Aktuelno 24 MK

НОВО ОТКРИТИЕ: Коронавирусот стигнал во Европа уште ...

Wed, 06 May 2020 06:55:04 GMT

Шведската агенција за јавно здравје објави дека е можно случаи на коронавирусот во земјата да се појавиле уште во ноември минатата година.

Сепак, според порталот „Локал“, Шведска во моментов не работи на утврдување кога се појавиле првите случаи во земјата.

Агенцијата го објави соопштението откако Франција информира дека еден маж бил заразен со вирусот во земјата на 27 декември, неколку дена пред да се пријават првите случаи во Кина.

Тогаш на пациентот му била дијагностицирана пневмонија, но примероците што тогаш биле земени сега повторно се тестирани и се позитивни на коронавирусот.

Мажот целосно закрепнал и наводно не знае како се заразил.

Главниот шведски епидемиолог Андерс Тегнел вели дека е можно во тоа време да имало заразени и во Шведска.

– Немаше никакво ширење надвор од Вухан сè додека не се појави подоцна во Европа, но мислам дека би можеле да откриеме индивидуални случаи меѓу патниците од Вухан кои биле таму во ноември и декември минатата година. Тоа воопшто не звучи чудно, туку сосема е природно, рече Тегнел.

Првиот официјално потврден случај на коронавирусот во Шведска е жена кај која вирусот бил потврден на 31 јануари, по нејзиното враќање од Кина, и која во меѓувреме е излекувана.

Извор: Lokalno.mk

The post НОВО ОТКРИТИЕ: Коронавирусот стигнал во Европа уште во Ноември, и тоа токму во оваа држава appeared first on Aktuelno24.com.mk.

Кина го излажа цел свет, криеше дека вирусот се ...

Wed, 06 May 2020 06:10:07 GMT

Кина наводно го лажела светот за епидемијата од корна вирусот за да добие на време да ги купи сите залихи на заштитни маски на меѓународниот пазар, пред тие да станат најбарани. Така тврди американскиот таен извештај кој го објави германскиот таблоид “Билд”. Станува збор за таен извештај од четири станици на американското Министерство за внатрешни работи, во кој се наведува дека Кина го излажа цел свет и ги прикриваше информациите за вирусот за да најпрва од цел свет се опреми со заштитни маски.

Во содржината на извештајот се сугерира дека Кина ја прикривала епидемијата за да се снабди со санитетски производи, а Билд наведува дека Кина намерно ја намалувала опасноста од вирусот на почетокот на јануари. Во исто време значајно го зголемила увозот на медицинска опрема а драстично го намалила извозот.

Според истиот извештај, Пекинг за да си обезбеди простор на маневар со купување на на тие видови производи, со задоцнување објави податоци за опасноста од корона. Нарачувале големо количество заштитни маски, ракавици и хируршки скафандери, како и друг вид санитетски материјали кој е потребен за борба против зараза.

Исто така, никој во Светската здравствена организација (СЗО) не бил запознаен со случувањата во Кина за време на почетокот на пандемијата. Кина ги замолчила лекарите, ко на почетокот на јануари ја предупредувале јавноста на појава на нов тип на корона вирус, пишува Билд.

Една од последиците на кинеското однесување е и недостатокот на заштитната опрема на светскиот пазар што ја отежна борбата против вирусот во земјите како што се Италија и Шпанија, пишува Билд, а пренесува Индекс,хр.

Доналд Трамп и Америка тврдат дека вирусот излегол од лабораторија во Вухан, па дури и дека е намерно пуштен низ светот. Информации за тоа се уште нема во службените извештаи иако американските разузнавачки служби ветија дека ќе ги објават штом ја завршат истрагата. Дури и Трамп деновиве изјави дека има многу цврсти докази , кои ја подржуваат теоријата, но дека не смее да ги изнесе во јавноста.

Кина одлучно ги отфрла овие приказни. Во извештајот А во извештајот на американското министерство за внатрешни работи се предупредува и на вуханската лабораторија, каде наводно се појавил вирусот уште во декември.

Извор: mms.mk

The post Кина го излажа цел свет, криеше дека вирусот се појави во декември, пишува германскиот Билд, кој дојде до страшен извештај на ЦИА appeared first on Aktuelno24.com.mk.

Емотивно писмо на новинарот Гоце Михајлоски: ...

Tue, 05 May 2020 08:26:49 GMT

Новинарот Гоце Михајлоски се огласи преку Фејсбук за борбата со коронавирусот:

ЕДЕН МЕСЕЦ ПОДОЦНА: Битката ја добив, војната ја изгубив(ме)

Сосема беше во право британскиот премиер Борис Џонсон, кога кажа дека новиот вирус е како крадец. Доаѓа од “нигде-никаде”, и за брзо остава пустош зад себе. Во случајот со моето семејство, зеде и живот – на татко ми.

Последниот викенд во Прилеп

Во семејната куќа во Прилеп вирусот “влегол” кон крајот на март. Викендот 28-29 март бев во посета на родителите, неполни 24 часа, тогаш полицискиот час беше од 16 часот. Подоцна се покажа дека тоа е и последна средба со татко ми. Никој немаше никакви симптоми и не можеше ниту да претпоставиме дека “непријателот” е тука. Од каде дошол не знаеме, можеме само да погодуваме, ама тоа сега веќе е и ирелеватно.

5 април, недела

Седум дена подоцна, на 5 април недела, додека се уште бев на работа, попладнето околу 16 часот почувствував омалаксаност. Веднаш заминав дома (тоа беше мојот последен ден на работа), а вечерта добив покачена температура (38.4) и треска. Нормално, веднаш се појави стравот дека можеби “ова е тоа” за кое толку слушавме и зборувавме. Вредно е да спомнам дека практично од петокот, помеѓу двете интервјуа, ми додеваше главоболка на која тогаш не и обрнав особено внимание со оглед дека ја имам често кога сум под стрес и под притисок. Траеше прилично долго, три дена. Не помагаа никакви апчиња, а исчезна дури неделата вечер, кога се појавија температурата и треската, па гледано од денешна перспектива можно е таа да беше поврзана со вирусот.
Претходните денови, во кои бев преокупиран со веќе познатите две интервјуа, повеќепати разговарав со татко ми за емисиите, но во ниту еден момент не се пожали дека има некакви здравствени проблеми. Но, во саботата на 4 април, мајка ми, помалку изнудено (да ме одврати од идејата да го однесам детето на чување неколку дена) и помалку бенигно, ми кажа дека заедно со татко ми 2-3 дена “имаат некоја настинка, повремено со покачена температура и трески”.

