Новинарот Гоце Михајлоски се огласи преку Фејсбук за борбата со коронавирусот:

ЕДЕН МЕСЕЦ ПОДОЦНА: Битката ја добив, војната ја изгубив(ме)

Сосема беше во право британскиот премиер Борис Џонсон, кога кажа дека новиот вирус е како крадец. Доаѓа од “нигде-никаде”, и за брзо остава пустош зад себе. Во случајот со моето семејство, зеде и живот – на татко ми.

Последниот викенд во Прилеп

Во семејната куќа во Прилеп вирусот “влегол” кон крајот на март. Викендот 28-29 март бев во посета на родителите, неполни 24 часа, тогаш полицискиот час беше од 16 часот. Подоцна се покажа дека тоа е и последна средба со татко ми. Никој немаше никакви симптоми и не можеше ниту да претпоставиме дека “непријателот” е тука. Од каде дошол не знаеме, можеме само да погодуваме, ама тоа сега веќе е и ирелеватно.

5 април, недела

Седум дена подоцна, на 5 април недела, додека се уште бев на работа, попладнето околу 16 часот почувствував омалаксаност. Веднаш заминав дома (тоа беше мојот последен ден на работа), а вечерта добив покачена температура (38.4) и треска. Нормално, веднаш се појави стравот дека можеби “ова е тоа” за кое толку слушавме и зборувавме. Вредно е да спомнам дека практично од петокот, помеѓу двете интервјуа, ми додеваше главоболка на која тогаш не и обрнав особено внимание со оглед дека ја имам често кога сум под стрес и под притисок. Траеше прилично долго, три дена. Не помагаа никакви апчиња, а исчезна дури неделата вечер, кога се појавија температурата и треската, па гледано од денешна перспектива можно е таа да беше поврзана со вирусот.
Претходните денови, во кои бев преокупиран со веќе познатите две интервјуа, повеќепати разговарав со татко ми за емисиите, но во ниту еден момент не се пожали дека има некакви здравствени проблеми. Но, во саботата на 4 април, мајка ми, помалку изнудено (да ме одврати од идејата да го однесам детето на чување неколку дена) и помалку бенигно, ми кажа дека заедно со татко ми 2-3 дена “имаат некоја настинка, повремено со покачена температура и трески”.

6 април, понеделник

Ова беше доволен аларм за мене веднаш, веќе понеделникот, на 6 април, да ја контактирам ординацијата на матичниот лекар. Ги кажав симтомите и информацијата дека моите родители имаат слични такви, но според електронскиот прашалник излезе дека нема доволно индикации да бидам тестиран (не знам дали е се уште истиот прашалник, но доколку е, тогаш е пропуст на системот кој мора итно да биде корегиран). Веднаш почнав да барам алтернатива во приватните лаборатории кои прават такви т.н. молекуларни тестови, но без успех. Две ми одговорија дека ги прават само преку закажување од матичен, а третата дека имаат термин дури следната недела. (Како е сега, не знам)
Попладнето се слушнав повторно со мајка ми. Ми кажа дека таа е веќе добра, но дека состојбата на татко ми е влошена. “Тешко дише ноќе, го открив и дека во тоалет исплукува крв и има дијареја”, ми рече.

7 април, вторник

Во вторникот наутро, 7 април, татко ми, кој како по обичај дотогаш велел дека “ништо не му е”, самиот побарал мајка ми да го однесе во прилепската болница. Таму му била дадена инфузија, земени тестови, и пуштен дома.
Јас, пак, утрото ја продолжив потрагата по лабораторија. Последна опција ми остана Систина, со т.н. брзи тестови за антитела во крвта. Иако за нивната релеваност веќе со денови се водеше расправа, одлучив да се тестирам. Ми закажаа термин за истиот ден, и веќе околу 13 часот го добив резултатот и тој беше негативен. Сепак, немаше простор за радост со оглед што попладнето, веќе трет ден по ред, се врати темературата и треската.

8 април, среда

По уште една тешка ноќ, во средата наутро мајка ми повторно го однела татко ми во болница. Поради сериозната состојба лекарите одлучиле да го хоспитализираат и покрај тоа што се уште не биле стигнати резултатите од тестот за вирусот. Од тогаш веќе никој од семејството не го виде.
Јас и средата бев исто како и претходните денови. На дистанца од сопругата и синот колку што дозволуваа можностите, со повремено покачена темература и трески, без кашлица или отежнато дишење. Се “лекував” дома со чаеви, витамини и парацетамол. Ми се појави и силна болка во грлото, па матичниот лекар ми препиша антибиотик, мислам беше Амоксиклав. Тие денови полека го изгубив и чувството за мирис и вкус.

Критичниот ден – 9 април, четврток

Од веќе напластените грижи, ноќта не спиев добро, а утрото околу 7 часот ме разбуди повик на мој близок роднина. “Татко ти ноќта ја поминал лошо во болница и покрај кислородната поддршка, треба да го однесат на Инфективна клиника во Скопје, но не сакаат да го примат, немало место. Види што можеш” ми рече роднината. Веднаш откако спуштив почнав да размислувам што да правам, а веќе следниот момент колабирав, ја изгубив свеста. Не знам по колку време, се разбудив во локна крв, испружен на подот во дневната соба. Полека се созедов, се уште не свесен што се случи и од што е крвта, дали од физичка повреда или од белите дробови. За брзо дојде сопругата од другата соба и дилемата беше расчистена. Имав голема расекотина на брадата која мораше да биде сошиена. Дестинацијата веќе ја знаев – градската болница “8 Септември”, одредена за интервенции кај суспектни од коронавирусот. Додека се подготвував, роднината се јави повторно, овој пат со добра вест. Проблемот бил надминат, татко ми за брзо ќе го транспортираат на клиника.
Јас се појавив сам пред влезот на “воена” некаде околу 8, се уште немаше движење. Ме дочекаа вообичаено тмурните лица од обезбедувањето, кои по правило не се расположени да дадат ниту основна информација каде да се упатиш. Нејсе, по неколку минути веќе бев пред шалтерот на “приемно”, во ургентниот центар, сега ковид центар. Таму на љубезната медицинска сестра, облечена во скафандер и сета друга заштитна опрема, и кажав зошто сум дојден, со дополнување дека иако имам негативен тест од Систина, неколку дена имам температура и трески, а и татко ми е суспектен на вирусот. За кратко, вратата ми беше отворена, а истото го повторив пред дежурниот лекар. И тој беше крајно љубезен, па откако ме ислуша, почна со испитувања. Притисок, сатурација, крвна слика, рентген на белите дробови… на крајот ми ја сошија раната, и таман помислив дека си одам дома, околу 10 часот докторот ми рече: “има некои отстапувања на рентгенот, пневмонија која можеби поминала, но според протоколот мораме да те задржиме”.
Веќе следниот момент ми дадоа болнички пижами и ме однесоа на третиот кат во одделение на кое пишуваше Дигестивна хирургија, сега пренаменето за карантин. Бев сам во собата 312, во која имаше уште 4 кревети.
Околу пладне, ми се јави татко ми, да ми каже дека веќе стигнал во Скопје и го сместиле на клиниката. Тешко зборуваше, а за да не се вознемири дополнително не му кажав дека и јас сум во болница. Тоа беше нашиот последен телефонски разговор.
Попладнето почнав да примам терапија, а околу 17 часот добив информација дека татко ми е позитивен на вирусот. Поради големиот јавен интерес (интервјуата со лидерите пред една недела) уште вечерта итно ми беше земен брис и мене. Докторката ми рече дека “резултатот ќе биде во најбрзо време, можеби истата вечер”, но тоа не се случи.

