாவது, வாடகைக்கு வருபவர் இவர்களிடம் ₹10,00,000 கொடுத்து விட வேண்டும். இந்நிறுவனம் உரிமையாளருக்கு ஒப்பந்தப்படி ஒப்புக்கொண்ட வாடகையை ஒவ்வொரு மாதமும் கொடுத்து விடும்.

லீஸ் முடிந்ததும் ₹10,00,00 தொகையை வாடகைக்கு இருந்தவரிடம் கொடுத்து விடுவார்கள்.

இதில் என்ன ஆனது?

உரிமையாளருக்குச் சில மாதங்கள் ஒழுங்காக வாடகையைக் கொடுத்து விட்டு, பின்னர் வாடகை வரவில்லையென்று விசாரித்தால், நிறுவனமே இருக்காது!

கொடுக்கப்பட்ட தொலைபேசி எண், முகவரி அனைத்துமே தொடர்பில் இருக்காது.

தற்போது வாடகைக்கு இருப்பவர் ₹10,00,000 திரும்பக் கொடுத்தால் தான் வீட்டைக் காலி செய்வேன் என்பார், உரிமையாளர் நான் ₹10,00,000 வாங்கவில்லை என்பார்.

இருவருக்குமே கடுமையான மன உளைச்சல் ஆகி வழக்குத் தொடுத்து, நீதிமன்றத்துக்கு நடந்து கொண்டு இருப்பார்கள்.

தற்போது இது போன்ற சம்பவங்கள் நடந்து பலரும் பணத்தை இழந்துள்ளார்கள். ஒரு முதியவர் அழுதுகொண்டே பணத்தை இழந்ததைக் கூறியது பாவமாக இருந்தது.

இவர்களுக்கு இத்தொகை தான் இறுதி நாட்களைக் கழிக்க உதவியிருக்கும். தற்போது இப்பணமும் போய் விட்டது என்றால், எப்படிச் சமாளிப்பார்கள்?!

இவர்களைப் போன்றவர்களை ஏமாற்ற எப்படித்தான் மனது வருகிறதோ! கொடுமை.

தெரிந்தவர் ஒருவரின் நண்பர் மாட்டிக்கொண்டு வழக்கில் அலைந்து கொண்டுள்ளார். சிவில் வழக்கெல்லாம் எப்போது முடிவது? தீர்வு கிடைப்பது?

பரிந்துரை என்ன?

மிகவும் தெரிந்தவர் என்றால் மட்டும் லீசுக்கு செல்லுங்கள்.

என்ன தான் ஒப்பந்தத்தையும் போட்டு, பணத்தையும் வங்கிப்பரிமாற்றம் செய்து இருந்தாலும், இதுபோல ஓடிப்போய் விட்டால் என்ன செய்வது?

இன்னும் சிலர் ஒப்பந்தம் முடிந்தும் பணத்தைக்கொடுக்காமல், காலம் தாழ்த்துவார்கள். கேட்டால், ‘வீட்டிலிருந்து கொள்ளுங்கள்‘ என்பார்கள். காரணம், அவர்களிடமும் உடனடியாக கொடுக்கப் பணமிருக்காது.

வீட்டை மாற்ற வேண்டும் என்றால், என்ன செய்வது?

₹1,00,000 ஏமாந்து விட்டோம் என்றால் சமாளிக்க முடியும் ஆனால், அதே ₹10,00,000 என்றால் எப்படி முடியும்?! மீள்வது எளிதானதல்ல.

ஒப்பந்தம் இருப்பதால் மட்டுமே பாதுகாப்பாக உள்ளதாக அர்த்தமில்லை. சீட்டுப் பணம் போல மொத்தமா சுருட்டிக்கொண்டு சென்று விட்டால், அதோ கதி தான்.

சிலருக்கு வாழ்நாள் சேமிப்பாக இருக்கலாம். எனவே, எச்சரிக்கை!

The post லீசுக்கு வீடு கடை வாடகைக்கு விடுகிறீர்களா? appeared first on giriblog.

1990 – 2000 புதிய இசையமைப்பாளர்களின் பொற்காலம். ஏராளமான வெற்றி பாடல்களைக் கொடுத்தவர்களில் ஒருவர் இசையமைப்பாளர் சிற்பி. Image Credit

இசையமைப்பாளர் சிற்பி

நாராயணன் என்ற இயற்பெயரைத் திரைப்படத்துக்காகச் சிற்பி என்று மாற்றிக்கொண்டார்.

இயக்குநர் மனோபாலா திரைப்படமான செண்பக தோட்டம் என்ற படத்தில் அறிமுகமானவர்.

கோகுலம்

மூன்றாவது படமான கோகுலம் படத்தில் பலருக்கு அறிமுகமானார். இயக்குநர் விக்ரமன் தனக்கு சிற்பி என்று பெயர் வைத்ததாக நேர்முகத்தில் கூறி இருந்தார்.

இதில் வரும் ‘செவ்வந்தி பூவெடுத்தேன்’ பாடல் உட்பட அனைத்துப் பாடல்களுமே மிகப்பெரிய வெற்றிப்பாடல்களாக அமைந்தது.

கோகுலம் பாடல்கள் என் விருப்பப்பாடல்களாக இல்லை ஆனால், வெகுஜனங்களின் விருப்பப் பாடல்களாக இருந்தன.

பாடல்கள் பிடிக்கும் ஆனால், தொடர்ச்சியாக கேட்கும் என் பட்டியலில் இல்லை.

கேப்டன்

இதன் பிறகு கேப்டன் படத்தில் பாடல்கள் வெற்றியானது.

‘இடுப்பு அடிக்கடி புடிக்குது’ என்ற ஷாஹுல் ஹமீது, மால்குடி சுபா ஐட்டம் பாடல் பிரபலமானது குறிப்பாகச் சுபா குரல் பெரிய பலம், வித்யாசமாக இருக்கும்.

தனிப்பட்ட முறையில் இப்பாடலும் “உனக்கு ஒரு மச்சம் இருக்கு” பாடலும் Base இசை காரணமாக மிகவும் பிடித்தவை. ‘கன்னத்துல வை’ பாடல் பலரால் ரசிக்கப்பட்டது.

கோகுலம் பாடல்களுக்கும் கேப்டன் பாடல்களுக்கும் சம்பந்தமே இருக்காது.

அப்போது மாணவர் விடுதியிலிருந்த போது, கேசட் கொடுத்தால், விடுமுறை நாளில் வார்டன் கந்தசாமி அவர்கள் பாடலை ஒலிபரப்புவார்.

TDK D90 கேசட்டில் ஒரு பக்கம் காதலன், மறு பக்கம் சீவலப்பேரி பாண்டியுடன் ‘இடுப்பு அடிக்கடி’ பாடலும் வந்து விடுதி நண்பர்கள் கிண்டலடித்தது (ஐட்டம் பாடல் என்பதால்) இன்றும் பசுமையாக நினைவுள்ளது .

இசையமைப்பாளர் ஆதித்யன் அவர்கள் பற்றிய கட்டுரையிலும் சூப்பர் ஹிட் பாடல்கள் என்று கூறி இருப்பேன், அப்பாடல்களில் இவையும் அடங்கும்.

நாட்டாமை

சிற்பி என்ற இசையமைப்பாளரைப் பட்டிதொட்டியெங்கும் கொண்டு சேர்த்தது இயக்குநர் KS ரவிக்குமார் ‘நாட்டாமை’. அதிலும் ‘கொட்டப்பாக்கும் கொழுந்து வெத்தலையும்’ பாடல் தமிழ்நாட்டையே உலுக்கி விட்டது.

ஏராளமான இசையமைப்பாளர்களுடன் பணி புரிந்த பெருமை இயக்குநர் KS ரவிக்குமார் அவர்களுக்குண்டு.

கொங்கு பகுதியில் பாடல் ஒலிக்காத தனியார் பேருந்தே இருக்காது. ‘கொட்டப்பாக்கும் கொழுந்து வெத்தலையும்’ பாடல் ஒலிக்காத பேருந்தும் இல்லை.

நாட்டாமை முழுக்க எங்க ஊர் கோபியிலேயே எடுக்கப்பட்டது. அதனால், இப்படம் எங்கள் பகுதியில் மிகப்பிரபலம்.

சரத்குமாரை வேறு லெவலுக்கு கொண்டு சென்ற படம். ஜெ பார்க்க, சரத் கொடுத்த நாட்டாமை CD யை ‘ஜெயா’ தொலைக்காட்சியில் ஒளிபரப்பிச் சர்ச்சையானது.

எனவே, இப்படம் இசையமைப்பாளர் சிற்பி அல்லாமல் அதில் பங்கு பெற்ற பலருக்கும் மறக்க முடியாத படமானது.

உள்ளத்தை அள்ளித்தா

நாட்டாமைக்குப் பிறகு தமிழ்நாட்டையே கலக்கியது ‘உள்ளத்தை அள்ளித்தா’ பாடலில் வரும் ‘அழகிய லைலா’ பாடல். இப்படத்தின் அனைத்துப் பாடல்களும் சூப்பர் ஹிட்.

முறை மாமன், முறை மாப்பிள்ளை போன்ற நகைச்சுவை படங்களை இயக்கி இருந்தாலும், சுந்தர் C யின் ‘உள்ளத்தை அள்ளித்தா’ படத்துக்கு எதிர்பார்ப்பில்லை.

பாடல்கள் சூப்பர்ஹிட் என்றாலும் படம் வெளியாகும் முன் பெரியளவில் பிரபலமாகவில்லை. தற்போது போல இணையம் இல்லாததால், கொஞ்சம் கொஞ்சமாகவே பிரபலமாகும்.

கார்த்தியும், சுந்தர் C யும் ஒவ்வொரு திரையரங்காகச் சென்று மக்கள் வரவேற்பு எப்படியுள்ளது என்று பார்த்து வந்ததாகப் பேட்டியளித்தார்கள்.

அப்போது சமூகத்தளங்கள் கிடையாது. எனவே, உடனடியாக படம் எப்படி உள்ளது என்று யாருக்கும் தெரியாது.

குமுதம் எழுதிய விமர்சனத்தைப் படித்தே பலரும் படத்துக்குப் படையெடுத்தார்கள்.

எதிர்பார்ப்பு இல்லாததால் இப்படம் சென்னை வுட்லேண்ட்ஸ் சிம்பொனியில் வெளியாகியது. முதன்மை அரங்கு வுட்லேண்ட்ஸ், சிம்பொனி சிறிய திரையரங்கம்.

பாடல்கள் அனைத்துமே ஹிட் என்றாலும் ‘அழகிய லைலா’ பாடல் படத்துக்கு மிகப்பெரிய கவனத்தைக் கொடுத்தது.

இப்பாடலைப் படமாக்கிய விதமும் அனைவரும் கூடுதலாக ரசிக்கக் காரணம். இப்பாடலில் ரம்பா ஆடை பறக்கும் காட்சிக்காகப் பலமுறை முயன்று கடைசியாக எதிர்பார்த்த படி வந்ததாகச் சுந்தர் C கூறியதாக நினைவு.

கவுண்டரின் சேட்டைகளும் பாடலுக்குக் கூடுதல் ஈர்ப்பைக் கொடுத்தது.

சுந்தர புருஷன்

உள்ளத்தை அள்ளித்தாக்கு பிறகு பட்டையைக்கிளப்பிய படம் ‘சுந்தர புருஷன்’.

இப்படம் யாருக்கு மறக்குமோ! ஆனால், மறக்கவே முடியாத நபர் லிவிங்ஸ்டன். நாயகனாக முதன் முதலாக அவதாரம் எடுத்த படம். கதை திரைக்கதை லிவிங்ஸ்டன்.

படத்தின் வெற்றிக்குப் படத்தின் கதையும், திரைக்கதையும் முக்கியம் என்றாலும், பாடல்கள் மிகப்பெரிய பலம்.

