Британскиот премиер Риши Сунак денеска изјави дека „мажот е маж, а жената е жена“ и дека не треба да се врши притисок врз луѓето да веруваат дека можат да бидат било кој пол.

Зборувајќи за тоа како општеството треба да се однесува кон трансродовите луѓе, Сунак на годишната конференција на неговата Конзервативна партија рече дека „не треба да бидеме малтретирани да веруваме дека луѓето можат да бидат од кој било пол“, објави Ројтерс.

„Не можат да бидат. Мажот е маж, а жената е жена“, изјави британскиот премиер.

Текстот Британскиот премиер: „Мажот е маж, а жената е жена“ е превземен од А1он.

Пратеникот и потпретседател на Демократската унија за интеграција Арбер Адеми попладнево на прес-конференција рече дека како партија го поддржуваат Предлог-законот за амнестија. Со ова законско решение, како што посочи, биле запознати сите координатори на пратеничките групи.

– Пред да се усвои во Владата, од Министерството за правда ни го споделија драфтот до сите координатори на пратеничките групи. Однапред бевме известени за содржината на Предлог-законот за амнестија. Тоа е вистината. И на средбата со сите координатори што ја одржа министерот Лога исто така не извести за интенцијата на Министерството за правда водејќи се од реалната ситуација. Ги знаеме условите во затворите и затоа мислам дека интенцијата е добра. Треба сите да се грижиме за похумани услови во овие установи така што Демократската унија за интеграција го поддржува овој Предлог-закон, рече Адеми.

Текстот Адеми: Координаторите на пратенички групи беа запознати со Предлог-законот за амнестија е превземен од А1он.

Автобусот се враќал од Венеција и превезувал туристи во кампот Маргери, меѓу кои Украинци, Французи, Германци и двајца Хрвати.

Автомобили во колоната на надвозникот. Помеѓу нив, автобус кој одеднаш тргнува и прави чудно движење.

Камерите поставени на патот го снимаат како минува од десната страна на патот и се движи со „прекумерен маневар“, велат оние кои ја видоа снимката. И на крајот паѓа токму на десната страна.

Незаконски маневар, истиот впечаток го опиша и сведокот кој возел автомобил зад автобусот. Нешто чудно, кое во тој момент немаше смисла, а наметнува претпоставка дека на возачот му се слошило или заспал. Што е точно, сè уште е рано да се каже, но може да се открие преку видео картичката што се наоѓа во автобусот која пожарникарите се обидувале да ја извлечат уште на полноќ.

Иако се шпекулираше за болест на возачот, не е исклучена можноста за судир со друго возило, а треба да се провери и состојбата на патот и патеката по која се движеше автобусот.

Сопственикот на агенцијата за РАИ изјавил дека снимките од надзорните камери покажуваат дека автобусот возел побавно од 50 километри на час и кочел непосредно пред несреќата, пренесува ХРТ.

Автобусот се враќал од Венеција и превезувал туристи до кампот Маргери, меѓу кои имало Украинци, Французи, Германци и двајца Хрвати. Повредените се пренесени во пет регионални болници, а четворица се во тешка состојба и се уште се на одделението за интензивна нега.

Загинаа 21 лице, меѓу кои четири деца, а 15 лица беа повредени.

Текстот ВИДЕО: Вознемирувачка снимка од автобусot кој падна во провалија кај Венеција е превземен од А1он.

Со предлог Законот за помилување е вклучена заложбата на претседателот Стево Пендаровски за исклучување на аболицијата, односно да се му се оневозможи на шефот на државата да помилува лица за кои во тек е истражна или судска постапка, а нема правосилна пресуда.

„Во однос на предлог Законот за помилување во чија изработка беше вклучен и претставникот на претседателот, конечно е вклучена заложбата на претседателот Пендаровски за исклучување на аболицијата во нашиот правен систем, односно да се оневозможи правото на шефот на државата да помилува лица за кои е во тек истражна или судска постапка, а нема правосилна пресуда.

На овој начин ќе се овозможи кривичните судови да ја остварат во целост својата основна функција, а таа е во соодветна постапка да ја утврдат вината на обвинетите и да ги осудат виновните сторители на кривични дела. На тој начин се придонесува во зајакнување на независноста на судството и, воопшто, функционирањето на системот на поделба на власта и правната држава“, велат од Кабинетот на претседателот Пендаровски.

Текстот Пендаровски се залагал да се исклучи аболицијата во новиот предлог закон за помилување е превземен од А1он.

Асоцијацијата на спортски обожувалници (АСОМ) поседува информација дека на денешната Комисија за европски прашања во Собранието насила ќе се обиде да се истурка новиот предлог Закон за игри на среќа кој значи крај на легалната индустрија на
игри на среќа и широко ќе ја отвори вратата на сивата економија и криминалот.

Апелираме дека со насилниот обид да се донесе најдеструктивниот закон во историјата ќе се соочите со гневот на 10. 000 вработени во индустријата на игри на среќа кои ќе ги оставите на улица.

Со овој предлог закон Владата врши упад во бизнисот со игрите на среќа свесно ставајќи клуч на врата на една легална индустрија, која во буџетот годишно носи прилив од 280 милиони евра.

По донесувањето на незаконската одлука за отпочнување на дискриминирачката постапка за основање на три нови друштва за приредување интернет игри на среќа, сега Владата сака да го истурка и новиот предлог Закон за игри на среќа. Со ова целосно ќе се затвори легалната индустрија и приредувачи, додека Владата преку странски компании ќе го етаблира монополот во организација на онлајн игри на среќа. Овој очигледен план јасно кажуваме дека нема да помине.