10 април, петок

Веќе бев буден, беше околу 8.30, кога ми заѕвони телефонот и ја добив информацијата дека и мојот тест е позитивен. Според се, не беше изненадување, но секако беше огромен шок. Во 10 часот веќе беше прес конференцијата на министерот и веста ја дозна целата јавност.
Од фејсбук и порталите попладнето веста ја дознал и татко ми, кој само успеа да ми пише на месинџир “биди силен”.
Тој ден бев преместен и во друго одделение, мислам дека беше кардиолошкиот центар, сега исто наменет за ковид 19. Тоа беше и првиот ден без покачена температура.

11 април, сабота

Денот почна повторно со “селење”. Бев вратен во истата соба на третиот кат, овој пат прво со двајца “цимери”, подоцна тројца, на крајот четворица…
Тој ден беше и последната комуникација со татко ми преку месинџер. Утрото рече дека е подобар, но вечерта ми пиша дека состојбата му се влошила. Јас го уверував дека сум добар, дека нема потреба воопшто да се грижи за мене, но колку во тоа поверува не знам. Го храбрев дека е во добри раце и се поздравивме со договор следното утро да ми пише како е.

12 април, недела

Веќе беше 8 часот, а од татко ми немаше абер, што веќе беше чудно, да спие до толку доцна не се случило. Му пишав јас, но забалежав дека не бил активен од претходниот ден, што беше несвојствено за него. Целиот ден сите во семејството бевме вознемирени од фактот што не знаевме што се случило. Дури попладнето околу 17 часот, разбравме дека утрото му се влошила состојбата и дека е ставен на машина за дишење, фамозниот респиратор.

13-17 април, пон-пет

Следните денови беа исти. Јас ја добивав терапијата во болничката соба, (не знам точно што, но секако сумамед и трицеф), веќе добро се запознавме и со “цимерите”, па низ разговори времето поминуваше некако побрзо. Покачената температура и треските беа веќе минато, тие денови имав само кашлица. Кон крајот на неделата, по направените контролни анализи, на тројца од веќе петтемина во собата ни беше кажано дека ќе бидеме пуштени на домашно лекување, поради добра општа состојба.
За татко ми целата недела немаше никаква новост. “Состојбата му е иста, ни полошо, ни подобро”, ни повторуваа секој ден од клиниката.

18 април, сабота

Со возило на Брза помош бев донесен дома саботата, ден пред Велигден. Добив антибиотици како терапија за уште една недела и задолжителна изолација до два негативни тестови.

19 април, Велигден

На големиот празник, дојде првата добра вест по подолг период. Сопругата и синот се негативни на тестот за вирусот. Веднаш по неа, истиот и следните два дена доаѓаа добри вести и од колегите кои беа ставени во самоизолација, по проценка на епидемиологот. Вкупно осуммина, сите негативни.

20-24 април, пон-пет

Продолжи неизвесноста со татко ми. Тој веќе втора недела беше приклучен на машината за дишење. Само еднаш (четвртокот на 23 април) ни кажаа дека има некакво подобрување на крвната слика и рентгенот, но предупредија дека рано е за било каква радост.

25 април, сабота

По една недела дома, дојде денот за првиот мој контролен брис. Ми беше земен на прагот од влезната врата од станот.

26 април, недела

Веќе не се чекаше многу за резултатите како претходно, но сепак бев изненаден што веќе следниот ден, во неделата попладне, го добив резултатот. Беше негативен, односно вирусот веќе го немаше. Според процедурата, следното утро во понеделникот ми беше земен втор контролен брис.

27 април, понеделник

При редовниот телефонски контакт со лекарите во Инфективна (секој ден од 14-15 часот се јавуваше сестра ми) добивме информација дека состојбата на татко ми по повеќе витални параметри се влошила.
Околу 18 часот ми ѕвонеше непознат број. Уште пред да одговорам, интуицијата веќе ми говореше дека не е за арно. “Дали сте вие синот на Марјан?”, ме праша непознатиот машки глас. Откако одговорив потврдно, ми ја соопшти лошата вест. “Се јавувам да ве информирам дека татко ви почина”, рече човекот.
Веста брзо беше проширена и кај одговорните за погреби во Прилеп, па веќе вечерта експресно неговото тело, со сите процедури за вакви случаи, беше пренесено во капелата на прилепските гробишта.
Вечерта ми беше соопштено дека и вториот мој тест е негативен, односно и дефинитивно го нема веќе вирусот во мене. Тоа барем ми овозможи да присуствувам на погребот.

28 април, вторник

Погребот беше извршен рано, повторно според процедурите за вакви случаи, со полициски надзор. Имаше 63 години и беше релативно здрав човек, без некои сериозни хронични болести. Присуствуваме само неколкумина од најтесното семејство, сите со маски и на растојание поголемо од 2 метри.
Веќе во раните попладневни часови се вратив во Скопје, неколку минути пред министерот да ја соопшти статистиката за последното деноноќие. Во неа ме имаше и мене, го имаше и татко ми. Јас во оздравените, тој во починатите.
Така, еден месец подоцна можам да кажам дека битката со вирусот ја добив, но не можам да кажам дека ја добив(ме) и војната. Од борбата со оваа подла болест до крајот на животот ќе ми останат две лузни – една на лицето и една во душата.
……

Ова го напишав за неколку пораки:

– Носете маска и држете растојание! Јас од почетокот на епидемијата ги практикував и двете, освен дома. Се покажа недоволно за мене, но доволно да не го пренесам вирусот никому. Сите што беа во контакт со мене – и лидерите, и колегите, и моите дома, останаа негативни. Жалам за непријатноста и неизвесноста што им ја предизвикав на сите што беа засегнати на некој начин.

– Вирусот веројатно веќе стивнува, но по игра на случајноста ако почувствувате некакви симптоми не чекајте, јавете се на лекар! Подобро е да мислите дека го имате, а тестот да го покаже спротивното, отколку да мислите дека го немате, па да задоцните со лечењето. Можеби татко ми ќе имаше шанси да побарал помош неколку дена порано.

– Да изразам благодарност за сите медицински лица што се грижеа за мене и се бореа за татко ми. Тие анонимни херои работат во смени и од по 24 часа во исклучително тешки услови со маски, скафандери, наочари, визири… Заслужуваат и повеќе и подобро.