‘மருத அழகரோ’ உட்பட அனைத்துப் பாடல்களும் ரசிக்க வைத்தது.

‘உன்னையெல்லாம் நாயகனாக வைத்து யார் படம் எடுப்பார்கள்?‘ என்று விமர்சித்த போது, தனக்கான கதையை அமைத்து வெற்றியை நிரூபித்துக் காட்டினார்.

பலரால் நம்பவே முடியாத வெற்றியாக இப்படம் இருந்தது. மக்கள் இப்படத்தை முழுமனதோடு ஏற்றுக்கொண்டு மாபெரும் வெற்றியைக் கொடுத்தார்கள்.

தான் நடித்த சுந்தர புருஷன், உள்ளதை அள்ளித்தா பாடல்களின் வெற்றிக்காகச் சிற்பியை, வருடங்களுக்கு பிறகும் ரம்பா பாராட்டி நினைவு கூர்ந்தார்.

பூச்சூடவா

இவையல்லாமல் மேட்டுக்குடி, மூவேந்தர், பூச்சூடவா, தேடினேன் வந்தது, ராசி உட்பட பல படங்களுக்கு அருமையான பாடல்களைக் கொடுத்துள்ளார்.

பூச்சூடவா பாடல்கள் மிகப்பெரிய வெற்றி பெற்றது. அப்போது இளசுகளிடையே மிகப்பெரிய வரவேற்பைப் பெற்ற பாடல்கள்.

பாடல்களுக்காகவே பூச்சூடவா படம் பலரைக் கவர்ந்தது.

‘கோடம்பாக்கம்’ படத்தில் வரும் ‘ரகசியமானது காதல்’ பாடல் ரசனையானது. இப்பாடலை ரசிக்காதவர்களே அப்போது இருக்க முடியாது என்று கருதுகிறேன்.

அழகான, மனதை வருடும், இதமான மெலோடி பாடல்.

இக்கட்டுரைக்காகத் திரும்ப இவற்றையெல்லாம் கேட்டேன், அற்புதம்! எப்படியெல்லாம் வாழ்க்கையை வாழ்ந்து இருக்கிறேன் என்று வியப்பாக உள்ளது .

மாநில அரசின் விருது

மேற்கூறிய படங்களுக்கு கிடைக்காத சிறப்பு விக்ரமனின் ‘உன்னை நினைத்து’ படத்துக்கு இசையமைத்தற்காக மாநில அரசின் விருது சிற்பிக்குக் கிடைத்தது.

2000 க்குப் பிறகு நடந்த இசை மாற்றங்களில் சிற்பி ஈடு கொடுக்க முடியவில்லை. இருப்பினும் அவருடைய பாடல்கள் அவரை நினைவு படுத்திக்கொண்டு இருக்கும்.

70 / 80 களில் பிறந்தவர்கள் விஸ்வநாதன் ராமமூர்த்தி, இளையராஜா துவங்கி இன்றைய அனிருத் வரை கொண்டாடிய தலைமுறை.

இசையைப் பொறுத்தவரைக் கொடுத்து வைத்த தலைமுறை .

ஏராளமான இசையமைப்பாளர்கள் அறிமுகம் 90 களில் தான் நடந்தது. அதோடு அவை என்றுமே காலத்தால் அழிந்து விட முடியாத பாடல்களாகவும் மாறியது.

இளையராஜா உச்சத்தில் இருந்த காலத்தில் இசையமைத்தவர்களின் பல சூப்பர் ஹிட் பாடல்களையும் இளையராஜா இசையமைத்த பாடல்கள் என்றே பலரும் கருதினர்.

ஆனால், 90 களில் இசையமைத்தவர்களுக்கு அவர்களுக்கான அடையாளம் கிடைத்தது. அதில் சிற்பியின் பாடல்களும் என்றும் தனித்துவமாக இருக்கும்.

இத்தள கட்டுரைகள், செய்திகள், தொழில்நுட்பத் தகவல்கள் ஆகியவற்றை எளிதாகப் பெற –> giriblog WhatsApp Channel

The post இசையமைப்பாளர் சிற்பி appeared first on giriblog.

அறிமுக இயக்குநர் Nahas Hidayath இயக்கத்தில் வெளியாகி அதிரடியாக வெற்றி பெற்ற படம் RDX: Robert Dony Xavier. Image Credit

RDX: Robert Dony Xavier

Robert Dony அண்ணன் தம்பிகள், Xavier இவர்களுடைய நண்பன். Xavier அப்பா பாபு ஆண்டனி. இவரும், Robert & Dony தந்தை லால் இருவரும் நண்பர்கள்.

மூவருமே பாபு ஆண்டனி நடத்தும் கராத்தே பள்ளியில் பயின்றவர்கள். இதில் Xavier நிஞ்சாக் கலையில் திறமைசாலி.

ஒரு திருவிழாவில் தனது தந்தை லாலிடம் முரட்டுத்தனமாக நடந்து கொண்டவர்களை Robert தாக்கியதால், அவர்கள் கும்பலாக வந்து பழிவாங்குகிறார்கள்.

பதிலடியாக Robert உடன் Dony Xavier இணைகிறார்கள் ஆனால், அடித்தவர்களில் ஒருவன் கேங்ஸ்டர் குழுவில் இருப்பதால், பிரச்சனை சிக்கலாகி விடுகிறது.

இறுதியில் என்ன ஆனது என்பதே RDX: Robert Dony Xavier.

குடும்பம்

படம் என்னவோ சண்டையை மையப்படுத்தி உள்ளது ஆனால், அந்தச் சண்டையும் குடும்பத்தைக் காக்கவே என்கிற ரீதியில் செல்கிறது.

நடுத்தர குடும்பங்களுக்குள்ள பிரச்சனை, அடிதடி விஷயங்களில் இறங்க முடியாது காரணம், பாதிக்கப்படுவது குடும்பம், எதிர்காலம்.

மிகவும் அடித்தட்டு மக்களுக்கு இழக்க ஒன்றுமில்லை என்பது போலத் தைரியமாக இறங்குவார்கள். ஆள், பண பலம் இருப்பதால் பணக்காரர்கள் இறங்குவார்கள்.

ஆனால், நடுத்தர மக்கள் ஒதுங்கிச் செல்பவர்களே! காரணம், இதனால் ஏற்படும் இழப்புகளைச் சமாளிக்க முடியாது. பாதிக்கப்பட்டால் மீள்வது கடினம்.

இளம் வேகத்தில் Robert Dony Xavier நடந்தாலும், இறுதியில் குடும்பமே சிக்கலில் மாட்டும் போது பயப்படுவார்கள்.

Xavier கூறும் போது, ‘அவர்களுக்கு (கேங்ஸ்டர்) இழக்க ஒன்றுமில்லை ஆனால், நமக்கு குடும்பம் உள்ளது‘ என்று கூறுவார்.

சண்டை

சண்டையை மையப்படுத்தி உள்ளதால், ஏராளமான சண்டைக்காட்சிகள் உள்ளது.

தமிழகத்தின் அன்பறிவு தான் இப்படத்துக்குச் சண்டைக்காட்சிகளை அமைத்துள்ளார்கள். மிகைப்படுத்தல் இல்லாமல் ஓரளவு இயல்பாக எடுத்துள்ளார்கள். இதுவே வெற்றிக்குக் காரணம் என்று நினைக்கிறேன்.

ஒரு கேங்ஸ்டர் கும்பலுடன் சண்டையிட முடியுமா? என்ற லாஜிக்கல் கேள்விகளைத் தவிர்த்துப் பார்த்தால், சுவாரசியமான திரைக்கதையே!

Xavier நிஞ்சாக் பயன்படுத்திச் சண்டையிடுவது செம. இதற்காகப் பயிற்சி மேற்கொண்டாரா? அல்லது ஏற்கனவே அவருக்குத் தெரியுமா? என்று தெரியவில்லை.

சும்மா பேருக்கு இரண்டு சுற்றுச் சுற்றி ஏமாற்றாமல், உண்மையாகவே நிஞ்சாக் வைத்து வித்தை காட்டுகிறார். Robert உடல் மொழி, சண்டையில் இன்னும் சிறப்பாக இருந்து இருக்கலாம்.

Ishq ல் இறுதியில் மிரட்டிய Shane Nigam இதிலும் சிறப்பாக நடித்துள்ளார். இந்த உடம்பை வைத்துக்கொண்டு அனைவரையும் அடிப்பது தான் நெருடலாக உள்ளது .

கராத்தே என்பதால் சமாதானமாகிக்கொள்ள வேண்டியதாக உள்ளது.

வரும் ரவுடிகள் அனைவருமே சிறப்பான தேர்வு. KGF ல் வரும் வில்லன்கள் போல, ஏகப்பட்ட பேர்.

நாடகத்தன்மை இல்லாத, இயல்பான நடிப்பு. அதிலும் இவர்கள் மூவரும் கேங்ஸ்டர்கள் பகுதியில் சென்று சிக்கிக்கொள்வது செம. பரபரப்பாக எடுத்துள்ளார்கள்.

சண்டைக்காட்சிகளுக்கு ஒளிப்பதிவும், பின்னணி இசையும் உதவியுள்ளன. பாடல்களும் நன்றாக உள்ளன. இசையும் நம்ம ஊர் Sam C. S.

யார் பார்க்கலாம்?

₹8 கோடியில் தயாரிக்கப்பட்டு ₹100 கோடி வசூலித்துள்ளது. கேரளாவில் ₹50 கோடியைத் தாண்டி வசூல் செய்து சாதனை புரிந்துள்ளது.

வசூல் செய்தாலும் சிலருக்கு ‘என்னப்பா இது! ஒரே சண்டையா இருக்கு! அப்படியொன்றும் படம் நன்றாக இல்லையே!‘ என்ற விமர்சனங்களும் உள்ளது.

படத்தின் மையமாக குடும்ப பாசம், சண்டை, நட்பு மூன்றுமே கலந்து இருப்பதால், பலரைக் கவர்ந்துள்ளது என்று கருதுகிறேன். அதோடு இதில் வரும் இயல்பான கதாபாத்திரங்கள், குறிப்பாக புற்றீசல் போல வரும் ரவுடிகள் .

ஊகிக்கக்கூடிய கதையாக இருப்பது, ஏற்கனவே பார்த்த பல படங்களின் சாயல் இருப்பது மட்டுமே இதன் பலவீனம் ஆனால், திரைக்கதை சுவாரசியமாக இருப்பதால், கடந்து செல்லலாம்.

மேற்கூறியவை ஏற்புடையது என்றால், தாராளமாகப் பார்க்கலாம்.

NETFLIX ல் காணலாம்.

Directed by Nahas Hidayath
Screenplay by Adarsh Sukumaran, Shabas Rasheed (dialogues)
Story by Nahas Hidayath
Produced by Sophia Paul
Starring Shane Nigam, Antony Varghese, Neeraj Madhav
Cinematography Alex J. Pulickal
Edited by Chaman Chakko
Music by Sam C. S.
Release date 25 August 2023
Running time 151 minutes
Country India
Language Malayalam

இத்தள கட்டுரைகள், செய்திகள், தொழில்நுட்பத் தகவல்கள் ஆகியவற்றை எளிதாகப் பெற –> giriblog WhatsApp Channel

The post RDX: Robert Dony Xavier (2023 மலையாளம்) | பழி வாங்கல் appeared first on giriblog.

ஜன்தன் வங்கிக்கணக்கு பாஜக அரசால் துவங்கப்பட்டது. இத்திட்டம் சாதித்தது என்னவென்று பார்ப்போம். Image Credit

ஜன்தன் வங்கிக்கணக்கு

பாஜக ஆட்சிக்கு வந்த பிறகு 28th ஆகஸ்ட் 2014 ம் ஆண்டு ஜன்தன் திட்டம் துவங்கப்பட்டது.

