За разлика од остатокот од светот, во Европа сегментот на мали компактни автомобили е исклучително популарен, поради што и конкуренцијата е огромна. Со оглед на популарноста, производителите нудат и перформансни модели во компактниот сегмент, а таков е случајот и со Ford, Volkswagen и Hyundai, меѓу другите, чии адути Fiesta ST, Polo GTI и i20 N кои уживаат голема популарност кај купувачите.

Перформансните спецификации на трите автомобили во оваа интересна драг трка не истакнуваат јасен победник, иако трите модели се со погон на предните тркала. Hyundai i20 N има 1,6-литарски турбо четирицилиндричен мотор кој испорачува 206 КС и 275 Nm максимален вртежен момент во комбинација со шестстепен мануелец. Fiesta ST користи 1,5-литарски турбо трицилиндричен мотор кој испорачува 202 KС и 290 Nm и исто така има шестстепен мануелен менувач. Polo GTI под хаубата има 2,0-литарски турбо четирицлиндричен агрегат кој има моќност од 202 КС и 320 Nm максимален вртежен момент.

The post Викенд тарифа: Fiesta ST, Polo GTI и i20 N во мини хот хеч битка appeared first on AVTOPLUS.mk.

Иако постоеја недоумици околу иднината на Porsche 718 околу тоа дали ќе стане целосно електричен, ќе ги задржи своите конвенционални мотори или ќе биде комбинација од двете, сега се чини дека сето тоа е разрешено. Имено, 718 се подготвени да бидат целосно електрични модели од 2024 година и ќе добијат футуристички дизајн и технологии.

Според извештаите на Car and Driver, кој се повикува на анонимни извори од Porsche, германскиот производител се подготвува за електричната иднина, а 718 веќе беше најавен со Mission R концептниот автомобил, кој јасно ги покажува намерите на дизајнерскиот тим на Porsche и тоа што истиот планира за престојниот модел.

Дизајнерскиот стил на возилото ќе остане слично со актуелниот модел, но ќе добие предница слична на Taycan со широки фарови. Внатрешноста ќе биде пофутуристичка во однос на актуелната верзија со цел да ги привлече купувачите на најважните пазари.

Пуристите можеби нема да се согласат со тоа што малиот спортски автомобил ќе добие тежок електричен погон, но Porsche бара начини како да го задржи возилото што е можно полесно со таргетирана тежина од 1.651 килограми. Тоа и понатаму е 272 килограми повеќе од 718 Cayman, но е речиси 450 килограми помалку од Taycan.

Овие заштеди ќе бидат достигнати благодарение на целосно новата електрична платформа која е многу повеќе од скратената PPE платформа. Споделувањето на некои компоненти со другите модели ќе го направи моделот поприфатлив за производство. Моделот ќе го задржи своето име, заедно со поинската цена во однос на 911. Дури и ако ценат порасне во споредба со моделот со мотор на внатрешно согорување, тоа нема да биде драстично.

Porsche работи на надминување на сите пречки

Опсегот на движење се уште не е познат, но 400 километри е минималната цел. Напојувањето исто така не е конечно, но ќе биде автомобил со погон на задните тркала како стандард, а како опција ќе се нуди и верзија со два електромотори за погон на сите четири тркала. Истиот извештај вели и дека моделите со поголема моќност ќе бидат конкурентни на 911, но од Porsche не се загрижени бидејќи двата автомобили ќе бидат особено различни.

За разлика од 718, кој ќе биде достапен во Boxster и Cayman изведба, во извештајот стои дека Porsche 911 би можел да го задржи моторот на внатрешно согорување и во следната деценија, без да добие и хибридна технологија.

Извршниот директор на Porsche, Оливер Блуме, имаше голема резервираност околу тоа дали технологијата ќе биде компатибилна за производство на ваков тип на електрични спортски автомобили, но компанијата јасно работи да ги надмине потенцијални пречки. Во секој случај, новиот и електричен Porsche 718 се очекува да пристигне во 2024 година, а ќе биде интересно да се види дали производителот ќе успее да ги пресретне овие рокови.

The post Porsche 718 станува целосно електричен модел appeared first on AVTOPLUS.mk.

Mercedes-AMG E63 S добива перформанси на ниво на суперавтомобил благодарение на тјунерската компанија Manhart. Германската куќа го претстави моделот Manhart ER 800 кој ќе биде произведен во ограничен број од само пет единици. Како што може да се забележи, понудата на Manhart е базирана на E63 S моделот пред фејслифтот, но истите унапредувања можат да се направат и на поновиот модел, бидејќи двата автомобили се опремени со 4,0-литарскиот битурбо V8 мотор на AMG.

Овој мотор во својата оригинална верзија испорачува 612 КС и 850 Nm максимален вртежен момент, а моќноста се испраќа на сите четири тркала преку AMG Speedshift деветстепениот менувач со двојна спојка и 4Matic+ системот.

Благодарение на унапредените турбополначи, новите карбонски отвори за воздух, спортскиот „даунпајп“ со 300-ќелиски каталитички конвертери и ремапирањето на ECU единицата, моќноста е зголемена на 809 КС и импресивни 1.070 Nm максимален вртежен момент.

Со цел подобро да се справи со толкава моќ, Manhart исто така ги унапреди и сопирачките со карбон-керамички дискови со големина од 405 милиметри напред. Исто така спуштен е воздушниот систем на потпирање за 20 милиметри преку прилагодување на софтверот.

Препознатлив изглед на екстериерот

Како и секој модел на Manhart, така и ER 800 го доби препознатливиот третман со златни графики на црната каросерија и специјално направената црна решетка. Изгледот е комплетиран со сет на мат црни 21-инчни Classic Line тркала обложени со перформансни пневматици со големина од 255/30 ZR21 напред и 295/25 ZR21 назад.

За да го претворите вашиот Mercedes-AMG E63 S во Manhart ER 800 перформансниот кит за моторот чини 17,999 евра, додека карбонските отвори за воздух чинат дополнителни 4.630 евра. Ова се однесува за најмоќната верзија, бидејќи Manhart нуди и поевтини опции со помала моќност користејќи го MHtronic модулот.