6 април, понеделник

Ова беше доволен аларм за мене веднаш, веќе понеделникот, на 6 април, да ја контактирам ординацијата на матичниот лекар. Ги кажав симтомите и информацијата дека моите родители имаат слични такви, но според електронскиот прашалник излезе дека нема доволно индикации да бидам тестиран (не знам дали е се уште истиот прашалник, но доколку е, тогаш е пропуст на системот кој мора итно да биде корегиран). Веднаш почнав да барам алтернатива во приватните лаборатории кои прават такви т.н. молекуларни тестови, но без успех. Две ми одговорија дека ги прават само преку закажување од матичен, а третата дека имаат термин дури следната недела. (Како е сега, не знам)
Попладнето се слушнав повторно со мајка ми. Ми кажа дека таа е веќе добра, но дека состојбата на татко ми е влошена. “Тешко дише ноќе, го открив и дека во тоалет исплукува крв и има дијареја”, ми рече.

7 април, вторник

Во вторникот наутро, 7 април, татко ми, кој како по обичај дотогаш велел дека “ништо не му е”, самиот побарал мајка ми да го однесе во прилепската болница. Таму му била дадена инфузија, земени тестови, и пуштен дома.
Јас, пак, утрото ја продолжив потрагата по лабораторија. Последна опција ми остана Систина, со т.н. брзи тестови за антитела во крвта. Иако за нивната релеваност веќе со денови се водеше расправа, одлучив да се тестирам. Ми закажаа термин за истиот ден, и веќе околу 13 часот го добив резултатот и тој беше негативен. Сепак, немаше простор за радост со оглед што попладнето, веќе трет ден по ред, се врати темературата и треската.

8 април, среда

По уште една тешка ноќ, во средата наутро мајка ми повторно го однела татко ми во болница. Поради сериозната состојба лекарите одлучиле да го хоспитализираат и покрај тоа што се уште не биле стигнати резултатите од тестот за вирусот. Од тогаш веќе никој од семејството не го виде.
Јас и средата бев исто како и претходните денови. На дистанца од сопругата и синот колку што дозволуваа можностите, со повремено покачена темература и трески, без кашлица или отежнато дишење. Се “лекував” дома со чаеви, витамини и парацетамол. Ми се појави и силна болка во грлото, па матичниот лекар ми препиша антибиотик, мислам беше Амоксиклав. Тие денови полека го изгубив и чувството за мирис и вкус.

Критичниот ден – 9 април, четврток

Од веќе напластените грижи, ноќта не спиев добро, а утрото околу 7 часот ме разбуди повик на мој близок роднина. “Татко ти ноќта ја поминал лошо во болница и покрај кислородната поддршка, треба да го однесат на Инфективна клиника во Скопје, но не сакаат да го примат, немало место. Види што можеш” ми рече роднината. Веднаш откако спуштив почнав да размислувам што да правам, а веќе следниот момент колабирав, ја изгубив свеста. Не знам по колку време, се разбудив во локна крв, испружен на подот во дневната соба. Полека се созедов, се уште не свесен што се случи и од што е крвта, дали од физичка повреда или од белите дробови. За брзо дојде сопругата од другата соба и дилемата беше расчистена. Имав голема расекотина на брадата која мораше да биде сошиена. Дестинацијата веќе ја знаев – градската болница “8 Септември”, одредена за интервенции кај суспектни од коронавирусот. Додека се подготвував, роднината се јави повторно, овој пат со добра вест. Проблемот бил надминат, татко ми за брзо ќе го транспортираат на клиника.
Јас се појавив сам пред влезот на “воена” некаде околу 8, се уште немаше движење. Ме дочекаа вообичаено тмурните лица од обезбедувањето, кои по правило не се расположени да дадат ниту основна информација каде да се упатиш. Нејсе, по неколку минути веќе бев пред шалтерот на “приемно”, во ургентниот центар, сега ковид центар. Таму на љубезната медицинска сестра, облечена во скафандер и сета друга заштитна опрема, и кажав зошто сум дојден, со дополнување дека иако имам негативен тест од Систина, неколку дена имам температура и трески, а и татко ми е суспектен на вирусот. За кратко, вратата ми беше отворена, а истото го повторив пред дежурниот лекар. И тој беше крајно љубезен, па откако ме ислуша, почна со испитувања. Притисок, сатурација, крвна слика, рентген на белите дробови… на крајот ми ја сошија раната, и таман помислив дека си одам дома, околу 10 часот докторот ми рече: “има некои отстапувања на рентгенот, пневмонија која можеби поминала, но според протоколот мораме да те задржиме”.
Веќе следниот момент ми дадоа болнички пижами и ме однесоа на третиот кат во одделение на кое пишуваше Дигестивна хирургија, сега пренаменето за карантин. Бев сам во собата 312, во која имаше уште 4 кревети.
Околу пладне, ми се јави татко ми, да ми каже дека веќе стигнал во Скопје и го сместиле на клиниката. Тешко зборуваше, а за да не се вознемири дополнително не му кажав дека и јас сум во болница. Тоа беше нашиот последен телефонски разговор.
Попладнето почнав да примам терапија, а околу 17 часот добив информација дека татко ми е позитивен на вирусот. Поради големиот јавен интерес (интервјуата со лидерите пред една недела) уште вечерта итно ми беше земен брис и мене. Докторката ми рече дека “резултатот ќе биде во најбрзо време, можеби истата вечер”, но тоа не се случи.