Државата тенденциозно скоро една деценија не ги донесува подзаконските акти со кои постоечкиот закон овозможува легалните приредувачи кои се на пазарот да организираат игри на среќа на интернет, иако министерот за финансии беше задолжен да ги донесе за 6
месеци.

Целото ова смислено сценарио на Владата оди во една јасна насока, а тоа е дека станува збор за договорено сценарио со цел да се нанесе силен удар на домашните приредувачи на игри на среќа и да се отвори пазарот за странски однапред договорени компании.
Државата свесно не уништува, а со тоа ја доведува во прашање егзистенцијата на 10.000 вработени и индиректно 54.000 луѓе кои живеат од работењето во домашните компании на игри на среќа.

Уште еднаш јасно порачуваме, Законот за игри на среќа кој Владата сака насила да го донесе целосно го отфрламе и го сметаме за неевропски, неуставен и монополски. За нас апсолутно неприфатливи се предлог измените кои предвидуваат дислокација на објектите што значи целосно затворање, забрана за приредување игри на среќа на Интернет, зголемување на давачките и надоместоците, како и измените на Законот кои задираат во веќе постоечките лиценци, бидејќи истите значат колапс за нашата индустрија.
Предлог измените ќе предизвикаат непоправливи  економски штети за целата држава.

Бараме итно од пратениците и Владата:
1) Пратениците да го отфрлат овој штетен предлог Закон за игри на среќа.

2) Да се донесат подзаконските акти кои цела деценија се држат во фиока за домашните компании согласно актуелниот закон да може да приредуваат игри на среќа и реално да се либерализира пазарот.

3) Да се поништи незаконската владина одлука која претставува сериозна закана за домашните лиценцирани приредувачи на игри на среќа, како и итно да се вклучат сите засегнати страни во креирање на сите следни одлуки поврзани со индустријата. Доколку надлежните не ги послушаат нашите апели подготвени сме на масовни протести и сериозна борба со цел да ја спречиме тенденциозната ликвидација на легалната
индустрија на игри на среќа.

Текстот АСОМ до пратениците: Ќе се соочите со гневот на 10.000 вработени, отфрлете го Законот за игри на среќа е превземен од А1он.

Денеска околу 13.30 часот на Љуботенски пат од страна на Секторот за меѓународна полициска соработка – Одделение за потраги во содејство со Единицата за интервентна полиција лишен е од слобода А.М.(40) од с.Љуботен.

Тој се барал со судска наредба за издржување казна затвор во времетраење од една година за сторено кривично дело „недозволено изработување, држење и тргување со оружје или распрскувачки материи“, по член 396 од Кривичниот законик.

Лицето е предадено во Полициска станица Чаир за понатамошна постапка по што ќе биде спроведено во казнено-поправна установа.

Текстот Приведено лице од Љуботен, осудено на казна затвор е превземен од А1он.

Десната лента од автопатската делница Катланово – Петровец на Коридорот 10 ќе биде пуштена за сообраќај до крајот на овој месец. Асфалтерските работи се во завршна фаза, денеска се поставуваше завршниот слој на асфалт, а во следниот период ќе се поставува заштитната ограда и сообраќајната сигнализација.

Увид во градежните активности денеска извршија министерот за транспорт и врски, Благој Бочварски и директорот на ЈП за државни патишта, Ејуп Рустеми.

Инвестицијата за рехабилитација на автопатската делница во должина од 11 километри изнесува 6,2 милиони евра. Покрај рехабилитацијата, автопатот ќе се прошири и со уште една дополнителна лента за застанување.

По изборот на новиот изведувач градежните активности ја имаат потребната динамика и комплетно автопатската делница се очекува да биде завршена во рамките на рокот предвиден во договорот, односно до декември оваа година.

„Од денешниот увид се уверивме дека градежните работи се одвиваат со силна динамика. Надзорот и изведувачот не информираа дека десниот коловоз ќе биде завршен за 20-тина дена, со што ќе се постави сигнализацијата и комплетно ќе биде пуштен за сообраќај. Претходно имавме проблеми со слабата реализација, но со изборот на новите изведувачи, сликата комплетно е сменета и оваа делница очекувам комплетно да ја пуштиме за сообраќај до крајот на годината. Ова е многу важна алка од Коридорот 10 бидејќи претставува главна патна врска за граѓаните на Северна Македонија.“ – изјави министерот Бочварски.

ЈП за државни патишта е во постојана координација со надзорот и со изведувачот заради навремено завршување на овој проект, потенцираше директорот Рустеми.

„Со цел да се подигне нивото на безбедноста на учесниците на сообраќајот отпочнавме со рехабилитација на левиот и десниот коловоз кои ќе бидат проширени со уште една лента со што ќе се добие комплетна автопатска делница по сите стандарди. Проширувањето се одвива во внатрешниот зелен појас на автопатот со цел да се избегне дополнителна експропријација. Работите се одвиваат со засилено темпо и очекуваме дека до крајот на годинава како што е предвидено со договорот ќе се испочитува рокот за градба.“ – изјави директорот Рустеми.

Текстот До крај на октомври ќе се вози на десната лента на автопатот Катланово-Петровец е превземен од А1он.