Издувниот систем чини 8.499 евра, плус 2.899 евра за „даунпапјп“ цевките и 700 евра за карбонските или керамички издувни цевки. За поспортски изглед потребно е да се доплатат 8.200 евра за тркалата, 999 евра за налепниците, 595 за црната обвивка на решетката и 355 евра за спуштањето на воздушниот систем на потпирање.

The post Manhart ER 800 е Mercedes-AMG E63 S на стероиди appeared first on AVTOPLUS.mk.

Најновиот концепт за електричен спортски автомобил го носи името Aura и пристигнува од Велика Британија. Засега, овој модел е само прототип, но е целосно функционален и оперативен, како и легален за користење на патиштата. Возилото кое е создадено од страна на Astheimer, Potenza Technology, BAMD Composites, Conjure и Spark EV, е дизајнирано за да ја предвиди иднината на возачките автомобили, наспроти автономните возила. Изработен е од одржливи материјали и има мошне минималистички и едноставен дизајнерски јазик.

Во производството се користени композити од природни влакна кои се подеднакво лесни и одржливи и се формирани користејќи компјутациски флуидни динамики, со што Aura е мошне аеродинамично ефикасен автомобил. Задните тркала исто така се прекриени со цел за дополнителна аеродинамика.

Деталите, вклучително и димензиите на концептот, не се објавени, но е очигледно дека станува збор за компактно возило кое се одликува со пар 44 kWh батерии. Првата батерија е лоцирана на подот на автомобилот, додека втората е поставена под хаубата. Наводно, Aura може да помине до 643 километри со едно полнење.

Во кабината на електричниот спортски автомобил се наоѓаат уште неколку други интригантни карактеристики. На пример, тука е напредниот Human-Machine Interface (HMI) со 3D визуелизација која овозможува „фидбек“ во реално време за аеродинамичните перформанси на возилото. Автомобилот исто така користи и уникатен управувач со голем само-центрирачки екран. Главната мисија на инфозабавниот систем на возилото е да покаже дека навикнувањето на електричните возила е многу попристапно отколку што луѓето мислат.

Засега не постојат планови за масовно производство на Aura.

The post Aura е уникатен ЕВ концепт на неколку британски компании appeared first on AVTOPLUS.mk.

За време на годинешното издание на Monaco Yacht Show, компанијата Brabus го претстави својот 900 Rocket Edition за кој вели дека е „најбрзиот SUV на светот кој е легален на улиците“, кој достигнува максимална брзина од 330 километри на час. Brabus ќе направи само 25 примероци од 900 Rocket Edition кој е базиран на Mercedes GLE Coupe, а цените ќе стартуваат од 381.243 евра.

Почнувајќи од моторот, битурбо V8 единицата сега има поголема запремнина која изнесува 4.407 цм3. Модификациите вклучуваат нови турбо полначи, поголеми ковани клипови, подолги клипни прачки, нова радилица, пумпи за висок притисок, поголем даунпајп и голем број на софтверски унапредувања. Благодарение на ова, агрегатот испорачува импресивни 900 КС и максимални 1.250 Nm, иако оваа бројка е ограничена на 1.050 Nm максимален вртежен момент со цел да се заштити погонот. Моќноста се испраќа на сите четири тркала преку 4Matic+ системот преку деветстепен автоматски менувач.

Спринтот од нула до „стотка“ се стигнува за 3,2 секунди, според Brabus. Ако ова се искомбинира со максималната брзина од 330 километри на час, тогаш новиот 900 Rocket Edition, барем на хартија, е значително побрз од моделите како Bentley Bentayga Speed, Lamborghini Urus, Porsche Cayenne Turbo GT и било кој друг перформансен SUV достапен на пазарот.

Модификации и на екстериерот

Со цел да се достигне ова, потребно автомобилот да биде опремен и со 23-инчните Brabus Monoblock Y Platinum Edition тркала, кои се обложени во Continental пневматици, а не со 24-инчните Brabus Monoblock Z Platinum Edition кои се прикажани на фотографиите.

Brabus исто така додаде и сопствено контролен модул во воздушниот систем на потпирање, спуштајќи го автомобилот за 25 милиметри. За сопирањето се задолжени вентилирачките и карбон-керамички диск кочници со димензии од 400 милиметри напред и 360 милиметри назад.

Кога станува збор за дизајнот, Brabus 900 Rocket Edition се одликува со компоненти од откриен карбон, вклучително нова решетка, преден сплитер, екстензии на крилата, троделен заден сполер, дифузер и дополнителен трим за отворите за воздух. Издувниот систем од нерѓосувачки челик има четири титаниумски/карбонски издувни цевки со активно менаџирање на звукот.

Во внатрешноста Brabus го опреми овој SUV со фин кожен тапацир кој може да се добие во било која боја во комбинација со Алкантара, племенито дрво и карбон.

The post Brabus 900 Rocket Edition е најбрзиот SUV на светот appeared first on AVTOPLUS.mk.

Кон почетокот на оваа година Nissan ја претстави целосно новата генерација на Qashqai, а сега новата итерација на најпродаваниот кросовер во Европа пристигна и во Македонија. Новиот Qashqai се одликува со новиот дизајнерски јазик на Nissan, а новина се и обновените електрифицирани погони.

Поостриот и мускулест дизјан на екстериерот веднаш паѓа во очи, а особено се истакнува предниот дел со V-Motion решетката околу која се наоѓаат тенките LED Matrix фарови со новите дневни светла во форма на бумеранг. Атлетската става на кросоверот е дополнета со тоа што за првпат Nissan ќе го понуди моделот и со 20-инчни тркала, а во однос на претходната генерација, новиот Qashqai e поголем во секој поглед, па така должината е 32 милиметри подолга, повисок е 25 милиметри, а меѓуосовинското растојание е продолжено за 20 милиметри.

Ентериерот е драстично променет во однос на претходно, носејќи едно поголемо, премиум чувство, а се истакнува и висококвалитетниот селектор на брзини и тактилни копчиња, заедно со унапредената технологија во возилото. Пред возачот се наоѓа голем 12,3-инчен инструментален кластер со висока резолуција, а како опција се нуди и 10,8-инчниот head-up екран кој е најголем во сегментот. Инфозабавниот систем функционира преку 9-инчниот екран на допир кој пристигнува со NissanConnect услуги.