10 април, петок

Веќе бев буден, беше околу 8.30, кога ми заѕвони телефонот и ја добив информацијата дека и мојот тест е позитивен. Според се, не беше изненадување, но секако беше огромен шок. Во 10 часот веќе беше прес конференцијата на министерот и веста ја дозна целата јавност.
Од фејсбук и порталите попладнето веста ја дознал и татко ми, кој само успеа да ми пише на месинџир “биди силен”.
Тој ден бев преместен и во друго одделение, мислам дека беше кардиолошкиот центар, сега исто наменет за ковид 19. Тоа беше и првиот ден без покачена температура.

11 април, сабота

Денот почна повторно со “селење”. Бев вратен во истата соба на третиот кат, овој пат прво со двајца “цимери”, подоцна тројца, на крајот четворица…
Тој ден беше и последната комуникација со татко ми преку месинџер. Утрото рече дека е подобар, но вечерта ми пиша дека состојбата му се влошила. Јас го уверував дека сум добар, дека нема потреба воопшто да се грижи за мене, но колку во тоа поверува не знам. Го храбрев дека е во добри раце и се поздравивме со договор следното утро да ми пише како е.

12 април, недела

Веќе беше 8 часот, а од татко ми немаше абер, што веќе беше чудно, да спие до толку доцна не се случило. Му пишав јас, но забалежав дека не бил активен од претходниот ден, што беше несвојствено за него. Целиот ден сите во семејството бевме вознемирени од фактот што не знаевме што се случило. Дури попладнето околу 17 часот, разбравме дека утрото му се влошила состојбата и дека е ставен на машина за дишење, фамозниот респиратор.

13-17 април, пон-пет

Следните денови беа исти. Јас ја добивав терапијата во болничката соба, (не знам точно што, но секако сумамед и трицеф), веќе добро се запознавме и со “цимерите”, па низ разговори времето поминуваше некако побрзо. Покачената температура и треските беа веќе минато, тие денови имав само кашлица. Кон крајот на неделата, по направените контролни анализи, на тројца од веќе петтемина во собата ни беше кажано дека ќе бидеме пуштени на домашно лекување, поради добра општа состојба.
За татко ми целата недела немаше никаква новост. “Состојбата му е иста, ни полошо, ни подобро”, ни повторуваа секој ден од клиниката.

18 април, сабота

Со возило на Брза помош бев донесен дома саботата, ден пред Велигден. Добив антибиотици како терапија за уште една недела и задолжителна изолација до два негативни тестови.

19 април, Велигден

На големиот празник, дојде првата добра вест по подолг период. Сопругата и синот се негативни на тестот за вирусот. Веднаш по неа, истиот и следните два дена доаѓаа добри вести и од колегите кои беа ставени во самоизолација, по проценка на епидемиологот. Вкупно осуммина, сите негативни.

20-24 април, пон-пет

Продолжи неизвесноста со татко ми. Тој веќе втора недела беше приклучен на машината за дишење. Само еднаш (четвртокот на 23 април) ни кажаа дека има некакво подобрување на крвната слика и рентгенот, но предупредија дека рано е за било каква радост.

25 април, сабота

По една недела дома, дојде денот за првиот мој контролен брис. Ми беше земен на прагот од влезната врата од станот.

26 април, недела

Веќе не се чекаше многу за резултатите како претходно, но сепак бев изненаден што веќе следниот ден, во неделата попладне, го добив резултатот. Беше негативен, односно вирусот веќе го немаше. Според процедурата, следното утро во понеделникот ми беше земен втор контролен брис.

27 април, понеделник

При редовниот телефонски контакт со лекарите во Инфективна (секој ден од 14-15 часот се јавуваше сестра ми) добивме информација дека состојбата на татко ми по повеќе витални параметри се влошила.
Околу 18 часот ми ѕвонеше непознат број. Уште пред да одговорам, интуицијата веќе ми говореше дека не е за арно. “Дали сте вие синот на Марјан?”, ме праша непознатиот машки глас. Откако одговорив потврдно, ми ја соопшти лошата вест. “Се јавувам да ве информирам дека татко ви почина”, рече човекот.
Веста брзо беше проширена и кај одговорните за погреби во Прилеп, па веќе вечерта експресно неговото тело, со сите процедури за вакви случаи, беше пренесено во капелата на прилепските гробишта.
Вечерта ми беше соопштено дека и вториот мој тест е негативен, односно и дефинитивно го нема веќе вирусот во мене. Тоа барем ми овозможи да присуствувам на погребот.

28 април, вторник

Погребот беше извршен рано, повторно според процедурите за вакви случаи, со полициски надзор. Имаше 63 години и беше релативно здрав човек, без некои сериозни хронични болести. Присуствуваме само неколкумина од најтесното семејство, сите со маски и на растојание поголемо од 2 метри.
Веќе во раните попладневни часови се вратив во Скопје, неколку минути пред министерот да ја соопшти статистиката за последното деноноќие. Во неа ме имаше и мене, го имаше и татко ми. Јас во оздравените, тој во починатите.
Така, еден месец подоцна можам да кажам дека битката со вирусот ја добив, но не можам да кажам дека ја добив(ме) и војната. Од борбата со оваа подла болест до крајот на животот ќе ми останат две лузни – една на лицето и една во душата.
……

Ова го напишав за неколку пораки:

– Носете маска и држете растојание! Јас од почетокот на епидемијата ги практикував и двете, освен дома. Се покажа недоволно за мене, но доволно да не го пренесам вирусот никому. Сите што беа во контакт со мене – и лидерите, и колегите, и моите дома, останаа негативни. Жалам за непријатноста и неизвесноста што им ја предизвикав на сите што беа засегнати на некој начин.

– Вирусот веројатно веќе стивнува, но по игра на случајноста ако почувствувате некакви симптоми не чекајте, јавете се на лекар! Подобро е да мислите дека го имате, а тестот да го покаже спротивното, отколку да мислите дека го немате, па да задоцните со лечењето. Можеби татко ми ќе имаше шанси да побарал помош неколку дена порано.