குறைந்தபட்ச இருப்பு இல்லாமல், அனைவருக்கும் வங்கிக்கணக்கு வேண்டும் என்ற எண்ணத்தில் துவங்கப்பட்டதே ஜன்தன் வங்கிக்கணக்கு திட்டம் என்று அழைக்கப்படுகிறது.

குறைந்தபட்ச இருப்பு வைக்க வேண்டும் ஆனால், அதற்குப் பணம் இல்லாததாலேயே பலர் வங்கிக்கணக்கைத் துவங்காமலிருந்தார்கள்.

இதை மனதில் வைத்தே Zero Balance கணக்கு துவங்கப்பட்டது.

இத்திட்டம் துவங்கப்பட்ட போது வெற்றிபெறும் என்று பெரும்பான்மையானவர் எண்ணவில்லை. காரணம், ஆட்சிக்கு வந்தவுடன் அறிமுகப்படுத்தப்பட்ட திட்டம்.

எனவே, ஒரு விளம்பரத்துக்காகச் செய்யப்பட்டது என்று கருதினார்கள்.

இதற்குத் தகுந்த மாதிரி இவ்வங்கிக் கணக்குகளின் இருப்பு மிக மோசமாக இருந்தது. எல்லோரும் வங்கிக்கணக்கு துவங்கியிருந்தார்கள் ஆனால், பயன்படுத்தவில்லை.

ஆனால், நாளடைவில் கொஞ்சம் கொஞ்சமாக மக்களின் பரிவர்த்தனைக்கு இக்கணக்கைப் பயன்படுத்த நடுவண் அரசு நெருக்கடி கொடுத்தது.

அதாவது, மானியம், அரசு உதவித்தொகை போன்றவற்றைச் செலுத்த. இதன் பிறகு தொடர்ந்து மக்கள் பயன்படுத்தத் துவங்க ஆரம்பித்தார்கள்.

எண்ணிக்கை

இது வரை 50+ கோடி ஜன்தன் வங்கிக்கணக்குகள் துவங்கப்பட்டுள்ளன.

துவக்கத்தில் ₹1000 கோடி கூட இல்லாத வங்கிக்கணக்குகளின் இருப்பில் ₹2.05 லட்சம் கோடி தொகை (அக்டோபர் 2023) இருப்புள்ளது.

67% கணக்குகள் கிராம மற்றும் நகர்ப்புற மக்களால் துவங்கப்பட்டுள்ளது. மொத்தக்கணக்குகளில் 56% பெண்களுடையது என்பது சிறப்பான செய்தி.

இதன் ஒரு பகுதியாக RuPay Debit Card அறிமுகப்படுத்தப்பட்டு, மிகப்பெரிய வெற்றி பெற்றது. 37% சந்தை மதிப்பைப் பெற்று முதலிடத்தில் உள்ளது.

Zero Balance வங்கிக்கணக்கைப் பராமரிக்கச் செலவாகிறது என்று புலம்பிய வங்கிகளின் இருப்பு தற்போது ஜன்தன் வங்கிக்கணக்குகளால் உயர்ந்துள்ளது.

Source https://pib.gov.in/

என்னென்ன மாற்றங்கள் ஏற்பட்டுள்ளது?

டிஜிட்டல் இந்தியா திட்டத்துக்காக பாஜக அரசு தொலைநோக்குடன் சிந்தித்து ஜன்தன் திட்டத்தைத் துவங்கியதா?! அல்லது இயல்பாக நடந்ததா என்று தெரியவில்லை.

டிஜிட்டல் இந்தியாவை எளிதாகச் செயல்படுத்தி விட முடியாது. காரணம், அதற்கான அடிப்படைத் தேவையான வங்கிக்கணக்கு அனைவருக்கும் அவசியம்.

டிஜிட்டல் இந்தியா வளர்ச்சி அடையப் பணமதிப்பிழப்பு நடவடிக்கை காரணம் என்றாலும், அதற்கு அடிப்படை வங்கிக்கணக்கு.

எனவே, லாஜிக்காக யோசித்தால், பாஜக தொலைநோக்கு திட்டம் இல்லாமல் ஜன்தன் வங்கிக்கணக்கு திட்டத்தை ஆரம்பித்து இருக்க முடியாது.

எனவே, அனைத்து தரப்பு மக்களும் UPI பயன்படுத்துகிறார்கள் என்றால், அதற்கு ஜன்தன் வங்கிக்கணக்கு முக்கியமான காரணம்.

ஒரு சாலையோர காய்கறி கடைக்காரர் UPI வைத்துள்ளார் என்றால், அக்கணக்கு ஜன்தன் கணக்குடன் இணைக்கப்பட்டுள்ளது.

இந்தியாவில் டிஜிட்டல் இந்தியா மிகப்பெரிய வெற்றி பெற அனைவருக்கும் வங்கிக்கணக்கு திட்டம் முக்கியமானது.

மானிய இழப்பைத் தடுத்தது

மக்களின் வரிப்பணம் வீணாவது முக்கியமாக மானியமாகக் கொடுக்கப்படும் பணத்தில் தான்.

அதாவது ஒருவருக்கு ₹100 ஒதுக்கப்பட்டால், பலரைக் கடந்து வரும் போது பயனாளிக்குக் கிடைப்பது ₹30 ஆகக் குறைந்து விடுகிறது.

பயனாளிகள் முழுமையான பயனைப் பெறுவதில்லை.

தற்போது மானியம் நேரடியாகப் பயனாளர்களின் வங்கிக்கணக்கில் செலுத்தப்படுவதால், இடைத்தரகர்களால், அரசு ஊழியர்களால், அரசியல்வாதிகளால் திருடப்படுவது தடுக்கப்படுகிறது.

ஆதாரும் கட்டாயப்படுத்தப்பட்டதால், போலி பயனாளிகள் நீக்கப்பட்டு, இதுவரை ₹2 இலட்சம் கோடிக்கு மேல் மக்கள் வரிப்பணம் சேமிக்கப்பட்டுள்ளது.

மக்களும் வரிசையில் நின்று, அவசியமற்று நேரத்தைச் செலவழித்து, பல அவமானங்களைத் தாண்டி, உதவித்தொகையைப் பெறும் நிலை நேரடியாக வங்கிக்கணக்கில் செலுத்தப்படுவதால் தவிர்க்கப்பட்டுள்ளது.

சாதித்த ஜன்தன் வங்கிக்கணக்கு

மக்களின் சேமிப்பை வங்கி மூலம் நடுவண் அரசு திருடுகிறது, கட்டாயப்படுத்துகிறது என்ற விமர்சனங்கள் முன் வைக்கப்பட்டன.

ஆனால், ஜன்தன் வங்கிக்கணக்கு இந்தியாவின் இருதயத்தையே உறுதியாக்கியுள்ளது. இருதயம் வேறு யாருமல்ல நடுத்தர, அடித்தட்டு மக்களே!

சாதாரண மக்களும் வங்கிக்கணக்கு துவங்கி, நாட்டின் பொருளாதார வளர்ச்சியில் முக்கியப்பங்காற்றுகிறார்கள்.

கள்ளப்பணம் உருவாவதை ஜன்தன் திட்டம் குறைக்கிறது.

இந்தியாவின் பொருளாதாரத்தை முறைப்படுத்துவதில் ஜன்தன் வங்கிக்கணக்குகள் மிகப்பெரிய மாற்றங்களை ஏற்படுத்த உதவியுள்ளன என்றால் மிகையல்ல.

தொடர்புடைய கட்டுரை

டிஜிட்டல் இந்தியா சாதித்தது என்ன?

இத்தள கட்டுரைகள், செய்திகள், தொழில்நுட்பத் தகவல்கள் ஆகியவற்றை எளிதாகப் பெற –> giriblog WhatsApp Channel

The post ஜன்தன் வங்கிக்கணக்கு ஏற்படுத்திய மாற்றங்கள் appeared first on giriblog.

சுதந்திரப் போராட்ட தலைவர்கள் தமிழக அரசால் கண்டுகொள்ளப்படாதது குறித்து ஆளுநர் ரவி பேசியதற்கு திமுக தலைவர்கள் எதிர்ப்பு தெரிவித்துள்ளனர். Image Credit

ஆளுநர் ரவி

தமிழக ஆளுநராக ரவி அவர்கள் பொறுப்பேற்றது முதலே திமுக அரசுக்கும் அவருக்கும் பிரச்சனையாக உள்ளது.

முந்தைய ஆளுநர்களைப் போலப் பொம்மையாக இல்லாமல் கேள்வி கேட்பதும், இந்து மதத்தின் மீதான வழக்கங்களில் ஆர்வம் காட்டுவதும் திமுகவினருக்குப் பிடிக்கவில்லை.

ஆளுநராக உள்ளவர் எதற்கு அரசியல் பேச வேண்டும் என்ற கேள்வியை முன் வைக்கிறார்கள். ஆளுநர் அதற்கு நேரடி பதில் கூறவில்லையென்றாலும், நிகழ்ச்சிகளில் பங்கேற்று கருத்தைக் கூறுகிறார்.

சுதந்திரப் போராட்ட தலைவர்கள்

சுதந்திரப் போராட்ட தியாகிகளைச் சாதித் தலைவர்களாக மாற்றி விட்டதாக ஆளுநர் ரவி மருது சகோதரர்களின் விழாவில் மாணவர்கள் முன்னிலையில் பேசினார்.

இதோடு தமிழக சுதந்திரப் போராட்ட தியாகிகளின் பட்டியலைத் தமிழக அரசிடம் கேட்டதற்கு 40 பேர் கொண்ட பட்டியலை மட்டுமே வழங்கினார்கள்.

நூற்றுக்கணக்கான தியாகிகளின் பெயர்கள் இல்லை என்று குறிப்பிட்டதே சர்ச்சைக்குக் காரணம்.

ஆளுநர் ரவி கூறியது சரியா?

ஆளுநர் கூறியது சரியா என்பதை விட அவர் கூறியதில் என்ன தவறு?! இதில் விமர்சிக்க என்ன உள்ளது? உண்மையைத்தானே கூறினார்.

தமிழகத்தில் பாரதியார், பாரதிதாசன், தீரன் சின்னமலை, வாஞ்சிநாதன், வ உ சிதம்பரம் பிள்ளை, மருது சகோதரர்கள், வேலுநாச்சியார் போன்ற வெகு சிலர் மட்டுமே முன்னிறுத்தப்படுகிறார்கள்.

மற்றவர்களைப் பற்றிய எந்த விவரங்களும் மாணவர்களுக்குச் சொல்லித்தரப்படுவதில்லை. பலரின் தியாகங்கள் புறக்கணிக்கப்பட்டு விட்டன.

தீரன் சின்னமலை, மருது சகோதரர்கள், அம்பேத்கர், முத்துராமலிங்கத்தேவர் போன்றோர் சாதித்தலைவர்களாக்கப்பட்டு விட்டனர்.

இவர்கள் பிறந்த நாளில் ஒரு மாலையைப் போடுவதைத்தவிர இவர்களுக்கும், புறக்கணிக்கப்பட்ட மற்றவர்களுக்கும் தமிழக அரசு என்ன மரியாதை செய்கிறது?

மற்ற தலைவர்களை ஏன் பாடப்புத்தகத்தில் சேர்க்கவில்லை? ஏன் இளம் தலைமுறையினருக்கு அறிமுகப்படுத்தவில்லை?

பள்ளியில் படிக்கும் போது (80s / 90s) இந்திய தேசிய தலைவர்கள், பண்டைய மன்னர்களைப் பற்றி விரிவாகப் படித்ததை விட மொகலாயர்களையும், ஆங்கிலேயர்களையும் படித்ததே அதிகம்.

ராஜ ராஜ சோழன்

இவை எல்லாவற்றையும் விட பெரும் கொடுமையாக, சகிக்கவே முடியாத செயலாக, தமிழர்கள் அனைவரும் போற்றிக்கொண்டாட வேண்டிய ராஜ ராஜ சோழனையும் சாதித்தலைவராக்கி வருகிறார்கள்.