Nissan Qashqai е првиот модел на јапонскиот производител во Европа кој ја користи новата CMF-C платформа, а тоа резултира и со 50 литри поголем багажник, заедно со унапредената задна суспензија. Задните врати се отвораат под агол од 90 степени, со што пристапот е драстично олеснет.

Електрифициран погон

Новата генерација на Qashqai е достапна со целосно електрифициран опсег на мотори, а вклучени се два благи хибриди, како и иновативниот e-Power самополнечки фул-хибрид погон на компанијата.

Опсегот започнува со благиот хибриден систем на 1,3-литарскиот DiG-T турбо четирицилиндричен мотор. Овој погон е достапен со две нивоа на моќност од 138 и 156 КС и се нудат во комбинација со шестепен мануелец или Xtronic CVT автоматски менувач. Погонот на четири тркала е достапен само во комбинација со автоматскиот менувач и со помоќната верзија.

E-Power системот користи 1,5-литарски бензин со варијабилна компресија и моќност од 154 КС, заедно со електромотор со моќност од 187 КС.

Новиот Qashqai пристигнува и со најновата верзија на ProPilot возачките асистенции на компанијата. За повеќе информации посетете го продажниот салон на Nissan во Македонија или официјалниот веб-сајт.

The post Новиот Nissan Qashqai пристигна во Македонија appeared first on AVTOPLUS.mk.

Пред помалку од една година Кен Блок ја заврши својата долгогодишна соработка со Ford, а сега американскиот возач стана нов соработник на германскиот гигант Audi. Еден од најпознатите шоумени во светот на автомобилизмот, кој стана познат благодарение на неговите снимки со брзинска забава и трикови и ја популаризираше Gymkhana, започнува нова фаза во својата кариера, потпишувајќи соработка со Audi. Двете страни потпишаа договор според кој Блок ќе биде еден од советниците на германската компанија во развојот на идните електрични возила.

Возачот го посети седиштето на Audi каде имаше шанса да тестира некои легендарни модели на брендот како што е Sport Quattro S1, V8 Quattro DTM и e-Tron Vision Gran Turismo.

„Audi е брендот кој ја запали мојата пасија за мотоспортот. Навистина сум екстремно возбуден што го стартувам ова ново поглавје. Заедно, ќе развиеме иновативни проекти и ќе ги поместиме границите во електричната мобилност“, изјави Блок, кој особено воодушевен беше од електричниот спортски автомобил на Audi.

„RS e-Tron GT навистина ме изненади. Дизајнот е одличен со огромно внимание на деталите и совршениот финиш. Возачкото искуство е фантастично – автомобилот е неверојатно брзо и има одлична управливост. Центарот на гравитација е мошне низок, па може брзо да се менува насоката“.

Ниту возачот, ниту Audi, не сакаат во моментов да откриваат повеќе детали околу тоа каква ќе биде улогата на Блок, или пак темата на проектите на кои во иднина ќе работи тој. Медиумите навестуваат дека Блок ќе биде тест возач за идните ЕВ модели на брендот, а нема дилеми дека со своите луди снимки повторно ќе направи вистинско шоу.

„Кен Блок ја споделува љубовта на Audi за перформансите. Тој има способност да инспирира луѓе. Со неговото прогресивно размислување, тој ќе не придружува на нашиот пат кон електрификациската иднина“, изјави шефот на Audi брендот Хенрик Вендерс.

The post Кен Блок е нов соработник на Audi за електрични возила appeared first on AVTOPLUS.mk.

Во поставата на легендарниот британски бренд MG доминираат SUV возилата. Сепак, компанијата која е во сопственост на кинескиот гигант SAIC јасно се обидува да донесе нешто ново и специјално во автомобилската сфера кога станува збор за концептите. Така, компанијата го лансира MG Maze, футуристички ЕВ концепт кој е инспириран од гејмингот и видео игрите.

Концептот е претставен од страна на SAIC Design кој е одговорен за сите модели во опсегот на MG. Проектот е креиран за време на пандемиските карантини, а мотото е едноставно – „Играта е важна. Откривањето е важно. Авантурата е важна“.

Дизајнот на екстериерот е инспирирано од страна на гејминг хардверот. Оттаму и големата стаклена површина која открива голем дел од внатрешните елементи. На истиот начин, шасијата која ги содржи електромоторот и менливата батерија е дизајнирана со plug-and-play стил. Графичката единица и централната процесирачка единица, како и вентилаторот за разладување се исто така видливи. Слично на најмодерните и најнапредните персонални компјутери.

Се на се, MG Maze има аеродинамична силуета, минимални надвиснувања, нагласено извајани преден и заден дел, проминентни аеродинамични карактеристики и големи тркала. Предниот дел направен целосно од поликарбонат се отвора нагоре откривајќи го подеднакво футуристичкиот ентериер со две седишта. ZERO Gravity дизајнот на седиштата вклучува и високотехнолошки материјал во пурпурна и розева боја.

Инспириран од гејминг културата и во потрага за реосмислување на мобилните видео игри за 21 век, MG Maze им овозможува на возачите да станат играчи во лов на богатство во реалниот свет. Конкретно, со користење на паметниот телефон и софистицираниот кориснички интерфејс кој го покрива целиот преден дел на автомобилот прикажувајќи 3D мапа и ред други работи, возачот ќе може да открива дигитални уметнички дела околу градот.

Со ова, SAIC Design верува деак ќе успеат да ја вратат забавата во возењето на електричните коли. Како што може и да се претпостави, MG Maze не најавува продукциски модел. Наместо тоа, функционира како дизајнерска студија инспирирајќи ги дизајнерите за далечната иднина.

The post MG се пофали со Maze, концепт инспириран од видео игри appeared first on AVTOPLUS.mk.

Новиот Ford Bronco неодамна ја започна својата авантура во Северна Америка и успеа да привлече сериозен интерес кај љубителите на вистинските теренци. Но, овој SUV на „Синиот овал“ засега е недостапен за европските купувачи, а иако првичните информации беа дека Ford Bronco нема да пристигне во Европа, сепак не значи дека тоа нема да се промени во блиска иднина. Имено, Џим Фарли, извршниот директор на американскиот гигант, смета дека Ford Bronco одлично би се снашол на Стариот континент.