– Да изразам благодарност за сите медицински лица што се грижеа за мене и се бореа за татко ми. Тие анонимни херои работат во смени и од по 24 часа во исклучително тешки услови со маски, скафандери, наочари, визири… Заслужуваат и повеќе и подобро.

– Јавно да се заблагодарам на сите пријатели кои ми помагаа мене и на моето семејство во овој период, особено во 10-те дена додека бев во болница, а сопругата и 3,5 годишниот син беа сами затворени во станот во двонеделна изолација. Не знаете како е да не можеш ниту ѓубрето да си го фрлиш. Во мака се гледаат вистинските пријатели, со право рекол нашиот народ.

– Да се заблагодарам на сите познати и непознати што на било каков начин, јавно или лично, ми изразивте поддршка за време на лекувањето и сочувство за загубата. Во тешки моменти значи и се памти секој кажан , но и премолчан збор. Многумина позитивно ме изненадија, иако имаше и неколкумина кои особено ме разочараа. Посебна благодарност до менаџментот на Канал 5, кој беше со мене за целото ова време.

– На крајот. Јас сум здрав и наскоро ќе почнам да се излегувам од дома, полека да се враќам во нормален живот, колку што е можно тоа во сегашните услови. Сепак, познавајќи го нашиот менталитет, знам дека ќе има и такви на кои ќе им биде непријатно да бидат во моја близина. За нив: Ако не ви е доволна дистанцата од 2 метри и маските за да се чувствувате безбедно, ве молам свртете си ја главата, искрено нема да ви забележам, го разбирам стравот кај луѓето, дури и кога е нерационален. Ова премрежје по кој знае кој пат потврди една вистина – семејството е единственото што е важно, без се друго се може.

П.с. Козарот ќе го тужам за лагите и клеветите, најмногу поради тоа што во најтешките моменти ми го вознемири семејството. Многу веројатно и татко ми во неговите последните часови при свест. Очекувам да биде “храбар” како што е на тастатурата и да не се крие зад “не добив уредна покана”, “страната не е моја”, “некој ми ја хакирал” и сл. и на суд да ги докаже гадостите што ги пишуваше.
П.п.с. А, одамна “декодираната” новинарка нема да ја тужам. За неа имам само сожалување. Ретко се наоѓа толку многу злоба и фрустрација во еден човек.

The post Емотивно писмо на новинарот Гоце Михајлоски: Битката ја добив, војната ја изгубив(ме) appeared first on Aktuelno24.com.mk.

„Нè чекаат две години хаос, три можни сценарија и ...

Mon, 04 May 2020 09:02:32 GMT

Остерхолм за ризикот од пандемиите пишува веќе 20 години, и невел неколку можни сценарија, меѓу кои и тоа дека ситуацијата ќе се реши набрзо кое не го потврдува микробиологијата.

Новиот коронавирус веројатно ќе продолжи да се шири уште 18 месеци, односно две години, сè додека 60 до 70 отсто од популацијата не биде инфицирана, соопштил тим од водечки американски експерти.

Тие изјавиле дека САД треба да се подготви на најлошото сценарио кое што вклучува уште еден бран од епидемијата наесен и назима. И во најдобар случај, и понатаму ќе има смртни случаи, предвидуваат тие.

„Оваа работа нема да запре сè додека не бидат заразени 60 до 70 отсто од популацијата“ – изјавил Мајк Остерхом кој што е лидер во Центарот за истражување на заразни болести при Универзитетот во Минесота.

Поради тоа што Ковид-19 е нов вирус, никој не е имун на истиот.

„Должината на пандемијата ќе трае најверојатно од 18 до 24 месеци, затоа што имунитетот се гради постепено кај луѓето“ – се наведува во истражувањето.

Тие исто така навеле дека епидемијата Ковид-19 е најслична на сезонскиот грип, но дека истата се шири многу побрзо и полесно.

Возможни се три сценарија

Прво: Првиот бран на Ковид-19 напролет, 2020-та година, ќе биде проследен со серија помали бранови во текот на летото, а потоа константно во текот на период од една година или две, постепено ќе се намалува во 2021-та година.

Второ: Првиот бран на Ковид-19 ќе биде проследен со уште еден голем бран наесен или назима и еден помал бран во 2021-та година. Тоа би можело да доведе до повторно воведување на мерки наесен за да се спречи брзото ширење на вирусот и колапс на здравствениот систем. Експертите тврдат дека ваков случај е забележан во текот на пандемијата во 1918-1919 година.

Трето: ‘Споро исцрпување’ на моменталниот процес. Тоа сценарио не би довело до враќање на мерките, иако и понатаму би имало заразени и починати луѓе.

Извор: tocka.com.mk

The post „Нè чекаат две години хаос, три можни сценарија и голем број заразени“ appeared first on Aktuelno24.com.mk.

Почина познатиот македонски композитор и водител ...

Mon, 04 May 2020 08:29:45 GMT

Познатиот македонски водител и пејач, Драган Вучиќ почина денеска на 65 годишна возраст.

Веста за неговата смрт за порталот „Убавина и здравје“ ја потврдил синот, Мартин.

Официјални информации за причината за неговата смрт сѐ уште нема, но порталот а1.он пренесува дека причина за смртта е коронавирусот. Како што наведува порталот, Вучиќ бил извесно време хоспитализиран на клиниката за инфективни болести во Скопје.

Фестивалот „Макфест“ на својата официјална Фејсбук страна во сеќавање на Вучиќ ја објави песната „Свирете ја зајди, зајди“ која тој ја има компонирано.

The post Почина познатиот македонски композитор и водител Драган Вучиќ appeared first on Aktuelno24.com.mk.

ЉУБЧО ГЕОРГИЕВСКИ: ВМРО-ДПМНЕ ВО ВРЕМЕ НА ГРУЕВСКИ ...