இதைத்தடுக்கத் தமிழக அரசு (திமுக / அதிமுக) எந்த முயற்சிகளையும் எடுக்கவில்லை.

இவ்வளவு பெருமை வாய்ந்த ராஜ ராஜ சோழனின் சமாதி கேட்பாரற்று உள்ளது.

38 கோடி செலவழித்து கலைஞர் சமாதி கட்ட தெரிந்தவர்களுக்கு உலகம் முழுக்க தமிழர்களின் பெருமையைக் கொண்டு சென்ற ராஜ ராஜ சோழனுக்கு ஒரு மணிமண்டபம் கட்ட வேண்டும் என்று தோன்றவில்லையே!

மகாராஷ்டிராவில் சிவாஜியைக் கொண்டாடித் தீர்க்கிறார்கள் ஆனால், தமிழகத்தில் அவரை விடப் புகழ் வாய்ந்த, பல நாடுகளை ஆட்சி செய்த ராஜ ராஜ சோழன் கேட்பாரற்று கிடக்கிறார்.

எதோ தஞ்சை பெரிய கோவில் இருப்பதால், அவர் பிறந்தநாள் கவனிக்கப்படுகிறது.

திராவிட தலைவர்கள்

பேருந்து நிலையம், ரயில் நிலையம், விமான நிலையம், மருத்துவமனை, பள்ளி, கல்லூரி, நூலகம் என்று ஒன்றுவிடாமல் அனைத்துக்கும் திராவிட தலைவர்கள் பெயர்கள் தான் வைக்கப்படுகின்றன.

அண்ணா, பெரியார், கலைஞர் போன்றோர் மட்டுமே தமிழர்கள், இவர்களே சுதந்திரத்துக்குப் போராடியவர்கள் எனும் அளவுக்குத் தமிழக மாணவர்களுக்கு மூளைச்சலவை செய்யப்படுகிறது.

ஆங்கிலேயரிடம் மண்டியிட்ட பெரியாரையும் சுதந்திரப் போராட்ட தலைவர் பட்டியலில் இணைத்துக் குடியரசு தின அணிவகுப்பில் சிலையைச் சேர்த்து, உயிரை விட்ட தியாகிகளைத் தமிழக அரசு அசிங்கப்படுத்தியது.

வ உ சி தன் சொத்தை விற்று கப்பல் கட்டி ஆங்கிலேயருக்குக் கடும் போட்டி கொடுத்து, கைதாகி செக்கிழுத்து சிறையில் வாடி வதங்கினார்.

ஆனால், ஆங்கிலேயர்களுக்குச் சொம்பு தூக்கி, சொத்து போய் விடக் கூடாது என்று தன் மகளையே திருமணம் செய்த பெரியார் சுதந்திரப் போராட்ட தியாகியாம்!

இதை விடத் தமிழகத்தில் சுதந்திரப் போராட்ட தலைவர்களை யாரும் அசிங்கப்படுத்தி விட முடியாது.

தப்பித்த தலைவர்கள்

மற்ற எந்த மாநிலத்துக்கும் குறைவில்லாத நூற்றுக்கணக்கான சுதந்திரப் போராட்ட தலைவர்களை அடுத்த தலைமுறையினருக்குக் கொண்டு செல்வது அரசின் கடமை.

எதோ நடிகர் திலகத்தின் அற்புதமான நடிப்பால் இன்னும் பல சுதந்திரப் போராட்ட தலைவர்கள் திரைப்படங்கள் வழியாகப் பலருக்கும் நினைவில் உள்ளார்கள்.

ஆளுநர் ரவி கூறியது போல, காந்தி, நேதாஜி, வல்லபாய் படேல், பகத்சிங் போன்றோர் தமிழ்நாட்டில் பிறந்து இருந்தால், அவர்களும் இந்நேரம் ஏதாவது ஒரு சாதித்தலைவராக்கப்பட்டு இருப்பார்கள்.

நல்லவேளை தப்பித்ததோடு, மங்கா புகழோடு இன்றும் உள்ளார்கள்.

இனிவரும் காலங்களிலும் தமிழக அரசு (திமுக / அதிமுக) எந்த நடவடிக்கையும் உறுதியாக எடுக்காது. எந்தச் சந்தேகமும் வேண்டாம்.

ஆளுநர் ரவி கூறியது 200% சரி.

தொடர்புடைய கட்டுரைகள்

குடியரசுத் தினத்தை அசிங்கப்படுத்திய தமிழக அரசு

பெயர் மாற்ற அடாவடிகள்

ராஜராஜ சோழன் | அரசர்களின் அரசன்

கலைஞர் கருணாநிதி நாடு

இத்தள கட்டுரைகள், செய்திகள், தொழில்நுட்பத் தகவல்கள் ஆகியவற்றை எளிதாகப் பெற –> giriblog WhatsApp Channel

The post ஆளுநர் ரவி கூறியது சரியா? appeared first on giriblog.

பாஜக எதிர்ப்பு, சிறுபான்மையினர் ஆதரவில் திமுக ஒரு மோசமான எல்லையை நோக்கிச் சென்று கொண்டுள்ளது. என்னவென்று பார்ப்போம். Image Credit

இந்தியா பாகிஸ்தான்

இந்தியா பாகிஸ்தான் போட்டியில் அகமதாபாத் ரசிகர்கள் ஜெய் ஸ்ரீராம் என்று கூறியதற்குப் பலரும் எதிர்ப்பு தெரிவித்தார்கள்.

பாகிஸ்தான் வீரர் ரிஸ்வான் விளையாட்டு மைதானத்திலேயே நமாஸ் செய்தது சர்ச்சையை ஏற்படுத்தி பரவலான விமர்சனங்கள் எழுந்தன.

ஜெய் ஸ்ரீராம் கூறியது தவறு என்றால், விளையாட்டு மைதானத்தில் நமாஸ் செய்வதும் தவறு தானே!

இதுவரை வந்தேமாதரம் கூறப்பட்டு வந்த நிலையில், இந்த முறை ஜெய்ஸ்ரீராம் கூறப்பட்டதுக்கு ரிஸ்வான் நடவடிக்கைகள் முக்கியக்காரணங்களில் ஒன்று.

இதன் தொடர்ச்சியாக மற்ற விளையாட்டு அரங்குகளிலும் தொடர்ந்தது.

திமுக

ஜெய் ஸ்ரீராம் கூறியது திமுகவினரைக் கடுப்படித்து விட்டது. இதற்கு வெட்கம் இல்லாமல் #SorryPakistan hashtag வேறு ஓட்டினார்கள்

தற்போது வரை திமுக உட்பட எதிர்க்கட்சிகள் அனைவரும் இந்தியாவை, இந்துக்களை இழிவுபடுத்துவது பாஜகவை இழிவுபடுத்துவதற்குச் சமம் என்றே நினைக்கிறார்கள்.

இரண்டும் வேறு என்று இவர்கள் புரிந்து கொள்ளவே மாட்டார்கள்.

எனவே, இந்தியா ஒரு சாதனை செய்தால் அதையும் பாஜக அரசு என்று கருதி அதைக் குறைத்து மதிப்பிடுகிறார்கள், வருத்தமடைகிறார்கள், விமர்சிக்கிறார்கள்.

சென்னை சேப்பாக்கம்

பாகிஸ்தான் Vs ஆப்கானிஸ்தான் போட்டி சென்னையில் நடைபெற்ற போது பாகிஸ்தானுக்கு ஆதரவாகப் பலர் திரட்டப்பட்டனர்.

பெரும் கொடுமையாகப் பள்ளி குழந்தைகளை அழைத்து வந்து பாகிஸ்தானுக்கு ஆதரவாக கோஷம் எழுப்ப வைத்தார்கள். பாவம் அவர்களுக்கு என்ன புரிந்ததோ!

இந்தியத் தேசியக் கொடியை உள்ளே எடுத்துச் செல்லத் தடை விதித்த போதே கடுமையான ஆத்திரமாக இருந்தது. இது போன்ற நிலை இந்தியாவின் எந்த அரங்கிலும் நடக்கவில்லை

அதிலும் ஒருத்தன் DIl Dil Pakistan என்று கைகளை ஆட்டி, குழந்தைகள் கோஷம் இடுவதை பல்லைக்காட்டிக்கொண்டு இளித்ததைப் பார்த்த போது அடைந்த ஆத்திரத்துக்கு அளவே இல்லை.

பாகிஸ்தான் ஜெர்சி அணிந்து செல்ல அனுமதி ஆனால், இந்தியக் கொடிக்குத் தடை. விளையாடுவது எந்த நாடாக இருந்தால் என்ன?

போட்டி நடப்பது இந்தியாவில் தானே!

விளையாட்டுத்துறை அமைச்சர் உதயநிதியை ஊடகங்கள் கேள்வி கேட்ட போது ‘அமித்ஷா பையன் BCCI ஜெய்ஷாவிடம் கேளுங்கள்‘ என்று கூறுகிறார்.

தமிழகக் காவல்துறை முதல்வர் கட்டுப்பாட்டில், தமிழக கிரிக்கெட் அமைப்புத் தலைவர் பொன்முடி மகன் கவுதம் சிகாமணி ஆனால், ஜெய்ஷாவை கேட்கணுமாம்.

அருமை! சிறப்பான பதில்.

ஆர்வம் இல்லை

கிரிக்கெட் பார்க்கும் ஆர்வம் குறைந்து வருடங்களாகிறது. இந்தியா, CSK போட்டியில் வெற்றி பெற்றால் ஹைலைட்ஸ் மட்டும் எப்போதாவது பார்ப்பேன்.

அகமதாபாத்தில் நடந்த இந்தியா பாகிஸ்தான் போட்டியைக்கூடப் பார்க்கத் தோன்றவில்லை, இந்தியா வெற்றி பெற்றதாக அறிந்ததும் மகிழ்ச்சி அடைந்தேன்.

தற்போதெல்லாம் யார் சிறப்பாக விளையாடுகிறார்களோ அவர்கள் வெற்றி பெறட்டும் என்கிற மனநிலை தான், அது பாகிஸ்தானாகவே இருந்தாலும்.

திறமையுள்ளவன் வெற்றி பெற வேண்டும் என்பதே சரி, நியாயம். இந்தியா வெற்றி பெற்றால் கூடுதல் மகிழ்ச்சி.

திமுகவினர் அட்ராசிட்டி

ஆனால், திமுகவினர் செய்த அட்ராசிட்டிகளை பார்த்த போது திமுக ஆதரவு நிலைக்காவாவது பாகிஸ்தான் தோற்க வேண்டும் என்று நினைத்தேன்.

அதிலும் DIl Dil Pakistan என்று கூறியவன் செய்கையைப் பார்த்துத்தான் கடுப்பானேன். இந்தக்காணொளி சமூகத்தளங்களில் வைரல் ஆகி இதைப்பார்க்கும் வரை போட்டி பார்க்கும் ஆர்வம் துளி கூட இல்லை.

பல வருடங்களுக்குப் பிறகு இரு போட்டிகளைப் பார்த்தேன் என்றால், அது பாகிஸ்தான் Vs ஆப்கானிஸ்தான், பாகிஸ்தான் Vs தென் ஆப்ரிக்கா மட்டுமே!

இரண்டுமே பாகிஸ்தான் தோற்க வேண்டும் என்பதை விட, இவ்வளவு கேவலமாக நடந்த திமுக கடுப்பாக வேண்டும் என்பதற்காகவே மற்ற இரு அணிகள் வெற்றி பெற வேண்டும் என்று நினைத்தேன்.

இரண்டிலுமே திமுக தோற்றது அளவில்லா மகிழ்ச்சி. பாகிஸ்தானை இந்தியா தோற்கடித்ததை விட அதிகமாக மகிழ்ந்தேன் என்பதே உண்மை.