Во разговор со Auto Express, Фарли истакна дека е оптимист околу тоа како Bronco би се снашол во Европа. „Со сигурност ќе успее. Ги гледам сите овие Defender модели наоколу и сигурен сум дека Bronco може да постигне успех. Мислам дека одлично ќе се снајде. Чекаме да видиме дали европскиот Ford (Ford of Europe) дали ќе одлучи дека го сака Bronco“.

Инаку, уште во 2019 година Ford го патентираше името Bronco во Канцеларијата за интелектуална сопственост при Европската унија, така што оваа опција дефинитивно останува отворена за „Синиот овал“.

Најновите информации од Фарли јасно сугерираат дека Ford размислува за тоа Bronco, кој првично е развиен во целост за северноамериканскиот пазар, да пристигне и во Европа, но најверојатно ќе биде достапен само за континенталниот дел од Европа, без пласман во Велика Британија.

Со ова, Ford Bronco ќе стане нов конкурент во сегментот на теренци покрај Jeep Wrangler, Land Rover Defender и некои други модели кои припаѓаат во овој малуброен сегмент. Во случај европскиот огранок на Ford да пресече дека сака да го пласира Bronco, тогаш овој модел би можел да се појави во Европа најверојатно во 2023 година.

The post Ford Bronco би можел да пристигне во Европа appeared first on AVTOPLUS.mk.

Со цел да го подготви за екстремните временски услови и издржливоста која е потребна за релито Дакар, Audi одлучи да направи серија тестови на својот RS Q e-Tron модел во Мароко. Тимот на германскиот производител се соочи со екстремни температури кои се повисоки од оние кои се очекуваат за релито Дакар кое ќе се одржи од 2 до 14 јануари следната година.

„Термометарот се искачи далеку над 40 степени во одредени моменти. Пустинските бури исто така правеа пречки за време на тестирањата. Покрај ова, како што може и да се очекува, некои нови проблеми се појавија за време на високите температури, кои постојано предизвикуваа прекини во тестирањето и требаше да бидат решени пред следните тестирања“, изјави Свен Квант, шефот на Q Motorsport.

Идејата зад овие тестови секако е да се доведе целосно електричниот SUV до своите крајни можности во Мароко.

„Погонот и останатите компоненти исто така беа доведени до крајни граници, па дури и над тоа пред се поради жештините. Информациите кои ги добивме во Мароко се мошне важни, но исто така ни покажуваат дека се уште имаме многу работа во пресрет на релито Дакар, а немаме многу време“, изјави Андреас Рус, шефот на фабричкото тркачко одделение на Audi Sport.

Како што се одвиваат овие тестови, Audi е во фаза на создавање на првото натпреварувачко возило. Audi RS Q e-Tron ќе се напојува со два електромотори кои Audi ги користи за своите Formula E болиди, а енергијата се извлекува од новоразвиената Audi Sport батерија која се напојува од TFSI мотор од DTM тркачот на Audi, кој служи како генератор.

Батеријата е развиена специјално за релито Дакар. „Се се врти околу оптималниот менаџмент на температурата и способноста да се извлече максимален перформанс од батеријата“, додадоа од Audi.

The post Audi со пустински тестови за RS Q e-Tron пред релито Дакар appeared first on AVTOPLUS.mk.

Targa е најуникатниот каросериски дизајн кој се нуди за Porsche 911, а италијанската каросериска компанија Ares Design сега ја претстави својата визија и новиот проект базиран на 992 Targa.

Ова не е првпат Ares Design да се занимава со Targa, а сега компанијата ја продолжува традицијата со изработката на прекрасни примероци, за што доказ е и овој фантастичен проект. На прв поглед, овој Porsche 911 Targa можеби не се разликува премногу во однос на стандардниот модел, но сепак италијанската компанија го претвори овој единечен примерок со специјално направен карбонски боди кит кој ја зголемува ширината на возилото за 8 сантиметри на предниот дел и 4 сантиметри на задниот, давајќи му поагресивна, но и поелегантна става на автомобилот.

Еден од највпечатливите елементи од новиот боди кит се сребрените отвори за воздух кои сега се поставени кај сводовите над предните тркала. Ares исто така додаде и сребрен трим на предниот браник и страничните прагови, кои совршено се совпаѓаат со сребрените ретровизори, сребрениот Targa покрив и сребрените тркала.

Компанијата исто така работеше и на кабината која е опремена со нов тапацир кој вклучува и лога на Ares Design поставени на потпирачите за глава. Со новата кожа се опфатени и контролната табла, панелите на вратите и управувачот, кој исто така го добива беџот на компанијата.

Промени се направени и на 3,0-литарскиот битурбо шестцилиндричен мотор кој сега испорачува дополнителни 60 КС, благодарение најмногу на додавање на спортски издувен систем.

Како единечен проект, од Ares истакнуваат дека оваа најнова креација е специјална нарачна за клиент, а цената не е откриена.

The post Ares Design подготви спектакуларен примерок на Porsche 911 Targa appeared first on AVTOPLUS.mk.

Во согласност со методологијата за утврдување на цените, РКЕ одлучи да ги намали малопродажните цени на горивата во нашата земја кои стапуваат на сила од ноќеска на полноќ, во просек за 0,25 проценти во однос на одлуката која беше донесена минатата недела.

Според ова, во следните седум дена бензините ќе се продаваат по истиот износ како и досега, додека дизелот поевтинува за денар и половина. Ова значи дека од 21 септември од 00:01 часот Еуродизел ќе се продава по цена од 62 денари по литар, додека цената на Еуросупер БС-95 изнесува 73, односно 75 денари за Еуросупер БС-98.

„Кај крајната цена на дизелот има намалување како последица на анулирање на дополнителната акциза за дизелот од 2 на 0 денари за литар. Во првите две недели од месецот заклучно со 15 септември регистриран е раст на берзанската цена на дизелската фракција која служи како основа за пресметка на малопродажната цена на дизелот. Растот на берзата е поголем од 600 USD/ton, со што се исполнува условот да не се пресметува дополнителната акциза кај дизел горивото. Ние ги доставивме овие податоци до Министерството за финансии и Царинската управа, што всушност ни е законска обврска два пати во месецот да ги информираме за движење на берзанските цени на нафтените деривати за да знаат дали се пресметува дополнителната акциза или не“, изјави Марко Бислимоски, претседател на РКЕ.