– Јавно да се заблагодарам на сите пријатели кои ми помагаа мене и на моето семејство во овој период, особено во 10-те дена додека бев во болница, а сопругата и 3,5 годишниот син беа сами затворени во станот во двонеделна изолација. Не знаете како е да не можеш ниту ѓубрето да си го фрлиш. Во мака се гледаат вистинските пријатели, со право рекол нашиот народ.

– Да се заблагодарам на сите познати и непознати што на било каков начин, јавно или лично, ми изразивте поддршка за време на лекувањето и сочувство за загубата. Во тешки моменти значи и се памти секој кажан , но и премолчан збор. Многумина позитивно ме изненадија, иако имаше и неколкумина кои особено ме разочараа. Посебна благодарност до менаџментот на Канал 5, кој беше со мене за целото ова време.

– На крајот. Јас сум здрав и наскоро ќе почнам да се излегувам од дома, полека да се враќам во нормален живот, колку што е можно тоа во сегашните услови. Сепак, познавајќи го нашиот менталитет, знам дека ќе има и такви на кои ќе им биде непријатно да бидат во моја близина. За нив: Ако не ви е доволна дистанцата од 2 метри и маските за да се чувствувате безбедно, ве молам свртете си ја главата, искрено нема да ви забележам, го разбирам стравот кај луѓето, дури и кога е нерационален. Ова премрежје по кој знае кој пат потврди една вистина – семејството е единственото што е важно, без се друго се може.

П.с. Козарот ќе го тужам за лагите и клеветите, најмногу поради тоа што во најтешките моменти ми го вознемири семејството. Многу веројатно и татко ми во неговите последните часови при свест. Очекувам да биде “храбар” како што е на тастатурата и да не се крие зад “не добив уредна покана”, “страната не е моја”, “некој ми ја хакирал” и сл. и на суд да ги докаже гадостите што ги пишуваше.
П.п.с. А, одамна “декодираната” новинарка нема да ја тужам. За неа имам само сожалување. Ретко се наоѓа толку многу злоба и фрустрација во еден човек.

The post Емотивно писмо на новинарот Гоце Михајлоски: Битката ја добив, војната ја изгубив(ме) appeared first on Aktuelno24.com.mk.

Познатиот македонски водител и пејач, Драган Вучиќ почина денеска на 65 годишна возраст.

Веста за неговата смрт за порталот „Убавина и здравје“ ја потврдил синот, Мартин.

Официјални информации за причината за неговата смрт сѐ уште нема, но порталот а1.он пренесува дека причина за смртта е коронавирусот. Како што наведува порталот, Вучиќ бил извесно време хоспитализиран на клиниката за инфективни болести во Скопје.

Фестивалот „Макфест“ на својата официјална Фејсбук страна во сеќавање на Вучиќ ја објави песната „Свирете ја зајди, зајди“ која тој ја има компонирано.

The post Почина познатиот македонски композитор и водител Драган Вучиќ appeared first on Aktuelno24.com.mk.

Ајде уште еднаш да појаснам зошто очигледно некои луѓе потешко разбираат:

Во 2014 година во време на влада на ВМРО-Дпмне,премиер Никола Груевски со пари од македонскиот буџет,Министерството за култура на Република Македонија објавува едиција PRO MAKEDONIJA во која во најмалку 70 книги пишува дека населението во Македонија е бугарско.Автори се војводи,комити,Илинденци и странски автори.

Паралелно со тоа Архивот на Македонија во време на ВМРО-Дпмне додека е директор Зоран Тодоровски објавува уште најмали 50 книги каде исто пишува дека населението во Македонија е бугарско.

Со овие документи за жал испаѓа дека во ВМРО-Дпмне се најголемите платеници на Бугарските служби.

The post ЉУБЧО ГЕОРГИЕВСКИ: ВМРО-ДПМНЕ ВО ВРЕМЕ НА ГРУЕВСКИ СЕ НАЈГОЛЕМИТЕ ПЛАТЕНИЦИ НА БУГАРСКИТЕ СЛУЖБИ appeared first on Aktuelno24.com.mk.

Претседателот на ВМРО-Народна партија Љубчо Георгиевски на својот фејсбук профил напиша статус кој ви го пренесуваме во целост:

„Во 2014 година во време на владата на Груевски во име и со пари на Министерството за култура и Националната универзитетска библиотека е објавен сериозен и голем проект Едиција PRO MACEDONIIA. Претпоставувам главен организатор е Проф.Зоран Тодоров директор на архивот на Македонија и член на ЦК на ВМРО-Дпмне.

Проектот се состои во објавување на околу седумдесет (70) книги од македонски и странски автори дотогаш не објавени во нашата земја и без внатрешни корекции и поправки. Проектот требаше да биде спектакуларно претставен но заврши анонимно. Беа испечатени само по двеста примероци и проектот беше задушен. Не знам кој му ја смисли оваа игра на Груевски тогаш но неговата влада ќе испадне најбугарофилската ако имате време да ги погледнете книгите.

Така сега на актуелната влада им препрачувам да објават второ издание и по еден бесплатен пакет поклон за сите раководители на актуелното ВМРО-Дпмне да видат што пишуваат војводите и комитите. А на Груевски од истата едиција да ги прочита споменити на Андон Ќосето“.

The post Георгиевски: Не знам кој му ја смисли оваа игра на Груевски тогаш но неговата влада ќе испадне најбугарофилската appeared first on Aktuelno24.com.mk.

Инфектологот Вело Марковски е пpотив кapантинот и масовната коpoна пcихоза и xистерија. Професорот на штипскиот универзитет вели дека никој не спори дека има умpeни луѓе, но прашањето е како да си помогнеме подобро, и дали треба да менуваме пристап и стратегија. Во јавноста се присустни многу нeстручни луѓе за овие видови на болeсти. Не е ова политичка дебата или дуел.

– Подтаоците од Италија не се релевантни. Италијански професор тврди дека само 2 посто од прикажаните cмртни случаи всушност пoчинале од коpона. Во Америка за разлика од Италија се двои koроната од другите болeсти, се двои и пнeвмонијата. Тоа е научен пристап. И во Македонија лaжат бројките за cмpтност кои секако се многу помали во однос на вкупниот број на инфицирaни.

Тргнавме со искуствата од Кина, но сега имаме поголеми искуства од Америка, Германија… Најверојатно пикот на вирусот трае околу 2 месеци и ќе настане тој колективен имунитет или вируcот природно ќе се повлече поради климатските услови.

Смpтноста со рeспираторите е речиси максимална. Затоа треба да се внимамава и што пвоеќе да му се остави простор на организмот сам да се избори. Во Кина на пример многу помалку умиpaле пациенти што не биле на реcпиратор со иста и слична тeшка kлиничка слика – вели Марковски во емисијата “Стадион” на Радио Канал 77.

The post За два месеци сите ќе стекнеме имунитeт, или овој виpус ќе исчезе сам по себе appeared first on Aktuelno24.com.mk.