பாகிஸ்தான் வெற்றி பெறும் என்று திமுக ஆதரவு ஊடகங்கள், முன்களப்புகள் ஏற்கனவே கட்டுரைகளை, பரபரப்பு தலைப்புகளைத் தயாராக வைத்து இருந்து இருப்பார்கள், அனைத்தும் வீணாகப் போனது.

பாஜக மீதான எதிர்ப்பில், சிறுபான்மையினர் ஆதரவு நிலைக்காக இந்தியாவையே, இந்துக்களையே எதிர்க்கும் கேடுகெட்ட மனநிலைக்கு திமுக சென்று விட்டது.

கவுரவம் கவுரவம்னு சொல்லிப் பாகிஸ்தானைச் சேற்றில் தள்ளி விட்டார்கள் இந்தத் திமுகவினர். கம்முனு இருந்தால், ஒரு போட்டியிலாவது வெற்றி பெற்று இருப்பார்களோ என்னவோ!

முஸ்லிம்கள் மீதான வெறுப்பா?

நிச்சயம் இல்லை.

இது முழுக்க முழுக்க பாகிஸ்தான் மீதான வெறுப்பே. இல்லையென்றால், ஆப்கானிஸ்தானுக்கு எப்படி ஆதரவு அளித்து இருக்க முடியும்!

ஆப்கானிஸ்தான் விளையாடிய ஒவ்வொரு போட்டியிலும் ஆப்கானிஸ்தானை அம்மாநில மக்கள் ஆதரித்தார்கள். அதிலும் டெல்லியில் அதிரடி ஆராவாரம்.

இதற்காக ஒவ்வொரு போட்டி முடிந்ததும் ஆப்கானிஸ்தான் வீரர்களும், ரசிகர்களும் இந்திய ரசிகர்களுக்கு தங்களது நன்றியைத் தெரிவித்தார்கள்.

ஆப்கானிஸ்தான் ரசிகர் ஒருவர் கூறும் போது,

‘பாகிஸ்தானை வென்றதே எங்களுக்கு உலகக்கோப்பை வென்றது போலத்தான். எனவே, இந்தியா வெல்லவே நாங்கள் ஆதரவு அளிப்போம்‘ என்றார்.

அந்த அளவுக்கு இந்தியா ஆப்கானிஸ்தான் ரசிகர்களிடையே ஒற்றுமை இருந்தது.

பின்பு எதனால் பாகிஸ்தான் மீது வெறுப்பு?

காரணம், இந்தியா மீது பாகிஸ்தான் நடத்திய, நடத்திக்கொண்டு இருக்கும் தொடர்ச்சியான தீவிரவாத தாக்குதல்.

இதுவரை எத்தனை ஆயிரம் பொதுமக்கள், வீரர்களைக் கொன்று இருப்பார்கள்!

இரு நாட்களுக்கு முன்னர் கூட சர்வதேச ஒப்பந்தத்தை மீறி இந்திய வீரர்கள் மீது பாக் படை துப்பாக்கிச் சூடு நடத்தியுள்ளது. எல்லையோர கிராம மக்களின் வீடுகள் பாதிக்கப்பட்டுள்ளது.

தொடர்ச்சியாக தீவிரவாதிகளை இந்தியாவினுள் அனுப்பிக்கொண்டுள்ளார்கள். கடந்த மாதம் இந்தியப்படை உயர் அதிகாரிகள் உட்பட பலர் இறந்தனர்.

தொடர்க் குண்டு வெடிப்புகள் நடத்தியுள்ளனர், நடத்த முயற்சிக்கின்றனர். இந்தியாவை எந்த வகையிலாவது நாசம் செய்ய வேண்டும் என்று துடிக்கிறார்கள்.

இவர்களை எல்லாம் எப்படி சிலர் ஆதரிக்கிறார்கள் என்றே புரியவில்லை!

விளையாட்டை விளையாட்டா பாருங்க!

விளையாட்டை விளையாட்டா பார்க்க வேண்டும் என்பவர்கள் எதற்கு ஆப்கானிஸ்தான் வெற்றி பெற்றவுடன் 1999 போல எழுந்து நின்று கைதட்டி ஆதரிக்காமல், அரங்கை விட்டு வெளியே சென்றார்கள்!

ஸ்ரீலங்கா அணியினருக்கு எதற்குச் சென்னையில் எதிர்ப்பு தெரிவிக்க வேண்டும்? IPL ரசிகர்களை அடித்து உதைக்க வேண்டும்?!

இதை விடக் கேவலமாக ‘அப்போது அந்த பாபர் வந்து இந்தியாவைக் கைப்பற்றினார், தற்போது இந்த பாபர் வந்து இந்தியாவைக் கைப்பற்றுவார்‘ என்று வசனங்கள்.

கொஞ்சமாவது நாட்டுப்பற்று இருப்பவன், சோத்துல உப்பு போட்டுச் சாப்பிடுகிறவன், வெட்கம், மானம், சொரணை இருப்பவன் பாகிஸ்தானை ஆதரிக்க மாட்டான்.

இங்கே நடந்தது முஸ்லீம் எதிர்ப்பல்ல, பாகிஸ்தான் எதிர்ப்பு மட்டுமே!

இங்குள்ள செக்குலர்களுக்கு அவனுக தலையிலே குண்டு விழுந்தால் தான், ஐயையோ என்று அலறுவார்கள். அதுவரை பாகிஸ்தானுக்கு முட்டுக்கொடுத்துட்டு இருப்பார்கள்.

கொசுறு

தென் ஆப்பிரிக்கா அணியில் 4 அடித்து வெற்றி பெற வைத்த கேசவ் மகராஜ், வெந்த புண்ணில் மிளகாய் தேய்த்தது போலத் திமுகவினருக்கு செய்து விட்டார்.

ஆக மொத்தத்துல ஐயம் செம ஹேப்பி . #SorryDMK

இத்தள கட்டுரைகள், செய்திகள், தொழில்நுட்பத் தகவல்கள் ஆகியவற்றை எளிதாகப் பெற –> giriblog WhatsApp Channel

The post திமுகவின் பாகிஸ்தான் ஆதரவு appeared first on giriblog.

மனிதர்களின் உணர்வுகளில் ஒன்று பதட்டம். ஒருவருக்குப் பதட்டம் அதிகம் ஆகும் போது ஏற்படும் பிரச்சனைகளைக் காண்போம். Image Credit

பதட்டம்

பதட்டத்தைத் தாண்டி வராதவர்கள் இருக்க வாய்ப்பில்லை, குறைந்த பட்சம் ஏதாவது ஒரு சூழ்நிலையாலாவது இதை அனுபவித்து இருப்போம்.

காரணம், மனித உணர்வுகளில் உள்ள இயல்பான உணர்வு.

பதட்டத்தைத் தவிர்க்க யோகிகளாலும், வெகு சிலராலும் மட்டுமே முடியும். மற்றவர்கள் பதட்டத்தைக் குறைக்க மட்டுமே முடியும், தவிர்க்க முடியாது.

பதட்டத்தால் என்ன நடக்கும்?

• மூளை சரியான வழியில் சிந்திக்காது.
• தவறுகளைச் செய்து விட நேரிடும்.
• பிரச்சனைகளை மேலும் சிக்கலாக்கி விடும்.
• பெருத்த நட்டத்தை ஏற்படுத்தி விடும்.
• ஒன்றும் இல்லாமல் போக வேண்டியது, பெரிய தலைவலியைக் கொண்டு வரும்.
• உறவுகளிடையே பாதிப்பை ஏற்படுத்தும்.
• மேலும் மேலும் தவறுகளைச் செய்ய வழி வகுக்கும்.
• உடல்நலனைப் பாதிக்கும்.
• சிறப்பான யோசனை தோன்றாது.
• அலுவலகத்தில் மேலும் பிரச்சனைகளைக் கொண்டு வரும்.
• சரியான முடிவுகளை எடுக்க விடாது.
• எதிர்மறை எண்ணங்கள் அதிகரிக்கும்.
• சிந்திக்கும் திறனை இழக்க வைக்கும்.
• உளவியல் ரீதியாகப் பாதிப்பை ஏற்படுத்தும்.

பதட்டத்தை எப்படித் தடுப்பது?

அமைதியாக இருப்பதே ஒரே வழி.

பதட்டமாக இருக்கும் போது, மூளை சிந்திக்கும் திறனை இழப்பதால், மேலும் மேலும் தவறுகளைச் செய்வோம். எனவே, இவை சூழ்நிலையை மேலும் மோசமாக்கும்.

அச்சூழ்நிலையில் எந்த முடிவையும் எடுக்காமல், எந்த நடவடிக்கைகளையும் மேற்கொள்ளாமல் பிரச்சனையின் வீரியத்தைப் பொறுத்து ஓரிரு மணி நேரங்களுக்கு அமைதியாக இருக்க வேண்டும்.

சுருக்கமாக, மனது தெளிவு அடைந்து, அமைதியான பிறகு செயல்படுத்தலாம்.

அமைதியாக இருக்கும் கால இடைவெளியில் சம்பந்தப்பட்ட பிரச்சனையே ஒன்றும் இல்லாமல் போக வாய்ப்புள்ளது. எனவே, அவசரப்பட்டு எதையாவது செய்வது, பேசுவது சிக்கலையே வரவழைக்கும்.

அமைதியாக இருக்க முடியவில்லை என்றால், தண்ணீர் / காஃபி குடிப்பது, வேறு வகையில் கவனத்தைத் திருப்புவது சிறிது பதட்டத்தைக் குறைக்கும்.

பதட்டம் ஆகாமல் இருப்பது கடினம் ஆனால், பயிற்சியின் மூலம் பதட்டமாவதை உறுதியாகக் குறைக்க முடியும்.

தொடர்புடைய கட்டுரைகள்

பயம் பதட்டம் ஏன் ஏற்படுகிறது?

மன அழுத்தம் எப்படி இருக்கும்?!

Relax. Think. Act.

கோபம் இருந்தால் மகிழ்ச்சி இருக்காது

இத்தள கட்டுரைகள், செய்திகள், தொழில்நுட்பத் தகவல்கள் ஆகியவற்றை எளிதாகப் பெற –> giriblog WhatsApp Channel

The post பதட்டத்தால் என்ன ஆகும் தெரியுமா? appeared first on giriblog.

தென் மாநிலங்களை ஒப்பிடும் போது வட இந்தியர்கள் முரட்டுத்தனமாகவும், எதையும் ஆவேசமாகக் கையாள்பவர்களாகவும் உள்ளனர். Image Cedit

வட இந்தியர்கள்

இந்தியாவில் வட இந்தியா ஒரு பகுதி என்றாலும், வட கிழக்கு மாநிலங்கள் தவிர்த்துத் தென் மாநில மக்களுக்கு மஹாராஷ்ட்ரா உட்பட அனைவருமே வட இந்தியர்களே.

அப்போதைய வட இந்தியர்களுக்குத் தென் இந்தியர்கள் என்றால் மதராஸி என்பது போல.

பெரும்பான்மையானோர் இந்தி பேசுவதாலும், இந்தி பேசினால் வட இந்தியர்கள் என்று இயல்பாகவே தமிழக மக்களால் புரிந்துகொள்ளப்படுகிறது.

இருப்பினும், இவ்வாறு கூறப்படுகிறவர்கள் அனைவருமே வட கிழக்கு மாநிலங்கள் தவிர்த்துக் கிட்டத்தட்ட ஒரே மாதிரி தான் வருகிறார்கள்.

இக்கட்டுரையும் இதை வைத்தே எழுதப்பட்டுள்ளது.

போர்

மங்கோலிய மன்னன் தைமூர், முகலாயர் படையெடுப்பு நடந்த காலத்தில் போர்களால் அதிகம் பாதிக்கப்பட்டது வட மாநிலங்கள் தான்.