The post РКЕ го поевтинува дизелот, бензинот останува ист appeared first on AVTOPLUS.mk.

Со најавената забрана за продажба на нови конвенционални возила на Островот, во Велика Британија се засилува електрификацискиот тренд. Така, се појавија неколку нови компании, меѓу кои и новата британска фирма Soventem која ја претстави својата визија за иднината, со два урбани модели кои се одликуваат со неконвенционален стајлинг. Двете електрични возила, едното со две, а другото со четири седишта, ќе бидат достапни за споделување и за приватно користење, а лансирањето е најавено за март 2024 година.

Soventem објави дигитални рендери за своите престојни модели. Целта на компанијата е да понуди нешто поинакво што луѓето ќе сакаат да го возат низ урбаните средини. Дизајнот на екстериерот кај двата модели се карактеризира со целосно покриени тркала кои се испакнати од аеродинамичната каросерија и големите gullwing врати. Првиот модел е двосед со централна возачка позиција, додека слично дизајнираниот втор ЕВ има поширока кабина со четири седишта.

Просторите за складирање кај двата ЕВ модели се на предната страна и на задниот дел за багажот на патниците. Белиот тапацир во ентериерот е комбиниран со портокалов заден дел на седиштата и дрвен трим. Двоседот има единечен екран кој има функција на инструментален кластер и инфозабавен дисплеј, додека верзијата со четири седишта има голем екран на допир на централната конзола и дополнителни таблети за задните патници.

Футуристичка технологија и ветувачки ЕВ перформанси

Управувачот има копчиња и екрани на самиот обрач. Кај двоседот со 1+ поставка, возачот ќе може го гледа лицето на возачот преку екран на задниот дел од седиштето, овозможувајќи полесна комуникација. Компанијата вели дека нивните возила се „поврзани со се и секаде“ и дека нивниот специјално развиен асистент наречен Lucy ќе го препознае секој возач/патник, ќе ги следи гласовните команди во нивниот мајчин јазик и ќе детектира контакти во блиски локации.

Како што пренесува Autocar, моделите ќе бидат развиени во MIRA технолошкиот парк во Варвикшајр, во соработка со израелската компанија REE која е специјализирана за ЕВ платформи и американската компанија Clearmotion специјализирана за системи за потпирање.

Иако засега нема информации за електричниот погон, компанијата вели дека моделите ќе нудат опсег на движење од околу 480 километри, а целосното полнење ќе трае помалку од пет минути. Електричните возила на Soventem ќе се одликуваат со „возење како на магичен тепих“, благодарение на воздушниот систем на потпирање и користење на голем број 3D печатени компоненти.

Роберто Парсон, основачот на Soventem, за британскиот магазин откри дека компанијата има намера да има максимално годишно производство од 3.000 автомобили, иако нивната цел е да бидат достапни.

The post Soventem ја предвидува електричната иднина со футиристички ЕВ appeared first on AVTOPLUS.mk.

Land Rover открива поглед зад сцените со бркотници во кои се вклучени нивните Range Rover Sport SVR модели. Во No Time To Die се вклучени неколку Range Rover Sport SVR модели финиширани во Eiger Grey со 22-инчни Narvik Black тркала од лесна легура и опционалниот Carbon пакет. Тие исто така се опремени со карбонската хауба обоена во боја на каросеријата и се избрани како совршени возила за „оф-роуд“ секвенците.

За време на бркотниците, Бонд го бркаат два SVR модели додека вози Toyota Land Cruiser Prado. Land Rover вели дека Range Rover Sport SVR кои се користени во филмот го имаат истиот специјално тјунираниот систем на потпирање како и продукцискиот модел.

Покрај двата Range Rover Sport SVR модели, во новиот No Time To Die филм се наоѓаат и Aston Martin Valhalla, Land Rover Defender, Aston Martin DBS Superleggera, Aston Martin DB5 и оригиналниот V8 Vantage.

The post Викенд тарифа: Зад сцените на No Time To Die со Range Rover appeared first on AVTOPLUS.mk.

Formula 1 тимот на Mercedes е подготвен да се согласи на поедноставување на моторната поставка од 2026 година со цел да го привлече VW во Formula 1. Ова го истакна шефот на Mercedes-AMG F1 тимот, Тото Волф, по состанокот меѓу тимовите околу новите регулативи за моторите.

Дискусијата вклучуваше членови на F1 менаџментот, официјални лица на FIA и претставници од постоечките и потенцијални производители на мотори, вклучително и Volkswagen.

Turbo-Hybrid Formula One моторната единица се користи од 2014 година. Истата вклучува два клучни системи, наречени MGU-H и MGU-K. Предложените поедноставувања вклучуваат отфрлање на MGU-H елементот од актуелните мотори. MGU-H (Motor Generator Unit -Heat) е она што ја рекуперира и ја складира енергијата во и од турбополначот. MGU-K е она што ја складира кинетичката енергија од сопирањето и ја испорачува до тркалата.

Со оглед на тоа што се повеќе производители се оддалечуваат од моторите со внатрешно согорување, новата моторна единица е клучот за Formula 1 да остане релевантна.

Според Motorsport, шефот на Mercedes F1 изјавил дека отстранувањето на MGU-H е компромис, но ќе биде направен ако помогне VW да влезе во Formula 1.

„Не можам да зборувам за другите, но во Mercedes, ние сме подготвени да направиме потег со цел да овозможиме влез на Volkswagen групацијата. Сепак, постојат уште неколку други теми за кои мора да се постигне компромис“.

Formula 1 останува со само три производители на мотори

Volkswagen групацијата наводно била застапена на дискусијата преку два свои бренда – Audi и Porsche. Formula 1 ја прифати хибридната технологија, но насочување кон целосно електричен погон, како што прават повеќето патнички автомобили, без дилеми ќе влијаат на сликата на спортот. Наместо тоа, најбрзиот циркус на планетата ја базира својата иднина на био горивата.