Sun, 03 May 2020 14:01:39 GMT

Ајде уште еднаш да појаснам зошто очигледно некои луѓе потешко разбираат:

Во 2014 година во време на влада на ВМРО-Дпмне,премиер Никола Груевски со пари од македонскиот буџет,Министерството за култура на Република Македонија објавува едиција PRO MAKEDONIJA во која во најмалку 70 книги пишува дека населението во Македонија е бугарско.Автори се војводи,комити,Илинденци и странски автори.

Паралелно со тоа Архивот на Македонија во време на ВМРО-Дпмне додека е директор Зоран Тодоровски објавува уште најмали 50 книги каде исто пишува дека населението во Македонија е бугарско.

Со овие документи за жал испаѓа дека во ВМРО-Дпмне се најголемите платеници на Бугарските служби.

The post ЉУБЧО ГЕОРГИЕВСКИ: ВМРО-ДПМНЕ ВО ВРЕМЕ НА ГРУЕВСКИ СЕ НАЈГОЛЕМИТЕ ПЛАТЕНИЦИ НА БУГАРСКИТЕ СЛУЖБИ appeared first on Aktuelno24.com.mk.

Сите кои сакаат на одмор во Грција мора да го имаат ...

Sat, 02 May 2020 20:58:35 GMT

Летувањето во Грција оваа година уште од старт ќе чини повеќе. Грчкиот министер за туризам ги објави мерките за новата туристичка сезона која најверојатно ќе стартува на почетокот на јуни.

Тој вели дека ова лето се ќе виде под посебни услови. Конкретно тоа значи дека секој патник ќе мора да има направено корона тест во својата земја кој не треба да биде постар од неколку дена.

Покрај тоа, на оние што доаѓаат со авион можно е и да им се зема крв. Посебни правила ќе има и за однесување на плажа и во хотелите и рестораните.

The post Сите кои сакаат на одмор во Грција мора да го имаат направено ова appeared first on Aktuelno24.com.mk.

Оваа земја и се спротивстави на СЗО, а сега е ...

Thu, 30 Apr 2020 17:08:49 GMT

Словачка е една од најуспешните европски земји во борба против коронавирусот, но во една работа во таа борба ѝ се спротивстави на Светската здравствена организација.

Вирусот продолжува да убива илјадници луѓе секој ден ширум Европа, но од таа низа се издвојува една земја, пишува “Bloomberg”. Словачка има најниска стапка на смртност во Европа од коронавирусот, со само четири жртви на милион жители.

За споредба, светскиот просек на починати на милион жители е 29,3, додека во најпогодените земји како Шпанија или Италија, тој е многу поголем. Шпанците, според податоците на сајтот “Worldometers” имаат 519 смртни случаи на милион жители, а Италијанците 458.

Словачка, земја со 5,5 милиони жители, ги затвори сите училишта, продавници и граници пред која било друга земја во Европа, а веднаш по Италија и почетокот на катастрофата во таа земја.

Освен што брзо реагираа, Словаците во едно нешто не ги послушаа препораките на Светската здравствена организација. Додека експертите на СЗО посочуваа дека “маските може да направат поголема штета од корист” и дека треба да ги носат само лекарите и луѓето кои се заболени, во Словачка имаа спротивен пристап.

Дури и пред словачката влада да воведе употреба на маски како задолжителна мерка, политичарите, но и ТВ водителите во таа земја промовираа употреба на маски.

Словачките мерки вродија со плод – тие ги воведоа мерките пред шест недели, а во моментов, според официјалните бројки, во таа земја од коронавирус починале 22, а заразени се вкупно 1.391. Во болниците има 180 лица, од кои само 8 на интензивна нега, а ниту еден пациент не е на респиратор. Дневниот просек на нови случаи во изминатата недела дена е 6.

“Брзината на реагирање беше клучна. Би било идеално епидемијата да се спречи во фаза каде што можете да ги пратите контактите на секој нов случај. Словачка ја направи вистинската работа”, вели Ева Шернхамер, раководител на одделот за епидемиологија на Факултетот за медицина во Виена.

The post Оваа земја и се спротивстави на СЗО, а сега е прогласена за најуспешната во борба против коронавирусот appeared first on Aktuelno24.com.mk.

Георгиевски: Не знам кој му ја смисли оваа игра на ...

Thu, 30 Apr 2020 17:03:38 GMT

Претседателот на ВМРО-Народна партија Љубчо Георгиевски на својот фејсбук профил напиша статус кој ви го пренесуваме во целост:

„Во 2014 година во време на владата на Груевски во име и со пари на Министерството за култура и Националната универзитетска библиотека е објавен сериозен и голем проект Едиција PRO MACEDONIIA. Претпоставувам главен организатор е Проф.Зоран Тодоров директор на архивот на Македонија и член на ЦК на ВМРО-Дпмне.

Проектот се состои во објавување на околу седумдесет (70) книги од македонски и странски автори дотогаш не објавени во нашата земја и без внатрешни корекции и поправки. Проектот требаше да биде спектакуларно претставен но заврши анонимно. Беа испечатени само по двеста примероци и проектот беше задушен. Не знам кој му ја смисли оваа игра на Груевски тогаш но неговата влада ќе испадне најбугарофилската ако имате време да ги погледнете книгите.

Така сега на актуелната влада им препрачувам да објават второ издание и по еден бесплатен пакет поклон за сите раководители на актуелното ВМРО-Дпмне да видат што пишуваат војводите и комитите. А на Груевски од истата едиција да ги прочита споменити на Андон Ќосето“.

The post Георгиевски: Не знам кој му ја смисли оваа игра на Груевски тогаш но неговата влада ќе испадне најбугарофилската appeared first on Aktuelno24.com.mk.

За два месеци сите ќе стекнеме имунитeт, или овој ...

Wed, 29 Apr 2020 12:37:19 GMT

Инфектологот Вело Марковски е пpотив кapантинот и масовната коpoна пcихоза и xистерија. Професорот на штипскиот универзитет вели дека никој не спори дека има умpeни луѓе, но прашањето е како да си помогнеме подобро, и дали треба да менуваме пристап и стратегија. Во јавноста се присустни многу нeстручни луѓе за овие видови на болeсти. Не е ова политичка дебата или дуел.