தமிழகம் கடைக்கோடியிலிருந்ததால், தூரம் காரணமாக படைகளைத் திரட்டி முகலாயர் இங்கே வராததால் பாதிப்பு குறைவு. இங்கேயும் நடந்துள்ளது ஆனால், வட மாநிலங்களில் நடந்த அளவுக்குத் தொடர்ச்சியாக இல்லை.

குறிப்பாகத் தென் மாநிலங்களில் கர்நாடகா, ஒருங்கிணைந்த ஆந்திரா, போர்களால், முகலாய ஆட்சியால் பாதிக்கப்பட்டது.

எனவே, தொடர்ச்சியாகப் போர்கள் போன்றவை அதிகம் என்பதாலும், பல தலைமுறைகள் இது போலச் சண்டைகளிலேயே தொடர்ந்ததால், இயல்பாகவே மூர்க்கத்தனம் அவர்களிடையே வந்து விட்டது.

இளம் வயது போல முதலே ஒருவர் என்ன மாதிரியான சூழ்நிலையில் வளர்கிறார், எதைப்பார்த்து வளர்கிறார் என்பதைப் பொறுத்தே ஒருவரின் குணம் அமைகிறது.

அது பல தலைமுறைகளாகத் தொடரும் போது அது ஜீன்லையே இணைந்து விடுகிறது.

மதச்சண்டைகள்

ஆங்கிலேய ஆட்சிக்காலத்தில் மேற்கூறிய காரணங்களால் இந்து முஸ்லீம் இரு தரப்பிலும் எண்ணிக்கை காரணமாகப் பிரச்சனை தொடர்ந்து கொண்டே இருந்தன.

முகலாயர் ஆட்சியில் பலர் மதமாற்றம் செய்யப்பட்டதே, எண்ணிக்கை அதிகரிக்கக் காரணம். அது தலைமுறை கடக்கும் போது கட்டாயத்திலிருந்து இயல்பாகி விடுகிறது.

எனவே தான் தமிழகத்தை ஒப்பிடும் போது சுதந்திரத்துக்கு முன்பு இருந்தே இந்து முஸ்லீம் சண்டைகள் வட மாநிலங்களில் மிகப்பெரியளவில் நடந்தன.

பிரிவினைக்குப் பிறகு இடம் பெயர்வால் எண்ணிக்கை குறைந்ததால், சண்டைகள் குறைந்தது ஆனாலும் வன்முறை தொடர்ந்து கொண்டே உள்ளது.

தற்போது திரும்ப எண்ணிக்கை காரணமாக அதிகரித்து வருகிறது.

சுதந்திரத்துக்குப் பின்

தற்போதைய இந்து முஸ்லீம் பிரச்சனைகளை விடச் சுதந்திரத்துக்கு முன்னர் மிகப்பெரிய கலவரங்கள், சண்டைகள், வன்முறைகள் நடந்துள்ளது.

சுதந்திரத்துக்குப் பின்னரும் பிற்போக்கு மாநிலங்களாகவே இருந்தன. சாதிகள், அரசியல், அதிகாரங்கள் ஆகியவை வட மாநிலங்களை முன்னேற்ற விடவில்லை.

ஆதிக்கச் சாதிகளால் நடத்தப்பட்ட அடக்குமுறைகள், விழிப்புணர்வு இல்லாமை ஆகியவை அம்மக்களை ஒரே நிலையில் சிந்திக்க விடாமல் இருக்க வைத்தன.

இதன் பிறகு ஆட்சிக்கு வந்தவர்களும் இவர்களை அடிமைகளாகவே வைத்து இருந்ததாலும், சாதி ரீதியாக ஒடுக்கியதாலும், வளர விடாததாலும் நாகரீகம் உணராதவர்களாகவே இருந்தனர்.

அரசியல்வாதிகளும் மக்களை விழிப்புணர்வு அடைய விடாமல், அவர்களுக்கிடையே இருந்த பிரச்சனைகளை வைத்தே பொருளாதார ரீதியாக வளர விடாமல் பார்த்துக்கொண்டனர்.

எனவே, அவர்களுக்கு வளர்ச்சி, உரிமை, நாகரீகம், வாழ்க்கை மேம்பாடு, அடிப்படை வசதி போன்றவற்றில் எந்த விழிப்புணர்வும் இல்லை.

இது தான் வாழ்க்கை என்றே பழகி விட்டார்கள்.

பொருளாதார வளர்ச்சி முற்றிலும் இல்லை. நகரங்களிலிருந்தவர்கள் மட்டும் முன்னேற்றம் அடைந்து இருந்தார்கள்.

தலைமுறை மாற்றம்

முன்னரே குறிப்பிட்டது போலப் பல தலைமுறையாகத் தொடர்ந்த ஜீன் காரணமாக இயல்பாகவே வட மாநிலத்தவரிடையே முரட்டுத்தனம் உள்ளது.

கால மாற்றத்தில் மாறி வருகிறது என்றாலும், இவை முழுவதும் மாற பல தலைமுறைகளாகும். அதற்கு முக்கியமாக இவர்களின் தனி நபர் வருமானம் உயர வேண்டும், ஏற்றத்தாழ்வுகள் குறைய வேண்டும்.

மதச்சண்டைகள் அதிகளவில் அங்கு நடப்பதற்கு அங்குள்ள சூழ்நிலையும், வாய்ப்புகளுமே காரணம். எனவே, இவற்றைத் தமிழகத்துடன் ஒப்பிட முடியாது.

அங்குள்ள பிரச்சனைகளில் தமிழகம் 5% கூட இருக்காது. காரணம், இங்குள்ள மக்களின் எண்ணங்கள், எண்ணிக்கை, வளர்ந்த சூழ்நிலை ஆகியவையே காரணம்.

இதைப்புரிந்து கொள்ளாமல் வட மாநிலத்தவரைத் திட்டிக்கொண்டு இருப்பதால் பயனில்லை. இங்கும் சூழ்நிலை மாறும் போதே அங்குள்ளவர்கள் சூழ்நிலை புரியும்.

நடவடிக்கைகள்

நம் வாழ்க்கையில் நடப்பதை வைத்தே எளிதாகப் புரிந்து கொள்ளலாம், இச்சூழ்நிலையை பெரும்பாலும் சந்தித்து இருப்போம்.

ஒரு பூங்காவில் தமிழ் குழந்தை விளையாடுவதற்கும், வட மாநில குழந்தை விளையாடுவதற்கும் அதற்கு அவரவர் பெற்றோர் நடந்து கொள்ளும் நடவடிக்கைகளைப் பார்த்தாலே வித்தியாசம் புரியும்.

வட மாநில குழந்தைகள் தைரியமாகவும், முரட்டுத்தனமாகவும் இருப்பார்கள் ஆனால், தமிழக குழந்தைகள் பயந்த, அமைதி சுபாவத்துடன் இருப்பார்கள்.

தங்கள் குழந்தை என்ன செய்தாலும் வட மாநில பெற்றோர் கொஞ்சக் கூடக் கண்டுகொள்ளாமல் இருப்பார்கள் ஆனால், அதே நம் குழந்தைகள் தவறு செய்தால் பெற்றோர் கண்டிப்பார்கள். இது தான் வித்தியாசம்.

இது பெரியவர்கள் ஆன பிறகும் மாறுவதில்லை. சிறு வயதிலிருந்தே அவர்கள் ஜீனுடன் வருகிறது, சூழ்நிலையால் வளர்க்கப்படுகிறது.

எடுத்துக்காட்டுக்கு, ஐடி பணிகளில் வட மாநிலத்தவர் மேலாளராகவும், தமிழர்கள் அவர்களின் கீழ் பணிபுரிபவர்களாகவும் பல இடங்களில் இருப்பார்கள்.

வட இந்தியர்களிடம் ஒரு தலைமைப்பண்பு, ஆளுமை இருக்கும்.

வெளிநாடுகளிலும் மாற்றமில்லை

வெளிநாடுகளிலும் தமிழர்கள் அமைதியாக இருப்பார்கள் ஆனால், வட மாநிலத்தவர் தனியாக இருந்தாலும், கும்பலாக இருந்தாலும் சத்தமாக இருக்கும்.

அவர்களின் நடவடிக்கையே முரட்டுத்தனமாக இருக்கும், பேச்சு உட்பட. இந்த வித்தியாசத்தை வெளிநாட்டு டாக்சி ஓட்டுநரிடம் கேட்டாலே கூறுவார்கள்.

மேற்கூறியவர்கள் நன்கு படித்தவர்கள், நாகரீகம் அறிந்தவர்கள், பெரிய பதவிகளில் இருப்பவர்கள் ஆனாலும், அவர்களின் மாறாத அடிப்படை குணம் இது.

இதனாலையே இவ்வாறு நடந்து கொள்பவர்களைப் பிடிக்காது.

தொடர்ந்து புத்தகங்கள் படிப்பதாலும், செய்திகளைப் படிப்பதாலும் அவர்களின் உளவியல் சிக்கலை, புறச்சூழலை உணர முடிகிறது.

ஒவ்வொரு மாநில மக்களின் வாழ்க்கை முறையும், பழக்க வழக்கங்களும், எண்ணங்களும் இடத்துக்கு இடம் மாறுபடும். அதில் வட மாநிலத்தவர் ஒருவகை.

தொடர்புடைய கட்டுரை

வந்தார்கள் வென்றார்கள் | மதன்

இத்தள கட்டுரைகள், செய்திகள், தொழில்நுட்பத் தகவல்கள் ஆகியவற்றை எளிதாகப் பெற –> giriblog WhatsApp Channel

The post வட இந்தியர்கள் ஏன் முரடர்களாக உள்ளனர்? appeared first on giriblog.

Escape to Nowhere என்ற நாவலை அடிப்படையாக வைத்து எடுக்கப்பட்டதே Khufiya.

Khufiya

அமெரிக்க CIA, பாகிஸ்தான் ISI, இந்திய RAW உளவுத்துறை இடையே நடைபெறும் சம்பவங்களின் கதையே Khufiya. Image Credit

Heena என்ற RAW உளவுத்துறை பெண் கொல்லப்பட்டதால், RAW ல் யாரோ தகவல்களைக் கசிய விடுகிறார்கள் என்று தேடி, வரவுக்கு மீறி செலவு செய்யும் ரவி என்பவரைச் சந்தேகிக்கிறார்கள்.

சந்தேகிக்கப்படும் ரவி வீட்டில் ரகசிய படக்கருவிகளை வைத்து அவரைக் கண்காணிக்கிறார்கள். இறுதியில் என்ன ஆகிறது என்பதே கதை.

உளவுத்துறை

உளவுத்துறை கதை என்றாலே திகிலுக்கும், பரபரப்புக்கும் பஞ்சமில்லை. ஒவ்வொரு காட்சியும் என்ன ஆகப்போகிறதோ என்ற படபடப்பு ஏற்படுத்துகிறது.

ஒவ்வொருவரும் வெளியே எப்படி இருந்தாலும், தனியாக வீட்டில் இருக்கும் போது நடவடிக்கைகள் வேறாக இருக்கும். அதை ரகசிய கேமராக்கள் காண்பிக்கிறது.

தபுவின் உயரதிகாரியாக ஆஷிஷ் வித்தியார்த்தி. தபு இக்கதாபாத்திரத்துக்கு அம்சமாகப் பொருந்துகிறார்.

ஒருவர் கொல்லப்பட்டதால், ரவியின் மனைவி சாரு ஒரு சராசரி பெண்ணாக ஆவேசமடைந்து பேசும் போது தபு கொடுக்கும் விளக்கம் அருமை.

உளவுத்துறையில் நியாயம், தர்மம் பார்க்க முடியாது, நாட்டின் நலனே முன்னிறுத்தப்படும். எனவே, அப்பாவிகள் கூடப் பாதிக்கப்பட வாய்ப்பு.