Оваа година болидите користат 5,75 процентна мешавина на био гориво, а оваа формулација ќе се зголеми до 10 проценти (Е10) следната година. Планот е да се пренасочат на трета генерација на био гориво, исто така позната како е-гориво, до 2030 година. Ваков потег би можело да го привлече Porsche, кој веќе експериментира со своја тркачка програма со е-гориво.

Porsche претходно покажа интерес за влез во Formula 1, а германската компанија дури направи и мотор кој се поклопува со регулативите од 2021. Се чини дека кога тие ја разгледувале можноста за влез, MGU-H уште еднаш се покажала како клучна точка за брендот од VW групацијата кој се надеваше дека компонентата ќе биде отфрлена од моторните единици.

Со оглед на тоа дека Honda ја напушта F1 на крајот од 2021, Formula 1 ќе остане само со три снабдувачи на мотор кои прават патнички автомобили – Mercedes, Ferrari и Renault. Red Bull ќе биде четвртиот производител на мотори, кој ќе ги презеде погоните на Honda, но останува нејасно како нивната технологија може да се пресели во продукциски модел.

The post Mercedes прави компромиси за да го привлече VW во Formula 1 appeared first on AVTOPLUS.mk.

Со цел полесно да одолеат на гребнатините во секојдневното возење, новите Dacia Sandero Stepway и Duster сега се опремени со посебна заштита на каросеријата за чија долготрајност е заслужна техниката за боење во маса.

Заштитата на каросеријата е всушност парче пластика која се вградува под предниот и задниот браник со цел шасијата да се заштити од секојдневно трошење. Но, овој елемент има и естетска функција. Благодарение на него, браникот делува попривлечно, а притоа Dacia смисли нов начин за изработка на заштитата на каросеријата од пластиката обоена во масата.

„Обоената заштита на каросеријата со текот на времето го менува својот изглед, а со техниката боење во маса и обезбедуваме долготрајност. Со посебниот дизајн на заштитата на каросеријата на новите Sandero Stepway и Duster сакавме да понудиме паметни и едноставни решенија со најдобар однос на цена и квалитет, но и да го задржиме привлечниот изглед. За да го достигнеме тоа, развивме ефикасни и еколошки свесни производни постапки“, изјави Санам, директорката на одделението за дизајн на бои и украсни елементи во Dacia.

Традиционалната постапка за изработка на заштитата на каросеријата се состои од два чекори. Пластичниот материјал, односно полипропиленот се вбризгува во калап со цел да се обликува. По ова, се фарба или се обложува со парче слободно обликувано парче метал со цел да го добие конечниот изглед.

Бојата никогаш нема да се промени

Меѓутоа, Dacia се одлучи за алтернативна метода на изработка. Новите Dacia Sandero Stepway и Duster сега можат да се пофалат со заштита на каросеријата која е претходно обоена во маса. Тоа значи дека пластичниот материјал од кој се изработува заштитата на каросеријата е офарбан пред обликувањето. За разлика од традиционално обоените заштити на каросериите, неговата боја никогаш не се менува.

„Дури и ако при боењето на надворешниот дел користите високо отпорни бои, треба да се има на ум дека ударите и гребаниците кои настануваат при секојдневното возење со текот на времето ќе го изменат изгледот на бојата или во целост ќе ја уништат. Со техниката за боење на овие делови во маса постигнуваме долготрајност на бојата“, додава Санам.

Евентуалните удари и гребаници на заштитата од каросеријата секако ќе остават трага, но таа трага ќе биде практично невидлива бидејќи нема да дојде до оштетување на бојата. Оваа производна постапка гарантира долготрајност на бојата на заштитата на каросеријата и го олеснува прилагодувањето на нејзиниот изглед. Новите заштити се подеднакво издржливи, не подразбираат дополнителни трошоци и делуваат многу поелегантно.

The post Dacia има тајно оружје против гребнатините appeared first on AVTOPLUS.mk.

Покрај сè што се пласира од маркетиншка гледна точка, марката Citroen е всушност еден од најискрените автомобилски брендови, возилата кои доаѓаат од овој производител содржат многу дух и уникатен каратер, а најмногу некои од најважните параметри за многу клиенти: практичност, удобност и вредност за вложените средства.

Ако го погледнете новиот Citroen C3 Aircross одзади, ќе се борите да ги пронајдете разликите од автомобилот што го заменува, минималната промена во графиката на светлосните склопови е единственото место каде е интервенирано. Но затоа предниот дел добива драстична преобразба која влева софистицираност во изгледот на автомобилот. Новобликуваните, потенки предни светла (стандардно во LED технологија) и пошироката решетка со поагресивен изглед го постигнуваат овој ефект, сепак тој е далеку од кросовер со најдобар изглед во сегмантот, но сигурно е еден од малкуте кои поседуваат карактер со уникатен стајлинг.

Голема пространост во ентериерот

Исто како и на екстериерот така и во внатрешноста промените се минимални и се изведени само на одредени места. Одговорните лица се воделе од поговорката која вели, „ако добро нема потреба да се преправа“. Во кабинскиот простор на C3 Aircross чувството е како да сте во дневна соба, поседува голем отворен простор дефиниран со прави агли и елементи кои го прават визуелно интересен. Citroen е особено горд на своите напредни седишта кои додаваат 15 мм во облогите и овозможуваа поголема удобност одколку кај конкурентите.

На многу начини, Citroen C3 Aircross е поблиску до MPV отколку кросовер, особено кога станува збор за понудата на просторот. Ова го прави еден од најпрактичните автомобили во својата класа за што е заслужен и двоспратниот багажен простор со капацитет од 410 литри.  Во највисокото ниво на опременост, со кое патем беше опремено тест возилото вграден е нов инфозабавен систем од 9 инчи, кој не само што изгледа далеку подобро, туку и има многу подобро време на реакција во однос на стариот систем, дополнително доаѓа со Apple CarPlay и Android Auto како стандард.