Има сè повеќе докази дека пандемијата корона со себе влече една друга пандемија – отпорност на антибиотици.

Иако коронавирусот е нова болест, податоците од некои области покажуваат дека дури 90 отсто од пациентите се лечат со антибиотици. Тоа се податоци од болницата која што не ги зема предвид случаите на луѓето кои што консумираат антибиотици на своја рака.

Отпорноста на антибиотици е веќе алармантна, а причината е речиси 700.000 смртни случаи годишно во светот. За работата да биде полоша, нема да има лекови кои што ќе можат да помогнат затоа што произведувачите на антибиотици банкторитаа, а сега сите сакаат да ја создадат вакцината против коронавирус.

Многубројни истражувачи претходните месеци ѝ се обратија на јавноста предупредувајќи на еден проблем.

„Внимателно користете ги антибиотиците, важно е колку и носењето заштитна опрема“ – вели Адам Робертс, микробиолог.

Бактериското воспаление на белите дробови е чест симптом на вирусните инфекции. Поголемиот дел од починатите од шпански грип не ги убил грипот туку бактериската инфекција која што го нападнала ослабнатиот организам.

Според првите податоци од Вухан, 15 отсто од заболените од корона добиле бактериска инфекција, од кои половина починале.

Докторите им даваат антибиотици на заболените од вирусот превентивно за инфекцијата да не се прошири. Во нормално време, антибиотик се дава дури кога лабораториски ќе се потврди присуство на бактерија.

Покрај хидроксихлоквин, како лек за корона се појави и антибиотикот азитромицин, па произведувачите во САД пријавиле недостаток на тој лек.

Ситуацијата дополнително се влошува поради тоа што нови антибиотици нема, а токму тоа е и најголемиот предизвик.

ВО САД две големи фирми кои што произведуваат лекови, морале да поднесат барање за банкрот, што е уште една закана за во иднина.

The post Еве што нè чека по вакцината за корона – вирусот ќе го победиме, но има еден друг проблем… appeared first on Aktuelno24.com.mk.

Докторот вирусолог Никола Пановски, спротивно на она што го очекуваат здравствените власти вели дека пик на коронавирусот во Македонија ниту имало, ниту ќе има.

Тој за телевизија Алфа  вели дека оваа болест ќе трае и понатаму, без да има некој посебен пик.

– Според мене пик ниту имаше, ниту ќе има. Сѐ е тоа едно плато кое трае веќе две недели или можеби повеќе, имаше некои денови кога беше 107 заразени, па имаше многу малку зависно од тоа што селектираат за испитување и колкав е број на тестовите. Просек е 10 проценти од тестовите да се позитивни, последниве гледаме процентот е понизок, иако има малку тестирања, процентот е под 5 посто, така што мислам дека е поминат пикот ако воопшто имало пик – вели Пановски за Алфа.

Тој вели дека олабавување на полицискиот час е многу подобра опција. Според него, многу подобро ќе беше доколку воопшто не се воведуваше толку ригорозен полициски час.

– Мислам дека помалку ќе се заразуваат, сега кога е од 19 часот, отколку од 16, бидејќи помалку ќе се гужваат луѓето, кога се враќаат од работа, кога одат по продавници. Мислам дека ова е пологично, мислам дека не требаше воопшто да се воведува до 16 часот – вели Пановски.

The post ВИДЕО: Пик на коронавирусот во Македонија ниту имало, ниту ќе има appeared first on Aktuelno24.com.mk.

Градоначалникот на Куманово Максим Димитриевски низ солзи во интервју во емисијата „Ја сакам Македонија“ на Сител Тв рече дека единствената сигурна работа на која може да се ослони во неговиот живот е неговото семејство.

– Мислам дека единствено семејството на кое можете да се ослоните во едни вакви моменти. Страшни дворски игри во многу тешки моменти за сите нас за кои ќе оставам времето да покаже кој е во право. Во целиот овој конгломерат на несовесни граѓани, можам да кажам само едно а тоа е дека страшно се лаже од лица кои сакаат само да стигнат до целта, а кои се одговорни и не смеат тоа да го прават во овие моменти бидејќи одговараат за здравјето на сите нас.

Ние баравме потполно исти мерки како во Дебар. Зошто нешто би можело да важи за Дебар, а да не важи за Куманово, или пак сега нешто да важи за Куманово, а да не важи за Тетово. Тоа се двојни стандарди, рече кумановскиот градоначалник.

The post МАКСИМ ДИМИТРИЕВСКИ: СТРАШНО СЕ ЛАЖЕ ОД ЛИЦА КОИ СЕ ОДГОВОРНИ ЗА НАШЕТО ЗДРАВЈЕ appeared first on Aktuelno24.com.mk.

Позитивна на Ковид 19, лекарка-интернистка во Кочани цели 11 дена чекала резултати од тестирањето за кое не знаел никој во болницата. Таа преку матичен лекар добила упат за тестирање и за тоа време давала и дежурство. Резултатите биле дознаени во понеделникот навечер.

Александар Серафимовски, директор на Општа болница Кочани:

-Таа беше дежурна во саботата, а тројца колеги се испратени во самоизолација и ги чекаме нивните резултати. Не бевме известени дека правела тест и и беше наложено да достави писмен извештај до надлежните.  Лекарката беше заштитена секогаш на смена и најмногу внимаваше.

Државниот здарвствено-санитарен инспекторат извршил вонреден надзор и ги утврдил датумите за тестирањето, а дополнително ќе прави надзор и како матичниот лекар издал упат за тест бидејќи станувало збор за асимптоматски случај.

Целиот текст на овој ЛИНК

The post Телма: Лекарка од Кочани 11 дена чекала резултат од тестирање и одела на работа заразена со КОВИД 19 appeared first on Aktuelno24.com.mk.

ВМРО-НП со соопштение до јавноста укажува на незаинтересираноста на нашата Влада и  неискористувањето на моменталната ситуација со ниската цена на нафтата на светско ниво, предлог-мерка која токму поранешниот премиер Љубчо Георгиевски неодамна ја предложи како мерка за ублажување на катастрофалната финансиска ситуација во Македонија. Во соопштението се вели:

„ВМРО-Народна партија жали што не гледа никаква активност од страна на Владата на Македонија за купување на нафта во големи количини со која би ги пополнила стоковите резерви на држвата.

Пред нашите очи се случува историски крах на цената на нафтата и додека сите држави ги пополнуваат и последните цистерни од страна на нашата држава немаме никаква акција.

Сметаме дека Владата има повеќе опции со кои освен како нем набљудувач на овој економски процес може да се вклучи со класичен бизнис модел кој несомнено ќе донесе заштеда па дури и екстра профит во оваа тешка економска ситуација“.

The post ВМРО-НП: Жално е што Владата не купува нафта со која би ги пополнила стоковите резерви на држвата appeared first on Aktuelno24.com.mk.