Пратеникот на ВМРО-ДПМНЕ, Антонијо Милошоски на денешната прес-конференција истакна дека нивната пратеничка група ќе гласа против Законот за игри на среќа, бидејќи, како што рече, се злоупотребува европското знаменце и се врши партизација на игрите на среќа од страна на ДУИ.

-Ние ќе бидеме против Законот за игри на среќа, бидејќи се врши упад во системот, прво злоупотреба на европското знаменце, а второ партизација на игрите на среќа преку јавно-приватно партнерство коо веќе е отпочнато и функционира на диво меѓу вицепремиерот Артан Груби, вработени во неговиот кабинет и контроверзни ликови од соседна Бугарија. Би сакал денес да го искажам ставот на Пратеничката група на ВМРО-ДПМНЕ за уште една злоупотреба на европското знаменце за Закон кој што нема врска со европската регулатива, а се однесува на потпишаните одлуки на Артан Груби за неговите лотарии каде што главни партнери се вработени во кабинетот на Артан Груби, политичката партија ДУИ и контроверзни ликови од соседна Бугарија, како што е Васил Божков – Черепот, чии што фирми се наоѓаат црната листа на САД, рече Милошоски.

Тој потенцира дека во изминативе година дена потпишани се четири одлуки, незаконити, од страна на вицепремиерот Артан Груби, три за онлајн лотарии и една за видеолотарија.

-Сите овие одлуки се надвор од законот и затоа е ова брзање да се донесе нов закон, измени на Законот за игри на среќа за да се покријат незаконитостите кои што ги има направено Артан Груби за носење на одлуки и давање на лиценци на фирми во кои што во Управните и Надзорните одбори членуваат луѓе од кабинетот вицепремиерот Груби. Ова е приватизација на игрите на среќа и ДУИ за жал, од партија која што се брендираше во Зелена партија, почна да станува партија коцкарите и казината. Ова е уште еден неевропски потег на таканаречената Коалиција за Европа за што реагираше и Претседателот на Австрија, кој што дојде тука во Македонија и кажа дека злоупотребата на европското знаменце за игрите на среќа е против европската регулатива и странските инвестиции кои што Австрија ги има во овој сектор. Затоа сметаме дека ваквото однесување е неприфатливо без разлика што на вицепремиерот Груби му се брза да ги покрие незаконитите одлуки кои што веќе ги потпишал. Ќе повторам, три одлуки потпишал за нови онлајн лотарии и една одлука за нова видеолотарија, рече Милошоски.

Текстот Милошоски: ДУИ ги приватизира игрите на среќа е превземен од А1он.

Пратеничката од редовите на ВМРО-ДПМНЕ, Рашела Мизрахи, која е претседател на Анкетната комисија за случајот во ЈЗУ Универзитетска клиника за радиотерапија и онкологија, во изјава за медиумите најави дека првата седница на комисијата ќе биде закажана за утре. Таа порача дека како претседател на Анкетната комисија ќе ги заложи сите свои знаења, умеење, труд и со сите останати колеги од комисијата како и новинарите, за да се извади вистината на виделина.

– Во текот на вчерашниот ден беше изгласана одлука за избор на членови и заменици членови на комисијата, а денеска предмалку, официјално од страна на Генералниот секретар се назначени и собраниските соработници и службеници кои ќе бидат дел од оваа Анкетна комисија, со што целосно се исполнија условите за почеток со работа на оваа Анкетна комисија, изјави Мизрахи.

Таа исто така информираше дека согласно одлуката, комисијата ќе биде надлежна за утврдување на хронологијата на настаните и околностите во ЈЗУ Универзитетска клиника за радиотерапија и онкологија, дали со скандалот се загрозени основите човекови права на пациентите коишто се лекувале, политичката одговорност, како и изготвување заклучоци и препораки кои ќе имаат за цел да поведат постапка за утврдување на одговорност на носителите на јавните функции и спречување понатамошна злоупотреба, но и системски подобрувања на дефектите во таа клиника и целокупниот здравствен систем.

На новинарското прашање дали доколку се потврди политичка одговорност, ќе се бара и друг вид на одговорност од страна на Анкетната комисија и дали во комисијата ќе бидат инволвирани сегашни и поранешни директори на онкологија како и други функционери, Мизрахи рече дека сите релевантни институции функционери секако ќе бидат повикани на разговор доколку одлучи комисијата такво нешто.

Текстот Мизрахи: Првата седница на Анкетната комисија за Оонкологија закажана за утре е превземен од А1он.

На првата нова пленарна седница ќе биде ставена на дневен ред интерпелацијата за јавниот обвинител Љубомир Јовески поднесена од пратениците на Беса, Демократско движење и Алтернатива.

Од Кабинетот на претседателот на Собранието Талат Џафери информираат дека одговорот на Јовески пристигнал до законодавниот дом во рокот даден во Деловникот односно вчера попладне по пошта, така што тој денеска се дистрибуира до пратениците, а интерпелацијата ќе се најде на дневен ред на првата наредна нова седница.

– Одговорот од страна на јавниот обвинител е доставен на време. И во моментот службата работи на тоа, и за кратко време ќе го добијат сите пратеници. Според наведените членови од Деловникот, интерпелацијата ќе биде на првата наредна ова седница. Претседателот на Собранието ги почитива сите рокови и постапува по Деловникот, информираат од Кабинетот на претседателот на Собранието.

Јавниот обвинител, како што наведуваат, ја примил интерпелацијата на 18 септември Треба да се достави одговор во рок од 15 дена од денот на приемот, односно до 2 октомври.