Разумен избор кај моторните опции

Кај C3 Aircross се нудат две моторни опции, бензинска и дизелска со две верзии на излезна моќност. Во нашиот случај функцијата на двигател му беше одстапена на тричилиндерскиот бензинец со турбо полнач кој од 1.2 литарска зафатнина развива 110 КС и преставува основа во моторизацијата. Овој агрегат се наметнува како разумен избор кој со својата работа и перформанси нуди доволно моќ за кросовер фокусиран на секојдневниот комфор. Силата ја пренесува кон предните тркала преку 6 степен мануелен менувач со изразено меко работење. Во целиот аранжман се вклопуваат и перформансите кои велат дека до 100 км/ч стигнува за 10,2 секунди, а максималната брзина на движење изнесува 183 км/ч.

Bо неколкудневното дружење возевме низ градски метеж и на отворен пат, а потрошувачката која ја измеривме во просек изнесуваше 7,1 литар на 100 изминати километри. Во делот на возните способности за моделот C3 Aircross може да се каже дека го прави токму тоа што од него се очекува да го направи на пат, ништо помалку и ништо повеќе од тоа. Удобноста е името на играта кога станува збор за управувањето, C3 Aircross е мек и предвидлив автомобил кој има за цел да го направи животот зад управувачот максимално лесен и опуштен.

Моделот C3 Aircross можеби не е најкул, но е исклучително практичен и непретенциозен автомобил. Како резултат на тоа, нуди нешто сосема искрено и уникатно што го прави посебен во преполниот и исклучително конкурентен сегмент.

Цена на тестираниот модел: 18.825 евра

Технички податоци за Citroen C3 Aircross PureTech 110 S&S Shine    

Citroen C3 Aircross  во Македонија

Повеќе информации во Автонова или на тел. (0) 30 93 011

Конкуренти:

СИТЕ ПРАВА ЗАДРЖАНИ-НИТУ ЕДЕН ДЕЛ, ТЕКСТ ИЛИ ФОТОГРАФИЈА НЕ СМЕЕ ДА СЕ РЕПРОДУЦИРА ИЛИ ДИСТРИБУИРА НА БИЛО КОЈ НАЧИН И НА БИЛО КОЈ ЈАЗИК БЕЗ ПРЕТХОДНА СОГЛАСНОСТ ОД РЕДАКЦИЈАТА НА АВТО ПЛУС. НОСИТЕЛ НА АВТОРСКИТЕ ПРАВА ВРЗ ТЕКСТОТ И ФОТОГРАФИИТЕ Е АМПТЕАМ ДООЕЛ.

The post Краток тест Citroen C3 Aircross: Невообичаено искрен appeared first on AVTOPLUS.mk.

Третата генерација на Citroen C3 доби фејслифт минатата година, додека C3 Aircross беше унапреден во 2021 со цел да остане конкурентен во својот сегмент. Но, сега француската компанија има нов C3 кој е наменет за Јужна Америка и Индија. Со должина од 3,98 метри и дизајн кој јасно е инспириран од SUV моделите, овој C3 ќе има јасна задача во интернационалниот развој на Citroen.

Меѓуосовинското растојание е 2,54 метри и е идентично со европската верзија, а она што привлекува најмногу внимание секако е дизајнот. Новиот C3 повеќе делува како кросовер, отколку хечбек, благодарение на високата хауба, пластичните заштитни облоги околу каросеријата, нагласените крила, алуминиумските странични плагови и покривните шини. Релативно високиот клиренс од 180 милиметри, во комбинација со добрата видливост и кратките надвиснувања, овозможуваат солидни перформанси во лесни „оф-роуд“ задачи и покрај тоа што автомобилот е со погон само на предните тркала.

Новиот C3 инкорпорира стилски елементи од остатокот на семејството на Citroen, како што се двојните фарови дизајнирани како продолжение на двојната шеврон решетка и црните А-столбови. Исто така нуди и голем број на опции за персонализација, вклучително и колоритни акценти на отворите за воздух, покривот, ретровизорите и страничните браници.

Комфорот и практичноста на прво место

Во внатрешноста, контролната табла делува модерно благодарение на комбинациите на бои, текстурата и препознатливите отвори за вентилација. На средина се наоѓа 10-инчниот екран на допир од инфозабавниот систем кој е најголем во сегментот и има целосна Apple CarPlay и Android Auto компатибилност и е комбиниран со целосно дигитален инструмент кластер зад препознатливиот управувач, додека возачот може да го полни својот телефон на три различни места преку USB портови.

Со оглед на тоа дека Citroen е насочен кон комфорот и практичноста, новиот C3 добива нови седишта со мека пена, голем простор за задните патници и голем број на места за складирање во кабината. Капацитетот на багажникот е 315 литри. Француската компанија не откри детали околу моторниот опсег на новиот C3.

Инаку, Индија наскоро ќе стане третиот најголем пазар на светот и Citroen кој влезе во оваа земја во 2019 година и го лансираше C5 Aircross во 2021, има амбициозни планови. Според извршниот директор на компанијата, Винсен Кобе, компанијата ќе лансира три интернационално насочени модели до 2024 година како дел од C Cubed програмата.

Новиот Citroen C3 ќе биде лансиран во првата половина на 2022 почнувајќи од Индија, а потоа ќе следуваат и јужноамериканските пазари.

The post Citroen ја покажа новата верзија на C3 appeared first on AVTOPLUS.mk.

Ford Fiesta добива сериозно освежување за 2022 година, а „Синиот овал“ подготви неколку новитети, при што сите варијанти на моделот добиваат визуелни подобрувања, стандардни LED фарови и уште повеќе технологии во ентериерот, а притоа ја задржува конфигурацијата со три врати, која продолжува да опстојува крај хечбекот со пет врати.

Покрај обичната Fiesta (Trend, Titanium), освежување добија и спортската ST-Line, авантуристичката Activе, чистокрвниот ST хот хеч, како и комерцијалната верзија на возилото. Седмата генерација на Ford Fiesta беше претставена во 2017 година и доби серија унапредувања во 2020 година, вклучително и благо-хибридниот EcoBoost мотор, конективност и неколку безбедносни карактеристики. Овојпат, Ford подготви фејслифт со цел да ја одржи Fiesta свежа и атрактивна во однос на конкуренцијата.