– Подтаоците од Италија не се релевантни. Италијански професор тврди дека само 2 посто од прикажаните cмртни случаи всушност пoчинале од коpона. Во Америка за разлика од Италија се двои koроната од другите болeсти, се двои и пнeвмонијата. Тоа е научен пристап. И во Македонија лaжат бројките за cмpтност кои секако се многу помали во однос на вкупниот број на инфицирaни.

Тргнавме со искуствата од Кина, но сега имаме поголеми искуства од Америка, Германија… Најверојатно пикот на вирусот трае околу 2 месеци и ќе настане тој колективен имунитет или вируcот природно ќе се повлече поради климатските услови.

Смpтноста со рeспираторите е речиси максимална. Затоа треба да се внимамава и што пвоеќе да му се остави простор на организмот сам да се избори. Во Кина на пример многу помалку умиpaле пациенти што не биле на реcпиратор со иста и слична тeшка kлиничка слика – вели Марковски во емисијата “Стадион” на Радио Канал 77.

The post За два месеци сите ќе стекнеме имунитeт, или овој виpус ќе исчезе сам по себе appeared first on Aktuelno24.com.mk.

Кинезите фатени на дело: Германците го открија ...

Mon, 27 Apr 2020 09:25:42 GMT

Кинески дипломати контактирале високи функционери во германската влада со намера да ги поттикнат да дадат позитивни оценки за постапките на Пекинг за време на пандемијата на коронавирусот, соопштија од германското министерство за внатрешни работи.

„Германската влада е запознаена со поединечни контакти на кинески дипломати со цел да поттикнат позитивни јавни изјави за постапките на Народна Република Кина во врска со коронавирусот. Сојузната влада не ги исполни тие барања“, стои во писмото кое британската новинска агенција „Ројтерс“ деновиве го добила на увид.

Писмото од 22-ри април било испратено до пратеничката Маргарете Баузе од редовите на Зелените, како одговор на нејзиното прашање дали кинески дипломати контактирале германски владини функционери за да ги наведат да изнесат позитивни оценки за Кина.

За одговорот на министерството прв извести весникот “Welt am Sonntag”. Овој медиум наведе дека кинеската амбасада во Берлин го отфрла извештајот оценувајќи го како невистинит и неодговорен.

Од кинеската амбасада во текот на вчерашниот ден не биле достапни за коментар, а „Ројтерс“ побарале коментар и од кинеското министерство за надворешни работи, меѓутоа не добиле никаков одговор.

Инаку, во писмото, германското министерство истакнало дека Берлин ги признава напорите на Кина да ја сузбие пандемијата на коронавирусот, посебно од 23-ти јануари и тоа без Пекинг да го побара од нив. Но, истовремено е наведено дека Берлин верува дека за време на пандемија е важна транспарентноста, притоа не истакнувајќи дали Германците всушност веруваат дека кинеската влада всушност била транспарентна.

Пред неколку дена „Ројтерс“ пренесе дека Кина се обидела да го блокира извештајот на Европската унија во кој се вели дека кинеските власти ширеле дезинформации во врска со појавата на коронавирусот.

Извор: tocka.com.mk

The post Кинезите фатени на дело: Германците го открија планот на официјален Пекинг… appeared first on Aktuelno24.com.mk.

Ова е првата земја во Европа која го испиша и ...

Mon, 27 Apr 2020 07:48:00 GMT

Борбата против коронавирусот продолжува со полна сила и додека некои земји ги затегнуваат мерките, други ги разлабавуваат, постои и трет тип – оние кои веќе целосно се ослободени од заразата.

Прв случај на ваква земја се случи со Гренлад, каде и официјално од здравствениот систем беше испишан последниот оздравен пациент од коронавирусот. Најголемиот остров во светот воедно е и една од најретко населените територии, односно на површина од 2,16 милиони квадратни километри живеат едвај 56.000 жители, со што правилото за социјално дистанцирање беше и премногу лесно усвоено. Односно, според тамошните извештаи, меѓу жителите можело да се овозможи и дистанца од 140 метри, наместо 2, како што препорачува СЗО.

Првиот случај на заразен пациент во земјата беше регистриран на 16-ти март, а на почетокот на Април, бројот на заразени луѓе достигна до 11. По 21 ден, нема ниту еден нов случај забележан, а сите заразени се целосно излекувани.

Сепак, тамошните власти сè уште не брзаат со укинување на сите превентивни мерки, при што и понатаму е забранет водушниот сообраќај, а движењето кон престолнината Нук е со посебни одредби.

The post Ова е првата земја во Европа која го испиша и последниот оздравен пациент од коронавирус appeared first on Aktuelno24.com.mk.

Еве што нè чека по вакцината за корона – вирусот ќе ...

Sat, 25 Apr 2020 17:19:00 GMT

Има сè повеќе докази дека пандемијата корона со себе влече една друга пандемија – отпорност на антибиотици.

Иако коронавирусот е нова болест, податоците од некои области покажуваат дека дури 90 отсто од пациентите се лечат со антибиотици. Тоа се податоци од болницата која што не ги зема предвид случаите на луѓето кои што консумираат антибиотици на своја рака.

Отпорноста на антибиотици е веќе алармантна, а причината е речиси 700.000 смртни случаи годишно во светот. За работата да биде полоша, нема да има лекови кои што ќе можат да помогнат затоа што произведувачите на антибиотици банкторитаа, а сега сите сакаат да ја создадат вакцината против коронавирус.

Многубројни истражувачи претходните месеци ѝ се обратија на јавноста предупредувајќи на еден проблем.

„Внимателно користете ги антибиотиците, важно е колку и носењето заштитна опрема“ – вели Адам Робертс, микробиолог.

Бактериското воспаление на белите дробови е чест симптом на вирусните инфекции. Поголемиот дел од починатите од шпански грип не ги убил грипот туку бактериската инфекција која што го нападнала ослабнатиот организам.

Според првите податоци од Вухан, 15 отсто од заболените од корона добиле бактериска инфекција, од кои половина починале.