Вицепремиерот Бујар Османи на својот Фејсбук профил објави дека Централниот кризен штаб разговарал за можноста полицискиот час од оваа недела да трае од 19:00 до 05:00 часот.

„Денеска во централниот штаб на кризата се разговараше за барањето полицискиот час од оваа недела да биде од 19:00 до 05:00 часот!“, Напиша Османи.

The post Османи со убава вест: Се разгледува можноста полицискиот час да почнува од 19:00 appeared first on Aktuelno24.com.mk.

Владата на Република Северна Македонија на својата 44 седница што се одржа денеска, донесе повеќе одлуки, мерки и препораки кои произлегуваат од 30 состанок на Главниот координативен кризен штаб за обезбедување целосна координација во врска со спречување на внесување и ширење на Коронавирус COVID-19, одржан на денеска, а кои се однесуваат на Куманово, Тетово и Прилеп.

Владата го задолжи Аднан Џаферовски, директор на Дирекцијата за заштита и спасување, со уште двајца членови од Главниот координативен кризен штаб да биде во комуникација со Oпштинскиот штаб за заштита и спасување во Куманово, поради потребата од негово консолидирање и тековно следење на состојбите и работата на сите надлежни институции на дневна основа во ова подрачје, со цел одржување на функционална и ефективна работа на овој штаб.

Од денешната седница произлезе и задолжувањето за сите органи на државната управа, јавните претпријатија основани од државата, акционерските друштва во државна сопственост, агенции, фондови, бироа, заводи, управи и сите останати државни институции кои имаат свои седишта или подрачни единици на подрачјето на Општина Куманово, како и укажувањето на Општина Куманово и јавните претпријатија и другите правни лица основани од Општина Куманово, да ги редуцираат своите капацитети и да воведат посебни мерки за заштита, со цел поголем број на лица да бидат изолирани во овој период.

Исклучок од оваа мерка се вработените лица од Министерството за внатрешни работи, Министерството за одбрана – Армијата на Република Северна Македонија, од јавните здравствени установи, како и вработените во територијалните противпожарни единици на подрачјето на Општина Куманово.

Почнувајќи од 22 април 2020 година (среда), се воведува мерка за забрана за движење на населението на подрачјата на општините Куманово, Тетово и Прилеп, без носење на соодветна заштитна опрема (маска, шал, марама и сл.), надвор од своите домови, на сите јавни места и површини од отворен и затворен тип, како и затворени простории, маркети, продавници или сл.

За оваа цел, се задолжува Министерството за здравство да подготви и за наредната седница на Владата да достави уредба со законска сила во која правно ќе го нормира ова прашање, начинот на имплементирање, користење, потребната заштитна опрема, како и да се уреди прашањето на минимум задолжителната количина (резерва) што производителите на маски треба да ја имаат за потребите на државните институции. Во уредбата да се предвиди дека обврската за носење на заштитна опрема ќе се применува на територијата на Република Северна Македонија, но по извесен период.

Владата одлучи да им се препорача на сите граѓани во Република Северна Македонија, а особено на оние што живеат на подрачјата на општините Куманово, Прилеп и Тетово, согласно одлуките, мерките и препораките на Владата, да го редуцираат излегувањето од своите домови, тоа да го прават само од најнеопходни причини, односно заради одење на своите работни места, како и излегување од својот дом на само еден член од семејството заради купување на намирници и лекови од маркетите и аптеките.

Владата го задолжи Министерството за здравство да определи едно лице како точка за комуникација и координација на дневна основа со сите здравствени установи во Општина Куманово (заради потребите на пациентите кои се лекуваат во Општата болница Куманово, нивно трансферирање во друга здравствена установа, организациски работи на здравствените установи и други тековни прашања за време на овој период).

Задолжение доби и Министерството за внатрешни работи, во соработка со општинските штабови за заштита и спасување, најдоцна до 21 април 2020 година (вторник), да подготват посебен оперативен план за присуство и дејствување на припадниците на полицијата во подрачјата на општините Куманово, Прилеп и Тетово, преку користење на засилени патроли и засилено присуство на полицијата, користење на мегафонска опрема од полициските возила на јавните места и површини, со цел контрола над почитувањето на одлуките, мерките и препораките донесени од Владата на Република Северна Македонија.

Се задолжува Министерство за здравство, дел од донациите на заштитна опрема кои Република Северна Македонија ги има добиено до овој момент, да бидат дадени на здравствените установи во општините Куманово, Прилеп и Тетово.

Владата донесе одлука дека од вторник се забранува организиран превоз на патници односно забрана за влез и излез во и од подрачјето на Општина Тетово и сите околни општини.

Исклучок од оваа забрана е организираниот превоз што го вршат економските оператори за своите вработени лица до работните места, како и организираниот превоз на вработените лица во Министерството за внатрешни работи и Министерството за одбрана – Армијата на Република Северна Македонија, како и вработените во територијалните противпожарни единици во овие општини.

Согласно ова, Владата донесе Одлука за дополнување на Одлуката за забрана и посебен режим на движење на територија на Република Северна Македонија.

Се задолжува Министерството за одбрана да определи едно лице кое ќе биде на дневна основа во комуникација со Oпштинскиот штаб за заштита и спасување во Куманово, со цел одржување на функционална и ефективна работа на овој штаб.

Со цел поголемо почитување на мерките и намалување на потребата од воведување нови рестрикции, на оваа седница Владата го задолжи Министерството за правда да подготви и за наредната седница на Владата да достави уредба со законска сила во која правно ќе се нормира начинот и изрекувањето на мандатни казни (со фотографска документација од местото каде граѓанинот е затекнат), како и висината на истите, кон сите физички и правни лица кои нема да ги почитуваат одлуките, мерките и препораки на Владата на Република Северна Македонија кои се однесуваат на групирање на јавни места и површини на повеќе од две лица (за групирање над 5 лица да се смета за кривично дело и да има кривична одговорност) и за непочитување на минимум потребното растојание од два метри и неносење на заштитна опрема.

Владата заклучи да се измени заклучокот под реден број 1 од точка 1 од Извадокот од Нацрт – записникот од Триесет и деветтата седница на Владата на Република Северна Македонија одржана на 16 април и истиот да гласи:

– Се задолжува Министерство за финансии, а се препорачува на Народна банка на Република Северна Македонија, во заедничка соработка да ја разгледаат можноста за изнаоѓање начини и подготовка на предлог – уредба со законска сила, во насока на задолжување на деловните банки во рок од еден месец да воведат нови финтек апликации со кои значително ќе се намали интеракцијата и бирократските процедури за граѓаните, како и за микро, мали и средни компании.

– Се задолжува Министерството за финансии, во соработка со Министерството за информатичко општество и администрација да предвиди конкретни предлог – мерки со кои банките ќе можат да го стимулираат менувањето на навиките на граѓаните, ќе се софистицираат процесите и ќе се преиспита начинот на издавање на документацијата и на самата документација при барањата за кредитирање и исплати (поевтини токени, дигитални идентификација и сл.).