எனவே, உணர்ச்சிவயத்துக்கு இடம் கொடுக்காமல், செயல்களைச் செய்ய வேண்டும். மனசாட்சியைக் கழட்டி வைத்துவிட்டு தான் பணியில் இணைய வேண்டும்.

கார்கில் சண்டைக்குப் பிறகு

கார்கில் சண்டைக்குப் பிறகான காலத்து கதையாகக் காண்பிக்கப்படுகிறது. எனவே, அக்காலத்தையொட்டிய சாதனங்கள், இடங்கள், உடைகள், ஒப்பனைகள் என்று உள்ளது. குறிப்பாக அமெரிக்கக் காட்சிகள் சிறப்பு.

இதற்காக நிறையவே மெனக்கெட்டுள்ளார்கள். குறைந்த முதலீட்டுப் படமே ஆனால், இதற்காக அமைத்ததைப் பார்த்தால், வியப்பாக உள்ளது.

அமெரிக்காவில் தான் எடுத்தார்களா என்பது தெரியவில்லை ஆனால், வாகனம், வீடு, இடம் என்று எல்லாமே பழைய காலத்தைப் பிரதிபலிக்கிறது.

எப்படி இக்காட்சிகளை எடுத்தார்கள் என்று வியக்காமல் இருக்க முடியாது.

ரவி அம்மா

பலரைக் குறிப்பிட முடிந்தாலும், தவிர்க்க முடியாதவர் ரவியின் அம்மாவாக வருபவர்.

ரவிக்குப் பணத்தாசையை ஏற்படுத்தி உளவாளியாக மாற்றுவதும், அதன் பிறகு பல அதிரடிகளைச் செய்வதும் என்று கவர்கிறார்.

நம்பும்படி பேசுவது இவர் பலம், நானும் இறுதியில் ஏமாந்து விட்டேன். அட! இதற்குத் தான் இவ்வளவு அக்கறையான்னு! .

ரவியாக நடித்துள்ள Ali Fazal, Mirzapur சீரீஸில் சாதுவாக வந்து, இறுதியில் மிரட்டலாக நடித்தவர்.

தொழில்நுட்பம்

பாடல்கள் நன்றாக உள்ளது, அதோடு பின்னணி இசையைக் குறிப்பிட வேண்டியது அவசியம். தரமான ஒலிப்பெருக்கி இருந்தால், கேட்கவும்.

படம் பார்க்க என்னவோ சாதாரணமாக உள்ளது ஆனால், பின்னணி இசை இதற்குச் சம்பந்தமே இல்லாதது போலச் செமையாக உள்ளது.

ஒளிப்பதிவும், கலையும் பழைய காலத்தைக் காட்ட பெரும் உதவி புரிந்துள்ளன.

இறுதிக்காட்சிகள் டக்குனு முடிந்தது போன்ற உணர்வு.

யார் பார்க்கலாம்?

வெளிப்படையாக இல்லாத ஒரு லெஸ்பியன் காட்சியும், ஒரு உடலுறவு காட்சியும் உள்ளதால், குடும்பத்துடன் பார்க்க ஏற்றதல்ல.

தற்போது லெஸ்பியன் காட்சிகள், கதாபாத்திரங்கள் இயல்பாகக் காட்டப்படுகிறது. ஈடுபாடு இல்லாதவர்களுக்குக் கூட இதுவொரு இயல்பான செயல் என்று மூளைச்சலவை செய்யப்படுகிறது.

ஆகச்சிறந்த படமில்லை ஆனால், அக்கால சூழ்நிலைக்கு நம்மைக் கொண்டு சென்றதற்காகவும், பரபரப்பைத் தொடர்ந்ததற்காகவும் பார்க்கலாம்.

NETFLIX ல் காணலாம். தமிழ் மொழி மாற்றத்தில் பார்த்தேன், மோசமில்லை.

Directed by Vishal Bhardwaj
Written by Rohan Narula, Vishal Bhardwaj
Based on Escape to Nowhere, by Amar Bhushan
Produced by Vishal Bhardwaj, Rekha Bhardwaj
Starring Tabu, Ali Fazal, Wamiqa Gabbi, Azmeri Haque Badhon
Cinematography Farhad Ahmed Dehlvi
Edited by A. Sreekar Prasad
Music by Vishal Bhardwaj
Distributed by Netflix
Release date 5 October 2023
Running time 157 minutes
Country India
Language Hindi

The post Khufiya (2023 Hindi) | A SPY Thriller appeared first on giriblog.

கூகுள் அறிமுகப்படுத்திய சேவைகளில் குறிப்பிடத்தக்கதும், மிகப்பெரிய வெற்றியைப் பெற்றதுமான Google Discover பற்றிப் பார்ப்போம். Image Credit

Google Discover

கூகுள் நிறுவனம் 2018 ம் ஆண்டு செப்டம்பர் மாதம் Google Discover சேவையை அறிமுகப்படுத்தியது.

மொபைலில் கூகுள் செயலியைப் பார்க்கும்போதோ, க்ரோம் உலவியைப் பயன்படுத்தும்போதோ மற்ற தளங்களின் செய்திகளைக் காண முடியும்.

இவ்வாறு நமக்குத் தெரியும் செய்திகளே Google Discover என்று அழைக்கப்படுகிறது.

மொழி வாரியாக நம்மால் தேர்வு செய்ய முடியும். அதாவது தமிழ் மொழியைத் தேர்வு செய்தால், தமிழ் செய்திகள் தொடர்பான தளங்களைப் பரிந்துரைக்கும்.

இது போன்று நம் விருப்ப மொழியைத் தேர்வு செய்து கொள்ளலாம்.

அதே போல நம் விருப்பங்களையும் தேர்வு செய்யலாம், பிடிக்காதவற்றை, தளங்களைத் தடை செய்ய முடியும்.

கூகுள் தேடுதலில் நாம் என்ன தேடுகிறோம் என்பதை வைத்தும் நமக்கு பரிந்துரை கட்டுரைகள் வரும்.

எடுத்துக்காட்டுக்கு, What is API / மேகக் கணினி / Best Audio System என்பது போலத் தேடினால், இது தொடர்பான கட்டுரைகள் வரும்.

Google News

Google News போலவே Google Discover ல் ஒரு செய்தித்தளத்தின் லிங்க் வந்தால், மிகப்பெரியளவில் ஹிட்ஸ் கிடைக்கும்.

இத்தளத்தை பில்லியனில் படிப்பதால், ஆங்கிலம் என்றால், ஏராளமான வாய்ப்பும், மொழி வாரியாக இருந்தால், அதற்குண்டான வாய்ப்பும் கிடைக்கும்.

தமிழ் தளங்களுக்கு எப்போதுமே அதிக வரவேற்பு இணையத்தில் உள்ளது. எனவே, Google Discover / Google News ல் வந்தால், கிடைக்கும் ஹிட்ஸ் தாறுமாறாக இருக்கும்.

பெரிய தளங்களுக்கு ஒரு நாளைக்கு 1 – 5 லட்சம் வருகை என்பது சாதாரணம்.

இதன் மூலம் கிடைக்கும் விளம்பர வருவாய் அபரிமிதமானது. இதன்காரணமாக Google Discover ல் வருவது என்பது ஒரு தளத்துக்கு முக்கியமானது.

ஏதாவது பிரச்சனையால் ஒரு தளம் கூகுளால் தடை செய்யப்பட்டால், அதனால் ஏற்படும் இழப்பு மோசமானது.

Click Bait

Click Bait என்றால், என்னவென்று உங்களுக்குத் தெரியும், தெரியவில்லை என்றாலும் தொல்லையை அனுபவித்து இருப்பீர்கள் .

ஒன்றுமே இல்லாத கட்டுரைக்குப் பரபரப்பு தலைப்பு வைப்பது (சுளீர், பளீர், அதிரடி, பகீர் தகவல், பரபரப்பு, கலவரம் வெடித்தது, மிரட்டல், திணறல்).

YouTube ல் வட்டம், அம்புக்குறி எல்லாம் போட்டு ஈர்ப்பார்கள். நம்மவர்களும் ஏமாந்து குவிவார்கள், அவர்களுக்கு விளம்பரத்தின் மூலம் இலாபம்.

ஆங்கிலம் தான் படிக்கிறேன். தமிழ் தளங்களின் மேற்கூறிய திருட்டுத்தனங்களால் வெறுப்பாகி Disover தமிழ் செய்திகளைப் படிப்பதில்லை.

ஆங்கிலத்திலும் Click Bait உண்டு ஆனால், தமிழ் தளங்கள் அளவுக்கு மோசமில்லை, அவ்வாறு தோன்றினால் அத்தளத்தை எளிதாக தடை செய்து விடலாம்.

Desktop Version

இதுவரை மொபைலில் மட்டுமே இருந்த Discover தற்போது Desktop Version லும் வரப்போவதாகக் கூறப்படுகிறது.

கூகுள் தேடல் தளத்தின் சிறப்பே அதன் எளிமை தான். 25 ஆண்டுகளுக்கு மேலாக ஒரே வடிவமைப்பில் இருக்கும் ஒரே தளம் https://www.google.com/ மட்டுமே!

இதன் எளிமைக்குப் பல கோடி ரசிகர்கள் உள்ளனர்.

Discover இதில் வந்தால், இதன் எளிமையான வடிவமைப்பு (கீழ் பகுதி) மாற்றம் பெறும். எனவே, இதற்கு எதிர்ப்புகள் எழலாம் என்று கூறுகிறார்கள், உண்மையே!

இம்மாற்றத்தை இந்தியாவில் தான் முதலில் செயல்படுத்தப் போகிறார்கள். இதன் வரவேற்பைப் பொறுத்து மற்ற நாடுகளிலும் விரிவு படுத்தப்போகிறார்கள்.

Desktop ல் செயல்படுத்தினால், தளங்களுக்குக் கிடைக்கும் வரவேற்பு (ஹிட்ஸ்) கூடுதலாக இருக்கும் என்பதால், ஆர்வமுடன் பலர் உள்ளனர்.

Microsoft Edge ல் ஏற்கனவே இவ்வசதியுள்ளது.

Google News தளத்தில் பின்தொடர விரும்பினால் —> Google News giriblog

இத்தள கட்டுரைகள், செய்திகள், தொழில்நுட்பத் தகவல்கள் ஆகியவற்றை எளிதாகப் பெற –> giriblog WhatsApp Channel

The post Google Discover என்றால் என்ன? appeared first on giriblog.

State Back Of India நிறுவனம் 5% தள்ளுபடியில் அறிமுகப்படுத்திய SBI Cashback Credit Card எப்படி உள்ளது என்று காண்போம். Image Credit

SBI Cashback Credit Card

SBI வங்கி நிறுவனம் ஏராளமான கடனட்டைகளை அறிமுகப்படுத்தியதில் SBI Cashback Credit Card முக்கிய இடம் பிடித்தது.

காரணம், இதன் 5% தள்ளுபடி அறிவிப்பு.

இணையத்தில் என்ன வாங்கினாலும் 5% தள்ளுபடி என்ற அறிவிப்பை வெளியிட்டது, கிரெடிட் கார்டு பயன்படுத்துபவர்களிடையே பரபரப்பை ஏற்படுத்தியது.

எனவே, இந்த அட்டையை வாங்கப் பலரும் ஆர்வம் காட்டினார்கள்.

ஆனால், அறிமுகப்படுத்திய சில மாதங்களில் Devalution செய்து எந்தத் தனித்தன்மையும் இல்லாதவாறு ஆக்கி விட்டது.

எவ்வாறு பெறுவது?

• வங்கியில் விண்ணப்பிக்கலாம்.
• SBI இணையத்தில் விண்ணப்பித்துத் தகுதியானவர் என்றால், விண்ணப்பம் ஏற்கப்பட்டு கிரெடிட் கார்டு அனுப்பி வைக்கப்படும்.
• இணைவதற்கு ₹999+ GST கட்டணம்.
• ஆண்டுக்கட்டணம் ₹999+ GST.
• ஆண்டுக்கு ₹2 லட்சம் செலவு செய்தால், ஆண்டுக் கட்டணம் ரத்து செய்யப்படும்.