Врз основа на членовите 46 и 47 од Деловникот јавниот обвинител има право да поднесе писмен одговор најдоцна во рок од 15 дена од денот на приемот на интерпелацијата, односно до 02.10.2023 година. Ако Јавниот обвинител достави одговор интерпелацијата се става на дневен ред на седница на Собрание по истекот на 15 дена од добиениот одговор. Ако Јавниот обвинител не достави одговор до 02.10.2023 година интерпелацијата се става на дневен ред на првата наредна седница на Собранието, односно по 02.10.2023 година.

Пратениците од опозициските партии на Албанците кои ја поднесоа интерпелацијата денеска на прес-конференција обвинија дека претседателот на Собранието Талат Џафери не ја ставил во предвидениот рок точката за интерпелација на Јовески.

-Нашето основано сомнение е дека тој имал улога во поинакво насочување на судскиот процес што се водел во врска со пожарот на модуларната болница во Тетово, при што загинаа 14 пациенти, рекоа претставниците на Алтернатива, Беса и Демократско движење.

Текстот За интерпелацијата за Јовески ќе се расправа на првата нова собраниска седница е превземен од А1он.

Не само да се казни, треба да се затвори, ова е рекција на др Пановски, чие име и лик беа злоупотребени при рекламирање и продажба на чаеви на социјалните мрежи. Случај за кој обвинителството денес информираше дека е поднесена кривична пријавс за фирмата и директорот, но предлогот е да се казнат парично.

“Фирма која лаже граѓани и им продава чаеви, лажно тврдејќи дека ги препорачуваат лекари не треба да се казни само парично, туку треба да и се забрани да работи” вели за А1он др Пановски.

Фирмата без согласност на тројца оштетени лекари, ги користела нивните лични податоци – слика, име и презиме за он-лајн продажба на два производа.

Личните податоци на тројца од оштетените лекари биле злоупотребени како тие со својот професионален авторитет да ги рекламираат и препорачуваат чаевите Паразол (Parazol) и Хипертеа (Hypertea), кои на територијата на државава ги увезувала фирмата.

Лажните интервјуа и постови, биле и споделувани на повеќе веб страници и социјални мрежи, со здравствени тврдења и лажни медицински препораки за овие производи.

Обвинител му предложи на Судот да ги огласи за виновни и одговорното лице да го казни со единствена парична казна од 70 дневни глоби со висина на дневната глоба од 30 евра во денарска противвредност, а правното лице да го казни со единствена казна од 300.000 денари.

Според Пановски оваа сума тие ја заработуваат речиси за еден ден, и се испраќа лоша порака дека сите можат да си лажат, злоупотребат лекари и нивниот авторитет, а ќе си платат смешна сума ако ги откријат.

“Јас ќе поднесам секако и граѓанска тужба со која ќе барам оштета и тоа многу поголема сума, а се со цел да се упати порака дека неможе да се злоупотребува ничие име за профит, посебно не за рекламирање на производи за здравје и да се лажат граѓаните”, вели Пановски за А1он.

Обвинителството вели дека секој од тројцата оштетените лекари ќе има можност во граѓанска постапка да си го оствари своето имотно-правно побарување за нанесената штета со злоупотребата на личните податоци.

Текстот Пановски: Фирма која лаже граѓани за здравје треба да се затвори е превземен од А1он.

Околу 40 минути по полноќ избувна пожар во дворот на компанијата „Драва интернешнл“ во осиекската населба Бријест. Пластична маса и амбалажа гори, извести полицијата. Густ чад се ширел со километри.

Околу 180 пожарникари и 82 возила го гаснат пожарот.Според последните информации повредени се тројца пожарникари, од кои еден потешко.

Еден пожарникар при гаснење на пожарот паднал во шахта со врела пластика и со сериозни изгореници и повреди итно бил пренесен во КБЦ Осиек, каде во моментов му е укажана помош, пренесува Јутарњи.

„Ситуацијата е ужасна. Гори повеќе од 10 хектари пластика и стигна до ѕидовите на фабриката. Во моментов ги отстрануваме сите запаливи и експлозивни предмети за да спречиме пожарот да се прошири и на таа зграда. За жал, еден објект веќе се запали. Не можевме да го спасиме. Температурата што се создава е неверојатна, едноставно кажано ужасна, не можеш да се приближиш ни на 30 метри затоа што опремата ни се топи. Хидрантската мрежа во рамки на фабриката остана без вода, па малку по малку остануваме без вода во клучни моменти, а и да имавме вода ќе беше многу тешко да се изгасне пожарот. Засега сите сме живи и здрави, но ова е пекол. Друг збор нема. Вакво нешто досега не сум видел“, вели за Глас Славонија Борис Бањан, заменик командир на Јавната противпожарна станица Осиек.

За степенот на проблемот предизвикан од пожарот во Драва Интернационал говорат и видеата од местото на пожарот на кои се гледа како пластика тече низ каналите зад новиот фабрички хангар.

Дел од него најверојатно ќе заврши во почвата, или подземните води, што може да предизвика дополнително загадување и загадување. Очевидци ни го потврдија префектот Иван Анушиќ дека во близина на огнот има големи количества пластика измешана со земја.

Текстот (ВИДЕО) Страшни снимки од Осиек: Пластика тече низ каналите е превземен од А1он.