Владата го задолжи Министерството за финансии, а се препорачува на Народната банка на Република Северна Македонија во заедничка соработка да го уредат прашањето за деловните банки задолжително да ги поврзат пос терминалите во економските оператори со фискалните каси.

Министерството за финансии има задолжение да подготви и за наредната седница на Владата да достави уредба со законска сила со која правно ќе се нормираат обврските на банките во поглед на обврската за носење на заштитна опрема на вработените лица и начинот на имплементирање, број на лица во објектите согласно квадратурата на објектот, одржување на редот во и пред објектите и др.

Се задолжува Министерството за економија да подготви и за наредната седница на Владата да достави уредба со законска сила со која правно ќе се нормира обврската за носење на заштитна опрема на вработените лица во економските оператори (дуќани, маркети, аптеки и сл.) и начинот на имплементирање, број на лица во објектите согласно квадратурата на објектот и др.

Министерството за финансии, во соработка со Министерството за земјоделство, шумарство и водостопанство и Министерството за труд и социјална политика да подготват и до Владата да достават соодветен протокол за вршење на исплатата на пензиите.

Владата го задолжи Министерството за информатичко општество и администрација да подготви и за наредната седница на Владата да достави уредба со законска сила во која правно ќе нормира обврска на сите телевизии и радија да обезбедат емитување на информативни пораки (подготвени од Министерството за здравство и Владата на Република Северна Македонија во врска со COVID-19) во времетраење од 2-3 минути на секој час на радио и телевизиските програми.

На оваа седница се заклучи да им се препорача на сите вработени лица во органите на државната управа, јавните претпријатија основани од државата, акционерските друштва во државна сопственост, агенции, фондови, бироа, заводи, управи и сите останати државни институции, како и се укажува на единиците на локалната самоуправа, јавните претпријатија и другите правни лица основани од единците на локалната самоуправа, како и на вработените лица од приватниот сектор да ја преземат (инсталираат) мобилната апликација „Стоп корона!“.

За оваа цел, се укажува на Фондот за здравствено осигурување на Република Северна Македонија да ги задолжи сите матични лекари на територијата на Република Северна Македонија на своите пациенти да препорачаат преземање (инсталирање) на мобилната апликација „Стоп корона!“

Воедно, се задолжува Службата за односи со јавност на Владата на Република Северна Македонија да направи интензивен план за медиумско информирање на оваа мобилна апликација, со цел успешно спроведување и почитување на одлуките, мерките и препораките на Владата.

Исто така, Се задолжува Министерството за информатичко општество и администрација да предложи дополнителни стимулативни мерки за лицата кои ќе ја преземат (инсталираат) мобилната апликација „Стоп корона!“.

Министерството за информатичко општество и администрација да подготви и за наредната седница на Владата да достави протокол и анализа со која ќе се регурлира систем на набавка на прехранбени продукти и лекови, од страна на само еден член од семејство/домаќинство.

Владата го задолжи Министерството за здравство да подготви и за наредната седница на Владата да достави предлог – уредба со законска сила која правно ќе се нормира прашањето во однос на воведување на задолжителна самоизолација за сите граѓани кои вршат тестирања за COVID-19, најмалку до моментот на добивање на резултатот, согласно епидемиолошката анкета.

Во врска со овие заклучоци, одлуки, препораки и мерки, Владата го задолжи Секторот за односи со јавност на Владата на Република Северна Македонија да започне со засилена и унифицирана медиумска кампања за сите донесени одлуки, мерки и препораки на Владата на Република Северна Македонија во врска со Коронавирусот COVID-19.

На оваа своја седница Владата ја разгледа и усвои Информација за исплата на пензии за април 2020 година, и го задолжи Фондот за пензиско и инвалидско осигурување на Северна Македонија да ги достави податоците за пензиите до деловните банки најдоцна до 23.04.2020 година.

Како заклучок во врска со исплатата на априлските пензии, Владата заклучи да им препорача на деловните банки од петок 24.04.2020 година да обезбедат пензионерите со априлските пензии да може да располагаат преку мрежата на банкомати и во трговската мрежа.

Како дополнителен заклучок им се препорачува на деловните банки преку филијалите и експозитурите на банките д обезбедат готовинска исплата на пензии за клиентите кои не користат картички, во четири групи според следниот распоред составен според висината на пензијата:

– Во понеделник, на 27.04.2020 година исплата на пензии со висина до 11.000 денари;

– Во вторник, на 28.04.2020 година исплата на пензии во висина од 11.001 денари до 14.000 денари;

– Во среда, на 29.04.2020 година исплата на пензии во висина од 14.001 денари до 18.000 денари;

– Во четврток, на 30.04.2020 година исплата на пензии во висина над 18.000 денари.

На оваа седница Владата ја разгледа информацијата и ја усвои Одлуката за измена и дополнување на Одлуката за условите и критериумите за репласирање на средствата од компензационите фондови со која се утврдуваат условите за директно кредитирање на деловни субјекти погодени од корона вирусот за репласирање на средствата од компензационите фондови, во насока на обезбедување средства во износ од 492.000.000 денари за директно кредитирање на микро, мали и средни компании чија економска дејност е погодена од корона вирусот, преку Развојната банка на Северна Македонија.

Во врска со оваа одлука, Владата ја задолжи Развојната банка на Северна Македонија да објави Јавен повик на кој ќе можат да аплицираат микро, мали и средни компании чија економска дејност е погодена од корона вирусот, во согласност со условите предвидени во Одлуката, и да ги испита можностите за уредување на доставата на документите од Централен Регистар и Управата за јавни приходи за кредитобарателите, во насока на олеснување и/или координација и заедничка комуникација и насочување на кредитобарателите.

На денешната седница Владата ја донесе Уредбата со законска сила за фомирање на фонд за помош и поддршка за справување со кризата предизвикана од Коронавирусот COVID -19

Со оваа уредба со законска сила се уредува формирањето, финансирањето, како и намената на средствата на Фондот за помош и поддршка за справување со кризата предизвикана од Коронавирусот COVID-19.

Средствата собрани во Фондот, ќе се користат за финансиска поддршка на економските мерки за помош и поддршка на микро, малите, средните и големите претпријатија во надминување на економската криза предизвикана од Коронавирусот COVID-19.

The post Владата со соопштение во овие доцни часови: Групирањето над 5 лица ќе се смета за кривично дело и ќе има кривична одговорност… appeared first on Aktuelno24.com.mk.

Доколку се утврди дека возрасното население нема имунитет на коронавирусот, можно е мерките за ограничено движење за нив да траат до крајот на годината, соопшти министерот за здравство Венко Филипче.

Серолошките тестирања кои треба да го покажат стекнатиот имунитет на населението се планира да бидат направат во текот на летото.