இணையத்தில் விண்ணப்பித்தே பெற்றேன். விண்ணப்பம் ஒப்புதல் அளிக்கப்பட்டது எளிதாக இருந்தது ஆனால், அட்டையைப் பெறுவதற்கு வாழ்க்கையில் இதுவரை அடையாத மன உளைச்சலை அடைந்து விட்டேன்.

Read : கொலை வெறியாக்கிய SBI

பயன்கள் என்ன?

இணையம் வழியாகச் சேவையை, பொருளைப் பெற்றால் 5% தள்ளுபடியுண்டு.

POS இயந்திரம் வழியாகச் செலவு செய்தால், 1% தள்ளுபடி.

Cashback ல் கிடைக்கும் தொகை அடுத்த மாத கட்டணங்களில் கழித்துக்கொள்ளப்படும்.

Cashback மொத்தமாகக் குறிப்பிடப்படுகிறது. ACE AXIS Credit Card போலத் தனித்தனியாக விவரங்களைக் கொடுத்தால், புரிந்து கொள்ள எளிதாக இருக்கும்.

கட்டுப்பாடுகள் என்ன?

ஒவ்வொரு மாதமும் அதிக பட்சம் (cap) ₹5,000 தள்ளுபடி பெற முடியும். முன்பு ₹10,000 என்று இருந்தது.

Devalution செய்ததில் Domestic Lounge உட்படப் பல சலுகைகள் நீக்கப்பட்டு விட்டன.

எவை நீக்கப்பட்டன?

• Gold/Jewelry Purchase
• Insurance Premium payment
• Fuel
• Utility Bill Payments
• Educational Services
• IRCTC
• EMI transactions or purchases converted to EMI
• Rental Payment
• Wallet loading transactions
• Govt fees

சாதாரண மக்கள் பெரும்பாலும் மேற்கூறிய செலவுகளையே செய்வார்கள். மேற்கூறியதில் பெரும்பாலானவை துவக்கத்தில் Cashback அனுமதிக்கப்பட்டு இருந்தது ஆனால், Devalution க்கு பிறகு இவை தவிர்க்கப்பட்டு விட்டது.

பரிந்துரை என்ன?

குறைந்த பட்சம் ஆண்டுக்கட்டணம் செலுத்துவது Cashback லையே கிடைத்து விட வேண்டும். ஆண்டுக்கட்டணம் கட்டும் அளவுக்குக் கூட (₹999+ GST) Cashback வரவில்லை என்றால், பயன்படுத்துவது வீண்.

எனவே, என்ன வகையான செலவுகளைச் செய்கிறீர்கள் என்பதைப்பொறுத்து இந்த அட்டையை வாங்கலாம்.

துவக்கத்தில் மிக ஆர்வமாக வாங்கினேன் ஆனால், Devalution செய்த பிறகு கடுப்பாகி ரத்து செய்து விடலாம் என்று முடிவு செய்தேன்.

இந்த ஆண்டு முடியும் வரை பயன்படுத்துவோம், ₹999 Cashback வரவில்லையென்றால் ரத்து செய்து விடுவோம் என்ற முடிவிலிருந்தேன்.

ஆனால், இன்னும் நான்கு மாதங்கள் உள்ளது. இந்த வருடத்துக்கான ஆண்டுக்கட்டண தொகைக்கு மேல் ₹600 Cashback இதுவரை பெற்று விட்டேன்.

எனவே, ரத்து செய்யும் முடிவைக் கை விட்டு விட்டேன்.

இந்த ஆண்டு ஒரு தேர்வு எழுதியதற்கும், இத்தள Hosting மாற்றியதுக்காகவும் செலவு செய்ததில் ₹1250 வரை Cashback பெற்றேன்.

எனவே, சுற்றுலாவுக்காக இணையத்தில் முன்பதிவு செய்பவர்கள், Swiggy, Zomato மற்றும் இணையம் தொடர்பான பரிவர்த்தனை செய்பவர்கள் இதை வாங்கலாம்.

Devalution ல் குறிப்பிடப்பட்டுள்ள செலவுகளை மட்டுமே செய்பவர்கள் தவிர்த்து விடலாம், பயனில்லை.

எப்போதும் ஒன்றை மனதில் நிறுத்துங்கள்.

கடனட்டைக்கு ஆண்டுக்கட்டணம் இருந்தால், ஆண்டுக்கட்டணத்தை விடக் கிடைக்கும் Cashback அதிகம் என்றால் மட்டுமே பயன்படுத்த வேண்டும்.

இல்லையேல் நட்டமே! எனவே, அக்கடனட்டையை ரத்து செய்வதே நல்லது.

தொடர்புடைய கட்டுரை

Credit Card Devaluation என்றால் என்ன?

இத்தள கட்டுரைகள், செய்திகள், தொழில்நுட்பத் தகவல்கள் ஆகியவற்றை எளிதாகப் பெற –> giriblog WhatsApp Channel

The post SBI Cashback Credit Card Review appeared first on giriblog.

தேர்தல் நேரங்களில் தனித்தொகுதி பொதுத்தொகுதி பற்றிய செய்திகள் வரும் ஆனால், அதற்கான முழு விவரங்கள் தெரியாமல் இருக்கலாம்.

அவை என்னவென்று காண்போம். Image Credit

தனித்தொகுதி

சட்டமன்ற, பாராளுமன்ற, உள்ளாட்சித் தேர்தல் நடக்கும் போது பட்டியலின மற்றும் பழங்குடியின மக்கள் மட்டும் போட்டியிடுவதற்காக ஒதுக்கப்படும் தொகுதி தனித்தொகுதி எனப்படும்.

இத்தொகுதிகளில் இவர்கள் மட்டுமே போட்டியிட முடியும், மற்றவர்கள் போட்டியிட அனுமதியில்லை.

பட்டியலின, பழங்குடியின மக்களுக்கு முக்கியத்துவம் கொடுக்கப்பட வேண்டும் என்ற நோக்கத்தில் இம்முறை கொண்டு வரப்பட்டது.

10 ஆண்டுகளுக்கு ஒரு முறை அல்லது அறிவிக்கப்பட்ட காலத்தில் இத்தொகுதிகள் மாற்றப்படும்.

தமிழகச் சட்டமன்றத் தேர்தலில் 46 இடங்கள் தனித்தொகுதிகளாகும். 44 இடங்கள் பட்டியலினத்தவருக்கு, 2 இடங்கள் பழங்குடியினத்தவருக்கு.

பாராளுமன்றத்தேர்தலில் 7 இடங்கள் தனித்தொகுதிக்கு ஒதுக்கப்பட்டுள்ளன.

பொதுத்தொகுதி

மேற்கூறிய கட்டுப்பாடுகள் எதுவும் இல்லாமல், மற்ற சாதியினர், பட்டியலின, பழங்குடியினத்தவர் உட்பட அனைவரும் போட்டியிடும் இடங்களே பொதுத்தொகுதி என்று அழைக்கப்படுகிறது.

அனைவரும் போட்டியிடலாம் என்றாலும், பட்டியலின, பழங்குடியின மக்களைப் பொதுத்தொகுதியில் போட்டியிட அரசியல் கட்சிகள் அனுமதிக்க மாட்டார்கள்.

இத்தொகுதிகளும் குறிப்பிட்ட காலங்களுக்கு ஒரு முறை மாற்றியமைக்கப்படும்.

திமுக ராசா, திருமாவளவன் போன்றோர் முக்கியத்தலைவர்களாக இருந்தாலும், அவர்களுக்கு பொதுத்தொகுதியில் போட்டியிட வாய்ப்பு வழங்கப்படவில்லை.

பெண்களுக்கான 33% இட ஒதுக்கீடு

பெண்களுக்கான 33% இட ஒதுக்கீடு மசோதா லோக்சபா ராஜ்யசபா மூலம் பாஜக நடுவண் அரசு நிறைவேற்றியது.

இதற்கு ஜனாதிபதி முர்மு அவர்களும் ஒப்புதல் அளித்தார்.

பெண்களுக்கான இட ஒதுக்கீடு நிறைவேற்றப்பட்டாலும், செயல்படுத்துவது எளிதல்ல. காரணம், அனைவரின் ஒத்துழைப்போடு நிறைவேற்றப்பட வேண்டிய முறை.

நடுவண் அரசு மட்டுமே முடிவு செய்து விட முடியாது.

காரணம், முக்கிய ஆண் தலைவர் போட்டியிடும் தொகுதியைப் பெண்கள் தொகுதியாகவே அறிவித்தால், இதுவரை போட்டியிட்ட ஆண் தலைவர் அங்குப் போட்டியிட முடியாது.

என்ன சிக்கல்?

ஒருவரைப் பழிவாங்க வேண்டும் என்றே ஒரு முக்கியத்தொகுதியைப் பெண் தொகுதியாக அறிவித்துவிட வாய்ப்புள்ளது.

எடுத்துக்காட்டுக்கு, எங்கள் கோபி தொகுதியில் அதிமுக செங்கோட்டையன் அவர்களே பல காலமாக நின்று வெற்றி பெற்று வருகிறார்.

1996 தேர்தலில் மட்டுமே தோல்வியடைந்தார்.

தற்போது வரை இவருக்குப் பெரிய ஆதரவு உள்ளது. அது சாதி ரீதியாகவும், மண்ணின் மைந்தன் என்ற அளவிலும் உள்ளது.

இத்தொகுதியைப் பெண் வேட்பாளர் தொகுதியாக அறிவித்து விட்டால், செங்கோட்டையன் அரசியல் வெற்றி கடினமாகி விடலாம்.

வேறு பக்கத்துத் தொகுதியில் நின்று வெற்றிபெறலாம் ஆனால், உறுதியில்லை. எனவே, இது போன்ற அரசியல் சிக்கல்கள், எதிர்ப்புகள் கட்சிகளிடையே உள்ளன.

எனவே தான், இட ஒதுக்கீடு நிறைவேற்றப்பட்டாலும், செயல்படுத்த அதிக காலம் எடுக்கும் என்று கூறப்படுகிறது.

இவையே தனித்தொகுதி பொதுத்தொகுதி பெண்கள் தொகுதிகளில் உள்ள சிக்கல்.

காத்திருக்க வேண்டிய அவசியமில்லை!

பெண்களுக்கான 33% இட ஒதுக்கீடு முறையை வேண்டும் என்றே நடுவண் அரசு தாமதம் செய்கிறது! என்று எதிர்க்கட்சிகள் கூக்குரலிட்டு வருகின்றன.

இவை உள்நோக்கம் கொண்ட அரசியல் விமர்சனம் என்பது, விஷயம் தெரிந்தவர்களுக்குப் புரியும்.

காரணம், எந்தவொரு கட்சியும் சட்டம் நிறைவேற்றப்படுவதற்காகக் காத்து இருக்க வேண்டியதில்லை. தற்போதே தங்கள் கட்சியில் பெண்களுக்கான 33% இட ஒதுக்கீடு முறையைச் செயல்படுத்தலாம்.

இது கட்சி முடிவு மட்டுமே! சட்டம் வந்தால் கட்டாயம் ஆனால், அதே ஒரு கட்சி முன்னரே செயல்படுத்த எந்தத் தடையுமில்லை.

எனவே, கட்சிகள் விருப்பப்பட்டால், பட்டியலின, பழங்குடியின மக்களையும், பெண்களையும் அதிகளவில் பொதுத்தொகுதியில் நிறுத்தலாம்.

இத்தள கட்டுரைகள், செய்திகள், தொழில்நுட்பத் தகவல்கள் ஆகியவற்றை எளிதாகப் பெற –> giriblog WhatsApp Channel

The post தனித்தொகுதி பொதுத்தொகுதி என்றால் என்ன? appeared first on giriblog.