Нов сегмент на фестивалот е ЕПИК – проект за промоција на мирот преку креативност кај младите, поддржан од Министерство за надворешни работи и меѓународна соработка на Италија

Скопје, 4 октомври: Повеќе од 550 учесници од девет земји од утре ќе бидат дел од 11. издание на Филмскиот фестивал за млади „Џифони Македонија“ во Скопје. На добро познатите локации – Младинскиот културен центар, Кинотеката на Македонија и киното „Милениум“ до 10 октомври џифонци ќе гледаат филмови, ќе дискутираат, ќе учествуваат на креативни работилници. Фестивалот ќе биде отворен утревечер (5 октомври) во 19.30 часот во киното „Милениум“, со прикажување на филмот „Вратената“ (L’Arminuta) во режија на Џузепе Бонито, снимен според истоимениот роман на Донатела ди Пјерантонио. На отворањето ќе се обрати амбасадорот на Италија во Скопје, Н.Е. Андреа Силвестри.
На прес-конференцијата што се одржа денеска, Дарко Башески, директор на фестивалот и Деа Крстевска, програмски директор, го споделија задоволството што интересот за фестивалот е сѐ поголем.

Годинава, освен од нашата земја, на фестивалот се очекуваат 40 учесници од: Италија, Србија, Косово, Босна, Грција, Бугарија, Романија и од Франција.
Петнаесет долгометражни филмови во официјална конкуренција поместени во три категории, односно кадети (6 до 9 одделение), јуниори (I и II средно) и сениори (III и IV). Ќе проследат 35 краткометражни и анимирани филмови.

-Годинава имаме 40-ина учесници од странство. Ние би сакале тој број да биде и поголем и се обидуваме да ги поттикнеме семејствата од Македонија да ги отворат своите домови за децата од странство. Не е секогаш едноставно, зашто не секој имал такво искуство. Годинава прв пат тоа го правиме и со основците и можам да кажам дека изненадувачки е колку имавме убав одек при повикот. Родителите на основците беа одушевени од можноста и се надевам дека наредните години ќе можеме тој број и да го дуплираме. Учесници и од далечни земји, како Бразил и Индија сакаат да дојдат кај нас, слушнале за „Џифони Македонија“, имаме многу побарувања од странски фестивали да дојдат кај нас, но мораме прво да имаме доволно семејства. Ова нека биде и апел за семејствата кои годинава се двоумеле, но в година да се осмелат и да примат дете во својот дом – истакна Крстевска.

Ние сакаме да пречекаме што е можно повеќе учесници, меѓутоа и киносалите ни се со ограничен капацитет, истакна Башески.

-Како здружение, повремено организираме и други проекти. „Џифони патува“ веќе помина 25 општини, а за жал, годинава тој проект не беше поддржан. Имавме уште една активност што ја почнавме минатата година, „Џифони филмски денови“, со идеја да ги вратиме децата во киносалите, по паузата за време на пандемијата. Одржавме такви 10 настани. Сакам да напоменам дека сите активности што ги организира нашето здружение се комплетно бесплатни за сите млади. Сите се добредојдени да уживаат – истакна Башески.

Од филмовите што ќе бидат прикажани во рамките на фестивалот, учесниците ќе можат да се запознаат и да учествуваат на дискусиите со режисерката Дина Дума (кај сениорите), рускиот режисер Олег Асадулин (кај јуниорите) и српската актерка Миона Илов (кај кадетите).
Ќе бидат реализирани девет работилници – 3 за јуниори и 6 за кадети и сениори.

Програмата на фестивалот годинава е збогатена со нов сегмент наречен ЕПИК (EPYC – Enhancing Peace through Youth Creativity). Станува збор за проектот за промоција на мирот преку креативност кај младите (EPYC – Enhancing Peace through Youth Creativity), поддржан од италијанското Министерство за надворешни работи и меѓународна соработка во рамките на програмата која има за цел да придонесе за стабилизацијата во регионот и за поддршка на процесите за пристап кон ЕУ.

ЕПИК предвидува серија активности, особено во рамките на 11. издание на „Џифони Македонија“, насочени кон промовирање на мирот, европските вредности и човековите права, преку филм, уметност и култура и активно вклучување на младите во создавањето на филмски и уметнички остварувања кои имаат моќ да пренесат пораки за мир наменети за младата публика.

Во рамките на ЕПИК ќе бидат прикажани 17 краткометражни филмови што ќе се натпреваруваат за три награди. Ќе бидат организирани две панел дискусии на тема ЕПИК со претставници од филмски фестивали за деца од регионот, а во понеделник ќе биде прикажан и грчко-италијанскиот документарен филм „Учениците од Умберто Примо“.

Дел од програмата ќе бидат и две презентации на нови кратки филмови од млади автори од Македонија, „Метаморфозис“ ќе одржи презентација на тема медиумска писменост, а ќе се реализира и средба со основачите на брендот Filmthusiast. Крстевска истакна дека како фестивал, „Џифони Македонија“ индиректно им помага на младите да дознаат со какви сѐ професии можат да се занимаваат, преку успешни примери од луже кои се осмелиле да го следат својот сон.

– Сакаме да им покажеме на децата што се во публика дека нема невозможни професии, дека сѐ што ги интересира, необична работа што ним им претставува задоволство, може да им стане професија. Дека во креативната индустрија има мал милион работи со кои можат да се занимаваат. На пример, сите тие луѓе што работат на филмовите, чии имиња ги гледаме на завршните кајрони на филмовите, тоа се сѐ убави професии. Иако можеби на родителите не им изгледаат како посакувана иднина за нивното дете. Честопати имаме примери на деца кои велат – моите родители сакаат да студирам право, а јас сакам филм. На „Џифони“ дознаваат дека тоа е возможно.