Докторите им даваат антибиотици на заболените од вирусот превентивно за инфекцијата да не се прошири. Во нормално време, антибиотик се дава дури кога лабораториски ќе се потврди присуство на бактерија.

Покрај хидроксихлоквин, како лек за корона се појави и антибиотикот азитромицин, па произведувачите во САД пријавиле недостаток на тој лек.

Ситуацијата дополнително се влошува поради тоа што нови антибиотици нема, а токму тоа е и најголемиот предизвик.

ВО САД две големи фирми кои што произведуваат лекови, морале да поднесат барање за банкрот, што е уште една закана за во иднина.

The post Еве што нè чека по вакцината за корона – вирусот ќе го победиме, но има еден друг проблем… appeared first on Aktuelno24.com.mk.

Писмо кое ја засрами Италија: Сопственик го ...

Sat, 25 Apr 2020 14:01:50 GMT

Писмо на станари од северна Италија кое е упатено кон заменик градоначалникот и Управата за Здравство, предизвика општ бес затоа што станарите бараат од властите да се промени одлуката на сопственикот на станот кој својот стан бесплатно го отстапил на медицинските работници во време на епидемијата коронавирус и да се провери нивната здравствена состојба.

Во Порденоне 25 сопственици ги дале своите станови бесплатно за да ги користат медицинските работници кои ќе дојдат во градот да помогнаат на болниците за време на епидемијата коронавирус.

Заменик градоначалникот Елидза Грицо вели дека добил напад на бес кога го прочитал писмото. Одговорил остро и на потписниците на писмото им се заканил со тужба доколку некој се осмели јавно да ја осуди здравствената состојба на работниците кои ќе се вселат во становите.

-Лут сум и верувам дека ова е единствен случај каде луѓето се противат на подготвеноста на многу граѓани бесплатно да ги стават на располагање своите слободни станови на лекарите и медицинските сестри, кои ќе дојдат во Порденоне да им помогнат на колегите во болниците, а од друга страна се оние кои се грижат само за себе, рекол Грицо. И мене би ми било мачно поради тоа писмо, посебно затоа што потписниците бараат од нас однапред да им ја соопштиме здравствената состојба на лицата кои ќе бидат сместени во тој стан, што е противзаконски. Зарем тоа е благодарност за оние кои се жртвуваат за да спасат нечиј живот? Со среќа, на повеќето луѓе од Порденоне, дури и во оваа ситуација покажаа дека имаат огромно срце – рекол претседателот на здружението на медицински сестри во Порденоне.

The post Писмо кое ја засрами Италија: Сопственик го отстапил својот стан на медицински работници, но погледнете што направиле соседите appeared first on Aktuelno24.com.mk.

СЗО: Доколку ги имате овие три благи симптоми, можно ...

Thu, 23 Apr 2020 15:57:01 GMT

Постои можност да сте заразени со корона вирус доколку ги имате следните три благи симптоми.

Светската здраствена организација нови три најважни симптоми кои што укажуваат дека сте заразени со корона вирус.

Коронавирусот потврден е кај повеќе од 2,5 милиони луѓе во светот. СЗО објави три симптоми на кои што треба да се обрни внимание.

Овој вирус ги погодува луѓето на различни начини, предупредуваат од СЗО.

Додека заморот, температурата и кашлицата се најчестите симптоми на за вирусот, постојат уште неколку знаци околу болеста.

Станува збор за скратен здив, чувство на болка и болки во грлото. Некои пациенти пријавиле дијареа, гадење и течење на носот.

-Ковид-19 е респираторна болест. Вообичајни симптоми се треската, заморот и сувата кашлица, наведуваат од СЗО.

-Секој кој што ги има овие благи симптоми треба да се изолира и да се консултира со доктор околу чекорите за лекување, велат од Светската здраствена организација.

The post СЗО: Доколку ги имате овие три благи симптоми, можно е да сте се заразиле со коронавирус appeared first on Aktuelno24.com.mk.

ВИДЕО: Пик на коронавирусот во Македонија ниту ...

Thu, 23 Apr 2020 07:54:22 GMT

Докторот вирусолог Никола Пановски, спротивно на она што го очекуваат здравствените власти вели дека пик на коронавирусот во Македонија ниту имало, ниту ќе има.

Тој за телевизија Алфа вели дека оваа болест ќе трае и понатаму, без да има некој посебен пик.

– Според мене пик ниту имаше, ниту ќе има. Сѐ е тоа едно плато кое трае веќе две недели или можеби повеќе, имаше некои денови кога беше 107 заразени, па имаше многу малку зависно од тоа што селектираат за испитување и колкав е број на тестовите. Просек е 10 проценти од тестовите да се позитивни, последниве гледаме процентот е понизок, иако има малку тестирања, процентот е под 5 посто, така што мислам дека е поминат пикот ако воопшто имало пик – вели Пановски за Алфа.

Тој вели дека олабавување на полицискиот час е многу подобра опција. Според него, многу подобро ќе беше доколку воопшто не се воведуваше толку ригорозен полициски час.

– Мислам дека помалку ќе се заразуваат, сега кога е од 19 часот, отколку од 16, бидејќи помалку ќе се гужваат луѓето, кога се враќаат од работа, кога одат по продавници. Мислам дека ова е пологично, мислам дека не требаше воопшто да се воведува до 16 часот – вели Пановски.

The post ВИДЕО: Пик на коронавирусот во Македонија ниту имало, ниту ќе има appeared first on Aktuelno24.com.mk.

МАКСИМ ДИМИТРИЕВСКИ: СТРАШНО СЕ ЛАЖЕ ОД ЛИЦА КОИ СЕ ...

Wed, 22 Apr 2020 13:50:04 GMT

Градоначалникот на Куманово Максим Димитриевски низ солзи во интервју во емисијата „Ја сакам Македонија“ на Сител Тв рече дека единствената сигурна работа на која може да се ослони во неговиот живот е неговото семејство.