„Планот е да го направиме веднаш по попуштањето на мерките или некаде на лето со цел да го процениме имунитетот на пример на возрасните над 65 години, на децата во школска возраст или на работоспособното население. Тоа ќе ни биде показател како да се димензионираат мерките, помалку или повеќе рестриктивни, по возрасни групи тогаш кога евентуално би сметале дека може да се соочиме со повторен пик на болеста. Дали тоа ќе биде наесен или не, ќе ја следиме епидемиолошката крива. Врз основа на резултатите од тестирањето ќе дадеме мислење на пример за тоа како треба да се организира наставата во училиштата. Доколку се утврди дека нема имунитет повозрасното население над 65 години може да кажеме дека рестриктивните мерки за нив ќе важат цело време, до крајот на годината. Тоа ќе ни биде еден од показателите“, рече министерот Филипче.

Тој вечера извести и дека генерален заклучок на земјите членки на Светската здравствена организација по денешниот состанок на кој и тој присуствувал, бил дека коронавирусот не може да се уништи и дека ќе остане активен и по пикот во секоја земја одделно. Токму затоа потребно е ново организирање на здравствениот систем со целосно одвоени делови кои ќе бидат наменети само за третирање на пациенти заразени со Ковид-19.

The post Филипче: Можно е лицата над 65 години да добијат забрана за излегување до крајот на годината appeared first on Aktuelno24.com.mk.

Кети Смилевска, од редовите на СДСМ, е првата пратеничка потврдена за позитивна на корона вирусот, објави Канал 5.

Во саботата таа била хоспитализирана во болницата во Прилеп, кога и се влошила здравствената состојба. Смилевска за Канал5 открива дека се наоѓала во самоизолација веќе цела месец, заедно со нејзините деца, а единствено, поради работни обврски, излегувал од дома нејзиниот сопруг.

Смилевска вели дека не знае како се заразила, а епидемиолозите ги утврдуваат нејзините контакти. Ги имала сите симптоми, и покачена температура и кашлица, но додава дека во моментов се чувствува многу подобро. Воедно упати апел сите граѓани да се свесни за сериозноста на состојбата и да ги почитуваат мерките.

Смилевска им се заблагодари и на сите медицински работници кои и укажуваат здравствена заштита. Таа е вториот функционер во земјава, кој е потврден за заболен од корона вирусот. Во домашни услови се лекува и градоначалникот на општина Чешиново-Облешево, Горанчо Крстев, кој исто така е во добра здравствена состојба.

The post Kанал 5: Пратеник од македонско Собрание заболен од коронавирус (фото) appeared first on Aktuelno24.com.mk.

Бараме целосно затворање на цела Македонија – десет дена. Тоа е нужно за да се направи пресекување на вирусната криза. Тоа ќе биде вовед во понатаму, ослободување од мерките“ изјави поранешниот премиер, Љубчо Георгиевски во отвореното студио на ТВ24.

„Ова што сега се прави со затворање од 16 часот е контрапродуктивно, се создава огромен метеж пред банки, во маркети во утринските часови пред полицискиот час и создаваме непотребно ширење на вирусот, наместо да го блокираме комплетно. Оваа работа нема да заврши за два месеци, тоа станува се појасно и затоа мораме да одиме на една ваква мерка сега, а потоа да ослободуваме. Мала земја сме, може да биде тоа предност за нас, но потребни се други мерки. Треба да биде наша цел – држава ослободена од коронавирусот“, вели Георгиевски.

Оној кој е сериозен економист треба да настапува исто како сега да се прави буџет на државата. Треба да се каже од каде тие пари кои се даваат негде, од каде ќе доаѓаат. Многу е лесно да кажете дајте пари таму или ваму, но прашањето е од каде? Приходот на буџетот е намален, а тој може уште повеќе да се намали. Се е затворено. Ресторани, хотели, кафулиња, значи за да има пари во буџетот треба да има обрат во економијата. Сите гранки се суштински, но најсуштински е ако рикне буџетот на државата, а тој е економски столб на државата од каде произлегуваат многу финансиски средства. Значи кога зборуваме за мерките мораме да кажеме од каде пари за таа мерка. Најлогично е да се позајмат пари, јас сум бил за позајмување на пари од странство, но овој пат сметам дека позајмените пари нема да ја имаат вредноста во наредните години кога ќе треба да се враќа.

Георгиевски го критикуваше полицискиот час како мерка и рече дека истиот носи поголем метеж по банките, аптеките и маркетите отколку што помага во борбата против коронавирусот.

Првиот човек на ВМРО НП рече дека се изнасмеал на соопштението во кое се повикуваат граѓаните да не излегуваат без потреба по банките и направи споредба меѓу фабриките кои работат и за време на полициски час со оние кои шетале во парк за да ги фати воздух и сонце.

Сега зборуваме за луѓето кои шетаат у парк, а имаме хала во која има стотици вработени кои седат еден до друг. Луѓето во Банка не одат на кафе или да се прошетаат, туку поради тоа што имаат потреба. Дали да платат сметка, да земат пари или било што друго. Видов едно соопштение во кое ги повикуваат луѓето да не одат во банка без потреба. Се изнасмеав на тоа соопштение, па кој оди во банка без потреба?

Извор: Pogled.mk

The post ВИДЕО: Георгиевски бара целосно затворање на Македонија – десет дена appeared first on Aktuelno24.com.mk.

Се појавија и први снимки од внатрешноста на Инфективната клиника во Скопје, а се дел од најавата на емисијата Код на Телма ТВ.

Доктор Билјана Петревска е специјалист инфектолог. Работи токму во амбулантатата каде се проценува кој пациент за кој оддел е.

-Јас сум од почеток на ситуацијата, со првите пациенти примени. Тријажата се врши при преглед во амбулатна состојба и врз основа на тоа се проценува состојбата на пациентот.

Целата емисија КОД ќе може да ја проследите на ТВ Телма.

Извор: biznisvesti.mk

The post ВИДЕО: Се појавија и први снимки од внатрешноста на Инфективната клиника во Скопје appeared first on Aktuelno24.com.mk.

Почитувани пријатели, луѓе кои ја поддржувавте нашата Јана во целиот период на нејзината борба и со реткиот и опасен канцер, но и со канцерот во системот кој не и дозволи да го добие лекувањето во странство кое и следуваше според закон, сакаме да ве информираме дека пред два дена, на 07.04.2020 година ја добивме ПРЕСУДАТА НА ВИШИОТ УПРАВЕН СУД кој Жалбата на Фондот за здравствено осигурување против пресудата на Управниот суд ја одби како неоснована. Односно неколку месеци откако Јаничка повеќе не е меѓу нас, највисокиот суд во Македонија за управни постапки ја потврди одлуката на Управниот суд според која Фондот требаше да го реотвори нејзиниот случај и повторно да одлучува поради повреди во постапката на одлучување.

За потсетување,

-во декември 2018 конзилиумот од Германија бара ИТНО продолжување на лекувањето на Јана со имунотерапија
-во февруари 2019 првостепена комисија од ФЗО ЈА ОДБИВА тврдејќи дека терапијата не била базирана на докази (лага!)
-март 2019 второстепена комисија од ФЗО ЈА ОДБИВА тврдејќи дека Јана била дел од медицинска студија (уште поголема лага!!)