Фестивалот ќе биде затворен на 10 октомври во киното „Милениум“ кога ќе бидат прогласени победничките филмови во сите натпреварувачки категории, а ќе бидат доделени и наградите од конкурсот ЕПИК. Ќе бидат прикажани творбите и сценските изведби подготвени од учесниците на креативните работилници.

Фестивалот „Џифони Македонија“ е поддржан од: Џифони Експириенс, Агенција за филм, италијанското Министерство за надворешни работи и меѓународна соработка, како и од Град Скопје, МКЦ, Кинотека на Македонија, Амбасадата на Италија во Скопје и бројни институционални и приватни поддржувачи.

Текстот Повеќе од 550 учесници од девет земји на 11. Филмски фестивал за млади „Џифони Македонија“ е превземен од А1он.

Основното јавно обвинителство Скопје до надлежниот суд поднесе Предлог за издавање казнен налог против едно физичко и едно правно лице, кои се обвинети за три кривични дела – Злоупотреба на лични податоци од член 149 од Кривичниот законик.

Обвинетиот 34-годишник, како одговорно лице во правното лице, во периодот од ноември 2022 до април 2023 година, спротивно на условите утврдени во член 10 и член 96 од Законот за заштита на лични податоци, без согласност на тројца оштетени лекари, ги користел нивните лични податоци – слика, име и презиме за он-лајн продажба на два производа.

Личните податоци на секој од оштетените лекари биле злоупотребени како тие со својот професионален авторитет да ги рекламираат и препорачуваат чаевите Паразол (Parazol) и Хипертеа (Hypertea), кои на територијата на државава ги увезувало и дистрибуирало обвинетото правно лице.

Лажните интервјуа и постови, преземани и споделувани на повеќе веб страници и социјални мрежи, со здравствени тврдења и лажни медицински препораки за овие производи кои оштетените никогаш не ги дале, обвинетиот ги искористил за незаконита обработка на личните податоци и директен маркетинг.

Надлежниот јавен обвинител му предложи на Судот да ги огласи за виновни и одговорното лице да го казни со единствена парична казна од 70 дневни глоби со висина на дневната глоба од 30 евра во денарска противвредност, а правното лице да го казни со единствена казна од 300.000 денари. Согласно предлогот на обвинителството, обвинетите по пресудата ќе треба да ги надоместат трошоците на постапката, а секој од оштетените лекари ќе има можност во граѓанска постапка да си го оствари своето имотно-правно побарување за нанесената штета со злоупотребата на личните податоци.

Текстот Си рекламирале чаеви лажно користејќи имиња на лекари – Кривична за фирма и директорот е превземен од А1он.

Предлог-законот за помилување е доставен во владина процедура, соопшти денеска Министерството за правда.

Меѓу клучните новини содржани во овој Предлог-закон, како што информира Министерството за правда е прашањето за правото на претседателот да помилува лица од казна и од кривично гонење.

Ова, како што се наведува, беше едно од најекспонираните прашања за што работната група застана зад решението согласно кое претседателот може да даде помилување само за казна, а не и за кривично гонење на поименично определени лица.

– Мошне значајни се и решенијата со кои е детално разработена постапката за помилување, каде се предвидени кратки рокови за секоја од институциите кои се вклучени во постапката за помилување. Притоа, тука се значајни и конретните одредби за одговорност на лицата кои постапуваат по предметите, но и на нивните претпоставени, се вели во соопштението.

Од ресорното Министерството потсетуваат дека минатата година беше формирана работна група составена од претставници од релевантните институции од правосудството, како и претставници од Кабинетот на претседателот на Република Северна Македонија и од научната фела.

– При изготвувањето на законот беа разгледани повеќе компаративни искуства од кои посебно се значајни решенијата содржани во правните системи во државите членки на Европската Унија и од оние држави со кои имаме слични правни системи, стои во соопштението.

Причините за донесување на Законот за помилување, како што се наведува, пред се произлегуваат од недостатоците и правните празнини во постојниот закон кои беа лоцирани во неговата практична примена, како и од потребата за попрецизно нормирање на одредени прашања кои се предлага да бидат регулирани со новиот Закон.

Постојниот Закон за помилување беше донесен во 1993 и претрпе бројни измени и дополнувања, а одредени одредби беа укинати од страна на Уставниот суд.

Текстот Предлог-законот за помилување е доставен во владина процедура е превземен од А1он.

Штрајкот во обвинителствата ќе продолжи понатаму, соопшти денеска претседателот на Синдикатот на работниците од управата, правосудните органи и здруженијата на граѓани (УПОЗ) Трпе Деаноски, на прес-конференција пред Основното јавно обвинителство.

Тој ја поздрави вчерашната одлука од седницата на Влада, каде се формираше работна група за преговори составена од министрите за финансии, за информатичко општество и администрација, и за правда, вицепремиерот за економски прашања и претставници на Синдикатот на УПОЗ, како репрезентативен синдикат, на која што ќе се решава за барањата за покачување на платата за 78 отсто и враќање на додатоците на плата.

Се очекува оваа работна група да почне со работа во рок од седум дена, како што е наведено во информацијата на Влада.