– Мислам дека единствено семејството на кое можете да се ослоните во едни вакви моменти. Страшни дворски игри во многу тешки моменти за сите нас за кои ќе оставам времето да покаже кој е во право. Во целиот овој конгломерат на несовесни граѓани, можам да кажам само едно а тоа е дека страшно се лаже од лица кои сакаат само да стигнат до целта, а кои се одговорни и не смеат тоа да го прават во овие моменти бидејќи одговараат за здравјето на сите нас.

Ние баравме потполно исти мерки како во Дебар. Зошто нешто би можело да важи за Дебар, а да не важи за Куманово, или пак сега нешто да важи за Куманово, а да не важи за Тетово. Тоа се двојни стандарди, рече кумановскиот градоначалник.

The post МАКСИМ ДИМИТРИЕВСКИ: СТРАШНО СЕ ЛАЖЕ ОД ЛИЦА КОИ СЕ ОДГОВОРНИ ЗА НАШЕТО ЗДРАВЈЕ appeared first on Aktuelno24.com.mk.

Телма: Лекарка од Кочани 11 дена чекала резултат од ...

Wed, 22 Apr 2020 13:47:21 GMT

Позитивна на Ковид 19, лекарка-интернистка во Кочани цели 11 дена чекала резултати од тестирањето за кое не знаел никој во болницата. Таа преку матичен лекар добила упат за тестирање и за тоа време давала и дежурство. Резултатите биле дознаени во понеделникот навечер.

Александар Серафимовски, директор на Општа болница Кочани:

-Таа беше дежурна во саботата, а тројца колеги се испратени во самоизолација и ги чекаме нивните резултати. Не бевме известени дека правела тест и и беше наложено да достави писмен извештај до надлежните. Лекарката беше заштитена секогаш на смена и најмногу внимаваше.

Државниот здарвствено-санитарен инспекторат извршил вонреден надзор и ги утврдил датумите за тестирањето, а дополнително ќе прави надзор и како матичниот лекар издал упат за тест бидејќи станувало збор за асимптоматски случај.

Целиот текст на овој ЛИНК

The post Телма: Лекарка од Кочани 11 дена чекала резултат од тестирање и одела на работа заразена со КОВИД 19 appeared first on Aktuelno24.com.mk.

Ни во лабораторија, ни на пазар за животни – вирусот ...

Wed, 22 Apr 2020 09:15:57 GMT

Коронавирусот веројатно прешол на луѓе за првпат во јужна Кина и тоа месеци пред избивање на епидемијата во градот Вухан, открива новата студија.

Мапирајќи ја “мрежата” гени на коронавирусот и следејќи ги мутациите со текот на времето, тим истражувачи предводен од генетичар од универзитетот Кембриџ утврдил дека првата инфекција со Ковид-19 можно е да настанала уште во септември, јужно од Вухан.

“Вирусот можеби пред неколку месеци мутирал во конечниот облик кој влијае на луѓето, но останал во внатрешноста на лилјаците, другите животни или дури човекот неколку месеци без да инфицира други индивидуи”, изјавил генетичарот Питер Форстер.

Тој и понатаму работи на истражувањето за потеклото на вирусот, а како што навел, вирусот започнал да се шири помеѓу луѓето помеѓу 13 септември и 7 декември, пренесувa “Russia Today”.

Веќе некое време кружат различни контроверзни приказни за настанокот на вирусот, а американскиот претседател Доналд Трамп го обвинува Пекинг за глобалната здравствена криза.

Трамп во повеќе наврати ја обвинуваше земјата за “заташкувањето” во раните фази на избивањето на вирусот, инсистирајќи на тоа дека СЗО им помогнала на кинеските службеници да ги прикријат информациите.

Извор: Tocka.com.mk

The post Ни во лабораторија, ни на пазар за животни – вирусот настанал неколку месеци пред Вухан? appeared first on Aktuelno24.com.mk.

Коронавирусот ќе го преживееме, но потоа следи ...

Wed, 22 Apr 2020 09:10:54 GMT

Шефот на светската програма за храна Дејвид Бесли изјави дека се потребни итни акции за да се избегне катастрофа. Агенцијата на ОН проценува дека бројот на луѓето кои гладуваат би можел речиси да се удвои, од 135 милиони на повеќе од 250 милиони, пренесува Би-би-си.

Во најголем ризик се десет земји зафатени од конфликти, економска криза и климатските промени. Во четвртиот годишен глобален извештај за кризата со храна како земји кои се во ризик да бидат погодени од глад се наведени Јемен, Конго, Авганистан, Венецуела, Етиопија, Јужен Судан, Судан, Сирија, Нигерија и Хаити.

Во Јужен Судан 61 отсто од населението минатата година биле погодени од кризата со храната, се наведува во извештајот. Пред пандемијата на коронавирусот, делови од источна Африка и јужна Азија веќе со децении се соочуваа со сериозен недостиг од храна предизвикан од суша.

Обраќајќи се на Советот за безбедност на ОН на видео-конференција, Бесли кажа дека светот мора да дејствува мудро и брзо.

„Би можеле да се соочиме со глад од библиски размери во рок од неколку месеци“, кажа Бесли.

Вишиот економист на Светската програма за храна Ариф Хусеин кажа дека економскиот ефект на пандемијата може да биде катастрофален за милиони луѓе „чии животи веќе висат на конец“.

„Тоа е удар со чекан за повеќе милиони луѓе кои можат да јадат само ако заработат. Потребен е само уште еден шок како ковид-19 за тие да бидат турнати преку работ. Мораме колективно да дејствуваме за да го намалиме ефектот на оваа катастрофа“, истакна Хусен.

Светската програма за храна испраќа месечно храна за повеќе од 12 милиони жители на Јемен, од кои 80 отсто се во области кои ги контролираат силите на Хутите.

Во Јемен месецов беше потврден првиот случај на ковид-19, а агенциите за помош предупредија дека болеста наскоро ќе го совлада ослабениот здравствен систем на таа земја.

The post Коронавирусот ќе го преживееме, но потоа следи пекол: Доаѓа светска катастрофа против која не постои вакцина appeared first on Aktuelno24.com.mk.