! *Еве го доказот дека имуното не е „бабина деветина“ туку медицина базирана на докази: https://www.nice.org.uk/guidance/ta538
!! **Доказ дека Јана не беше дел од медицинска студија е здравиот разум – ако беше, лекувањето ќе беше бесплатно и немаше до крај на животот да биде без терапијата која и беше ИТНО препишана

-во април 2019 Јана ја започна битката пред македонските судови против погрешните решенија на комисиите на ФЗО.

-во септември 2019 (после 5 месеци) Управен суд одлучи во корист на Јана, односно го врати нејзиниот предмет на повторно одлучување

-Во ФЗО ги молевме да не вложуваат жалба бидејќи само ќе изгубат време на Јана, а секако на суд не може да го добијат случајот бидејќи правдата е на страна на Јана. ФЗО одби да го послуша здравиот разум и медицинска етика, па ВЛОЖИ ЖАЛБА.

-Ете го ефектот. Наместо во октомври да не вложеа жалба, да одлучуваа повторно и да ја испратеа Јана на лекување, вложија жалба, во декември Јана не напушти, а денес добивме пресуда дека бевме во право цело време.

Ова го пишуваме од две причини.

ПРВО, за да се истакне ужасната тромавост на македонските судски институции кои за предмети во кои се работи за живото-загрозувачка состојба односно е потребно ИТНО решавање, ги решаваат по 5 месеци, како да се работи за спор за делба на нива, а не за човечки живот.

ВТОРО, да се потенцира нестручноста на СИТЕ кои постапувале во одлучувањето за лекувањето на Јана, па не само што од формално-правен аспект ги повредиле процедурите поради кои и судовите пресудија во наша корист, не само што од етички аспект ги повредија непишаните правила па ја жалеа пресудата на Управниот суд иако беа свесни дека ќе и губат скапоцено време на Јана, туку и АПСОЛУТНО НЕСТРУЧНО одлучуваа во комисиите со лажни погрешни неточни небулозни „заклучоци“ кои беа пречка Јана да добие шанса да продолжи да се бори со реткиот многу опасен канцер.

Јана ја нема, но живее во нас и со нас секој ден. Нејзината храброст, цврстина, одлучност, питомост и љубов со кои го живееше целиот живот и со кои ја помина целата борба со ракот, ќе останат и понатаму да сведочат за неа, за сите кои се грижеа за неа и за канцерот во системот кој наместо да им помага на своите граѓани, им го отежнува, кој ненамерно, но некој и свесно и намерно, патот до можноста за излекување.

Токму затоа сега, имајќи ги исцрпено сите можности пред македонските судови, ќе ги тужиме сите инволвирани кои одлучувале во случајот на Јана. Неа ја нема и ништо не може да ни ја врати, но тоа ќе го сториме во спомен на нејзината борба и со цел ДА НЕ СЕ ДОЗВОЛИ вакво нешто да се повтори никогаш повеќе во Македонија. Доволно нестручни дилетанти и скандалозно ДОЛГИ процедури им „пресудуваат“ по живот на граѓаните на Македонија.

Во спомен и чест на Јана,
ве поздравува нејзиното семејство.

Чувајте се што повеќе можете во овој период.

писмо од роднините на Јана

The post Во ФЗО ги молевме да не вложуваат жалба бидејќи само ќе и изгубат време на Јана – и изгуби таа почина appeared first on Aktuelno24.com.mk.

Во Кочани заразено со коронавирус е дете на возраст од 2 години и 4 месеци. Во болницата во Кочани е донесено вчера, веднаш по земањето на брисот резулатите се пристигнати, а раководството на болницата добило насоки денеска веднаш да се хоспитализира на Клиниката за инфективни болести во Скопје, пренесува „Телма“.

Директорот на кочанската болница, Александар Серафимов тврди дека медицинскиот персонал ги почитувал сите протоколи при приемот на две годишното дете.

Во кочанската болница освен на 16 здравствени работници од детското одделени по случајот со  четиримесечното бебе се тестираат и други медицинска лица.

Пристигнатите резултатите се негативни за дел од тестираните, меѓу кои и за инфектологот, додека за вработените на детско одделение се уште не се пристигнати.

The post Во Кочани 2-годишно дете позитивно на коронавирусот appeared first on Aktuelno24.com.mk.

Министерот за здравство Венко Филипче на вонредна прес-конференција објави дека лидерите на двете најголеми политички партии, Зоран Заев и Христијан Мицкоски од денеска се во задолжителна домашна изолација бидејќи имале контакт со лице заболено од корона вирусот.

– По информацијата која ја доби Министерството за здравство дека еден новинар од телевизиски медиум е позитивен на Ковид-19 вирусот, кој новинар во текот на минатата недела имаше ТВ-интервјуа со лидерите на ВМРО-ДПМНЕ и СДСМ, и Мицкоски и Заев се тестирани на корона вирусот – рече Филипче.

Резултатот на Христијан Мицкоски бил изработен доцна синоќа и тестот покажува дека Мицкоски е негативен на корона вирусот, но тој ќе биде во задолжителна самоизолација до истекот на 14 дена од последниот контакт со заболениот. Кај Мицкоски нема потреба во моментов да се прават посебни епидемиолошки анкети, посочи Филипче.

Лидерот на СДСМ, Зоран Заев синоќа веќе заминал во Струмица, така што резултатот од тестот на Заев ќе биде готов во текот на денешниот ден, но и Заев веднаш по добивањето на информацијата бил ставен во домашна изолација.

– Новинарот е во стабилна здравствена состојба, во моментов е на лекување во болницата „8-Септември“. Во текот на утрото и денот ќе се направат анкети и со точниот наод и бројка на лицата коишто ќе одат во самоизолација, доколку за тоа има потреба, ќе евалуираат епидемиолозите – изјави Филипче.

Извор: Meta.mk

The post Заев и Мицкоски во домашна изолација, имале контакт со новинар заболен од корона appeared first on Aktuelno24.com.mk.

Повеќе од тројца патници, вклучително и возачот не смеат да се возат во ист автомобил, е едно од ограничувањата за време на вонредната состојба во државава, соопшти Славјанка Петровска, дополнителен  заменик на министерот за внатрешни работи.

На информативната видеосесија за ограничувањата на движењата на граѓаните, односно полицискиот час со цел спречување на ширењето на корона вирусот Петровска прецизираше дека патниците во автомобилот треба да имаат заштитна опрема, ракавици и маска.

Доколку излегуваат на терен, односно се работи за службено патување, за тоа е потребно да имаат и дозвола за движење која е издадена од работодавачот, рече Петровска.

извор: nezavisen.mk

The post Забрана за возење на повеќе од тројца во автомобил, сите мораат да имаат заштитна опрема appeared first on Aktuelno24.com.mk.