Забележливи промени

Како што е и вообичаено при унапредувањата на средина од животниот циклус, освежената Fiesta е инстантно препознатлива, но уште на прв поглед се забележителни промените на предниот дел. Новиот браник има значително поголема решетка и е обиколен со зголемени отвори за воздух. Секоја варијанта има уникатен изглед, а ST-Line и ST добиваат сличен спортски третман, додека Active го задржува кросовер изгледот и страничните прагови, како и дополнителни хромирани елементи.

Ford не ги прикажа „обичните“ Trend и Titanium варијанти кои добиваат сјајни хромирани рамки за решетката и помали странични отвори. Променетите LED фарови сега се стандардни низ целиот опсег, а како опција се нудат опционалните Matrix LED единици кои добиваат Glare-Free High Beam.

Профилот изгледа идентично покрај седумте нови дизајни за тркалата, вклучително 17 и 18-инчните фелни, како и двете нови бои за екстериерот (Boundless Blue и Beautiful Berry. На задниот дел, единствената разлика во однос на претходно се задните светла кои сега се опкружени со црна боја и опционалните LED со Premium Black надворешен финиш.

Кога станува збор за Vignale, кое е посебно, премиум ниво на моделот во заминување, сега е трансформиран во пакет кој може да се комбинира со Titanium, ST-Line и Active нивоата, покрај X варијантите.

Унапредување на внатрешноста

Во внатрешноста се наоѓа 12,3-инчен дигитален инструмент кластер кој ги менува боите и изгледот според селектираниот возачки режим. Кога станува збор за истиот, обичната Fiesta има Normal, Sport и Eco режими, со дополнителни Trail и Slipperu режими за Active, како и специјален Track режим за ST.

Осум-инчниот централен екран на допир го поседува унапредениот SYNC 3 инфозабавен систем кој добива навигација, гласовни команди, компатибилност со Apple CarPlay и Android Auto, како и новиот Rear Occupant Alert. Со користење на стандардниот FordPass Connect модел возачот може да го стартува, отклучи или заклучи автомобилот од далечина преку својот паметен телефон, а притоа има пристап до податоците за автомобилот. Ford исто така додаде и подлога за бежично полнење на централната конзола. Тука е и B&O аудио системот со 10 звучници и интегриран субвуфер, како и 575-ватен Digital Signal Processing Amplifier.

Безбедносната опрема е унапредена со додавање на Wrong Way Alert кој може да ви помогне да ги забележите No Entry знаците на автопатите со звучни и визуелни предупредувања. Меѓу остантите системи, тука се и адаптивниот темпомат со Stop & Go, информациски систем за слепа точка со Cross-Traffic предупредување, помош за одржување на сообраќајна лента, активен асистент за паркирање и систем за препознавање на знаци за брзина.

Само бензинци и благи хибриди во понудата

Опсегот на мотори стартува со 1,0-литарскиот турбо EcoBoost трицилиндричен мотор кој испорачува 100 КС. По ова следува електрифицираниот 1,0-литарски EcoBoost Hybrid со 48-волтна блага хибридна технологија кој е достапен со две системски моќности од 125 и 155 КС. Првиот може да се комбинира со шестстепен мануелец или седумстепен менувач со двојна спојка, додека вториот е достапен само со рачен менувач.

ST варијантата е опремена со унапредениот 1,5-литарски турбо EcoBoost трицилиндричен мотор од Puma ST. Моторот ги испорачува истите 200 КС, но со 320 Nm максимален вртежен момент. Моќноста се испраќа на предните тркала преку шестстепен мануелен менувач со помош на опционалниот Quaife механички диференцијал со ограничено пролизгување. Спринтот од нула до „стотка“ се достигнува за 6,5 секунди.

Покрај спортскиот боди кит, двојниот издув на дифузерот и 17-инчните тркала (како опција се нудат 18-инчни со темен Magnetite финиш), Ford исто така ја претстави и новата Mean Green боја за Fiesta ST. Во внатрешноста се наоѓаат сет ревидирани Performance седишта со подобра поддршка, интегрирани потпирачи за главата, премиум Sensico трим кој се одликува со црвени конци и 14-насочно подесување. Управувачот со рамно дно и карбонската фолија на контролната табла ја засилуваат спортската атмосфера во возилото.

Првите испораки на освежената Ford Fiesta се очекуваат на почетокот од 2022 година во Европа.

The post Освежената Ford Fiesta пристигнува со неколку новини appeared first on AVTOPLUS.mk.

Снабдувачите вообичаено не добиваат преголемо внимание за време на автомобилските салони. Таков беше случајот и со Continental, кој во сенка на сите збиднувања во Минхен минатата недела, го претстави својот концепт кој го доби името Ambienc3. Концептот е базиран на Volkswagen T2 и е опремен со иновативни и одржливи материјали како и најнови технологии.

Замислен за ерата на автономното возење, моделот се одликува со футуристички ентериер кој функционира како таканаречен „трет простор“ – веднаш по домот и канцеларијата – кој им овозможува на луѓето да работат или да се опуштат во него. Концептот има минималистички кокпит со правоаголен управувач, што се наметнува како најнова мода во автомобилската индустрија, како и дигитален инструмент кластер и дигитален внатрешен ретровизор, кој исто така нуди и 360-степен преглед на околината околу возилото.

Покрај ова, ентериерот се одликува и со контролна табла од стилско дрво, бело возачко седиште со „staynu“ технологија, која помага седиштето да биде отпорно на дамки и валканици, а притоа е евтин и еколошки. Кога станува збор за ентериерот, во истиот не се наоѓаат „перманентно видливи контроли“. Наместо тоа, тие се сокриени под површините и се осветлуваат кога возилото се користи.

Тука е и „лаунџ“ клупата чиј потпирач за грбот делува како да е направен од мермер. Концептот исто така е опремен со елегантно столче кое е обложено со дрво и добива вграден потпирач за раката. Меѓу останатите работи кои треба да се истакнат, тука е и SMEG апаратот за кафе, Ac2ated аудио системот без звучници, како и природните, обновливи и рециклирани материјали.

Continental не соопшти многу детали, но Ambienc3 има и соларен панел на покривот и „интелигентна контрола на стаклата со функции за подесување на затемнувањето и греењето.

The post Continental претвори класичен VW T2 во концепт по име Ambienc3 appeared first on AVTOPLUS.mk.