-Само сакаме да ги известиме дека првата средба ќе бараме дефинирање на рокови. Таа работна група да ја заврши работата во најдолг рок од 10 работни дена. Доколку не се договориме и не ги прифатат нашите услови штрајкот ќе продолжи на поригорозен начин и нема да се работат никакви работни задачи во обвинителството, дециден беше Деаноски.

Доколку не се договорат за време на предвидените рокови, на штрајкот ќе се приклучат и вработените во судовите и правобранителството, што би значело дека целото правосудство нема да извршува никакви работни задачи.

-Очекуваме од страна на министрите да имаме плодни разговори и плодни преговори и во најбрз можен рок да најдеме начин и решавање на нашите барања. Доколку не најдеме, како што кажав, прекинуваме со работа, ќе блокираме и други институции, штрајкот ќе станува од ден на ден се поригорозен, а имаме најави дека на овој штрајк ќе се приклучуваат и други државни органи, рече Деаноски.

Претседателката на Синдикална организација при јавни обвинителства при Синдикатот на УПОЗ, Изабела Илиева кажа дека нема да отстапат од нивните барања за покачување на платата за 78 отсто и 35 отсто за додатоците на плата, а веќе побарале од министерот за правда со итна постапка да се донесе законот за јавно обвинителска служба, за кој, како што вели, треба заеднички да преговараат, бидејќи со него се регулира висината на платата, како и додатоците на плата.

-Доколку мислат дека ќе почнеме да се пазариме за 5 и 10 отсто покачување на плата воопшто да не почнуваме. Барањата ни се 78 отсто со 35 отсто додатоци, сериозно нека си го сфатат тоа, нема да попуштиме и поради тоа да не се залажуваат, да не го влечат времето. Најмногу 10 дена даваме за преговори. Доколку ништо од тоа не биде штрајкот ќе биде уште поригорозен, рече Илиева.

Текстот Штрајкот во обвинителствата продолжува – работната група ќе има рок од 10 дена за постигнување на договор е превземен од А1он.

Поминаа 15 дена, а претседателот на Собранието, Талат Џафери, не закажа пленарна седница за интерпелацијата за обвинителот Љубомир Јовески која ја поднесовме поради нашето основано сомнение дека тој имал улога во поинакво насочување на судскиот процес што се водел во врска со пожарот на модуларната болница во Тетово, при што загинаа 14 пациенти велат претставниците на Алтернатива, Беса и Демократско движење.

– Тоа ни дава за право да се сомневаме дека има нешто меѓу него и Љубомир Јовески, можеби е поврзано со некоја коруптивна афера, бидејќи претседателот на Собранието го штити јавниот обвинител дури и со кршење на Деловникот на Собранието на РСМ. Со што го уценува јавниот обвинител претседателот на Собранието или некој друг од неговата партија, тоа треба да го објаснат тие, но дека г. Џафери го брани Љубомир Јовески, кој во јавноста се гледа како главен виновник за поинакво насочување на судскиот процес за модуларната болница во Тетово, за ова веќе нема сомнение. Доколку не ја стави на дневен ред оваа интерпелација и не се произнесе зошто го крши Деловникот на Собранието, со што му прави директна услуга на Љубомир Јовески, ние имаме право да се сомневаме дека заробената држава е подлабока од Јавното обвинителство. Камбаната бие и за претседателот на Собранието, рекоа на прес конференцијата во собранието од албанската опозиција.

Додаваат и дека за оваа интерпелација, не ги поддржале ниту пратениците на Алијансата за Албанците, ниту тие од ДУИ и по нивниот повик да им дадат јавна поддршка.

Текстот Талат Џафери, ДУИ и Алијанса го спасуваат Љубомир Јовески од интерпелација тврди албанската опозиција е превземен од А1он.

Се уште молчат Владата и Артан Груби, молчи и директорот на Државна Лотарија, Перпарим Бајрами, шефот на кабинет на Груби всушност за скандалот, можноста Македонија да биде 15 години партнер со најголемиот бугарски мафијаш, притворен, човек со докази за контакти со Пригожин, човекот на Путин според бугарскиот обвинител, партнер, Македонија да ја направат партнер со човек од црната листа на САД заради криминал, корупција, подмитување министри и функционери за да му минуваат законите за коцкање во Бугарија вели портпаролот на ВМРО-ДПМНЕ Наум Стоилковски.

По две години неуспешни обиди да го сменат законот за игри на среќа, Груби со владин потпис одобрува на Државна лотарија, каде директор е негов личен шеф на кабинет, човек од доверба, за три нови лиценци фирми за коцкање, фирми во ортаклук со Македонија. Лотарија на Македонија објавува оглас на 11 септември со важење до 23 октомври. И во тој оглас се прави фоторобот на посакуваната коцкарница- да е странска, присутна на Балканот, да работи 8 години, да направила огромен капитал од онлајн коцкање. Се на се убаво скоцкан оглас. Тој и дури 58 негови фирми поврзани со него од 2021 година се на црната листа на САД. Како најпознати коцкарници на интернет се 7777.бг односно 8888.бг и од 2021 година одат во рацете на друг се верува близок на Божков според пишувањето на бугарските медиуми кој избега во Дубаи. Ова е информација од Декември 2021 година, додека сега годинава, летово кога се враќа назад и е во притвор во Бугарија тој ги презема повторно фирмите, ова е информација 9 Август 2023 година веројатно по системот на Ковачевски и Заев, чувари на фотелји, рече Стоилковски на прес конфереенција.

Текстот Стоилковски: Јавен интерес е одговорот дали веќе е склучен договор Македонија да е партнер со бугаринот Васил Божков е превземен од А1он.

Родителите на ученици од десет училишта од Општина Гази Баба испратија писмо до министерот за образование и наука Јетон Шакири, во кое му порачаа дека ќе ги блокираат автопатот и регионалниот пат ако не се реши проблемот со десет ученици Албанци кои не сакале да користат обезбеден превоз до Огњанци за да учат на својот мајчин јазик.

„Ние жителите од Јурумлери, Колонија, Идризово, Дрма, Гоце Делчев, Трубарево и цела Гази Баба живееме сложно со нашите сограѓани албанци, роми, срби, турци, власи и сите останати. Помеѓу нас пред се како соседи, а дел од нас се и роднински поврзани како кумови, старосвати владее соживот и на различностите поради нашата вероисповест гледаме како на предизвик за запознавање на нешто туѓо, а не како пречка за заеднички комшиски живот.

Учењето во ООУ Његош е овозможено за сите дечиња од нашиот крај. Наставата во одделенската настава се врши на македонски и албански јазик како што е опишано и со Статутот на нашето училиште, а додека за предметната настава учењето на македонски јазик се одвива во ООУ Његош, додека учењето на албански јазик се врши во соседното училиште во Огњанци за што општина Гази Баба обезбедува бесплатен превоз за дечињата кој организирано ги зема од своите домови до училиштето и назад од училиштето до својот дом со што тезите дека се врши дискриминација за настава на својот мајчин јазик не држат вода.

305 ученици посетуваат настава на македонски јазик во ООУ Његош и во одделенска и во предметна настава, Вие дозволивте да се создаде ваков проблем со целосен бојкот на наставата повеќе од 10 дена за 10 ученици албанци во шесто одделение кои повеќе не сакале да користат бесплатен превоз и да посетуваат настава во Огњанци.

Ја користиме и оваа јавна можност да го повикаме претседателот на Владата г-дин Димитар Ковачевски да посвети внимание на нашиот проблем и се надеваме дека тој нема по стапките на неговиот Министер да завземе страна туку ќе биде над целата состојба со цел изнаоѓање на решение.

Денес во 17:30 часот излегуваме на голем протест пред зградата на училиштето Његош и ова е нашиот последен протест тука. По завршување на протестот ќе оддржиме состанок на кој ќе ги утврдиме следните активности кои ќе одат во насока на наша радикализација со блокирање на автопатот, регионалниот пат и клучни раскрсници низ Скопје, а не ја исклучуваме и можноста за поставување на шатори пред зградата на Министерството за образование и наука.

Господине Јетон Шакири, нема да дозволиме нашите деца да бидат експрименти во Вашите раце.

Господине Јетон Шакири, Вие си поигравте со нас како родители, ја злоупотребивте наша доверба и не излажавте дека не ги познавате луѓето кои ги подгреваат тензиите за потоа да се објавуваат фотографии од неформални средби по рестораните низ Скопје.

Господине Јетон Шакири немојте поради Вашите партиски интереси да ја воведувате цела Гази Баба во бојкот. Не си поигрувајте со нашите чувства, кога во прашање се нашите деца“, се вели во писмото до министерот Шаќири.

Зад ова писмо стојат родители на ученици од:

ООУ Његош, населено место Јурумлери

ООУ Крум Тошев, населено место Трубарево

ООУ Крсте Мисирков, населено место Ченто

ООУ Дане Крапчев, населено место Ченто

ООУ Кирил и Методиј, населено место Стајковци

ООУ Наум Охридски, населено место Булачани

ООУ Стив Наумов, населба Автокоманда

ООУ Григор Прличев, населба Железара

ООУ Вера Јоциќ, населба Хиподром

ООУ Наум Наумовски Борче, населба Маџари

Текстот Родителите од Гази Баба до Шакири: Ќе го блокираме автопатот, регионалниот пат, а ќе поставиме и шатори пред МОН е превземен од А1он.

Американската амбасадорка Анџела Агелер во врска со предложенииот закон за амнестија денеска изјави дека за САД и Американската амбасада е важно ваквите процеси да се одвиваат транспарентно и да бидат легални.

Таа одговарајќи на новинарско прашање при посетата на селото Радово по повод пуштање во употреба на предучилишен едукативен центар во Босилево, преку програма на УСАИД, нагласи дека е запознаена оти законот е влезен во собраниска процедура, но дека не е ја знае неговата содржина и додаде дека е важно политичките лидери да ја запознаат јавноста со потребата од негово носење.

-Граѓаните во земјата треба да разберат што се случува и зошто тоа се случува и нивните избрани лидери да комуницираат со нив зошто тоа е важно. Ова не е прв закон за амнестија, секако нема да биде последен и ние одблизу го следиме процесот за да го видиме крајниот резултат, рече Агелер.

Кабинетот на претседателот на Парламентот вчера информира дека законот веќе е доставен до пратениците и е предложен да се носи по скратена постапка.

Премиерот Димитар Ковачевски вчера дециден дека законот не е правен за личности, туку за дела од помал обем со намера за релаксирање на пренатрупаните капацитети, а од опозицијата остануваат на ставот дека со законот се опфатени „озлогласени криминалци“.

Текстот Агелер: Ова не е прв закон за амнестија, нема да биде ни последен, важно е да им се објасни на граѓаните е превземен од А1он.